ಈ ವಾರ ಒಟಿಟಿಗೆ ಬಂದ ಸಿನಿಮಾಗಳಿವು: ಪಟ್ಟಿ ಇಲ್ಲಿದೆ ನೋಡಿ
OTT release this week: ಚಿತ್ರಮಂದಿರಗಳಲ್ಲಿ ‘ಧುರಂಧರ್ 2’ ಸಿನಿಮಾದ ಅಬ್ಬರ ಮುಂದುವರೆದಿದೆ. ಬಾಕ್ಸ್ ಆಫೀಸ್ ಅನ್ನು ಅಕ್ಷರಷಃ ದೋಚುತ್ತಿದೆ ಈ ಸಿನಿಮಾ. ಹಾಲಿವುಡ್ ‘ಪ್ರಾಜೆಕ್ಟ್ ಹೇಮ್ ಮೇರಿ’ ಸಹ ಇತ್ತೀಚೆಗೆ ಬಿಡುಗಡೆ ಆಗಿದೆ ಬಿಟ್ಟರೆ ಇತರೆ ಯಾವ ಸಿನಿಮಾಗಳು ಸಹ ಚಿತ್ರಮಂದಿರದಲ್ಲಿಲ್ಲ. ಆದರೆ ಈ ಒಟಿಟಿಯಲ್ಲಿ ಈ ವಾರ ಕೆಲವು ಆಸಕ್ತಿಕರ ಸಿನಿಮಾಗಳು ಬಿಡುಗಡೆ ಆಗಿದೆ. ಅವುಗಳ ಪಟ್ಟಿ ಇಲ್ಲಿದೆ ನೋಡಿ...
ಮಲಯಾಳಂ ಸಿನಿಮಾ ‘ಮಸ್ತಿಷ್ಕ ಮರಣಂ’ ಸಿನಿಮಾ ಹಾಸ್ಯಮಯ ಕ್ರೈಂ ಥ್ರಿಲ್ಲರ್ ಸಿನಿಮಾ ಆಗಿದೆ. ಸೈಬರ್ ಅಪರಾದ ಸೇರಿದಂತೆ ಇನ್ನೂ ಕೆಲವು ವಿಷಯಗಳನ್ನು ಸಿನಿಮಾ ಒಳಗೊಂಡಿದೆ. ಈ ಸಿನಿಮಾವನ್ನು ನೆಟ್ಫ್ಲಿಕ್ಸ್ನಲ್ಲಿ ವೀಕ್ಷಿಸಬಹುದಾಗಿದೆ.
ವಿಜಯ್ ಸೇತುಪತಿ ನಟನೆಯ ‘ಮುತ್ತು ಅಲಿಯಾಸ್ ಕಟ್ಟನ್’ ಆಸಕ್ತಿಕರ ಕ್ರೈಂ ಡ್ರಾಮಾ ಕತೆ ಹೊಂದಿದೆ. ವ್ಯಕ್ತಿಯೊಬ್ಬನ ರುಂಡ ಹಳ್ಳಿಗರಿಗೆ ಸಿಗುತ್ತದೆ. ಕೆಲವರು ಅವನನ್ನು ಹೀರೋ ಎಂದರೆ ಇನ್ನು ಕೆಲವರು ವಿಲನ್ ಎನ್ನುತ್ತಾರೆ. ನಿಜಕ್ಕೂ ಯಾರಾತ ಎಂಬುದು ಕತೆ. ಸಿನಿಮಾ ಜಿಯೋ ಹಾಟ್ಸ್ಟಾರ್ನಲ್ಲಿ ಈ ವಾರ ಬಿಡುಗಡೆ ಆಗಿದೆ.
‘ಆರ್ಆರ್ಆರ್’ ರೀತಿಯಲ್ಲೇ ‘ಎಸ್ಎಸ್ಎಸ್’ ಎಂಬ ತೆಲುಗು ಸಿನಿಮಾ ಬಿಡುಗಡೆ ಆಗಿತ್ತು. ಆ ಸಿನಿಮಾ ಈಗ ಒಟಿಟಿಗೆ ಬಂದಿದೆ. ಹಾಸ್ಯಮಯ ಸಿನಿಮಾ ಇದಾಗಿದ್ದು, ಶಿವಾಜಿ ಅವರು ಸಿನಿಮಾದ ನಾಯಕ. ಲಯ ನಾಯಕಿ. ಸಿನಿಮಾವನ್ನು ಇಟಿವಿ ವಿನ್ನಲ್ಲಿ ವೀಕ್ಷಿಸಬಹುದು.
ಹಾಲಿವುಡ್ನ ಜನಪ್ರಿಯ ವೆಬ್ ಸರಣಿಗಳಲ್ಲಿ ಒಂದಾಗಿರುವ ಡೇರ್ಡೆವಿಲ್: ಬಾರ್ನ್ ಅಗೇನ್ ಎರಡನೇ ಸೀಸನ್ ಈ ವಾರ ಬಿಡುಗಡೆ ಆಗಿದೆ. ಈ ವೆಬ್ ಸರಣಿಯನ್ನು ಜಿಯೋ ಹಾಟ್ಸ್ಟಾರ್ನಲ್ಲಿ ವೀಕ್ಷಿಸಬಹುದಾಗಿದೆ.
ರಾಣಿ ಮುಖರ್ಜಿ ಮುಖ್ಯ ಪಾತ್ರದಲ್ಲಿ ನಟಿಸಿರುವ ‘ಮರ್ದಾನಿ 3’ ಸಿನಿಮಾ ಈ ವಾರ ಒಟಿಟಿಗೆ ಬಂದಿದೆ. ಹೆಸರೇ ಸೂಚಿಸುತ್ತಿರುವಂತೆ ‘ಮರ್ದಾನಿ’ ಸರಣಿಯ ಮೂರನೇ ಸಿನಿಮಾ ಇದಾಗಿದೆ. ಮಕ್ಕಳ ಅಪಹರಣ, ಮಾನವ ಕಳ್ಳಸಾಗಣೆ ಕತೆಯನ್ನು ಸಿನಿಮಾ ಒಳಗೊಂಡಿದೆ. ಸಿನಿಮಾವನ್ನು ನೆಟ್ಫ್ಲಿಕ್ಸ್ನಲ್ಲಿ ವೀಕ್ಷಿಸಬಹುದಾಗಿದೆ.
ಶಾಹಿದ್ ಕಪೂರ್, ತೃಪ್ತಿ ದಿಮ್ರಿ, ನಾನಾ ಪಟೇಕರ್ ಇನ್ನೂ ಕೆಲವು ಪ್ರಮುಖ ಬಾಲಿವುಡ್ ನಟ-ನಟಿಯರು ನಟಿಸಿರುವ ಸಿನಿಮಾ ‘ಓ ರೋಮಿಯೊ’. ಸಿನಿಮಾದ ಟ್ರೈಲರ್ ಭಾರಿ ವೈರಲ್ ಆಗಿತ್ತು. ಆದರೆ ಸಿನಿಮಾ ಚಿತ್ರಮಂದಿರದಲ್ಲಿ ಓಡಲಿಲ್ಲ. ಇದೀಗ ಈ ಸಿನಿಮಾವನ್ನು ಅಮೆಜಾನ್ ಪ್ರೈಂ ವಿಡಿಯೋನಲ್ಲಿ ವೀಕ್ಷಿಸಬಹುದಾಗಿದೆ.