Rohit Sharma- Ritika Sajdeh: ಮಗನಿಗೆ ಮೂರು ಅಕ್ಷರಗಳ ಮುದ್ದಾದ ಹೆಸರಿಟ್ಟ ರೋಹಿತ್- ರಿತಿಕಾ
Rohit Sharma's Son's Name Revealed: ರೋಹಿತ್ ಶರ್ಮಾ ಮತ್ತು ರಿತಿಕಾ ಸಜ್ಡೆ ತಮ್ಮ ಮಗುವಿಗೆ ಅಹಾನ್ ಎಂದು ಹೆಸರಿಟ್ಟಿದ್ದಾರೆ. ರಿತಿಕಾ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ. ನವೆಂಬರ್ 15 ರಂದು ಜನಿಸಿದ ಮಗುವಿನ ಹೆಸರನ್ನು 15 ದಿನಗಳ ನಂತರ ಬಹಿರಂಗಪಡಿಸಲಾಗಿದೆ.
ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಅವರ ಪತ್ನಿ ರಿತಿಕಾ ಸಜ್ದೇ ಕೆಲವು ದಿನಗಳ ಹಿಂದೆ ಮುದ್ದಾದ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಆದರೆ ಮಗನ ಹೆಸರನ್ನು ದಂಪತಿಗಳಿಬ್ಬರು ಬಹಿರಂಗಪಡಿಸಿರಲಿಲ್ಲ. ಇದೀಗ ಮಗನ ಆಗಮನದ 15 ದಿನಗಳ ನಂತರ ಮರಿ ರೋಹಿತ್ ಶರ್ಮಾನ ಹೆಸರನ್ನು ಬಹಿರಂಗಪಡಿಸಿದ್ದಾರೆ.
1 / 6
ರಿತಿಕಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ವೊಂದನ್ನು ಹಂಚಿಕೊಳ್ಳುವ ಮೂಲಕ ಪುಟ್ಟ ರೋಹಿತ್ ಹೆಸರನ್ನು ಘೋಷಿಸಿದ್ದಾರೆ. ರೋಹಿತ್ ಮತ್ತು ರಿತಿಕಾ ಇಬ್ಬರೂ ತಮ್ಮ ಮಗನಿಗೆ ಕೇವಲ 3 ಅಕ್ಷರಗಳ ಹೆಸರಿಟ್ಟಿದ್ದು, ದಂಪತಿಗಳು ತಮ್ಮ ಮಗನಿಗೆ ಅಹಾನ್ ಎಂದು ಹೆಸರಿಟ್ಟಿದ್ದಾರೆ.
2 / 6
ರಿತಿಕಾ ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಕ್ರಿಸ್ಮಸ್ ಥೀಮ್ ಇರುವ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ. ಈ ಫೋಟೋದಲ್ಲಿ ರಿತಿಕಾ ತಮ್ಮ ಕುಟುಂಬದ ನಾಲ್ಕು ಜನರ ಹೆಸರನ್ನು ಉಲ್ಲೇಖಿಸಿದ್ದಾರೆ. ಅದರಂತೆ ರೋಹಿತ್ ಶರ್ಮಾ ಅವರ ಹೆಸರನ್ನು ರೋ, ರಿತಿಕಾ ಅವರ ಹೆಸರನ್ನು ರಿಟ್ಸ್ ಎಂದು ಹಾಗೂ ಮಗಳು ಸಮೈರಾ ಅವರ ಹೆಸರನ್ನು ಸ್ಯಾಮಿ ಎಂತಲೂ, ಕೊನೆಗೆ ತಮ್ಮ ಮಗನ ಹೆಸರನ್ನು ಅಹಾನ್ ಎಂದು ಸ್ಪಷ್ಟವಾಗಿ ಬರೆದಿದ್ದಾರೆ.
3 / 6
ನವೆಂಬರ್ 15 ರಂದು ರಿತಿಕಾ ತನ್ನ ಎರಡನೇ ಮುದ್ದಾದ ಮಗುವಿಗೆ ಜನ್ಮ ನೀಡಿದ್ದರು. ಎರಡನೇ ಮಗುವಿನ ಜನನದ ನಂತರ ಕುಟುಂಬದೊಂದಿಗೆ ಸ್ವಲ್ಪ ಸಮಯ ಕಳೆಯುವ ಸಲುವಾಗಿ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್‌ನಲ್ಲಿ ಆಡುವುದಿಲ್ಲ ಎಂದು ರೋಹಿತ್ ಶರ್ಮಾ ಬಿಸಿಸಿಐಗೆ ತಿಳಿಸಿದ್ದರು.
4 / 6
ಹೀಗಾಗಿ ರೋಹಿತ್ ಅವರ ಅನುಪಸ್ಥಿತಿಯಲ್ಲಿ ಜಸ್ಪ್ರೀತ್ ಬುಮ್ರಾ ತಂಡದ ನಾಯಕತ್ವವನ್ನು ನಿರ್ವಹಿಸಿದ್ದು, ತಂಡಕ್ಕೆ ಭರ್ಜರಿ ಗೆಲುವು ತಂದುಕೊಟ್ಟಿದ್ದರು. ಮೊದಲ ಟೆಸ್ಟ್ ಪಂದ್ಯದ ನಡುವೆಯೇ ಟೀಂ ಇಂಡಿಯಾವನ್ನು ಸೇರಿಕೊಂಡಿದ್ದ ರೋಹಿತ್ ಶರ್ಮಾ, ಇದೀಗ ಉಭಯ ತಂಡಗಳ ನಡುವಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಕಣಕ್ಕಿಳಿಯಲಿದ್ದು, ತಂಡವನ್ನು ಮುನ್ನಡೆಸಲಿದ್ದಾರೆ.
5 / 6
ರೋಹಿತ್ ಶರ್ಮಾ ಮತ್ತು ರಿತಿಕಾ 2015 ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದರು. ಈ ಇಬ್ಬರು ಡಿಸೆಂಬರ್ 13, 2015 ರಂದು ಸಪ್ತಪದಿ ತುಳಿದಿದ್ದರು. ಮದುವೆಯಾದ 3 ವರ್ಷಗಳ ನಂತರ ಅವರಿಗೆ ಹೆಣ್ಣು ಮಗು ಜನಿಸಿತ್ತು. ಆಕೆಗೆ ಸಮೈರಾ ಎಂದು ಹೆಸರಿಡಾಗಿತ್ತು. ಈಗ 6 ವರ್ಷಗಳ ನಂತರ ಜನಿಸಿರುವ ಮಗನಿಗೆ ಅಹಾನ್ ಎಂದು ಹೆಸರಿಟ್ಟಿದ್ದಾರೆ.
