ವೆಸ್ಟ್ ಇಂಡೀಸ್ ಆರಂಭಿಕ ಆಟಗಾರರು ಟೆಸ್ಟ್ ಕ್ರಿಕೆಟ್ನಲ್ಲಿ ಹೊಸ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ. ಅದು ಕೂಡ 33 ವರ್ಷಗಳ ಐತಿಹಾಸಿಕ ದಾಖಲೆಯನ್ನು ಮುರಿಯುವ ಮೂಲಕ ಎಂಬುದು ವಿಶೇಷ.
1 / 8
ಹೌದು, ಜಿಂಬಾಬ್ವೆ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಆರಂಭಿಕರಾದ ಕ್ರೇಗ್ ಬ್ರಾಥ್ವೈಟ್ ಹಾಗೂ ಟಾಗೆನರೈನ್ ಚಂದ್ರಪಾಲ್ ಅತ್ಯುತ್ತಮ ಜೊತೆಯಾಟ ಪ್ರದರ್ಶಿಸಿದ್ದರು. ಈ ಜೋಡಿಯು ಮೊದಲ ವಿಕೆಟ್ಗೆ 336 ರನ್ಗಳನ್ನು ಕಲೆಹಾಕುವ ಮೂಲಕ ಹೊಸ ದಾಖಲೆಯನ್ನೂ ಬರೆದರು.
2 / 8
ಅಂದರೆ ಟೆಸ್ಟ್ ಕ್ರಿಕೆಟ್ನಲ್ಲಿ ವೆಸ್ಟ್ ಇಂಡೀಸ್ ಪರ ಮೊದಲ ವಿಕೆಟ್ನಲ್ಲಿ 300 ರನ್ ಕಲೆಹಾಕಿದ ಮೊದಲ ಜೋಡಿ ಎಂಬ ದಾಖಲೆ ಬ್ರಾಥ್ವೈಟ್ ಹಾಗೂ ಟಾಗೆನರೈನ್ ಪಾಲಾಗಿದೆ. ಇದಕ್ಕೂ ಮುನ್ನ ಈ ದಾಖಲೆ ಗ್ರೀನಿಡ್ಜ್ ಮತ್ತು ಡೆಸ್ಮಂಡ್ ಹೇನ್ಸ್ ಹೆಸರಿನಲ್ಲಿತ್ತು.
3 / 8
1990 ರಲ್ಲಿ ಸೇಂಟ್ ಜಾನ್ಸ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ವಿಂಡೀಸ್ ಆರಂಭಿಕರಾದ ಗಾರ್ಡನ್ ಗ್ರೀನಿಡ್ಜ್ ಮತ್ತು ಡೆಸ್ಮಂಡ್ ಹೇನ್ಸ್ 298 ರನ್ಗಳ ಜೊತೆಯಾಟವಾಡಿದ್ದರು. ಇದೀಗ ಈ ದಾಖಲೆಯನ್ನು ಮುರಿದು ಬ್ರಾಥ್ವೈಟ್ ಹಾಗೂ ಟಾಗೆನರೈನ್ ಹೊಸ ಇತಿಹಾಸ ನಿರ್ಮಿಸಿದ್ದಾರೆ.
4 / 8
ಅಷ್ಟೇ ಅಲ್ಲದೆ ಟೆಸ್ಟ್ ಕ್ರಿಕೆಟ್ನಲ್ಲಿ ಅತ್ಯಧಿಕ ಬಾಲ್ ಎದುರಿಸಿದ ಆರಂಭಿಕ ಜೋಡಿಗಳ ದಾಖಲೆಯಲ್ಲೂ ಈ ಇಬ್ಬರು ಸ್ಥಾನ ಪಡೆದಿದ್ದಾರೆ. ಇದಕ್ಕೂ ಮುನ್ನ ಇಂತಹದೊಂದು ವಿಶೇಷ ದಾಖಲೆಯನ್ನು ಶ್ರೀಲಂಕಾದ ಅಟ್ಟಾಪಟ್ಟು ಹಾಗೂ ಜಯಸೂರ್ಯ ನಿರ್ಮಿಸಿದ್ದರು.
5 / 8
2000 ರಲ್ಲಿ ಪಾಕಿಸ್ತಾನ್ ವಿರುದ್ಧ ಆರಂಭಿಕರಾಗಿ ಕಣಕ್ಕಿಳಿದ ಮರ್ವಾನ್ ಅಟ್ಟಾಪಟ್ಟು ಹಾಗೂ ಸನತ್ ಜಯಸೂರ್ಯ ಬರೋಬ್ಬರಿ 686 ಎಸೆತಗಳನ್ನು ಎದುರಿಸಿ 335 ರನ್ಗಳ ಜೊತೆಯಾಟವಾಡಿದ್ದರು.
6 / 8
ಇದೀಗ ಟಾಗೆನರೈನ್ ಚಂದ್ರಪಾಲ್ ಹಾಗೂ ಕ್ರೇಗ್ ಬ್ರಾಥ್ವೈಟ್ ಜಿಂಬಾಬ್ವೆ ವಿರುದ್ಧ ಮೊದಲ ವಿಕೆಟ್ನಲ್ಲಿ 685 ಎಸೆತಗಳನ್ನು ಎದುರಿಸಿ 336 ರನ್ ಕಲೆಹಾಕಿದ್ದಾರೆ. ಈ ಮೂಲಕ 21ನೇ ಶತಮಾನದಲ್ಲಿ ಟೆಸ್ಟ್ ಕ್ರಿಕೆಟ್ನಲ್ಲಿ 100 ಓವರ್ ಆಡಿದ ಆರಂಭಿಕ ಜೋಡಿ ಎಂಬ ವಿಶೇಷ ದಾಖಲೆಯನ್ನು ಟಾಗೆನರೈನ್ ಚಂದ್ರಪಾಲ್ ಹಾಗೂ ಕ್ರೇಗ್ ಬ್ರಾಥ್ವೈಟ್ ನಿರ್ಮಿಸಿದ್ದಾರೆ.
7 / 8
ಇನ್ನು ಈ ಪಂದ್ಯದಲ್ಲಿ ಕ್ರೇಗ್ ಬ್ರಾಥ್ವೈಟ್ 312 ಎಸೆತಗಳಲ್ಲಿ 18 ಫೋರ್ನೊಂದಿಗೆ 182 ರನ್ ಬಾರಿಸಿದರೆ, ಟಾಗೆನರೈನ್ ಚಂದ್ರಪಾಲ್ 467 ಎಸೆತಗಳಲ್ಲಿ 3 ಸಿಕ್ಸ್ ಹಾಗೂ 16 ಫೋರ್ನೊಂದಿಗೆ 207 ರನ್ಗಳಿಸಿದ್ದರು. ಈ ಮೂಲಕ ಜಿಂಬಾಬ್ವೆ ವಿರುದ್ಧ ವೆಸ್ಟ್ ಇಂಡೀಸ್ ಮೊದಲ ಇನಿಂಗ್ಸ್ನಲ್ಲಿ 6 ವಿಕೆಟ್ ನಷ್ಟಕ್ಕೆ 447 ರನ್ಗಳಿಸಿ ಡಿಕ್ಲೇರ್ ಮಾಡಿಕೊಂಡಿತು.
