ಲೋಕಸಭಾ ಚುನಾವಣೆ: ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆ ಮಾಡಿದ ಡಿಎಂಕೆ, ಪ್ರಣಾಳಿಕೆಯಲ್ಲೇನಿದೆ?

ಮುಂಬರಲಿರುವ ಲೋಕಸಭಾ ಚುನಾವಣೆ(Lok Sabha Election)ಗೆ ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಡಿಎಂಕೆ(DMK) ಬಿಡುಗಡೆ ಮಾಡಿದೆ. ಲೋಕಸಭೆ ಅಭ್ಯರ್ಥಿ ಆಯ್ಕೆಯಲ್ಲಿ ಯುವಕರಿಗೆ ಅವಕಾಶ ನೀಡಲಾಗುವುದು ಎಂದು ಡಿಎಂಕೆ ಅಧ್ಯಕ್ಷ ಹಾಗೂ ಮುಖ್ಯಮಂತ್ರಿ ಸ್ಟಾಲಿನ್ ಹೇಳಿದ್ದರು. ಮೈತ್ರಿ ಖಾತ್ರಿಪಡಿಸಿ ಕ್ಷೇತ್ರಗಳನ್ನು ಅಂತಿಮಗೊಳಿಸಿದ ಡಿಎಂಕೆ 21 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನು ಬಿಡುಗಡೆ ಮಾಡಿದೆ.

ಡಿಎಂಕೆ ತನ್ನ ಪ್ರಣಾಳಿಕೆಯಲ್ಲಿ ಪುದುಚೇರಿಗೆ ರಾಜ್ಯ ಸ್ಥಾನಮಾನ ಮತ್ತು ನೀಟ್ ನಿಷೇಧದ ಭರವಸೆ ನೀಡಿದೆ. ಸಿಎಎ ಮತ್ತು ಯುಸಿಸಿ ಜಾರಿಯಾಗುವುದಿಲ್ಲ, ರಾಜ್ಯಪಾಲರಿಗೆ ಕ್ರಿಮಿನಲ್ ಮೊಕದ್ದಮೆಗಳಿಂದ ವಿನಾಯಿತಿ ನೀಡುವ 361 ನೇ ವಿಧಿಗೆ ತಿದ್ದುಪಡಿ ತರಲಾಗುವುದು ಸೇರಿದಂತೆ ಹಲವು ಭರವಸೆಗಳನ್ನು ಡಿಎಂಕೆ ನೀಡಿದೆ. ಚೆನ್ನೈನಲ್ಲಿ ಪಕ್ಷದ ಪ್ರಣಾಳಿಕೆ ಬಿಡುಗಡೆ ವೇಳೆ ಪಕ್ಷದ ನಾಯಕ ಸಿಎಂ ಸ್ಟಾಲಿನ್, ಸಂಸದೆ ಕನಿಮೊಳಿ, ಎ ರಾಜಾ ಮೊದಲಾದವರು ಉಪಸ್ಥಿತರಿದ್ದರು.

ಲೋಕಸಭೆ ಚುನಾವಣೆಗೆ ಡಿಎಂಕೆ ತನ್ನ ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಉತ್ತರ ಚೆನ್ನೈನಿಂದ ಕಲಾನಿಧಿ ವೀರಸ್ವಾಮಿ, ದಕ್ಷಿಣ ಚೆನ್ನೈನಿಂದ ತಂಗಪಾಂಡಿಯನ್, ಸೆಂಟ್ರಲ್ ಚೆನ್ನೈನಿಂದ ದಯಾನಿಧಿ ಮಾರನ್, ಶ್ರೀಪೆರಂಬದೂರಿನಿಂದ ಟಿಆರ್ ಬಾಲು, ತಿರುವನಮಲೈನಿಂದ ಅಣ್ಣಾದೊರೈ, ನೀಲಗಿರಿಯಿಂದ ಎ ರಾಜಾ ಮತ್ತು ತೂತುಕುಡಿಯಿಂದ ಕನಿಮೊಳಿ ಅವರಿಗೆ ಟಿಕೆಟ್ ನೀಡಲಾಗಿದೆ.

ಮತ್ತಷ್ಟು ಓದಿ: ಬಿಜೆಪಿ ಜೆಡಿಎಸ್ ಮೈತ್ರಿ ಅಪಸ್ವರ: ಕುಮಾರಸ್ವಾಮಿ ಮುನಿಸು ಶಮನಕ್ಕೆ ನಡ್ಡಾ, ಅಮಿತ್ ಶಾ ಅಖಾಡಕ್ಕೆ

ನನ್ನನ್ನು ಪ್ರಣಾಳಿಕೆ ಕರಡು ಸಮಿತಿಯ ಮುಖ್ಯಸ್ಥರನ್ನಾಗಿ ಮಾಡಿದ್ದಕ್ಕಾಗಿ ನಮ್ಮ ನಾಯಕ ಎಂ.ಕೆ.ಸ್ಟಾಲಿನ್ ಅವರಿಗೆ ಧನ್ಯವಾದ ಅರ್ಪಿಸುತ್ತೇನೆ ಎಂದು ಕನಿಮೋಳಿ ಹೇಳಿದ್ದಾರೆ. ನಾವು ತಮಿಳುನಾಡಿನಲ್ಲಿ 40 ಸ್ಥಾನಗಳನ್ನು ಮಾತ್ರವಲ್ಲದೆ ದೇಶದಲ್ಲಿ ಉತ್ತಮ ಸಂಖ್ಯೆಯ ಸ್ಥಾನಗಳನ್ನು ಗೆಲ್ಲುತ್ತೇವೆ ಎಂದರು.

