ಜುಟ್ಟು ಕಟ್ಟುವ ಸಂಸ್ಕಾರ: ಹಿಂದೂ ಪುರುಷರು ಶಿಖಾ ಬಂಧನ ಇಟ್ಟುಕೊಳ್ಳುವುದರ ಅಗತ್ಯತೆ, ಪ್ರಾಮುಖ್ಯತೆ, ಪ್ರಯೋಜನ ಏನು?

Shikha or Chudakarana for Hindu Men:  ಅತ್ಯಂತ ಪುರಾತನ ಹಿಂದೂ ಧರ್ಮದಲ್ಲಿ ಒಬ್ಬ ವ್ಯಕ್ತಿ ಬದುಕಲು ಏನೇ ನಿಯಮ ಮಾಡಿದ್ದರೂ ಅದರ ಹಿಂದೆ ನೈಜ ಕಾರಣಗಳಿರುತ್ತವೆ. ಒಬ್ಬ ವ್ಯಕ್ತಿಯು ವೈದಿಕ ಸಂಪ್ರದಾಯ ನಿಯಮಗಳ ಪ್ರಕಾರ ತನ್ನ ಜೀವನವನ್ನು ನಡೆಸಿದರೆ, ಅವರ ಜೀವನವು ಸದಾ ಸುಂದರ, ಸಂತೋಷದಿಂದ ಕೂಡಿರುತ್ತದೆ ಮತ್ತು ದೀರ್ಘಾಯುಷ್ಯವನ್ನು ಹೊಂದುತ್ತಾರೆ. ಈ ನಿಯಮಗಳಲ್ಲಿ ಪುರುಷರು ತಮ್ಮ ತಲೆಯ ಮೇಲೆ ಶಿಖಾ ಅಥವಾ ಜುಟ್ಟು ಅನ್ನು ಇಟ್ಟುಕೊಳ್ಳುವ ನಿಯಮವೂ ಒಂದಾಗಿದೆ.

ಶಿಖಾ ಇಟ್ಟುಕೊಳ್ಳುವುದರ ಪ್ರಾಮುಖ್ಯತೆ

ಹಿಂದೂ ಧರ್ಮದಲ್ಲಿ ಸಕ್ರಿಯವಾಗಿ ಚಾಲ್ತಿಯಲ್ಲಿರುವ 16 ಸಂಸ್ಕಾರ ಆಚರಣೆಗಳಿವೆ. ಅವುಗಳಲ್ಲಿ ಒಂದು ಮಗುವಿನ ಮುಂಡನ್ ಸಂಸ್ಕಾರ. ಚೌಲಕರ್ಮ (ಚೂಡಾಕರ್ಮ, ಜುಟ್ಟು ಇಡುವುದು). ಮಗು ಜನಿಸಿದಾಗ, ಮಗುವಿನ ಜನನದ ಮೊದಲ ವರ್ಷ, ಮೂರನೇ ವರ್ಷ ಅಥವಾ ಐದನೇ ವರ್ಷದಲ್ಲಿ ಮುಂಡನ್ ಸಂಸ್ಕಾರವನ್ನು ಮಾಡಲಾಗುತ್ತದೆ.

ಮುಂಡನ ಸಂಸ್ಕಾರವನ್ನು ಮಾಡಿದಾಗ, ಮಗುವಿನ ತಲೆಯ ಕಿರೀಟದ ಮೇಲೆ ಸ್ವಲ್ಪ ಕೂದಲನ್ನು ಇರಿಸಲಾಗುತ್ತದೆ ಮತ್ತು ಉಳಿದ ಎಲ್ಲಾ ಕೂದಲನ್ನು ಕತ್ತರಿಸಲಾಗುತ್ತದೆ. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಈ ಆಚರಣೆಯನ್ನು ‘ಮುಂಡನ್ ಸಂಸ್ಕಾರ ‘ ಎಂದು ಕರೆಯಲಾಗುತ್ತದೆ. ತಲೆಯ ಮೇಲೆ ಜಡೆ ಇಡುವ ಈ ಆಚರಣೆಯನ್ನು ಉಪನಯನ ಸಂಸ್ಕಾರ ಮತ್ತು ಯಜ್ಞೋಪವೀತದಲ್ಲಿಯೂ ಮಾಡಲಾಗುತ್ತದೆ.

