ಆಸ್ಟ್ರೇಲಿಯಾ ಪ್ರವಾಸಕ್ಕೆ ಭಾರತ ಮಹಿಳಾ ತಂಡ ಪ್ರಕಟ; ಮೂವರು ಹೊಸ ಮುಖಗಳಿಗೆ ಅವಕಾಶ
ಆಸ್ಟ್ರೇಲಿಯಾ ವಿರುದ್ಧದ ಒಂದು ಟೆಸ್ಟ್ ಮತ್ತು ಸೀಮಿತ ಓವರ್ಗಳ ಸರಣಿಗೆ ಮಹಿಳಾ ತಂಡವನ್ನು ಬಿಸಿಸಿಐ ಆಯ್ಕೆ ಮಾಡಿದೆ. ತಂಡದಲ್ಲಿ ವೇಗದ ಬೌಲರ್ ಮೇಘನಾ ಸಿಂಗ್ ಅವಕಾಶ ಪಡೆದಿದ್ದಾರೆ.
ಆಸ್ಟ್ರೇಲಿಯಾ ವಿರುದ್ಧದ ಒಂದು ಟೆಸ್ಟ್ ಮತ್ತು ಸೀಮಿತ ಓವರ್ಗಳ ಸರಣಿಗೆ ಮಹಿಳಾ ತಂಡವನ್ನು ಬಿಸಿಸಿಐ ಆಯ್ಕೆ ಮಾಡಿದೆ. ತಂಡದಲ್ಲಿ ವೇಗದ ಬೌಲರ್ ಮೇಘನಾ ಸಿಂಗ್ ಅವಕಾಶ ಪಡೆದಿದ್ದಾರೆ. ಈ ಹಿಂದೆ ಮೇಘನಾ ಸಿಂಗ್ ಭಾರತ ಎ ಗೆ ಆಯ್ಕೆಯಾಗಿದ್ದರು.
ಕಳೆದ ವರ್ಷವೂ ದುಬೈನಲ್ಲಿ ನಡೆದ ಟಿ 20 ಚಾಂಪಿಯನ್ಸ್ ಟ್ರೋಫಿಯಲ್ಲಿ, ಮೇಘನಾ ತನ್ನ ಕ್ರೀಡಾ ಪ್ರತಿಭೆಯಿಂದ ಎಲ್ಲರನ್ನೂ ಆಕರ್ಷಿಸಿದ್ದರು. ಮೇಘನಾ ಸಿಂಗ್ ಅವರು ಮಾರ್ಚ್ನಲ್ಲಿ ರಾಜ್ಕೋಟ್ನಲ್ಲಿ ನಡೆದ ಹಿರಿಯ ಮಹಿಳಾ ಚಾಲೆಂಜರ್ ಟ್ರೋಫಿಯಲ್ಲಿ ರೈಲ್ವೇಸ್ ಪರ ಮಿಥಾಲಿ ರಾಜ್ ಅವರ ನಾಯಕತ್ವದಲ್ಲಿ ಭಾಗವಹಿಸಿದ್ದರು. ಮೇಘನಾ ಸಿಂಗ್ ಮಧ್ಯಮ ವೇಗಿ, ಜೊತೆಗೆ ಉತ್ತಮ ಬ್ಯಾಟರ್.
ಹಿಮಾಚಲದ ವೇಗದ ಬೌಲರ್ ರೇಣುಕಾ ಸಿಂಗ್ ಠಾಕೂರ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ತನ್ನ ಹಳ್ಳಿಯಲ್ಲಿ ಕ್ರಿಕೆಟ್ ಆಡುತ್ತಿದ್ದ ರೇಣುಕಾರನ್ನು ನಂತರ ಅವರ ಚಿಕ್ಕಪ್ಪ ಅವರನ್ನು HPCA ಅಕಾಡೆಮಿಗೆ ಕಳುಹಿಸಿದರು. ಇಲ್ಲಿಯೇ ಆಕೆ ತರಬೇತುದಾರ ಪವನ್ ಸೇನ್ ಅವರ ಅಡಿಯಲ್ಲಿ ತರಬೇತಿ ಪಡೆದು ಹಿಮಾಚಲದ ಅಂಡರ್ -16 ಮತ್ತು ಅಂಡರ್ -19 ತಂಡದಲ್ಲಿ ಆಡಲು ಆರಂಭಿಸಿದರು.
ಇದರ ನಂತರ, 2019 ರಲ್ಲಿ, ಅವರು ಮಹಿಳಾ ಏಕದಿನ ಪಂದ್ಯಾವಳಿಯಲ್ಲಿ 23 ವಿಕೆಟ್ ಪಡೆದರು. ಅವರು ಆಸ್ಟ್ರೇಲಿಯಾ ಪ್ರವಾಸ ಮಾಡಿದ ಟೀಮ್ ಇಂಡಿಯಾ ಎ ಗೆ ಆಯ್ಕೆಯಾದರು. ಅವರಿಗೆ ಅಲ್ಲಿ ಒಂದೇ ಒಂದು ಪಂದ್ಯವನ್ನು ಆಡಲು ಅವಕಾಶ ಸಿಕ್ಕಿತು. ಆದರೆ ನೆಟ್ಸ್ನಲ್ಲಿ ಬೌಲಿಂಗ್ ಮಾಡುವ ಮೂಲಕ, ಅಲ್ಲಿನ ಪರಿಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು ಪ್ರಾರಂಭಿಸಿದರು. ಇದು ಈಗ ಹಿರಿಯ ತಂಡಕ್ಕೂ ಪ್ರಯೋಜನವನ್ನು ನೀಡುತ್ತದೆ.
ಯಾಸ್ತಿಕಾ ಭಾಟಿಯಾ ಅವರನ್ನು ಆಸ್ಟ್ರೇಲಿಯಾ ಪ್ರವಾಸಕ್ಕೆ ಮೂರನೇ ವಿಕೆಟ್ ಕೀಪರ್ ಆಗಿ ಆಯ್ಕೆ ಮಾಡಲಾಗಿದೆ. ತಾನಿಯಾ ಭಾಟಿಯಾ ಮತ್ತು ಪೂಜಾ ಘೋಷ್ ಈಗಾಗಲೇ ತಂಡದಲ್ಲಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ ತವರಿನ ಸರಣಿಯಲ್ಲೂ ಯಾಸ್ತಿಕಾ ಆಯ್ಕೆಯಾಗಿದ್ದರು. ಆದರೆ ಆಕೆ ಇನ್ನೂ ಪಾದಾರ್ಪಣೆ ಮಾಡಿಲ್ಲ. ಅಗ್ರ ಕ್ರಮಾಂಕದಲ್ಲಿ ಅವರ ಬ್ಯಾಟಿಂಗ್ ಮತ್ತು ವಿಕೆಟ್ ಕೀಪಿಂಗ್ ಭಾರತಕ್ಕೆ ಪ್ರಬಲ ಬ್ಯಾಕ್ ಅಪ್ ಆಗಿರುತ್ತದೆ.
Published On - 4:54 pm, Wed, 25 August 21