Exit Poll Results 2021: ಅಸ್ಸಾಂನಲ್ಲಿ ಯುಪಿಎ ಮತಗಳಿಕೆ ಹೆಚ್ಚು, ಆದರೆ ಎನ್​ಡಿಎಗೆ ಹೆಚ್ಚು ಸ್ಥಾನ; ಕುತೂಹಲ ಹುಟ್ಟುಹಾಕಿದೆ Tv9-Polstrat ಸಮೀಕ್ಷೆ

ದೆಹಲಿ: ಅಸ್ಸಾಂನಲ್ಲಿ ಈ ಬಾರಿಯೂ ಆಡಳಿತಾರೂಢ ಎನ್​ಡಿಎ ಮುನ್ನಡೆ ಸಾಧಿಸುವ ಸಾಧ್ಯತೆಯಿದೆ ಎಂದು Tv9-Polstrat ಸಮೀಕ್ಷೆ ತಿಳಿಸಿದೆ. ಬಿಜೆಪಿ ನೇತೃತ್ವದ ಎನ್​ಡಿಎ ಮೈತ್ರಿಕೂಟ ಹೆಚ್ಚು ಸ್ಥಾನಗಳನ್ನು ಗಳಿಸುತ್ತದೆ ಎಂದು ತಿಳಿಸುವ ಸಮೀಕ್ಷೆ, ಕಾಂಗ್ರೆಸ್ ನೇತೃತ್ವದ ಯುಪಿಎ ಮೈತ್ರಿಕೂಟದ ಮತಗಳಿಕೆ ಪ್ರಮಾಣವು ಎನ್​ಡಿಎ ಮೈತ್ರಿಕೂಟಕ್ಕಿಂತಲೂ ಹೆಚ್ಚಾಗಿರುತ್ತದೆ ಎಂದು ಹೇಳಿದೆ.

ಅಸ್ಸಾಂನಲ್ಲಿ ಮಾರ್ಚ್ 27, ಏಪ್ರಿಲ್ 1 ಮತ್ತು ಏಪ್ರಿಲ್ 6ರಂದು ಮೂರು ಹಂತಗಳಲ್ಲಿ ಮತದಾನ ನಡೆದಿತ್ತು. ಒಟಟು 126 ಸದಸ್ಯ ಬಲದ ಅಸ್ಸಾಂ ವಿಧಾನಸಭೆಯಲ್ಲಿ ಬಹುಮತ ಗಳಿಸಲು ಯಾವುದೇ ಪಕ್ಷ ಅಥವಾ ಮೈತ್ರಿಕೂಟವು 64 ಸ್ಥಾನ ಪಡೆಯಬೇಕಿದೆ. ಮೇ 2ರಂದು ಮತಎಣಿಕೆ ನಡೆಯಲಿದ್ದು ಫಲಿತಾಂಶ ಪ್ರಕಟವಾಗಲಿದೆ.

ಅಸ್ಸಾಂನಲ್ಲಿ Tv9-Polstrat ಸಮೀಕ್ಷೆ ವೇಳೆ ಪ್ರತಿಕ್ರಿಯಿಸಿದ್ದ ಪುರುಷ ಮತದಾರರ ಪೈಕಿ ಶೇ 41.30 ಮಂದಿ ಎನ್​ಡಿಎಗೆ, ಶೇ 44.60 ಮಂದಿ ಯುಪಿಎ ಪರ ಮತ ಚಲಾಯಿಸಿದ್ದಾಗಿ ಹೇಳಿದ್ದರು. ಮಹಿಳೆಯರ ಪೈಕಿ ಶೇ 42.10 ಮಂದಿ ಎನ್​ಡಿಎಗೆ, ಶೇ 46.20 ಮಂದಿ ಯುಪಿಎಗೆ ಮತ ಚಲಾಯಿಸಿದ್ದಾಗಿ ತಿಳಿಸಿದ್ದರು. ಒಟ್ಟಾರೆ ಮತಗಳಿಕೆಯಲ್ಲಿ ಎನ್​ಡಿಎ ಶೇ 41.70, ಯುಪಿಎ ಶೇ 45.40, ಇತರರು ಶೇ 12.90 ಪಾಲು ಪಡೆಯುವ ಸಾಧ್ಯತೆಯಿದೆ.

