Ranji Trophy: ಒಂದೇ ಇನಿಂಗ್ಸ್ನಲ್ಲಿ 9 ವಿಕೆಟ್: ದಾಖಲೆ ಬರೆದ ಜಲಜ್ ಸಕ್ಸೇನಾ
Ranji Trophy: ರಣಜಿ ಟ್ರೋಫಿ ಇತಿಹಾಸದಲ್ಲಿ ಇಬ್ಬರು ಬೌಲರ್ಗಳು ಮಾತ್ರ ಒಂದೇ ಇನಿಂಗ್ಸ್ನ 10 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಇದೀಗ 9 ವಿಕೆಟ್ಗಳನ್ನು ಉರುಳಿಸುವ ಮೂಲಕ ಜಲಜ್ ಸಕ್ಸೇನಾ ಕೂಡ ವಿಶೇಷ ದಾಖಲೆಯೊಂದನ್ನು ಬರೆದಿದ್ದಾರೆ. ಆ ದಾಖಲೆ ಯಾವುದು? 10 ವಿಕೆಟ್ಗಳನ್ನು ಕಬಳಿಸಿದ ಬೌಲರ್ಗಳು ಯಾರು ಎಂಬುದರ ಮಾಹಿತಿ ಈ ಕೆಳಗಿದೆ.
ತಿರುವನಂತಪುರಂನಲ್ಲಿ ನಡೆಯುತ್ತಿರುವ ಬೆಂಗಾಳ್ ವಿರುದ್ಧದ ಪಂದ್ಯದಲ್ಲಿ 9 ವಿಕೆಟ್ ಕಬಳಿಸುವ ಮೂಲಕ ಜಲಜ್ ಸಕ್ಸೇನಾ ಹೊಸ ದಾಖಲೆ ಬರೆದಿದ್ದಾರೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಕೇರಳ ತಂಡವು ಪ್ರಥಮ ಇನಿಂಗ್ಸ್ನಲ್ಲಿ 363 ರನ್ ಕಲೆಹಾಕಿತು.
1 / 8
ಇದಕ್ಕುತ್ತರವಾಗಿ ಮೊದಲ ಇನಿಂಗ್ಸ್ ಶುರು ಮಾಡಿದ ಬೆಂಗಾಳ್ ತಂಡದ ಮೊದಲ ವಿಕೆಟ್ ಅನ್ನು ನಿದೇಶ್ ಪಡೆದರು. ಆದರೆ ಉಳಿದ 9 ವಿಕೆಟ್ಗಳನ್ನು ಕಬಳಿಸುವ ಮೂಲಕ ಜಲಜ್ ಸಕ್ಸೇನಾ ಬೆಂಗಾಳ್ ಪಾಲಿಗೆ ದುಸ್ವಪ್ನವಾದರು.
2 / 8
ಸ್ಪಿನ್ ಮೋಡಿ ಮಾಡಿದ ಜಲಜ್ ಸಕ್ಸೇನಾ ಮೊದಲು ಅಭಿಮನ್ಯು ಈಶ್ವರನ್ (72) ಅವರನ್ನು ಔಟ್ ಮಾಡಿದರು. ಇದಾದ ಬಳಿಕ ಹಿಂತಿರುಗಿ ನೋಡಿಲ್ಲ ಎಂದೇ ಹೇಳಬಹುದು. ಬ್ಯಾಕ್ ಟು ಬ್ಯಾಕ್ ವಿಕೆಟ್ ಕಬಳಿಸುತ್ತಾ ಸಾಗಿದ ಜಲಜ್ ಬೆಂಗಾಳ್ ತಂಡವನ್ನು 180 ರನ್ಗಳಿಗೆ ಆಲೌಟ್ ಮಾಡಿದರು.
3 / 8
ಈ ಇನಿಂಗ್ಸ್ನಲ್ಲಿ ಒಟ್ಟು 21.1 ಓವರ್ಗಳನ್ನು ಎಸೆದಿದ್ದ ಜಲಜ್ ಕೇವಲ 68 ರನ್ ನೀಡುವ ಮೂಲಕ 9 ವಿಕೆಟ್ ಕಬಳಿಸಿದರು. ಈ ಮೂಲಕ ಕೇರಳ ಪರ ರಣಜಿ ಕ್ರಿಕೆಟ್ನಲ್ಲಿ ಅತ್ಯದ್ಭುತ ಪ್ರದರ್ಶನ ನೀಡಿದ 2ನೇ ಬೌಲರ್ ಎಂಬ ದಾಖಲೆಯನ್ನು ಬರೆದರು.
