IPL 2023: RCB ವಿರುದ್ಧ ಅತೀ ಹೆಚ್ಚು ರನ್ ಕಲೆಹಾಕಿದ ಬ್ಯಾಟರ್ ಯಾರು ಗೊತ್ತಾ?
IPL 2023 RCB Kannada: ಆರ್ಸಿಬಿ ತಂಡದ ಪ್ಲೇಆಫ್ ಹಾದಿ ಸುಗಮವಲ್ಲ. ಏಕೆಂದರೆ ಆರ್ಸಿಬಿ ಗೆದ್ದಿರುವುದು ಹೋಮ್ ಗ್ರೌಂಡ್ನಲ್ಲಿ. ಅಂದರೆ ಏಳು ಪಂದ್ಯಗಳನ್ನು ವಿವಿಧ ತಂಡಗಳ ತವರು ಮೈದಾನದಲ್ಲಿ ಆಡಬೇಕಿದೆ.
IPL 2023: ಐಪಿಎಲ್ ಶುರುವಾಗಿ 15 ವರ್ಷಗಳೇ ಕಳೆದಿವೆ. ಆದರೆ ಆರ್ಸಿಬಿ ತಂಡದ ಕಪ್ ಗೆಲ್ಲುವ ಕನಸು ಮಾತ್ರ ಮರೀಚಿಕೆಯಾಗಿಯೇ ಉಳಿದಿದೆ. ಇದೀಗ 16ನೇ ಸೀಸನ್ ಆಡುತ್ತಿರುವ ಆರ್ಸಿಬಿ 10 ಪಂದ್ಯಗಳಲ್ಲಿ 5 ರಲ್ಲಿ ಜಯ ಸಾಧಿಸಿದೆ. ಇನ್ನುಳಿದಿರುವುದು ಕೇವಲ 4 ಪಂದ್ಯಗಳು ಮಾತ್ರ. ಈ ಪಂದ್ಯಗಳಲ್ಲಿ ಜಯ ಸಾಧಿಸಿದರೆ ಮಾತ್ರ ಪ್ಲೇಆಫ್ಗೆ ನೇರ ಎಂಟ್ರಿ ಕೊಡಬಹುದು.
1 / 10
ಆದರೆ ಆರ್ಸಿಬಿ ತಂಡದ ಪ್ಲೇಆಫ್ ಹಾದಿ ಸುಗಮವಲ್ಲ. ಏಕೆಂದರೆ ಆರ್ಸಿಬಿ 5 ರಲ್ಲಿ 3 ಪಂದ್ಯ ಗೆದ್ದಿರುವುದು ಹೋಮ್ ಗ್ರೌಂಡ್ನಲ್ಲಿ. ಅಂದರೆ ಇನ್ನುಳಿದ 4 ರಲ್ಲಿ 3 ಪಂದ್ಯಗಳನ್ನು ವಿವಿಧ ತಂಡಗಳ ತವರು ಮೈದಾನದಲ್ಲಿ ಆಡಬೇಕಿದೆ. ಆದರೆ ಆ ಪಂದ್ಯಗಳಲ್ಲಿ ಗೆಲ್ಲಲು ಆರ್ಸಿಬಿ ತಂಡವು ಕೆಲ ಆಟಗಾರರ ವಿರುದ್ಧ ಪ್ರತಿತಂತ್ರಗಳನ್ನು ರೂಪಿಸಲೇಬೇಕು.
2 / 10
ಇನ್ನು ಪ್ಲೇಆಫ್ ಪ್ರವೇಶಿಸಿದರೂ ಆರ್ಸಿಬಿ ಕೆಲ ಆಟಗಾರರ ಬಗ್ಗೆ ಎಚ್ಚರಿಕೆಯಿಂದರಬೇಕಾಗುತ್ತದೆ. ಏಕೆಂದರೆ ಐಪಿಎಲ್ ಆರಂಭದಿಂದಲೂ 6 ಆಟಗಾರರು ಆರ್ಸಿಬಿ ವಿರುದ್ಧ ಅತ್ಯುತ್ತಮ ಪ್ರದರ್ಶನ ನೀಡುತ್ತಾ ಬಂದಿದ್ದಾರೆ. ಇವರಲ್ಲಿ ಐವರು ಆಟಗಾರರು ಈಗಲೂ ಐಪಿಎಲ್ನ ಭಾಗವಾಗಿದ್ದಾರೆ. ಹಾಗಿದ್ರೆ ಆರ್ಸಿಬಿ ವಿರುದ್ಧ ಅತೀ ಹೆಚ್ಚು ರನ್ ಕಲೆಹಾಕಿದ ಬ್ಯಾಟರ್ಗಳು ಯಾರೆಲ್ಲಾ ಎಂದು ನೋಡೋಣ...
3 / 10
1- ಡೇವಿಡ್ ವಾರ್ನರ್: ಪ್ರಸ್ತುತ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕ ಡೇವಿಡ್ ವಾರ್ನರ್ ಆರ್ಸಿಬಿ ಪಾಲಿನ ಸಿಂಹಸ್ವಪ್ನ ಎಂದರೆ ತಪ್ಪಾಗಲಾರದು. ಏಕೆಂದರೆ ಆರ್ಸಿಬಿ ವಿರುದ್ಧ 23 ಇನಿಂಗ್ಸ್ ಆಡಿರುವ ವಾರ್ನರ್ 2 ಭರ್ಜರಿ ಶತಕ ಹಾಗೂ 9 ಅರ್ಧಶತಕಗಳೊಂದಿಗೆ ಒಟ್ಟು 984 ರನ್ ಕಲೆಹಾಕಿದ್ದಾರೆ. ಹೀಗಾಗಿಯೇ ಆರ್ಸಿಬಿ ಪಾಲಿಗೆ ಡೇವಿಡ್ ವಾರ್ನರ್ ಡೇಂಜರಸ್ ಆಟಗಾರ.