ಪ್ರಣಾಳಿಕೆ

-ಭಾರತದಾದ್ಯಂತ ಮಹಿಳೆಯರಿಗೆ ಪ್ರತಿ ತಿಂಗಳು 1,000 ರೂ
-ಸರ್ಕಾರಿ ಶಾಲೆಗಳಿಗೆ ಬೆಳಗಿನ ಉಪಾಹಾರ ಯೋಜನೆ
-ಮಹಿಳೆಯರಿಗೆ ಶೇಕಡ ಮೂವತ್ಮೂರು ಮೀಸಲಾತಿ ಜಾರಿಯಾಗಲಿದೆ
-ಪುದುಚೇರಿಗೆ ರಾಜ್ಯ ಸ್ಥಾನಮಾನ

ಉತ್ತರ ಚೆನ್ನೈ – ಕಲಾನಿಧಿ ವೀರಸಾಮಿ
ದಕ್ಷಿಣ ಚೆನ್ನೈ – ತಮಿಝಾಚಿ ತಂಗಪಾಂಡಿಯನ್
ಸೆಂಟ್ರಲ್ ಚೆನ್ನೈ – ದಯಾನಿಧಿ ಮಾರನ್
ಶ್ರೀಪೆರಂಬದೂರ್ – ಟಿಆರ್ ಬಾಲು
ಅರಕ್ಕೋಣಂ – ಜಗತ್ರಕ್ಷಕನ್
ವೆಲ್ಲೂರ್ – ಕತಿರ್ ಆನಂದ್
ಧರ್ಮಪುರಿ – ಎ ಮಣಿ
ತಿರುವಣ್ಣಾಮಲೈ – ಸಿಎನ್ ಅಣ್ಣಾದೊರೈ ಅರಾಣಿ
ಧರಣೀವೇಂದನ್ ಕಲಕುರಿಚಿ – ಮಲೈಯರಸನ್
ಎರೋಯಿಲ್
– ಮಲೈಯರಸನ್ ಎರೋಯಿಲ್ ಗಿರಿ ಗಣಪತಿ ರಾಜ್‌ಕುಮಾರ್
ಪೊಲ್ಲಾಚಿ – ಕೆ ಈಶ್ವರಸ್ವಾಮಿ
ತಂಜಾವೂರು – ಎಸ್ ಮುರಸೋಲಿ
ತೇಣಿ – ತಂಗ ತಮಿಳ್ಸೆಲ್ವನ್
ತೂತುಕುಡಿ – ಕನಿಮೋಳಿ ಕರುಣಾನಿಧಿ
ತೆಂಕಾಸಿ – ರಾಣಿ
ಕಾಂಚೀಪುರಂ (ಎಸ್‌ಸಿ) – ಕೆ ಸೆಲ್ವಂ

ಡಿಎಂಕೆಯ ವಂಶಸ್ಥರಲ್ಲಿ ಕಲಾನಿಧಿ ವೀರಸಾಮಿ (ಉತ್ತರ ಚೆನ್ನೈ), ತಮಿಳಚಿ ತಂಗಪಾಂಡಿಯನ್ (ದಕ್ಷಿಣ ಚೆನ್ನೈ), ದಯಾನಿಧಿ ಮಾರನ್ (ಮಧ್ಯ ಚೆನ್ನೈ), ಕನಿಮೋಳಿ ಕರುಣಾನಿಧಿ (ತೂತುಕುಡಿ) ಮತ್ತು ವೆಲ್ಲೂರು (ಕತಿರ್ ಆನಂದ್) ಸೇರಿದ್ದಾರೆ.

ಡಿಎಂಕೆ 21 ಲೋಕಸಭಾ ಸ್ಥಾನಗಳಿಗೆ ಸ್ಪರ್ಧಿಸಲಿದ್ದು, ಅದರ ಮಿತ್ರಪಕ್ಷಗಳು ತಮಿಳುನಾಡಿನ ಉಳಿದ 18 ಎಲ್‌ಎಸ್ ಕ್ಷೇತ್ರಗಳಲ್ಲಿ ಸ್ಪರ್ಧಿಸಲಿವೆ. ಎಂಡಿಎಂಕೆ ಪಕ್ಷದ ಪ್ರಧಾನ ಕಾರ್ಯದರ್ಶಿ ಮತ್ತು ವೈಕೋ ಅವರ ಪುತ್ರ ದುರೈ ವೈಕೊ ಅವರನ್ನು ತಿರುಚಿರಾಪಳ್ಳಿಗೆ ತನ್ನ ಅಭ್ಯರ್ಥಿಯನ್ನಾಗಿ ನೇಮಿಸಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