ಹಿಂದೂ ಧರ್ಮದ ಪ್ರಕಾರ, ಯಜ್ಞೋಪವೀತ ಸಂಸ್ಕಾರ, ಉಪನಯನ ಸಂಸ್ಕಾರ, ಯಾಗ, ಪೂಜೆ, ಅಥವಾ ಯಾವುದೇ ಧಾರ್ಮಿಕ ಕಾರ್ಯಗಳಲ್ಲಿ ಶಿಖಾ ಇಟ್ಟುಕೊಳ್ಳುವುದು ಮುಖ್ಯವೆಂದು ಪರಿಗಣಿಸಲಾಗಿದೆ. ಯಾರಾದರೂ ಸತ್ತರೂ, ಕುಟುಂಬದ ಸದಸ್ಯರು ಸಾಂಕೇತಿಕವಾಗಿ ತಲೆಯ ಮೇಲೆ ಚಿಕ್ಕ ಗಾತ್ರದಲ್ಲಿ ಕೂದಲು ಬಿಡುತ್ತಾರೆ. ಜುಟ್ಟು ಇಡುವುದಕ್ಕೆ ಜ್ಯೋತಿಷ್ಯದಲ್ಲಿಯೂ ಮಹತ್ವ ಇದೆ. ಶಿಖೆಯನ್ನು ಆಯಾ ವ್ಯಕ್ತಿಯ ವೇದ ಶಾಖೆಯ ಅನುಸಾರವಾಗಿ ಆಯಾಯ ವೇದ ಸೂತ್ರಗಳಲ್ಲಿ ಹೇಳಿದಂತೆಯೇ ಬಿಡಬೇಕು ಎಂಬ ನಿಯಮವೂ ಇದೆ.

ಜುಟ್ಟು ಕಟ್ಟುವುದು ಜ್ಯೋತಿಷ್ಯದ ಶಾಸ್ತ್ರ ಪ್ರಕಾರ ಏನು?:

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಪುರುಷರು ತಲೆಯ ಮೇಲೆ ಶಿಖಾವನ್ನು ಇಟ್ಟುಕೊಂಡರೆ ರಾಹುವಿನ ದುಷ್ಟ ಕಣ್ಣು ಅವರ ಜಾತಕದಲ್ಲಿ ಬೀಳುವುದಿಲ್ಲ ಎಂದರ್ಥ. ಅದರ ಜೊತೆಗೆ ಶ್ರೀಗಂಧದ ತಿಲಕವನ್ನು ಹಚ್ಚಿದರೆ ರಾಹುವಿನ ದುಷ್ಟತನವು ಜಾತಕದಿಂದ ಸಂಪೂರ್ಣವಾಗಿ ನಿವಾರಣೆಯಾಗುತ್ತದೆ.

ಇದನ್ನೂ ಓದಿ: ಸಂಸ್ಕಾರ ಸಂಜೀವಿನಿ – ಈ 16 ಸಂಸ್ಕಾರಗಳು ಜೀವನವನ್ನು ಉನ್ನತಿಯತ್ತ ಕೊಂಡೊಯ್ಯುತ್ತದೆ, ಅವು ಯಾವುವು?