4 / 10
2- ಎಂಎಸ್ ಧೋನಿ: ಸಿಎಸ್ಕೆ ತಂಡದ ನಾಯಕ ಧೋನಿ ಕೂಡ ಆರ್ಸಿಬಿ ವಿರುದ್ಧ ಅಬ್ಬರಿಸುತ್ತಾ ಬಂದಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಇದುವರೆಗೆ 33 ಇನಿಂಗ್ಸ್ ಆಡಿರುವ ಧೋನಿ 4 ಅರ್ಧಶತಕಗಳೊಂದಿಗೆ ಒಟ್ಟು 850 ರನ್ ಕಲೆಹಾಕಿದ್ದಾರೆ.
5 / 10
3- ರೋಹಿತ್ ಶರ್ಮಾ: ಮುಂಬೈ ಇಂಡಿಯನ್ಸ್ ತಂಡದ ಕ್ಯಾಪ್ಟನ್ ರೋಹಿತ್ ಶರ್ಮಾ ಆರ್ಸಿಬಿ ವಿರುದ್ಧ 30 ಇನಿಂಗ್ಸ್ಗಳಲ್ಲಿ 786 ರನ್ ಕಲೆಹಾಕಿದ್ದಾರೆ. ಈ ವೇಳೆ 7 ಅರ್ಧಶತಕಗಳನ್ನು ಬಾರಿಸಿದ್ದರು.
6 / 10
4- ಅಂಬಾಟಿ ರಾಯುಡು: ಸಿಎಸ್ಕೆ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟರ್ ಅಂಬಾಟಿ ರಾಯುಡು ಕೂಡ ಆರ್ಸಿಬಿ ವಿರುದ್ಧ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸುತ್ತಾ ಬಂದಿದ್ದಾರೆ. ಆರ್ಸಿಬಿ ವಿರುದ್ಧ ಇದುವರೆಗೆ 27 ಇನಿಂಗ್ಸ್ ಆಡಿರುವ ರಾಯುಡು ಒಟ್ಟು 753 ರನ್ ಕಲೆಹಾಕಿದ್ದಾರೆ.
7 / 10
5- ಶಿಖರ್ ಧವನ್: ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಶಿಖರ್ ಧವನ್ ಕೂಡ ಆರ್ಸಿಬಿ ವಿರುದ್ಧ ಅತ್ಯುತ್ತಮ ಪ್ರದರ್ಶನ ನೀಡಿದ ದಾಖಲೆ ಹೊಂದಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 26 ಇನಿಂಗ್ಸ್ ಆಡಿರುವ ಧವನ್ 6 ಅರ್ಧಶತಕಗಳೊಂದಿಗೆ ಒಟ್ಟು 753 ರನ್ ಕಲೆಹಾಕಿದ್ದಾರೆ. ಹೀಗಾಗಿ ಆರ್ಸಿಬಿ ಪಾಲಿಗೆ ಧವನ್ ಕೂಡ ಮುಳುವಾಗಬಹುದು.
8 / 10
ಸುರೇಶ್ ರೈನಾ- ಇನ್ನು ಈ ಪಟ್ಟಿಯಲ್ಲಿ ಸಿಎಸ್ಕೆ ತಂಡದ ಮಾಜಿ ಆಟಗಾರ ಸುರೇಶ್ ರೈನಾ ಕೂಡ ಇದ್ದು, ಅವರು 30 ಇನಿಂಗ್ಸ್ಗಳಲ್ಲಿ 796 ರನ್ ಬಾರಿಸಿದ್ದಾರೆ. ಇದಾಗ್ಯೂ ರೈನಾ ಐಪಿಎಲ್ಗೆ ವಿದಾಯ ಹೇಳಿರುವ ಕಾರಣ ಆರ್ಸಿಬಿಗೆ ಎಡಗೈ ದಾಂಡಿಗನ ಚಿಂತೆಯಿಲ್ಲ ಎನ್ನಬಹುದು.
9 / 10
ಅಂದರೆ ಇಲ್ಲಿ ಆರ್ಸಿಬಿ ವಿರುದ್ಧ ಅತ್ಯುತ್ತಮ ಪ್ರದರ್ಶನ ನೀಡಿರುವ ಆಟಗಾರರನ್ನು ಹೊಂದಿರುವ ತಂಡಗಳಿಗೆ ಪ್ಲೇಆಫ್ ಪ್ರವೇಶಿಸುವ ಅವಕಾಶವಿದೆ. ಅದರಲ್ಲೂ ಮುಂಬೈ ಇಂಡಿಯನ್ಸ್ ಹಾಗೂ ಆರ್ಸಿಬಿ ನಡುವಣ ಪಂದ್ಯವು ಉಭಯ ತಂಡಗಳಿಗೂ ನಿರ್ಣಾಯಕ. ಇತ್ತ ಆರ್ಸಿಬಿ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದರೂ ರೋಹಿತ್ ಶರ್ಮಾ ತಂಡದಲ್ಲಿದ್ದಾರೆ. ಹೀಗಾಗಿ ಹಿಟ್ಮ್ಯಾನ್ನ ನಿಯಂತ್ರಿಸಲು ಆರ್ಸಿಬಿ ವಿಶೇಷ ರಣತಂತ್ರ ರೂಪಿಸಬೇಕಾದ ಅನಿವಾರ್ಯತೆ ಇದೆ.
