Ranji Trophy: ರಣಜಿ ಟ್ರೋಫಿ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಟಾಪ್ 5 ಬೌಲರ್ಗಳು ಯಾರು ಗೊತ್ತಾ?
Ranji Trophy: ವಿನಯ್ ಕುಮಾರ್ ಈ ಪಟ್ಟಿಯಲ್ಲಿರುವ ಅತ್ಯಂತ ಕಿರಿಯ ಬೌಲರ್. ಈ ಟೂರ್ನಿಯಲ್ಲಿ 442 ವಿಕೆಟ್‌ಗಳನ್ನು ಕಬಳಿಸುವ ಮೂಲಕ ರಣಜಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ನಾಲ್ಕನೇ ಬೌಲರ್ ಆಗಿದ್ದಾರೆ.
ರಾಜಿಂದರ್ ಗೋಯಲ್ ರಣಜಿ ಟ್ರೋಫಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ. ಗೋಯಲ್ ತಮ್ಮ 26 ವರ್ಷಗಳ ವೃತ್ತಿ ಜೀವನದಲ್ಲಿ 637 ವಿಕೆಟ್ ಪಡೆದಿದ್ದಾರೆ. ರಾಜಿಂದರ್ ಪಟಿಯಾಲ, ದಕ್ಷಿಣ ಪಂಜಾಬ್, ದೆಹಲಿ ಮತ್ತು ಹರಿಯಾಣ ಪರ ದೇಶೀಯ ಕ್ರಿಕೆಟ್ ಆಡಿದ್ದಾರೆ.
1 / 5
ಅನುಭವಿ ಬೌಲರ್ ಶ್ರೀನಿವಿಸಾರಾಘವನ್ ವೆಂಕರಾಘವನ್ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಮದ್ರಾಸ್/ಚೆನ್ನೈ ಪರ ಆಡಿದ ವೆಂಕರಾಘವನ್ 20 ವರ್ಷಗಳ ಈ ಟೂರ್ನಿಯಲ್ಲಿ 531 ವಿಕೆಟ್ ಪಡೆದಿದ್ದಾರೆ. ಅಂತರಾಷ್ಟ್ರೀಯ ಮಟ್ಟದಲ್ಲಿ ಅದೇ ಯಶಸ್ಸನ್ನು ಪುನರಾವರ್ತಿಸಿದ ಅವರು ದಿಗ್ಗಜ ಬೌಲರ್‌ಗಳ ಸಾಲಿಗೆ ಸೇರಿದರು.
2 / 5
ರಣಜಿ ಟ್ರೋಫಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಕರ್ನಾಟಕದ ಸುನಿಲ್ ಜೋಶಿ ಮೂರನೇ ಸ್ಥಾನದಲ್ಲಿದ್ದಾರೆ. 19 ವರ್ಷಗಳಿಂದ ಈ ಟೂರ್ನಿಯಲ್ಲಿ ತಮ್ಮ ರಾಜ್ಯವನ್ನು ಪ್ರತಿನಿಧಿಸುತ್ತಿರುವ ಕರ್ನಾಟಕದ ಸುನಿಲ್ ಜೋಶಿ 479 ವಿಕೆಟ್‌ಗಳನ್ನು ತಮ್ಮ ಹೆಸರಿನಲ್ಲಿ ಪಡೆದಿದ್ದಾರೆ.
3 / 5
ವಿನಯ್ ಕುಮಾರ್ ಈ ಪಟ್ಟಿಯಲ್ಲಿರುವ ಅತ್ಯಂತ ಕಿರಿಯ ಬೌಲರ್. ಈ ಟೂರ್ನಿಯಲ್ಲಿ 442 ವಿಕೆಟ್‌ಗಳನ್ನು ಕಬಳಿಸುವ ಮೂಲಕ ರಣಜಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ನಾಲ್ಕನೇ ಬೌಲರ್ ಆಗಿದ್ದಾರೆ. ಅವರು ಮೊದಲು ಕರ್ನಾಟಕಕ್ಕಾಗಿ ಆಡುತ್ತಿದ್ದರು, ಆದರೆ ನಂತರ ಅವರು ಪುದುಚೇರಿಗಾಗಿ ಆಡಲು ಪ್ರಾರಂಭಿಸಿದರು.
4 / 5
ಅನುಭವಿ ಬೌಲರ್ ನರೇಂದ್ರ ಹಿರ್ವಾನಿ ಐದನೇ ಸ್ಥಾನದಲ್ಲಿದ್ದಾರೆ. ಮಧ್ಯಪ್ರದೇಶದ ನರೇಂದ್ರ ರಣಜಿಯಲ್ಲಿ 441 ವಿಕೆಟ್ ಪಡೆದಿದ್ದಾರೆ. ಅವರು ವಿನಯ್ ಕುಮಾರ್‌ಗೆ ಕೇವಲ ಒಂದು ವಿಕೆಟ್ ಹಿಂದಿದ್ದಾರೆ. ಮಧ್ಯಪ್ರದೇಶ ಹೊರತುಪಡಿಸಿ, ಅವರು ಬಂಗಾಳದ ಪರವಾಗಿ ಆಡಿದ್ದಾರೆ.
