IND vs NZ: ವಾಂಖೆಡೆಯಲ್ಲಿ 13 ವರ್ಷಗಳ ಹಳೆಯ ದಾಖಲೆ ಮುರಿದ ಭಾರತ..!
IND vs NZ: ಈ ಗುರಿಯೊಂದಿಗೆ ಭಾರತ ತಂಡ ತನ್ನ ಹಳೆಯ ದಾಖಲೆಯನ್ನು ಸುಧಾರಿಸಿಕೊಂಡಿದೆ. ಇದು ತವರು ನೆಲದಲ್ಲಿ ಯಾವುದೇ ತಂಡಕ್ಕೆ ಟೀಮ್ ಇಂಡಿಯಾ ನೀಡಿದ ದೊಡ್ಡ ಗುರಿಯಾಗಿದೆ.
ನ್ಯೂಜಿಲೆಂಡ್ ವಿರುದ್ಧದ ಮುಂಬೈ ಟೆಸ್ಟ್ನಲ್ಲಿ ಭಾರತದ ಹಿಡಿತ ಬಲಗೊಂಡಿದೆ. ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಸರಣಿಯ ಎರಡನೇ ಹಾಗೂ ಅಂತಿಮ ಪಂದ್ಯದಲ್ಲಿ ಮೂರನೇ ದಿನ ಟೀಂ ಇಂಡಿಯಾ 7 ವಿಕೆಟ್‌ಗೆ 276 ರನ್ ಗಳಿಸಿ ಎರಡನೇ ಇನ್ನಿಂಗ್ಸ್ ಮುಗಿಸಿದೆ. ಇದರೊಂದಿಗೆ ಭಾರತ ನ್ಯೂಜಿಲೆಂಡ್ ಎದುರು 540 ರನ್ಗಳ ಗೆಲುವಿನ ಗುರಿ ನೀಡಿದ್ದು, ಪಂದ್ಯಕ್ಕೆ ಇನ್ನೂ ಎರಡು ದಿನ ಬಾಕಿ ಉಳಿದಿದೆ.
ಈ ಗುರಿಯೊಂದಿಗೆ ಭಾರತ ತಂಡ ತನ್ನ ಹಳೆಯ ದಾಖಲೆಯನ್ನು ಸುಧಾರಿಸಿಕೊಂಡಿದೆ. ಇದು ತವರು ನೆಲದಲ್ಲಿ ಯಾವುದೇ ತಂಡಕ್ಕೆ ಟೀಮ್ ಇಂಡಿಯಾ ನೀಡಿದ ದೊಡ್ಡ ಗುರಿಯಾಗಿದೆ. ಟೀಂ ಇಂಡಿಯಾ ಪರ ಎರಡನೇ ಇನ್ನಿಂಗ್ಸ್‌ನಲ್ಲಿ ಮಯಾಂಕ್ ಅಗರ್ವಾಲ್ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿ 62 ರನ್ ಗಳಿಸಿದರೆ, ಚೇತೇಶ್ವರ ಪೂಜಾರ, ಶುಭಮನ್ ಗಿಲ್ ಮತ್ತು ಅಕ್ಷರ್ ಪಟೇಲ್ ಕೂಡ ಗಮನಾರ್ಹ ಕೊಡುಗೆ ನೀಡಿದರು.
ಈ ಪಂದ್ಯಕ್ಕೂ ಮುನ್ನ ಟೀಂ ಇಂಡಿಯಾ ನೀಡಿದ್ದ ದೊಡ್ಡ ಗುರಿ 516 ರನ್. ಅಕ್ಟೋಬರ್ 2008 ರಲ್ಲಿ, ಮೊಹಾಲಿ ಟೆಸ್ಟ್ನಲ್ಲಿ ಭಾರತ ತಂಡವು ಆಸ್ಟ್ರೇಲಿಯಾಕ್ಕೆ ಈ ಗುರಿಯನ್ನು ನೀಡಿತು. ಲೆಗ್ ಸ್ಪಿನ್ನರ್ ಅಮಿತ್ ಮಿಶ್ರಾ ಅವರ ಐದು ವಿಕೆಟ್ ಗಳಿಕೆಯಿಂದಾಗಿ ಭಾರತವು ಆಸ್ಟ್ರೇಲಿಯಾವನ್ನು ಕೇವಲ 195 ಕ್ಕೆ ಆಲೌಟ್ ಮಾಡಿತು ಮತ್ತು 320 ರನ್ ಗಳ ಜಯ ದಾಖಲಿಸಿತು.
ಅದೇ ಸಮಯದಲ್ಲಿ, ಡಿಸೆಂಬರ್ 2005 ರಲ್ಲಿ ಅಹಮದಾಬಾದ್ ಟೆಸ್ಟ್ನಲ್ಲಿ ಶ್ರೀಲಂಕಾ ವಿರುದ್ಧ ಭಾರತ ತಂಡವು ನೀಡಿದ 509 ರನ್ಗಳ ಅತಿದೊಡ್ಡ ಗುರಿಯ ದಾಖಲೆಯಾಗಿದೆ. ಭಾರತವು ಈ ಪಂದ್ಯವನ್ನು ಅನಿಲ್ ಕುಂಬ್ಳೆ (5) ಮತ್ತು ಹರ್ಭಜನ್ ಸಿಂಗ್ (3 ವಿಕೆಟ್) ಸಹಾಯದಿಂದ 259 ರನ್‌ಗಳಿಂದ ಗೆದ್ದಿತು.