ಸಮುದಾಯವಾರು ವಿಶ್ಲೇಷಣೆಯಲ್ಲಿ ಎಸ್​ಸಿ/ಎಸ್​ಟಿಗೆ ಸೇರಿದವರಲ್ಲಿ ಎನ್​ಡಿಎಗೆ ಶೇ 53.90, ಯುಪಿಗೆ ಶೇ 31.90, ಇತರರಿಗೆ ಶೇ 14.20 ಮತ ಚಲಾಯಿಸಿದ್ದಾರೆ. ಮುಸ್ಲಿಮರ ಮತಗಳು ಯುಪಿಎಗೆ ಶೇ 79.90 ಹೆಚ್ಚಿನ ಪ್ರಮಾಣದಲ್ಲಿ ಹಂಚಿಕೆಯಾಗಿದೆ. ಎನ್​ಡಿಎಗೆ ಶೇ 13.90ರಷ್ಟು ಮತ ಸಿಕ್ಕಿದೆ. ಹಿಂದೂಗಳಲ್ಲಿ ಇತರ ಸಮುದಾಯದ ಮತಗಳು ಎನ್​ಡಿಎಗೆ ಶೇ 57.90 ಹೆಚ್ಚಾಗಿ ಬಿದ್ದಿವೆ. ಯುಪಿಎಗೆ ಶೇ 24.90 ಮತಗಳು ಸಿಕ್ಕಿವೆ.

ಅಸ್ಸಾಂ ಚುನಾವಣಾ ಸಮೀಕ್ಷೆ

ಒಟ್ಟಾರೆ ಮತಗಳಿಕೆಯಲ್ಲಿ ಯುಪಿಎ ಶೇ 45.40 ಮುಂದಿದೆ. ಎನ್​ಡಿಎ ಶೇ 41.70 ಮತಗಳಿಕೆ ಕಡಿಮೆಯಿದೆ. ಆದರೆ ಸ್ಥಾನಗಳಿಕೆ ವಿಚಾರದಲ್ಲಿ ಯುಪಿಎ 55-65 ಸ್ಥಾನ ಗೆಲ್ಲಬಹುದು ಎಂಬ ನಿರೀಕ್ಷೆಯಿದೆ. ಆದರೆ ಎನ್​ಡಿಎ 59-69 ಸ್ಥಾನಗಳೊಂದಿಗೆ ಅಧಿಕಾರ ಉಳಿಸಿಕೊಳ್ಳಬಹುದು ಎಂದು ಸಮೀಕ್ಷೆಯು ಭವಿಷ್ಯ ನುಡಿದಿದೆ.

(Tv9 Bharatvarsh exit poll results 2021 polstrat Assam assembly elections exit poll updates in Kannada)

ಇದನ್ನೂ ಓದಿ: Exit Poll Results 2021: ಪಶ್ಚಿಮ ಬಂಗಾಳದಲ್ಲಿ ಟಿಎಂಸಿ ಹ್ಯಾಟ್ರಿಕ್ ಸಾಧ್ಯತೆ; Tv9-Polstrat ಸಮೀಕ್ಷೆ

ಇದನ್ನೂ ಓದಿ: Exit Poll Results 2021: ತಮಿಳುನಾಡಿನಲ್ಲಿ ಎಐಎಡಿಎಂಕೆಗೆ ಹಿನ್ನಡೆ, ಡಿಎಂಕೆ ಗದ್ದುಗೇರುವ ಸಾಧ್ಯತೆ; Tv9-Polstrat ಸಮೀಕ್ಷೆ

Published On - 9:17 pm, Thu, 29 April 21