Sunil Gavaskar: ವಿರಾಟ್ ಕೊಹ್ಲಿ ಸಚಿನ್ ಅವರ 100 ಶತಕದ ದಾಖಲೆ ಮುರೀತಾರೆ..ಆದರೆ
Virat Kohli - Sachin Tendulkar: ಕಿಂಗ್ ಕೊಹ್ಲಿ 74 ಶತಕಗಳನ್ನು ಬಾರಿಸಿದ್ದಾರೆ. ಇನ್ನು ಸಚಿನ್ ತೆಂಡೂಲ್ಕರ್ ಅವರ ವಿಶ್ವ ದಾಖಲೆಯನ್ನು ಮುರಿಯಲು ಬೇಕಿರುವುದು 27 ಶತಕಗಳು ಮಾತ್ರ.
ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಧಿಕ ಅಂತಾರಾಷ್ಟ್ರೀಯ ಶತಕ ಬಾರಿಸಿದ ವಿಶ್ವ ದಾಖಲೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿದೆ. ಸಚಿನ್ 49 ಏಕದಿನ ಶತಕ ಹಾಗೂ 51 ಟೆಸ್ಟ್ ಶತಕಗಳೊಂದಿಗೆ ಶತಕಗಳ ಸೆಂಚುರಿ ಬಾರಿಸಿ ಯಾರಿಂದಲೂ ಸಾಧ್ಯವಾಗದ ವಿಶ್ವ ದಾಖಲೆ ಬರೆದಿಟ್ಟಿದ್ದಾರೆ. ಇದೀಗ ಈ ದಾಖಲೆಯನ್ನು ಬೆನ್ನತ್ತುವಲ್ಲಿ ವಿರಾಟ್ ಕೊಹ್ಲಿ ಬಹುತೇಕ ಯಶಸ್ವಿಯಾಗಿದ್ದಾರೆ.
1 / 5
ಏಕೆಂದರೆ ಇದೀಗ ಕಿಂಗ್ ಕೊಹ್ಲಿ 74 ಶತಕಗಳನ್ನು ಬಾರಿಸಿದ್ದಾರೆ. ಇನ್ನು ಸಚಿನ್ ತೆಂಡೂಲ್ಕರ್ ಅವರ ವಿಶ್ವ ದಾಖಲೆಯನ್ನು ಮುರಿಯಲು ಬೇಕಿರುವುದು 27 ಶತಕಗಳು ಮಾತ್ರ. ಇತ್ತ 34 ವರ್ಷದ ಕೊಹ್ಲಿ ಇನ್ನೂ ಕೂಡ ಒಂದಷ್ಟು ವರ್ಷಗಳ ಕಾಲ ಕಣದಲ್ಲಿರುವುದು ಖಚಿತ. ಹೀಗಾಗಿಯೇ ಕಿಂಗ್ ಕೊಹ್ಲಿಗೆ ಸಚಿನ್ ತೆಂಡೂಲ್ಕರ್ ಅವರ ವಿಶ್ವ ದಾಖಲೆಯ ಮುರಿಯಲಿದ್ದಾರೆ ಎಂದು ಲಿಟಲ್ ಮಾಸ್ಟರ್ ಸುನಿಲ್ ಗವಾಸ್ಕರ್ ಭವಿಷ್ಯ ನುಡಿದಿದ್ದಾರೆ. ಆದರೆ....
2 / 5
ಆದರೆ ವಿರಾಟ್ ಕೊಹ್ಲಿ ಈ ಸಾಧನೆ ಮಾಡಬೇಕೆಂದರೆ ಇನ್ನೂ ಐದಾರು ವರ್ಷಗಳ ಕಾಲ ಆಡಬೇಕೆಂದು ಗವಾಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ. ವಿರಾಟ್ ಕೊಹ್ಲಿ ಸಚಿನ್ ರೀತಿಯಲ್ಲಿ 40 ವರ್ಷಗಳವರೆಗೆ ಕ್ರಿಕೆಟ್ ಆಡಿದ್ರೆ ಖಂಡಿತವಾಗಿತಯೂ ಅವರು 100 ಶತಕಗಳ ಸಾಧನೆ ಮಾಡಲಿದ್ದಾರೆ ಎಂದು ಸುನಿಲ್ ಗವಾಸ್ಕರ್ ಹೇಳಿದರು.
3 / 5
ವಿರಾಟ್ ಕೊಹ್ಲಿ ಏಕದಿನ ಕ್ರಿಕೆಟ್ನಲ್ಲಿ 46 ಮತ್ತು ಟೆಸ್ಟ್‌ನಲ್ಲಿ 27 ಶತಕಗಳನ್ನು ಬಾರಿಸಿದ್ದಾರೆ. ಮುಂದಿನ ಐದು-ಆರು ವರ್ಷಗಳ ಕಾಲ ಅವರು ಆಡಿದರೆ, ಶತಕಗಳ ಶತಕ ಸಿಡಿಸುವುದರಲ್ಲಿ ಅನುಮಾನವೇ ಇಲ್ಲ. ಏಕೆಂದರೆ ಒಂದು ವರ್ಷದಲ್ಲಿ ಅವರು 6 ಶತಕಗಳ ಸರಾಸರಿ ಹೊಂದಿದ್ದಾರೆ. ಹಾಗಾಗಿ 40 ವರ್ಷದವರೆಗೆ ಆಡಿದ್ರೆ ಅವರು ಸುಲಭವಾಗಿ ಮುಂದಿನ 26 ಶತಕಗಳನ್ನು ಗಳಿಸಬಹುದು ಎಂದು ಲಿಟಲ್ ಮಾಸ್ಟರ್ ಅಭಿಪ್ರಾಯಪಟ್ಟಿದ್ದಾರೆ.
4 / 5
ಸಚಿನ್ ತೆಂಡೂಲ್ಕರ್ 40 ವರ್ಷದವರೆಗೂ ಆಡಿದ್ದರು. ಅವರು ತಮ್ಮ ಫಿಟ್ನೆಸ್ ಕಾಯ್ದುಕೊಂಡಿದ್ದರು. ವಿರಾಟ್ ಕೊಹ್ಲಿಗೂ ಅವರ ಫಿಟ್ನೆಸ್ ಬಗ್ಗೆ ಅರಿವಿದೆ. ಈಗಲೂ ಅವರ ರನ್ನಿಂಗ್ ವಿಕೆಟ್ ಅತ್ಯುತ್ತಮವಾಗಿದೆ. ಇದೇ ಫಿಟ್ನೆಸ್ ಅನ್ನು ಮುಂದುವರೆಸಿದ 5-6 ವರ್ಷಗಳ ಕಾಲ ಆಡಿದ್ರೆ ಕೊಹ್ಲಿ ಬ್ಯಾಟ್ನಿಂದ ಶತಕಗಳ ಸೆಂಚುರಿ ಮೂಡಿಬರುವುದರಲ್ಲಿ ಅನುಮಾನವೇ ಇಲ್ಲ ಎಂದು ಸುನಿಲ್ ಗವಾಸ್ಕರ್ ಹೇಳಿದ್ದಾರೆ.
