ವರ್ಷದಲ್ಲಿ ಒಂದೇ ದಿನ ಭಕ್ತರಿಗೆ ದರ್ಶನ ನೀಡುವ ನಾಗಚಂದ್ರೇಶ್ವರ; ನಾಗರ ಪಂಚಮಿಯಂದು ಮಾತ್ರ ತೆರೆಯುವ ಉಜ್ಜಯಿನಿಯ ವಿಶೇಷ ದೇವಾಲಯವಿದು

ನಾಗರ ಪಂಚಮಿ ಹಬ್ಬವನ್ನು ಪ್ರತಿ ವರ್ಷ ಶ್ರಾವಣ ಮಾಸದ ಶುಕ್ಲ ಪಕ್ಷದ ಐದನೇ ದಿನದಂದು ಆಚರಿಸಲಾಗುತ್ತದೆ. ಈ ವರ್ಷ ನಾಗಪಂಚಮಿ ಜುಲೈ 29ರಂದು ಬಂದಿದೆ. ವರ್ಷಪೂರ್ತಿ ಮುಚ್ಚಿದ್ದು, ನಾಗರ ಪಂಚಮಿಯಂದು ಮಾತ್ರ ಭಕ್ತರಿಗೆ ದರ್ಶನ ನೀಡುವು ಒಂದು ದೇವಾಲಯವಿದೆ. ಈ ದೇವಾಲಯ ವಿಶೇಷತೆ ಏನು ವರ್ಷದಲ್ಲಿ ಒಂದು ದಿನ ಮಾತ್ರ ತೆರೆಯಲು ಕಾರಣವೇನು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಉಜ್ಜಯಿನಿಯ ಮಹಾಕಾಳೇಶ್ವರ ದೇವಾಲಯ ಸಂಕೀರ್ಣದಲ್ಲಿರುವ ನಾಗಚಂದ್ರೇಶ್ವರ ದೇವಾಲಯ ನಾಗಪಂಚಮಿಯಂದು ಮಾತ್ರ ತೆರೆಯಲ್ಪಡುತ್ತವೆ. ಈ ದೇವಾಲಯ ತನ್ನ ಪವಾಡಗಳಿಂದಲೇ ಸಾಕಷ್ಟು ಖ್ಯಾತಿ ಗಳಿಸಿದ್ದರೂ ಕೂಡ ಈ ದೇವಾಲಯದ ಬಾಗಿಲುಗಳು ವರ್ಷದ ಒಂದು ಮಾತ್ರ ತೆರೆಯಲಾಗುತ್ತದೆ. ನಾಗಪಂಚಮಿಯಂದು ದೇವಾಲಯದಲ್ಲಿ ವಿಶೇಷ ಪೂಜೆ ಮತ್ತು ಆರತಿಯನ್ನು ಮಾಡಲಾಗುತ್ತದೆ ಮತ್ತು ಇದರ ನಂತರ ದೇವಾಲಯದ ಬಾಗಿಲುಗಳನ್ನು ಮತ್ತೆ ಮುಚ್ಚಲಾಗುತ್ತದೆ. ಈ ದೇವಾಲಯಕ್ಕೆ ಭೇಟಿ ನೀಡುವ ಮೂಲಕ ಕಾಳಸರ್ಪ ದೋಷದಿಂದ ಮುಕ್ತಿ ಪಡೆಯಬಹುದು ಎಂದು ಹೇಳಲಾಗುತ್ತದೆ. ಲಕ್ಷಾಂತರ ಭಕ್ತರು ಇಲ್ಲಿಗೆ ಭೇಟಿ ನೀಡುವುದು ಇದೇ ಕಾರಣ.

