‘ಟಾಕ್ಸಿಕ್’ ಸಿನಿಮಾನಲ್ಲಿ ಯಶ್ ಅವರ ಸ್ಟಂಟ್ ಡಬಲ್ ಶಾಂಕಿ: ಯಾರೀತ?
‘ಟಾಕ್ಸಿಕ್’ ಸಿನಿಮಾ ಬಿಡುಗಡೆ ಆಗಿ ಹತ್ತು ದಿನಗಳಾಗಿದ್ದು, ಯಶ್ ಅವರ ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಗಳಿಕೆ ಮಾಡಿದೆ. ಸಿನಿಮಾನಲ್ಲಿ ಯಶ್ ದ್ವಿಪಾತ್ರದಲ್ಲಿ ನಟಿಸಿದ್ದಾರೆ. ಎರಡೂ ಪಾತ್ರಗಳು ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಸಿನಿಮಾನಲ್ಲಿ ಯಶ್, ಸಾಕಷ್ಟು ಆಕ್ಷನ್ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಸಾಕಷ್ಟು ಕಷ್ಟವಾದ ಸ್ಟಂಟ್ ದೃಶ್ಯಗಳು ಸಹ ಈ ಸಿನಿಮಾನಲ್ಲಿವೆ. ಅಂದಹಾಗೆ ಸಿನಿಮಾನಲ್ಲಿ ಯಶ್ಗೆ ಸ್ಟಂಟ್ ಡಬಲ್ ಅಥವಾ ಬಾಡಿ ಡಬಲ್ ಮಾಡಿದ ಯುವಕ ಇವರೇ ನೋಡಿ...
ಯಶ್ ನಟನೆಯ ‘ಟಾಕ್ಸಿಕ್’ ಸಿನಿಮಾನಲ್ಲಿ ಯಶ್ ರಾಯ ಮತ್ತು ಟಿಕೆಟ್ ಪಾತ್ರದಲ್ಲಿ ನಟಿಸಿದ್ದಾರೆ. ಕೆಲವೊಮ್ಮೆ ಎರಡೂ ಪಾತ್ರಗಳು ಒಟ್ಟಿಗೆ ತೆರೆ ಮೇಲೆ ಕಾಣಿಸಿಕೊಳ್ಳುತ್ತವೆ.
ಅಸಲಿಗೆ ಯಶ್ ಅವರ ಟಿಕೆಟ್ ಪಾತ್ರಕ್ಕೆ ಹಲವು ಬಾರಿ ಸ್ಟಂಟ್ ಡಬಲ್ ಅನ್ನು ಬಳಸಲಾಗಿದೆ. ಈ ಸ್ಟಂಟ್ ಡಬಲ್ ಆಗಿ ಕೆಲಸ ಮಾಡಿರುವುದು ಶಾಂಕಿ ಶರ್ಮಾ ಎಂಬ ಯುವಕ.
ಸಿನಿಮಾದ ಕ್ಲೈಮ್ಯಾಕ್ಸ್ ದೃಶ್ಯದಲ್ಲಿ ರಾಯ ಮತ್ತು ಟಿಕೆಟ್ ಫೈಟ್ ಮಾಡುವ ದೃಶ್ಯಗಳಲ್ಲಿ ಶಾಂಕಿ ಶರ್ಮಾ ಅವರು ಟಿಕೆಟ್ ಪಾತ್ರಕ್ಕೆ ಸ್ಟಂಟ್ ಡಬಲ್ ಆಗಿದ್ದಾರೆ.
ಅದು ಮಾತ್ರವೇ ಅಲ್ಲದೆ ಟಿಕೆಟ್ ಪಾತ್ರದ ಕಷ್ಟಕರವಾದ ಸ್ಟಂಟ್ ದೃಶ್ಯಗಳಲ್ಲಿಯೂ ಶಾಂಕಿ ಶರ್ಮಾ ಸ್ಟಂಟ್ ಡಬಲ್ ಆಗಿ ಕೆಲಸ ಮಾಡಿದ್ದಾರೆ.
ಶಾಂಕಿ ಶರ್ಮಾ ವೃತ್ತಿಪರ ಸ್ಟಂಟ್ ಡಬಲ್ ಆಗಿದ್ದು, ಹಲವು ಸಮರ ಕಲೆಗಳನ್ನು ಕಲಿತಿರುವ ಯುವಕನಾಗಿದ್ದಾರೆ. ‘ಟಾಕ್ಸಿಕ್’ ಮಾತ್ರವಲ್ಲದೆ ಇನ್ನೂ ಕೆಲ ಸಿನಿಮಾಗಳಲ್ಲಿ ಅವರು ಸ್ಟಂಟ್ ಡಬಲ್ ಆಗಿ ಕೆಲಸ ಮಾಡಿದ್ದಾರೆ.
ದಳಪತಿ ವಿಜಯ್ ನಟನೆಯ ‘ಗೋಟ್’ ಸಿನಿಮಾದಲ್ಲಿನ ಮೆಟ್ರೋ ಫೈಟ್ ದೃಶ್ಯದಲ್ಲಿ ವಿಜಯ್ ಎದುರು ಸೋಲೊ ಫೈಟ್ ಮಾಡಿರುವುದು ಇದೇ ಶಾಂಕಿ ಶರ್ಮಾ. ಬಹಳ ಒಳ್ಳೆಯ ಫೈಟರ್ ಈ ಯುವಕ.
ಟ್ರೈಲರ್ ನಲ್ಲಿ ಸಹ ತೋರಿಸಿರುವ ಟಿಕೆಟ್ ಪಾತ್ರದ ಬ್ಲ್ಯಾಪ್ ಫ್ಲಿಪ್, ಮೆಟ್ಟಿಲುಗಳಿಂದ ಜಂಪ್, ಚೇಸ್ ಇನ್ನೂ ಕೆಲ ದೃಶ್ಯಗಳಲ್ಲಿ ಟಿಕೆಟ್ ಪಾತ್ರವಾಗಿ ನಟಿಸಿರುವುದು ಇದೇ ಶಾಂಕಿ ಶರ್ಮಾ.