ಜ್ಯೋತಿಷ್ಯದಲ್ಲಿ ಜುಟ್ಟು ಹೊಂದಿರುವ ಇನ್ನೊಂದು ಪ್ರಾಮುಖ್ಯತೆಯೆಂದರೆ ವ್ಯಕ್ತಿಯ ದೇಹದಲ್ಲಿ 10 ಬಾಗಿಲುಗಳಿವೆ. ಅದರಲ್ಲಿ ಅವನ ಆತ್ಮವು ಒಂದು ಬಾಗಿಲಿನ ಮೂಲಕ ಹೊರಬರುತ್ತದೆ ಎಂಬುದು ನಂಬಿಕೆ. ಈ ಬಾಗಿಲುಗಳು ವ್ಯಕ್ತಿಯ 2 ಕಣ್ಣುಗಳು, 2 ಕಿವಿಗಳು, 2 ಮೂಗಿನ ಹೊಳ್ಳೆಗಳು, ಬಾಯಿ, ಖಾಸಗಿ ಭಾಗಗಳು ಮತ್ತು ತಲೆಗೆ ಒಂದು ಬಾಗಿಲು. ವೈದಿಕ ಸಂಸ್ಕೃತಿಯ ಪ್ರಕಾರ ವ್ಯಕ್ತಿಯ ಆತ್ಮವು ಅವರ ತಲೆಯಿಂದ (ಅಂದರೆ ಬ್ರಹ್ಮ ರಂಧ್ರದ ಮೂಲಕ) ಹೊರಬಂದರೆ ಅದರರ್ಥ ವ್ಯಕ್ತಿಯು ಮೋಕ್ಷವನ್ನು ಪಡೆದಿದ್ದಾರೆ ಎಂದರ್ಥ. ಆದರೆ ಹುಟ್ಟಿನಿಂದಲೇ ತಲೆಯ ಮೇಲೆ ಶಿಖಾ ಹೆಣೆದಿದ್ದರೆ ಮಾತ್ರ ಇದು ಸಾಧ್ಯ ಮತ್ತು ನಿಮ್ಮ ಕರ್ಮವು ತುಂಬಾ ಎತ್ತರವಾಗಿದ್ದರೆ ನೀವು ಮೋಕ್ಷವನ್ನು ಪಡೆಯುತ್ತೀರಿ. ತಲೆಯ ಮಧ್ಯ ಭಾಗದಲ್ಲಿ ಬ್ರಹ್ಮ ರಂದ್ರವು ಶಿಖಾ ಇರಿಸಿದ ಯಾವುದೋ ಒಂದು ಕೂದಲಿನ ಎಳೆಯಲ್ಲಿ ಇರುತ್ತದೆ. ಉತ್ತಮ ಸಂಸ್ಕಾರ, ಆಚಾರ ವಿಚಾರಗಳಿಂದ ಮೋಕ್ಷ ಸಾಧನೆಯ ಸಮಯದಲ್ಲಿ ಆತ್ಮವು ಮುಕ್ತಿ ಹೊಂದಲು ಪ್ರಜ್ವಲಿಸಿ ಆ ಬ್ರಹ್ಮರಂಧ್ರದ ಮೂಲಕ ಪ್ರಮಾತ್ಮನಲ್ಲಿ ಲೀನಗೊಳ್ಳುವುದು.

ವೈಜ್ಞಾನಿಕ ಮಹತ್ವ:

ಜುಟ್ಟು ಇಟ್ಟುಕೊಳ್ಳುವುದರ ಮಹತ್ವವನ್ನು ವಿಜ್ಞಾನವೂ ವಿವರಿಸುತ್ತದೆ. ವಿಜ್ಞಾನದ ಪ್ರಕಾರ ಶಿಖಾವನ್ನು ಇಟ್ಟುಕೊಳ್ಳುವುದರಿಂದ ನಿಮ್ಮ ಮನಸ್ಸು ಮತ್ತು ಮೆದುಳು ಶಾಂತವಾಗಿರುತ್ತದೆ ಮತ್ತು ಮೆದುಳು ವೇಗವಾಗಿ ಕೆಲಸ ಮಾಡುತ್ತದೆ. ಏಕೆಂದರೆ ಶಿಖಾವನ್ನು ವ್ಯಕ್ತಿಯ ಮೆದುಳಿನ ಮಧ್ಯಭಾಗದಲ್ಲಿ ಇರಿಸಲಾಗುತ್ತದೆ.