4 / 8
ಕೇರಳ ಪರ ಅತ್ಯುತ್ತಮ ಬೌಲಿಂಗ್ ದಾಳಿ ಸಂಘಟಿಸಿದ ದಾಖಲೆ ಅಮರ್ಜಿತ್ ಸಿಂಗ್ ಹೆಸರಿನಲ್ಲಿದೆ. 1972 ರಲ್ಲಿ ಆಂಧ್ರಪ್ರದೇಶ ವಿರುದ್ಧ 45 ರನ್ ನೀಡಿ 9 ವಿಕೆಟ್ ಕಬಳಿಸಿ ಅಮರ್ಜಿತ್ ಈ ದಾಖಲೆ ಬರೆದಿದ್ದರು. ಇದೀಗ 68 ರನ್ಗಳಿಗೆ 9 ವಿಕೆಟ್ ಕಬಳಿಸುವ ಮೂಲಕ ಜಲಜ್ ಸಕ್ಸೇನಾ ಈ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನ ಅಲಂಕರಿಸಿದ್ದಾರೆ.
5 / 8
ಇನ್ನು ರಣಜಿ ಕ್ರಿಕೆಟ್ನ ಅತ್ಯುತ್ತಮ ಬೌಲಿಂಗ್ ದಾಖಲೆ ಇರುವುದು ಪ್ರೇಮಾಂಗ್ಸು ಚಟರ್ಜಿ ಅವರ ಹೆಸರಿನಲ್ಲಿ. 1957 ರಲ್ಲಿ ಬೆಂಗಾಳ್ ಪರ ಕಣಕ್ಕಿಳಿದಿದ್ದ ಪ್ರೇಮಾಂಗ್ಸು, ಅಸ್ಸಾಂ ವಿರುದ್ಧ ಕೇವಲ 20 ರನ್ ನೀಡಿ 10 ವಿಕೆಟ್ಗಳನ್ನು ಕಬಳಿಸಿದ್ದರು. ಈ ಮೂಲಕ ದೇಶೀಯ ಕ್ರಿಕೆಟ್ನಲ್ಲಿ 10 ವಿಕೆಟ್ಗಳನ್ನು ಕಬಳಿಸಿದ ಮೊದಲ ಬೌಲರ್ ಎಂಬ ದಾಖಲೆ ಬರೆದಿದ್ದರು.
6 / 8
ಇದಾದ ಬಳಿಕ 1986 ರಲ್ಲಿ ರಾಜಸ್ಥಾನ್ ಆಟಗಾರ ಪ್ರದೀಪ್ ಸುಂದರಂ ವಿದರ್ಭ ವಿರುದ್ಧದ ಪಂದ್ಯದಲ್ಲಿ 78 ರನ್ ನೀಡಿ 10 ವಿಕೆಟ್ ಪಡೆದಿದ್ದರು. ಈ ಮೂಲಕ ರಣಜಿ ಕ್ರಿಕೆಟ್ ಇನಿಂಗ್ಸ್ನಲ್ಲಿ ಎಲ್ಲಾ ಹತ್ತು ಬ್ಯಾಟರ್ಗಳನ್ನು ಔಟ್ ಮಾಡಿದ 2ನೇ ಬೌಲರ್ ಎನಿಸಿಕೊಂಡಿದ್ದರು.
7 / 8
ಇದೀಗ 68 ರನ್ಗಳಿಗೆ 9 ವಿಕೆಟ್ ಕಬಳಿಸುವ ಮೂಲಕ ಜಲಜ್ ಸಕ್ಸೇನಾ ರಣಜಿ ಟೂರ್ನಿಯ ಇನಿಂಗ್ಸ್ವೊಂದರಲ್ಲಿ ಒಂಭತ್ತು ಬ್ಯಾಟರ್ಗಳನ್ನು ಔಟ್ ಮಾಡಿದ ವಿಶೇಷ ಸಾಧಕರ ಪಟ್ಟಿಗೆ ಸೇರ್ಪಡೆಯಾಗಿದ್ದಾರೆ.
