40ನೇ ವಯಸ್ಸಿನಲ್ಲೂ ಐಪಿಎಲ್ ಆಡುವ ಆಸೆ; ಮಿನಿ ಹರಾಜಿನಲ್ಲಿರುವ 5 ಅತ್ಯಂತ ಹಿರಿಯ ಆಟಗಾರರಿವರು
IPL 2023 Mini Auction: ಇಂಡಿಯನ್ ಪ್ರೀಮಿಯರ್ ಲೀಗ್ 2023 ರ ಮಿನಿ ಹರಾಜು ಡಿಸೆಂಬರ್ 23 ರಂದು ನಡೆಯಲಿದೆ. ಈ ಹರಾಜಿನಲ್ಲಿ ಬರೋಬ್ಬರಿ 405 ಆಟಗಾರರು ಕಾಣಿಸಿಕೊಳ್ಳಲಿದ್ದಾರೆ.
ಇಂಡಿಯನ್ ಪ್ರೀಮಿಯರ್ ಲೀಗ್ 2023 ರ ಮಿನಿ ಹರಾಜು ಡಿಸೆಂಬರ್ 23 ರಂದು ನಡೆಯಲಿದೆ. ಈ ಹರಾಜಿನಲ್ಲಿ ಬರೋಬ್ಬರಿ 405 ಆಟಗಾರರು ಕಾಣಿಸಿಕೊಳ್ಳಲಿದ್ದಾರೆ. ಇವರಲ್ಲಿ ಹಲವರು ಯುವ ಕ್ರಿಕೆಟಿಗರು ಇದ್ದರೆ, ಇನ್ನೂ ಕೆಲವರು 40 ವರ್ಷಕ್ಕಿಂತ ಮೇಲ್ಪಟ್ಟ ಆಟಗಾರರು ಸೇರಿದ್ದಾರೆ. ಅಂತಹ ಸನ್ನಿವೇಶದಲ್ಲಿ, ಈ ಹಿರಿಯ ಆಟಗಾರರನ್ನು ಯಾವ ತಂಡ ಬಿಡ್ ಮಾಡುತ್ತದೆ ಎಂಬುದು ಕುತೂಹಲಕಾರಿಯಾಗಿದೆ. ಅಂತಹ ಐವರು ಹಿರಿಯ ಆಟಗಾರರ ಪಟ್ಟಿ ಇಲ್ಲಿದೆ.
ಅಮಿತ್ ಮಿಶ್ರಾ; ಈ ಪಟ್ಟಿಯಲ್ಲಿ ಮೊದಲ ಹೆಸರು ಅನುಭವಿ ಸ್ಪಿನ್ನರ್ ಅಮಿತ್ ಮಿಶ್ರಾ ಅವರ ಹೆಸರು. ಅಮಿತ್ ಮಿಶ್ರಾ ಅವರಿಗೆ ಈಗ 40 ವರ್ಷ. ಕಳೆದ ಸೀಸನ್ನ ಮೆಗಾ ಹರಾಜಿನಲ್ಲಿ ಮಿಶ್ರಾ ಅವರನ್ನು ಯಾರೂ ಖರೀದಿಸಿರಲಿಲ್ಲ. ಆದರೆ ಈ ಬಾರಿಯೂ ಮಿಶ್ರಾ ತಮ್ಮ ಹೆಸರನ್ನು ಹರಾಜಿಗೆ ನೋಂದಾಯಿಸಿಕೊಂಡಿದ್ದಾರೆ. ಐಪಿಎಲ್‌ನಲ್ಲಿ ಮಿಶ್ರಾ ಅವರ ದಾಖಲೆ ಅದ್ಭುತವಾಗಿದ್ದು, ಈ ಲೀಗ್‌ನಲ್ಲಿ ಅವರು 154 ಪಂದ್ಯಗಳನ್ನಾಡಿ 166 ವಿಕೆಟ್‌ಗಳನ್ನು ಪಡೆದಿದ್ದಾರೆ.
ಮೊಹಮ್ಮದ್ ನಬಿ: ಈ ಪಟ್ಟಿಯಲ್ಲಿ ಮತ್ತೊಂದು ಹೆಸರು ಅಫ್ಘಾನಿಸ್ತಾನದ ಮೊಹಮ್ಮದ್ ನಬಿ ಅವರದ್ದು. ನಬಿಗೆ ಈಗ 37 ವರ್ಷ. ನಬಿ ಈ ಲೀಗ್‌ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್‌ ಪರ ದೀರ್ಘಕಾಲ ಆಡಿದ್ದರು. ಇದಲ್ಲದೆ, ಕಳೆದ ಸೀಸನ್ಲ್ಲಿ ಅವರು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದಲ್ಲಿದ್ದರು.
ಡೇವಿಡ್ ವೀಸಾ: ಇವಲ್ಲದೆ, 37 ವರ್ಷದ ಡೇವಿಡ್ ವೀಸಾ ಕೂಡ ಮಿನಿ ಹರಾಜಿನಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ. ನಮೀಬಿಯಾ ಪರ ಆಡುತ್ತಿರುವ ಆಟಗಾರ ಈ ಲೀಗ್‌ನಲ್ಲಿ 15 ಪಂದ್ಯಗಳನ್ನು ಆಡಿದ್ದಾರೆ. ಈ ಲೀಗ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಭಾಗವಾಗಿದ್ದ ಡೇವಿಡ್ ವೀಸಾ ನಮೀಬಿಯಾಕ್ಕಿಂತ ಮೊದಲು ದಕ್ಷಿಣ ಆಫ್ರಿಕಾ ಪರ ಆಡಿದ್ದರು.
ಸಿಕಂದರ್ ರಜಾ: ಜಿಂಬಾಬ್ವೆಯ ಸಿಕಂದರ್ ರಜಾ ಕೂಡ ಐಪಿಎಲ್ ಮಿನಿ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ರಜಾಗೆ 36 ವರ್ಷ ವಯಸ್ಸಿನವರಾಗಿದ್ದು, ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿಯೂ ಅವರು ಪ್ರಚಂಡ ಫಾರ್ಮ್‌ನಲ್ಲಿದ್ದಾರೆ.
ಕ್ರಿಶ್ಚಿಯನ್ ಜೋಂಕರ್: ಇವರಲ್ಲದೇ ಮಿನಿ ಹರಾಜಿನಲ್ಲಿ ದಕ್ಷಿಣ ಆಫ್ರಿಕಾ ಪರ ಕ್ರಿಶ್ಚಿಯನ್ ಜೋಂಕರ್ ಹೆಸರೂ ಕೂಡ ಇದೆ. 36 ವರ್ಷ ವಯಸ್ಸಿನ ಜೋಂಕರ್, 2018 ರಲ್ಲಿ ರಾಷ್ಟ್ರೀಯ ತಂಡಕ್ಕೆ ಪಾದಾರ್ಪಣೆ ಮಾಡಿದರು. ಆದರೆ ಅದರ ನಂತರ ಅವರನ್ನು ತಂಡದಿಂದ ಕೈಬಿಡಲಾಯಿತು. ಆದರೆ, ದೇಶೀಯ ಕ್ರಿಕೆಟ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಬೆನ್ನಲ್ಲೇ ಇದೀಗ ಐಪಿಎಲ್‌ನಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.
Published On - 3:18 pm, Thu, 22 December 22