ದೇವಾಲಯದ ವಿಶೇಷತೆ:

ನಾಗಚಂದ್ರೇಶ್ವರ ದೇವಸ್ಥಾನವು ಮಹಾಕಾಳೇಶ್ವರ ಜ್ಯೋತಿರ್ಲಿಂಗ ದೇವಸ್ಥಾನದ ಶಿಖರದ ಮೇಲೆ ಇದೆ. ಇಲ್ಲಿ ಸ್ಥಾಪಿಸಲಾದ ಸರ್ಪ ದೇವರ ವಿಗ್ರಹವು 11 ನೇ ಶತಮಾನದ್ದಾಗಿ ಹೇಳಲಾಗುತ್ತದೆ. ಈ ವಿಗ್ರಹವನ್ನು ನೇಪಾಳದಿಂದ ಭಾರತಕ್ಕೆ ತರಲಾಗಿದೆ ಎಂದು ಹೇಳಲಾಗುತ್ತದೆ. ನೀವು ವಿಷ್ಣುವು ಸರ್ಪ ಹಾಸಿಗೆಯ ಮೇಲೆ ಕುಳಿತಿರುವುದನ್ನು ನೋಡಿರಬೇಕು.

ಆದರೆ ಶಿವನು ಸರ್ಪ ಹಾಸಿಗೆಯ ಮೇಲೆ ಕುಳಿತಿರುವ ವಿಶ್ವದ ಏಕೈಕ ದೇವಾಲಯ ಇದಾಗಿದೆ. ಈ ಅದ್ಭುತ ವಿಗ್ರಹದಲ್ಲಿ, ಸರ್ಪ ದೇವರು ತನ್ನ ಹೆಡೆಯನ್ನು ಹರಡಿದ್ದಾನೆ ಮತ್ತು ಅದರ ಮೇಲೆ ಶಿವ, ದೇವಿ ಪಾರ್ವತಿ ಮತ್ತು ಇತರರು ಕುಳಿತಿದ್ದಾರೆ. ನಾಗ ಪಂಚಮಿಯ ಶುಭ ಸಂದರ್ಭದಲ್ಲಿ, ನಾಗಚಂದ್ರೇಶ್ವರ ದೇವರ ತ್ರಿಕಾಲ ಪೂಜೆಯನ್ನು ನಡೆಸಲಾಗುತ್ತದೆ.

ಇದನ್ನೂ ಓದಿ: ಮನೆಯಲ್ಲಿ ನಟರಾಜನ ಪ್ರತಿಮೆ ಇಡಬಾರದು ಎಂದು ಹೇಳುವುದೇಕೆ?

ಒಮ್ಮೆ ಮಾತ್ರ ತೆರೆಯಲು ಕಾರಣ:

ದಂತಕಥೆಯ ಪ್ರಕಾರ, ಒಮ್ಮೆ ಸರ್ಪಗಳ ರಾಜ ತಕ್ಷಕನು ಶಿವನ ಆಶೀರ್ವಾದವನ್ನು ಪಡೆಯಲು ಕಠಿಣ ತಪಸ್ಸು ಮಾಡಿದನು. ಮಹಾದೇವನು ರಾಜನ ತಪಸ್ಸಿನಿಂದ ತುಂಬಾ ಸಂತೋಷಗೊಂಡು ಅವನಿಗೆ ಅಮರತ್ವದ ವರವನ್ನು ನೀಡಿದನು. ಇದಾದ ನಂತರ, ರಾಜ ತಕ್ಷಕ ನಾಗನು ಶಿವನ ಸಾಮೀಪ್ಯದಲ್ಲಿ ಅಂದರೆ ಮಹಾಕಾಳ ಕಾಡಿನಲ್ಲಿ ವಾಸಿಸಲು ಪ್ರಾರಂಭಿಸಿದನು. ಆದರೆ ರಾಜನು ತನ್ನ ಏಕಾಂತತೆಗೆ ಯಾರೂ ತೊಂದರೆ ನೀಡಬಾರದು ಎಂದು ಬಯಸಿದನು. ಇದೇ ಕಾರಣಕ್ಕಾಗಿ ನಾಗಚಂದ್ರೇಶ್ವರ ದೇವಾಲಯದ ಬಾಗಿಲುಗಳನ್ನು ನಾಗ ಪಂಚಮಿಯಂದು ಮಾತ್ರ ತೆರೆಯಲಾಗುತ್ತದೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 11:27 am, Sun, 20 July 25