ಪರೀಕ್ಷೆ ಸಮಯದಲ್ಲಿ ನಿದ್ರೆ ತಪ್ಪಿಸಲು ಉಗ್ರರು ಬಳಸುವ ಮಾತ್ರೆಗಳನ್ನು ಸೇವಿಸುತ್ತಿರುವ ವಿದ್ಯಾರ್ಥಿಗಳು

ಉತ್ತರ ಪ್ರದೇಶದಲ್ಲಿ ವಿದ್ಯಾರ್ಥಿಗಳ ಕುರಿತು ಆಘಾತಕಾರಿ ವಿಚಾರವೊಂದು ಬೆಳಕಿಗೆ ಬಂದಿದೆ. ಪರೀಕ್ಷೆ ವೇಳೆ ನಿದ್ರೆ ತಡೆಯಲು ವಿದ್ಯಾರ್ಥಿಗಳು ಉಗ್ರರು ಸೇವಿಸುವ  ಮಾತ್ರೆಗಳನ್ನು ಸೇವಿಸುತ್ತಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಉಗ್ರರು ನಿದ್ರೆಯನ್ನು ಸೇವಿಸುವ ನಿದ್ರೆ ಮಾತ್ರ ಇದಾಗಿದ್ದು, ಇದನ್ನು ನುಂಗಿದರೆ 40 ಗಂಟೆಗಳ ಕಾಲ ನಿದ್ರೆ ಬರುವುದಿಲ್ಲ, ಈ ಆಘಾತಕಾರಿ ವಿಚಾರವನ್ನು ವೈದ್ಯರು ಬಹಿರಂಗಪಡಿಸಿದ್ದಾರೆ. ಇತ್ತೀಚೆಗೆ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದ ವಿದ್ಯಾರ್ಥಿನಿಯೊಬ್ಬಳು ಅಸ್ವಸ್ಥಳಾಗಿದ್ದಳು, 10ನೇ ತರಗತಿ ವಿದ್ಯಾರ್ಥಿನಿ ಕುಸಿದುಬಿದ್ದು ಆಸ್ಪತ್ರೆ ಸೇರಿದ್ದಳು. ಆಸ್ಪತ್ರೆಯಲ್ಲಿ ವಿದ್ಯಾರ್ಥಿನಿ ಪ್ರಜಕ್ತಾ ಸ್ವರೂಪ್​​ಗೆ ಚಿಕಿತ್ಸೆ ನೀಡಲಾಗಿತ್ತು.

ಈ ವೇಳೆ ಉಗ್ರರು ನುಂಗುವ ಮಾತ್ರೆ ಸೇವಿಸಿರುವುದು ತಿಳಿದುಬಂದಿದೆ, ತಪಾಸಣೆ ವೇಳೆ ಆಕೆಯ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟಿತ್ತು.
ನರಗಳು ಊದಿಕೊಂಡಿರುವುದು ಪತ್ತೆಯಾಗಿತ್ತು,ಶಸ್ತ್ರಚಿಕಿತ್ಸೆ ಬಳಿಕ ಚೇತರಿಸಿಕೊಂಡಿರುವ ವಿದ್ಯಾರ್ಥಿನಿ, ನಿದ್ದೆ ಬರದಂತೆ ಮಾತ್ರೆ ನುಂಗುತ್ತಿದ್ದೆ ಎಂದಿದ್ದಳು.

ಕೊಠಡಿಯಲ್ಲಿ ನಿದ್ದೆ ತಡೆಯುವ ಮಾತ್ರೆಯ ಬಾಟಲ್ ಪತ್ತೆಯಾಗಿ, ಪೋಷಕರು ಆಘಾತಕ್ಕೊಳಗಾಗಿದ್ದರು. ವೈದ್ಯರು ಅದನ್ನು ನೋಡಿ ಆ ಮಾತ್ರ ಬಗ್ಗೆ ಪೋಷಕರಿಗೆ ಮಾಹಿತಿ ನೀಡಿದ್ದಾರೆ. ಈ ಮಾತ್ರೆಗಳ ಬಳಕೆಯಿಂದ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರಲಿದೆ. 26/11 ಮುಂಬೈ ದಾಳಿ ವೇಳೆ ಮೊದಲ ಬಾರಿ ಈ ಮಾತ್ರೆಗಳು ಪತ್ತೆಯಾಗಿದ್ದವು.

