ಶೀಘ್ರದಲ್ಲೇ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ ಗೋವಿನ ಸಗಣಿಯಿಂದ ತಯಾರಾದ ‘ವೇದಿಕ್ ಪೈಂಟ್’

ನವದೆಹಲಿ: ಗ್ರಾಮೀಣ ಆರ್ಥಿಕತೆಗೆ ಉತ್ತೇಜನ ನೀಡುವ ಸಲುವಾಗಿ ಖಾದಿ ಮತ್ತು ಗ್ರಾಮೋದ್ಯೋಗ ಆಯೋಗದ ಮೂಲಕ ಗೋವಿನ ಸಗಣಿಯಿಂದ ತಯಾರಿಸಿದ ಹೊಸ ಬಣ್ಣ (Paint) ಒಂದನ್ನು ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ದಿಮೆಗಳ ಸಚಿವ ನಿತಿನ್ ಗಡ್ಕರಿ ಪರಿಚಯಿಸಿದ್ದಾರೆ. ಇದರಿಂದ ರೈತರಿಗೆ ಹೆಚ್ಚಿನ ಆದಾಯ ಸಿಗುವ ಆಶಯವನ್ನು ಗಡ್ಕರಿ ವ್ಯಕ್ತಪಡಿಸಿದ್ದಾರೆ.

ಗೋವಿನ ಸಗಣಿಯಿಂದ ತಯಾರಾದ ಬಣ್ಣಕ್ಕೆ Vedic Paint ಎಂದು ಹೆಸರಿಡಲಾಗಿದೆ. ಹೊಸ ಬಣ್ಣವು ಶೀಘ್ರದಲ್ಲೇ ಮಾರುಕಟ್ಟೆಗೆ ಪ್ರವೇಶಿಸಲಿದೆ. ‘ವೇದಿಕ್ ಪೈಂಟ್’ ಡಿಸ್ಟಂಪರ್ ಹಾಗೂ ಎಮಲ್ಶನ್ ರೂಪದಲ್ಲಿ ಬರಲಿದೆ. ಪರಿಸರ ಸ್ನೇಹಿಯಾಗಿರುವ ಈ ಬಣ್ಣವು ವಿಷ, ಬ್ಯಾಕ್ಟೀರಿಯಾ, ಫಂಗಸ್ ರಹಿತವಾಗಿದೆ. ಗೋಡೆಗೆ ಬಳಿದ ನಾಲ್ಕು ತಾಸುಗಳಲ್ಲಿ ಒಣಗುವ ಸಾಮರ್ಥ್ಯ ಹೊಂದಿರಲಿದೆ. ಇದರಿಂದ ದೇಶದ ರೈತರಿಗೆ 55 ಸಾವಿರ ಕೋಟಿ ರೂಪಾಯಿ ಹೆಚ್ಚುವರಿ ಲಾಭ ಬರುವ ನಿರೀಕ್ಷೆ ಇದೆ.

ग्रामीण इकोनॉमी को बल मिले और किसानों को अतिरिक्त आमदनी हो इसलिए Khadi and Village Industries Commission के माध्यम से हम जल्द ही गाय के गोबर से बना ‘वैदिक पेन्ट' लॅान्च करने वाले हैं। @ChairmanKvic pic.twitter.com/zhQpa3Es5i

— Nitin Gadkari (@nitin_gadkari) December 17, 2020

TV9 Facebook Live | ಗೋಹತ್ಯೆ ನಿಷೇಧದಿಂದ ರೈತರಿಗೆ ಲಾಭವಾಗುವುದೇ?

Published On - 5:19 pm, Sat, 19 December 20