ವಾರ್ನರ್ ದಾಖಲೆ ಮುರಿದ ಬಾಬರ್: ಈಗಲೂ ಕೊಹ್ಲಿಯೇ ಕಿಂಗ್
Virat Kohli vs Babar Azam: ಈ ಪಟ್ಟಿಯಲ್ಲಿ ಈಗಲೂ ವಿರಾಟ್ ಕೊಹ್ಲಿಯೇ ನಂಬರ್ ಸ್ಥಾನದಲ್ಲಿರುವುದು ವಿಶೇಷ. ಹಾಗಿದ್ರೆ ಟಿ20 ಕ್ರಿಕೆಟ್ನಲ್ಲಿ ಯಾವ ಬ್ಯಾಟ್ಸ್ಮನ್ ಎಷ್ಟು ಬಾರಿ ಅಜೇಯರಾಗಿ ಉಳಿದಿದ್ದಾರೆ ಎಂದು ನೋಡೋಣ...
ನ್ಯೂಜಿಲೆಂಡ್, ಬಾಂಗ್ಲಾದೇಶ್ ಹಾಗೂ ಪಾಕಿಸ್ತಾನ್ ನಡುವಣ ತ್ರಿಕೋನಾ ಸರಣಿಯಲ್ಲಿ ಪಾಕ್ ತಂಡದ ನಾಯಕ ಬಾಬರ್ ಆಜಂ ಭರ್ಜರಿ ಫಾರ್ಮ್ ಮುಂದುವರೆಸಿದ್ದಾರೆ.
ನ್ಯೂಜಿಲೆಂಡ್ ವಿರುದ್ಧ ನಡೆದ 2ನೇ ಪಂದ್ಯದಲ್ಲಿ 53 ಎಸೆತಗಳಲ್ಲಿ 79 ರನ್ ಬಾರಿಸುವ ಮೂಲಕ ಬಾಬರ್ ಆಜಂ ಪಾಕ್ ತಂಡಕ್ಕೆ 6 ವಿಕೆಟ್ಗಳ ಜಯ ತಂದುಕೊಟ್ಟರು. ವಿಶೇಷ ಎಂದರೆ ಈ ಅಜೇಯ ಅರ್ಧಶತಕದೊಂದಿಗೆ ಟಿ20ಯಲ್ಲಿ ವಿಶೇಷ ದಾಖಲೆಯನ್ನು ಬಾಬರ್ ಬರೆದಿದ್ದಾರೆ.
ಈ ಹಿಂದೆ ಡೇವಿಡ್ ವಾರ್ನರ್ ಅರ್ಧಶತಕದೊಂದಿಗೆ 9 ಬಾರಿ ಟಿ20 ಕ್ರಿಕೆಟ್ನಲ್ಲಿ ಅಜೇಯರಾಗಿ ಉಳಿದಿದ್ದರು. ಇದೀಗ ಬಾಬರ್ 10ನೇ ಬಾರಿ ಅಜೇಯರಾಗಿ ಅರ್ಧಶತಕ ಬಾರಿಸುವ ಮೂಲಕ ವಿಶೇಷ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಆದರೆ ಈ ಪಟ್ಟಿಯಲ್ಲಿ ಈಗಲೂ ವಿರಾಟ್ ಕೊಹ್ಲಿಯೇ ನಂಬರ್ ಸ್ಥಾನದಲ್ಲಿರುವುದು ವಿಶೇಷ. ಹಾಗಿದ್ರೆ ಟಿ20 ಕ್ರಿಕೆಟ್ನಲ್ಲಿ ಯಾವ ಬ್ಯಾಟ್ಸ್ಮನ್ ಎಷ್ಟು ಬಾರಿ ಅಜೇಯರಾಗಿ ಉಳಿದಿದ್ದಾರೆ ಎಂದು ನೋಡೋಣ...
1- ವಿರಾಟ್ ಕೊಹ್ಲಿ (ಭಾರತ) - 19 ಬಾರಿ
2- ಮೊಹಮ್ಮದ್ ರಿಜ್ವಾನ್ (ಪಾಕಿಸ್ತಾನ್) - 11 ಬಾರಿ
3- ಬಾಬರ್ ಆಜಂ (ಪಾಕಿಸ್ತಾನ್) - 10 ಬಾರಿ
4- ಡೇವಿಡ್ ವಾರ್ನರ್ (ಆಸ್ಟ್ರೇಲಿಯಾ) - 9 ಬಾರಿ
5- ಜೋಸ್ ಬಟ್ಲರ್ (ಇಂಗ್ಲೆಂಡ್) - 8 ಬಾರಿ