ಮತ್ತಷ್ಟು ಓದಿ: ನಿಮ್ಮ ಮಗು ಸರಿಯಾಗಿ ನಿದ್ರೆ ಮಾಡುತ್ತಿಲ್ಲವೇ?; ನಿರ್ಲಕ್ಷ್ಯ ಮಾಡಬೇಡಿ

ಉಗ್ರರ ಬ್ಯಾಗ್​​ಗಳಲ್ಲಿ ಈ ಮಾತ್ರೆಗಳು ಪತ್ತೆಯಾಗಿದ್ದವು, ಪರೀಕ್ಷೆಗಳ ಸಮಯದಲ್ಲಿ ಈ ಮಾತ್ರೆಗೆ ಹೆಚ್ಚು ಬೇಡಿಕೆ ಇದೆ, ಈ ವಿಚಾರವನ್ನು ಮೆಡಿಕಲ್ ಶಾಪ್ ಮಾಲೀಕರು ತಿಳಿಸಿದ್ದಾರೆ. ಪರೀಕ್ಷೆ ಒತ್ತಡಕ್ಕೆ ಒಳಗಾಗಿ ಈ ಮಾತ್ರೆಗೆ ಮೊರೆಹೋಗಿದ್ದು ಆತಂಕದ ಅಂಶ ಬಹಿರಂಗಗೊಂಡಿದೆ.
ವೈದ್ಯರ ಪ್ರಕಾರ, ಈ ಔಷಧಿಗಳನ್ನು ‘ಚುನಿಯಾ’ ಮತ್ತು ‘ಮೀಠಿ’ ಮುಂತಾದ ಹೆಸರುಗಳಲ್ಲಿ ಕೌಂಟರ್‌ನಲ್ಲಿ ಮಾರಾಟ ಮಾಡಲಾಗುತ್ತಿದೆ.
ಕಳೆದ ಒಂದು ತಿಂಗಳಲ್ಲಿ ನಿದ್ರಾ ನಿವಾರಕ ಮಾತ್ರೆಗಳು ಮತ್ತು ಜ್ಞಾಪಕ ಶಕ್ತಿ ಹೆಚ್ಚಿಸುವ ಔಷಧಿಗಳ ಮಾರಾಟ ಹೆಚ್ಚಾಗಿದೆ ಎಂದು ರಸಾಯನಶಾಸ್ತ್ರಜ್ಞ ಸುರಿಂದರ್ ಕೊಹ್ಲಿ ಒಪ್ಪಿಕೊಂಡಿದ್ದಾರೆ.

ಈ ಔಷಧಿಗಳಿಗೆ ಗ್ರಾಹಕರು ಯಾವುದೇ ಬೆಲೆ ತೆರಲು ಸಿದ್ಧರಿದ್ದಾರೆ ಎಂದರು. ಅವರು ಆಯಾಸವನ್ನು ನಿವಾರಿಸಲು ಶಕ್ತಿ ಪಾನೀಯಗಳನ್ನು ಸಹ ಖರೀದಿಸುತ್ತಾರೆ. ಮೊಡಫಿನಿಲ್ ಅನ್ನು ಪ್ರೊವಿಜಿಲ್ ಎಂಬ ಬ್ರಾಂಡ್ ಹೆಸರಿನಲ್ಲಿ ಮಾರಾಟ ಮಾಡಲಾಗುತ್ತದೆ, ಇದನ್ನು ಪ್ರಾಥಮಿಕವಾಗಿ ನಾರ್ಕೊಲೆಪ್ಸಿ, ಶಿಫ್ಟ್ ವರ್ಕ್ ಸ್ಲೀಪ್ ಡಿಸಾರ್ಡರ್, ಇಡಿಯೋಪಥಿಕ್ ಹೈಪರ್ಸೋಮ್ನಿಯಾ ಮತ್ತು ಅಬ್ಸ್ಟ್ರಕ್ಟಿವ್ ಸ್ಲೀಪ್ ಅಪ್ನಿಯಾಗೆ ಸಂಬಂಧಿಸಿದ  ಅಸ್ವಸ್ಥತೆಗಳ ಚಿಕಿತ್ಸೆಯಲ್ಲಿ ಬಳಸಲಾಗುತ್ತದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