Stunning restoration in Tutankhamun: ಈಜಿಪ್ಟ್​​ನ ಟುಟಾನಖಮೆನ್ ಗೋರಿಯಲ್ಲಿ ಸಾವಿರಾರು ವರ್ಷ ಹಳೆಯ ಚಪ್ಪಲಿಗಳು ಪತ್ತೆ!

ಈಜಿಪ್ಟ್​​: ಸಾವಿರಾರು ವರ್ಷಗಳ ಇತಿಹಾಸವಿರುವ ಗೋರಿಗಳು, ಸಮಾಧಿಗಳು ಈಜಿಪ್ಟ್​ನಲ್ಲಿ ಸಾಮಾನ್ಯ. ಅಲ್ಲಿ ನಿರಂತರವಾಗಿ ಪುರಾತತ್ವ ಸಂಶೋಧಕರು ತಮ್ಮನ್ನು ಶೋಧ ಕಾರ್ಯದಲ್ಲಿ ತೊಡಗಿಸಿಕೊಂಡಿರುತ್ತಾರೆ. ಶತಮಾನಗಳ ಇತಿಹಾಸದ ರಹಸ್ಯಗಳನ್ನು ಭೂತಗನ್ನಡಿ ಹಾಕಿ, ಹುಡುಕಿ ತೆಗೆದು ಜಗತ್ತಿಗೆ ತೋರಿಸುತ್ತಾರೆ. ಆಗಾಗ ಏನಾದರೊಂದು ಹೊಸದನ್ನು ಜಗತ್ತಿಗೆ ಪರಿಚಯಿಸುವ ಉಮೇದಿ ಆ ಪುರಾತತ್ವ ಸಂಶೋಧಕರದ್ದು. ಇತ್ತೀಚೆಗೆ ಇಂತಹುದೇ ವಸ್ತುವನ್ನುಶೋಧ ಮಾಡಿ, ಅದರ ಮೇಲೆ ಬೆಳಕು ಚೆಲ್ಲಿದ್ದಾರೆ. ಇದರೊಂದಿಗೆ ಮಾನವರ ಬಗೆಗಿನ ಕುತೂಹಲಕಾರಿ ಸಂಗತಿಯೊಂದನ್ನು ಪರಿಚಯಿಸಿದ್ದಾರೆ. ಈಜಿಪ್ಟ್​​ನ ಟುಟಾನಖಮೆನ್ (Tutankhamun) ಬಳಿಯಿರುವ ಗೋರಿಯಲ್ಲಿ ಸಾವಿರಾರು ವರ್ಷಗಳಷ್ಟು ಹಳೆಯದಾದ ಒಂದು ಜೊತೆ ಚಪ್ಪಲಿ ದೊರೆತಿದೆ.

ಇದನ್ನು ಚರ್ಮದಿಂದ ತಯಾರಿಸಲಾಗಿದ್ದು, ಚಿನ್ನ ಲೇಪಿತವಾಗಿದೆ! ಫಳಫಳ ಹೊಳೆಯುವ, ಟೆರ್ರಾಕೋಟದಿಂದ ಮಾಡಲಾದ ಚಪ್ಪಲಿಗಳು ಇವಾಗಿವೆ. ಇವುಗಳನ್ನು ಪ್ರಸ್ತುತ ಈಜಿಪ್ಟ್​ನ ಮ್ಯೂಸಿಯಂನಲ್ಲಿ (Grand Egyptian Museum) ಸಂರಕ್ಷಿಸಿಡಲಾಗಿದೆ. ಇದು ಕ್ರಿಸ್ತಪೂರ್ವ 1341– 1323 BC ಕಾಲದ್ದು ಎಂದು ಗುರುತಿಸಲಾಗಿದೆ. ಈಜಿಪ್ಟ್​ನ 18ನೆಯ ರಾಜಮನೆತನದ ಆಳ್ವಿಕೆಯ ಅಂತ್ಯ ಕಾಲದ ರಾಜ ಟುಟ್​ (King Tut) ಕಾಲದ್ದು ಎಂದು ಪತ್ತೆಹಚ್ಚಲಾಗಿದೆ.

ಶತಶತಮಾನಗಳ ಹಿಂದಿನ ಈಜಿಪ್ಟ್​ ರಾಜರುಗಳ ಗೋರಿಗಳು ಇರುವ ಕಣಿವೆಗಳಲ್ಲಿ ದೊರೆತ ಸಮಾಧಿಯಲ್ಲಿ ಈ ಚಪ್ಪಲಿಗಳು ಪತ್ತೆಯಾಗಿವೆ.

ಶತಶತಮಾನಗಳ ಹಿಂದಿನ ಈಜಿಪ್ಟ್​ ರಾಜರುಗಳ ಗೋರಿಗಳು ಇರುವ ಕಣಿವೆಗಳಲ್ಲಿ ದೊರೆತ ಸಮಾಧಿಯೊಂದರಲ್ಲಿ ಈ ಚಪ್ಪಲಿಗಳು ಪತ್ತೆಯಾಗಿವೆ. ಸುಮಾರು 10 ವರ್ಷಗಳ ನಿಧಾನಗತಿಯ, ಅಪಾರ ಕಾಳಜಿಯ ಸಂಶೋಧನೆಯ ಫಲವಾಗಿ ಈ ಚಪ್ಪಲಿಗಳು ಇಂದಿನ ಜಗತ್ತಿಗೆ ಸಿಕ್ಕಿದೆ. ಈ ಗೋರಿಯಲ್ಲಿ ಇನ್ನೂ ಅನೇಕಾನೇಕ ಅಮೂಲ್ಯ ವಸ್ತುಗಳು ಪತ್ತೆಯಾಗಿವೆ. ಜೊತೆಗೆ ಅಂದಿನ ಇತಿಹಾಸದ ಮೇಲೆ ಬೆಳಕು ಚೆಲ್ಲಬಹುದಾದ ಗೋಡೆಬರಹಗಳು ಆ ಸಮಾಧಿಯ ಗೋಡೆಗಳ ಮೇಲೆ ಕೆತ್ತಿರುವುದು ಕಂಡುಬಂದಿದೆ. ಈ ಸಂರಕ್ಷಣಾ ಯೋಜನೆಯ ಉಸ್ತುವಾರಿ ಹೊತ್ತಿರುವ Getty Conservation Institute ಮೊದಲ ಬಾರಿಗೆ ಇವುಗಳನ್ನು ಸಾರ್ವಜನಿಕರಿಗೆ ತೆರೆದಿಟ್ಟಿದೆ.

A pair of sandals restored from the tomb of Tutankhamun (KV62). Made of leather, gold and faience. They are currently in the conservation laboratory of the Grand Egyptian Museum.#archaeohistories pic.twitter.com/3df7umviyF

— Archaeo – Histories (@archeohistories) October 23, 2021

(Stunning restoration: pair of sandals restored from tomb of Tutankhamun in Valley of Kings in egypt)

Published On - 8:44 am, Thu, 4 November 21