ವಿಜ್ಞಾನದ ಪ್ರಕಾರ ಶಿಖೆಯನ್ನು ಇಟ್ಟುಕೊಳ್ಳುವುದರಿಂದ ದೈವಿಕ ಶಕ್ತಿಯ ಸಹಸ್ರಾರ ಚಕ್ರವು (ಅಥವಾ ಕಿರೀಟ ಚಕ್ರವು) ಜಾಗೃತಗೊಳ್ಳುತ್ತದೆ. ಮತ್ತು ಸಹಸ್ರಾರ ಚಕ್ರವು ವ್ಯಕ್ತಿಯ ಮನಸ್ಸು ಮತ್ತು ಬುದ್ಧಿಯನ್ನು ಶಾಂತವಾಗಿರಿಸುತ್ತದೆ ಮತ್ತು ಆದ್ದರಿಂದ ಅವನಲ್ಲಿ ಕೋಪವು ಉದ್ಭವಿಸುವುದಿಲ್ಲ. ಈ ಮೂಲಕ ಮಾನವನ ಮನಸ್ಸು ಮತ್ತು ಬುದ್ಧಿಯು ನಿಯಂತ್ರಣದಲ್ಲಿರುತ್ತದೆ. ಶಾಂತಿಯಿಂದಾಗಿ, ವ್ಯಕ್ತಿ ನಾನಾ ಕಾಯಿಲೆಗಳಿಗೆ ಗುರಿಯಾಗುವುದಿಲ್ಲ.

ಶಿಖಾ ಎಷ್ಟು ದೊಡ್ಡದಾಗಿರಬೇಕು?:

ವೈದಿಕ ಸಂಸ್ಕೃತಿಯ ಪ್ರಕಾರ, ಹಿಂದೂ ಧರ್ಮದ ಪ್ರತಿಯೊಬ್ಬ ವ್ಯಕ್ತಿಯು ಜಡೆ ಇಡಬೇಕು. ಸಹಸ್ರಾರ ಚಕ್ರದ ಪ್ರಕಾರ ಜುಟ್ಟು ಇಡಬೇಕು ಮತ್ತು ಸಹಸ್ರಾರ ಚಕ್ರದ ಗಾತ್ರವು ಹಸುವಿನ ಗೊರಸಿಗೆ (ಪಾದದ ಭಾಗ) ಸಮಾನವಾಗಿರುತ್ತದೆ. ಆದ್ದರಿಂದ, ಶಿಖಾದ ಗಾತ್ರವನ್ನು ಹಸುವಿನ ಗೊರಸಿನಂತೆಯೇ ಇಡಬೇಕು. ನೀವು ಜುಟ್ಟುನ್ನು ನಿಮ್ಮದೇ ನಿರ್ಧಾರದ ಮೇಲೆ ಇಡಲು ಪ್ರಾರಂಭಿಸಬಾರದು ಎಂಬುದನ್ನು ನೆನಪಿನಲ್ಲಿಡಿ. ಇದಕ್ಕಾಗಿ ಜ್ಯೋತಿಷಿಯಿಂದ ಸಲಹೆಯನ್ನು ತೆಗೆದುಕೊಳ್ಳುವುದು ಅವಶ್ಯಕ.

ಜುಟ್ಟು ಹೊಂದುವುದರ ಪ್ರಯೋಜನಗಳು:

ಶಿಖಾ ಅನ್ನು ಇಟ್ಟುಕೊಳ್ಳುವುದರಿಂದ ಆಗುವ ಪ್ರಯೋಜನಗಳೇನು ಎಂದು ವಿಜ್ಞಾನ ಮತ್ತು ಜ್ಯೋತಿಷ್ಯ ಎರಡರಲ್ಲೂ ವಿವರಿಸಲಾಗಿದೆ.

1. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ವ್ಯಕ್ತಿಯ ತಲೆಯ ಮೇಲೆ ಕೂದಲು ಇದ್ದಾಗ ಅದು ನಮ್ಮ ದೇಹದ ನರಗಳು ಮತ್ತು ಕೀಲುಗಳೊಂದಿಗೆ ನೇರ ಸಂಪರ್ಕವನ್ನು ಹೊಂದಿರುತ್ತದೆ. ಸನಾತನ ಧರ್ಮದ ಗ್ರಂಥವಾದ ಸುಶ್ರುತ ಸಂಹಿತೆಯ ಪ್ರಕಾರ ತಲೆಯ ಮೇಲಿನ ಈ ಸ್ಥಳವನ್ನು ‘ಅಧಿಪತಿಮರ್ಮ್’ ಎಂದು ಕರೆಯಲಾಗುತ್ತದೆ.

ಯಾವುದೋ ಕಾರಣದಿಂದ ಒಬ್ಬ ವ್ಯಕ್ತಿಯು ತನ್ನ ಅಧಿಪತಿಮರ್ಮದಲ್ಲಿ ಗಾಯಗೊಂಡರೆ, ಅವನು ಸಾಯುವಷ್ಟು ಭೀಕರ ಸ್ಥಿತಿ ನಿರ್ಮಾನವಾಗುತ್ತದೆ. ಆದರೆ ತಲೆಯ ಮೇಲೆ ಜುಟ್ಟು ಇಟ್ಟುಕೊಳ್ಳುವುದರಿಂದ ಈ ಅಪಾಯವನ್ನು ಕಡಿಮೆ ಮಾಡಬಹುದು.

2. ನಿಶ್ಚಿತ ವ್ಯಾಸವುಳ್ಳ ಶಿಖಾವನ್ನು ಇಟ್ಟುಕೊಳ್ಳುವುದರಿಂದ, ವ್ಯಕ್ತಿಯು ಸಾವಿನ ನಂತರ ಮೋಕ್ಷವನ್ನು ಪಡೆಯುತ್ತಾನೆ. ಆದರೆ ಶಿಖಾದ ಜೊತೆಗೆ, ವ್ಯಕ್ತಿಯು ತನ್ನ ದೈನಂದಿನ ಕಾರ್ಯಗಳಿಗೆ ಗಮನ ಕೊಡಬೇಕು ಎಂಬುದನ್ನು ನೆನಪಿನಲ್ಲಿಡಬೇಕು. ಸತ್ಕರ್ಮಗಳಿಲ್ಲದೆ ಮೋಕ್ಷವನ್ನು ಸಾಧಿಸಲಾಗುವುದಿಲ್ಲ.

3. ಶಿಖೆಯನ್ನು ತಲೆಯ ಮೇಲೆ ಇಟ್ಟುಕೊಳ್ಳುವುದರಿಂದ ಮನಸ್ಸು ಶಾಂತವಾಗಿರುತ್ತದೆ ಮತ್ತು ಮನಸ್ಸಿನಲ್ಲಿ ಯಾವುದೇ ಅನ್ಯ ಚಿಂತೆ ಇರುವುದಿಲ್ಲ. ಅದಕ್ಕೇ ಹೇಳೋದು ವ್ಯಾಸಂಗನಿರತ ಹುಡುಗ-ಹುಡುಗಿಯರು ತಮ್ಮ ಕೂದಲನ್ನು ಹೆಣೆಯಬೇಕು. ಇದು ಅವರ ಬುದ್ಧಿವಂತಿಕೆಯನ್ನು ತೀಕ್ಷ್ಣವಾಗಿರಿಸುತ್ತದೆ.

4. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಜುಟ್ಟನ್ನು ಇಟ್ಟುಕೊಳ್ಳುವುದರಿಂದ ನಮ್ಮ ದೇಹದಲ್ಲಿ ಏಳು ಚಕ್ರಗಳನ್ನು ಜಾಗೃತಗೊಳಿಸುತ್ತದೆ, ಇದು ನಮ್ಮೊಳಗೆ ಧನಾತ್ಮಕ ಶಕ್ತಿಯನ್ನು ಸೃಷ್ಟಿಸುತ್ತದೆ.

5. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶಿಖೆಯನ್ನು ತಲೆಯ ಮೇಲೆ ಬಿಟ್ಟುಕೊಂಡ ನಂತರ ಅದಕ್ಕೆ ಗಂಟು ಹಾಕಬೇಕು. ಅದನ್ನು ಮುಕ್ತವಾಗಿಡಬಾರದು.

6. ಶಿಖೆಯಲ್ಲಿ ಗಂಟು ಇಟ್ಟುಕೊಳ್ಳುವುದರಿಂದ ನಕಾರಾತ್ಮಕತೆ ದೂರವಾಗುತ್ತದೆ. ಮತ್ತು ಶಿಖರವು ಅದರ ಸ್ಥರದಲ್ಲಿ ಉಳಿಯುತ್ತದೆ.

ಜುಟ್ಟು ಇಡುವ ನಿಯಮಗಳು:

ವೈದಿಕ ಸಂಸ್ಕೃತಿ ಮತ್ತು ವಿಜ್ಞಾನದಲ್ಲಿ ಜುಟ್ಟು ಇಟ್ಟುಕೊಳ್ಳುವುದರ ಪ್ರಾಮುಖ್ಯತೆ ಮತ್ತು ಅದರ ಪ್ರಯೋಜನಗಳೇನು ಎಂದು ನಾವು ಇಲ್ಲಿಯವರೆಗೆ ನೋಡಿದ್ದೇವೆ. ಆದರೆ ಜ್ಯೋತಿಷ್ಯದಲ್ಲಿ ಶಿಖಾ ಇಡಲು ಕೆಲವು ನಿಯಮಗಳನ್ನು ಸಹ ಮಾಡಲಾಗಿದೆ, ಶಿಖಾ ಅನ್ನು ಇರಿಸಿಕೊಳ್ಳಲು ಈ ನಿಯಮಗಳನ್ನು ಅನುಸರಿಸಬೇಕು. ಕೇವಲ ಫ್ಯಾಷನ್‌ಗಾಗಿ ಅದನ್ನು ಇಟ್ಟುಕೊಂಡರೆ, ಅದರಿಂದ ನಿಮಗೆ ಯಾವುದೇ ಪ್ರಯೋಜನ ಆಗುವುದಿಲ್ಲ. ಆದರೆ ಖಂಡಿತವಾಗಿಯೂ ಅಶುಭವಾಗುತ್ತದೆ. ವೈದಿಕ ಸಂಸ್ಕೃತಿಯಲ್ಲಿ ಜಡೆ ಇಡುವ ನಿಯಮಗಳೇನು ಎಂದು ತಿಳಿಯೋಣ.

1. ಜ್ಯೋತಿಷ್ಯದ ಪ್ರಕಾರ ಜುಟ್ಟನ್ನು ಇರಿಸಿಕೊಳ್ಳುವಾಗ ಅದನ್ನು ತಲೆಯ ಚಂದ್ರ ಭಾಗದ (ಮಧ್ಯ ಭಾಗದಲ್ಲಿ) ಮೇಲೆ ಮಾತ್ರ ಇರಿಸಿ. ನಿಮ್ಮ ತಲೆಯ ಮೇಲಿನ ಉಳಿದ ಎಲ್ಲ ಕೂದಲನ್ನು ಕತ್ತರಿಸಬೇಕು. ಮತ್ತು ವ್ಯಾಸವುಳ್ಳ ಶಿಖಾ ಮಾತ್ರ ತಲೆಯ ಮೇಲೆ ಇರಬೇಕು.

2. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಶಿಖಾದ ಗಾತ್ರವನ್ನು ಹಸುವಿನ ಗೊರಸಿನಷ್ಟು ಉದ್ದ ಮತ್ತು ಅಗಲವನ್ನು ಮಾತ್ರ ಇಡಬೇಕು. ಹಸುವಿನ ಗೊರಸಿನ ಗಾತ್ರದ ಒಂದು ಶಿಖ ಮಾತ್ರ ಮಂಗಳಕರ.

