SBI Internet Banking: ಇಂದು 3 ತಾಸು ಸ್ಥಗಿತಗೊಳ್ಳಲಿರುವ ಎಸ್​ಬಿಐ ಇಂಟರ್​ನೆಟ್​​ ಬ್ಯಾಂಕಿಂಗ್​, ಯೊನೊ ಆ್ಯಪ್​ ಸೇವೆಗಳು; ಸಮಯ ಹೀಗಿದೆ ನೋಡಿ

ಇಂಟರ್​ನೆಟ್​ ಬ್ಯಾಂಕಿಂಗ್ (Internet Banking Services)​ ಸೇವೆಗಳಾದ ಯೊನೊ (Yono), ಯೊನೊ ಲೈಟ್ (Yono Lite)​, ಯೊನೊ ಬಿಜಿನೆಸ್ (Yono Business)​, ಐಎಂಪಿಎಸ್ (IMPS)​ ಮತ್ತು ಯುಪಿಐ (UPI)ಗಳು ಇಂದು ಸುಮಾರು ಮೂರು ತಾಸುಗಳ ಕಾಲ ಸ್ಥಗಿತಗೊಳ್ಳಲಿವೆ ಅಥವಾ ಅವುಗಳ ಕಾರ್ಯದಲ್ಲಿ ಅಡಚಣೆಯಾಗಲಿದೆ ಎಂದು ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾ (State Bank Of India) ಟ್ವೀಟ್ ಮಾಡುವ ಮೂಲಕ ಗ್ರಾಹಕರಿಗೆ ತಿಳಿಸಿದೆ. ಸೆಪ್ಟೆಂಬರ್​ 4ರ ರಾತ್ರಿ 10.30ಯಿಂದ ರಾತ್ರಿ 1.30 (ಸೆಪ್ಟೆಂಬರ್​ 5)ರವರೆಗೆ ಯೊನೊ, ಯೊನೊ ಲೈಟ್​, ಯೊನೊ, ಯೊನೊ ಲೈಟ್​, ಯೊನೊ ಬಿಜಿನೆಸ್​, ಐಎಂಪಿಎಸ್​ ಮತ್ತು ಯುಪಿಐಗಳಿಗೆ ಸಂಬಂಧಪ್ಟ ನಿರ್ವಹಣಾ ಕೆಲಸ ಇರುವುದರಿಂದ ಈ ಅಡಚಣೆ ಉಂಟಾಗಲಿದೆ ಎಂದು ಎಸ್​​ಬಿಐ ಮಾಹಿತಿ ನೀಡಿದೆ. ಹಾಗೇ ಅನಾನುಕೂಲತೆಗಾಗಿ ಕ್ಷಮೆಯನ್ನೂ ಕೇಳಿದೆ.

We request our esteemed customers to bear with us as we strive to provide a better banking experience.#InternetBanking #YONOSBI #YONO #ImportantNotice pic.twitter.com/GXu3UCTSCu

— State Bank of India (@TheOfficialSBI) September 3, 2021

ಬ್ಯಾಂಕ್​ಗಳು ಕೆಲವು ನಿರ್ವಹಣಾ ಕೆಲಸ ಮತ್ತು ತಮ್ಮ ಸೇವೆಗಳಲ್ಲಿ ಏನಾದರೂ ಅಪ್​ಗ್ರೇಡ್ ಮಾಡಿಕೊಳ್ಳುವ ಕಾರ್ಯ ಇದ್ದಾಗ ಹೀಗೆ ನೆಟ್​ಬ್ಯಾಂಕಿಂಗ್​, ಎಟಿಎಂ ವ್ಯವಸ್ಥೆಗಳನ್ನು ಸ್ಥಗಿತಗೊಳಿಸಿಕೊಳ್ಳುತ್ತವೆ. ಹಾಗೇ, ಇದೀಗ ಎಸ್​ಬಿಐ ಕೂಡ ತನ್ನ ಡಿಜಿಟಲ್​ ಬ್ಯಾಂಕಿಂಗ್​ ಸೇವೆಗಳ ನಿರ್ವಹಣೆಗಾಗಿ ಇಂದು ರಾತ್ರಿ 10.30ರಿಂದ ಮೂರು ತಾಸು ಸ್ಥಗಿತಗೊಳಿಸಲಿದೆ. ದೇಶದ ಅತ್ಯಂತ ದೊಡ್ಡ ಬ್ಯಾಂಕ್​ ಆಗಿರುವ ಎಸ್​ಬಿಐ 85 ಮಿಲಿಯನ್​ಗೂ ಅಧಿಕ ಇಂಟರ್​ನೆಟ್​ ಬ್ಯಾಂಕಿಂಗ್​ ಬಳಕೆದಾರರನ್ನು ಹೊಂದಿದೆ. ಹಾಗೇ, ಮೊಬೈಲ್​ ಬ್ಯಾಂಕಿಂಗ್​ ಬಳಕೆದಾರರು 19 ಮಿಲಿಯನ್​ಗೂ ಹೆಚ್ಚಿನ ಜನರಿದ್ದಾರೆ. ಇದರ ಯೊನೊ ಆ್ಯಪ್​​ನಲ್ಲಿ 34.5 ಮಿಲಿಯನ್​ ಜನರು ರಿಜಿಸ್ಟರ್​ ಮಾಡಿಕೊಂಡಿದ್ದಾರೆ. ಏನಿಲ್ಲವೆಂದರೂ ದಿನಕ್ಕೆ 9 ಮಿಲಿಯನ್​ ಜನರು ಲಾಗಿನ್ ಆಗುತ್ತಾರೆ.

ಇದನ್ನೂ ಓದಿ: ಕರ್ನಾಟಕ ಭೂ ಕಂದಾಯ ಕಾಯಿದೆಯಡಿ ಆದಾಯ ಮಿತಿಗೆ ತಿದ್ದುಪಡಿ ತರಲು ಗೃಹ ಸಚಿವ ಆರಗ ಜ್ಞಾನೇಂದ್ರ ಮನವಿ

ಬೆಳಗಾವಿಯಲ್ಲಿ ಬಿಜೆಪಿ ಶಾಸಕನ ಹುಟ್ಟು ಹಬ್ಬದ ವಿಡಿಯೋ ವೈರಲ್; ಹೂವಿನ ಮಳೆ ಸುರಿಸಿದ ಪೊಲೀಸರು

Published On - 12:30 pm, Sat, 4 September 21