Pathu Thala: ತಮಿಳಿನಲ್ಲೂ ಭೇಷ್ ಎನಿಸಿಕೊಂಡ ಕನ್ನಡಿಗ ಮಧು ಗುರುಸ್ವಾಮಿ; ಹಾಡಿ ಹೊಗಳಿದ ನಟ ಸಿಂಬು
Pathu Thala Movie Actor Madhu Guruswamy: ಕಾಲಿವುಡ್ನ ‘ಪತ್ತು ತಲಾ’ ಸಿನಿಮಾದಲ್ಲಿ ಮಧು ಗುರುಸ್ವಾಮಿ ಅವರು ಸಿಂಗ ಎಂಬ ಪಾತ್ರ ಮಾಡಿದ್ದಾರೆ. ಅವರ ನಟನೆಗೆ ಸಿಂಬು ಕೂಡ ಫಿದಾ ಆಗಿದ್ದಾರೆ.
ಕನ್ನಡದ ಹಲವು ಸಿನಿಮಾಗಳಲ್ಲಿ ವಿಲನ್ ಪಾತ್ರ ಮಾಡಿ ಸೈ ಎನಿಸಿಕೊಂಡಿದ್ದಾರೆ ನಟ ಮಧು ಗುರುಸ್ವಾಮಿ. ‘ಡೆಡ್ಲಿ 2’, ‘ಭಜರಂಗಿ’, ‘ಜೈ ಮಾರುತಿ 800’, ‘ಮಫ್ತಿ’ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದ ಅವರು ಈಗ ತಮಿಳು ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ.
ಕನ್ನಡದ ‘ಮಫ್ತಿ’ ಸಿನಿಮಾ ತಮಿಳಿಗೆ ‘ಪತ್ತು ತಲಾ’ ಎಂದು ರಿಮೇಕ್ ಆಗಿದೆ. ಈ ಸಿನಿಮಾಗೆ ಸಿಂಬು ಹೀರೋ. ಕನ್ನಡಿಗ ಮಧು ಗುರುಸ್ವಾಮಿ ವಿಲನ್ ಪಾತ್ರದಲ್ಲಿ ಅಬ್ಬರಿಸಿದ್ದಾರೆ. ಅವರ ನಟನೆಯನ್ನು ಕಂಡು ಸಿಂಬು ಅವರು ಹೊಗಳಿದ್ದಾರೆ.
‘ಪತ್ತು ತಲಾ’ ಚಿತ್ರತಂಡದ ಎಲ್ಲರೂ ಮಧು ಗುರುಸ್ವಾಮಿ ಅವರ ನಟನೆಗೆ ಫಿದಾ ಆಗಿದ್ದಾರೆ. ಈ ಸಿನಿಮಾದ ಪ್ರೀ-ರಿಲೀಸ್ ಇವೆಂಟ್ನಲ್ಲಿ ಅವರ ಪ್ರತಿಭೆಯನ್ನು ಅನೇಕರು ಕೊಂಡಾಡಿದ್ದಾರೆ. ಈ ಸಿನಿಮಾದಲ್ಲಿ ಅವರು ಸಿಂಗ ಎಂಬ ಪಾತ್ರ ಮಾಡಿದ್ದಾರೆ.
ಪ್ರತಿ ಸಿನಿಮಾದಲ್ಲೂ ಮಧು ಗುರುಸ್ವಾಮಿ ಅವರು ಡಿಫರೆಂಟ್ ಪಾತ್ರಗಳಿಗೆ ಬಣ್ಣ ಹಚ್ಚುತ್ತಾರೆ. ಎಂಥ ಪಾತ್ರ ಕೊಟ್ಟರೂ ಸೈ ಎಂಬಂತೆ ನಟಿಸುವ ಅವರಿಗೆ ಚಿತ್ರರಂಗದಲ್ಲಿ ಸಖತ್ ಬೇಡಿಕೆ ಇದೆ. ಪರಭಾಷೆಯಲ್ಲೂ ಅವರು ಡಿಮ್ಯಾಂಡ್ ಸೃಷ್ಟಿಸಿಕೊಂಡಿದ್ದಾರೆ.
ಪ್ರಶಾಂತ್ ನೀಲ್ ನಿರ್ದೇಶನದ ‘ಸಲಾರ್’ ಸಿನಿಮಾದಲ್ಲಿಯೂ ಮಧು ಗುರುಸ್ವಾಮಿ ಅವರು ಅಭಿನಯಿಸುತ್ತಿದ್ದಾರೆ. ಪ್ರಭಾಸ್ ಹೀರೋ ಆಗಿರುವ ಈ ಚಿತ್ರದಲ್ಲಿ ಮಧು ಗುರುಸ್ವಾಮಿ ಅವರಿಗೂ ಒಂದು ಪ್ರಮುಖ ಪಾತ್ರವಿದೆ. ಆ ಚಿತ್ರದಿಂದ ಅವರ ವೃತ್ತಿಜೀವನಕ್ಕೆ ದೊಡ್ಡ ಮೈಲೇಜ್ ಸಿಗಲಿದೆ.