3. ಜ್ಯೋತಿಷ್ಯ ಶಾಸ್ತ್ರಗಳ ಪ್ರಕಾರ ನೀವು ಯಾವುದೇ ರೀತಿಯ ಪೂಜೆ ಮಾಡುತ್ತಿದ್ದಾಗ, ದಾನ ನೀಡುತ್ತಿದ್ದಾಗ ಅಥವಾ 16 ಸಂಸ್ಕಾರಗಳಲ್ಲಿ ಯಾವುದೇ ಸಂಸ್ಕಾರ ಮಾಡುತ್ತಿದ್ದಾಗ, ನಿಮ್ಮ ಜಟೆಯಲ್ಲಿ ಕಡ್ಡಾಯವಾಗಿ ಒಂದು ಗುಂಡಿ (ಚಿಕ್ಕ ಗಂಟು ಬಿಗಿಯಬೇಕು) ಹಾಕಬೇಕು. ಇದು ಶುಭಕರವಾಗಿದೆ.

4. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ನೀವು ನಿತ್ಯ ಕರ್ಮ ಅಥವಾ ದೈನಂದಿನ ಚಟುವಟಿಕೆಗಳಿಗೆ ಹೋದಾಗ ಶಿಖೆಯ ಗಂಟು ಬಿಚ್ಚಬೇಕು. ಅಲ್ಲಿಗೆ ಹೋಗಿರುವಾಗ ಶಿಖದ ಗಂಟು ಕಟ್ಟುವುದು ಅಶುಭ.

5. ನೀವು ಶಿಖಾ ಜುಟ್ಟಿನೊಂದಿಗೆ ಇರುವಾಗ ಉತ್ತಮ ನಡವಳಿಕೆಯನ್ನು ಹೊಂದಿರಿ. ನಿಮ್ಮ ಮನಸ್ಸಿನಲ್ಲಿ ಯಾರ ಬಗ್ಗೆಯೂ ಕೆಟ್ಟ ಭಾವನೆಗಳು ಬೆಳೆಯಲು ಬಿಡಬೇಡಿ ಮತ್ತು ಹಿರಿಯರನ್ನು ಗೌರವಿಸಿ ಮತ್ತು ಕಿರಿಯರನ್ನು ಪ್ರೀತಿಸಿ.

6. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಸಂಜೆಯ ಮೊದಲು ಅಥವಾ ನಂತರ ಶಿಖಾವನ್ನು ಕಟ್ಟಬೇಕು. ಶಿಖೆಯನ್ನು ಕಟ್ಟುವಾಗ ಗಾಯತ್ರಿ ಮಂತ್ರವನ್ನು ಪಠಿಸಬೇಕು. (ಕೃಪೆ:  ಸುಧೀರ್​​)

(Disclaimer: TV 9 ಯಾವುದೇ ಸಂಪ್ರದಾಯವನ್ನು ಮಾಡಿ ಎಂದಾಗಲೀ, ಮಾಡಬೇಡಿ ಎಂದಾಗಲೀ ಒತ್ತಾಯಿಸುವುದಿಲ್ಲ. ಅಥವಾ ಒಂದು ಸಂಪ್ರದಾಯವನ್ನು ಮಾಡದಿದ್ದರೆ ಪಾಪ ಬರಬಹುದು ಎನ್ನುವ ವಾದವನ್ನು ಪುಷ್ಠೀಕರಿಸುವುದಿಲ್ಲ. ನಮ್ಮ ಸಮಾಜದಲ್ಲಿ ಯಾವ ರೀತಿಯ ನಂಬಿಕೆ ಇದೆ ಎಂಬುದನ್ನು ಪ್ರಸ್ತುತಪಡಿಸುವ ಉದ್ದೇಶದಿಂದ ಈ ಲೇಖನವನ್ನು ಬರೆಯಲಾಗಿದೆ)

Published On - 12:57 pm, Wed, 4 September 24