Numerology: ನೀವು ಮೂಲ ಸಂಖ್ಯೆ 2 ರಲ್ಲಿ ಜನಿಸಿದವರೇ? ಮದುವೆಯಾಗುವ ಮುನ್ನ ಈ ವಿಷಯ ತಿಳಿದಿರಲಿ
ಸಂಖ್ಯಾಶಾಸ್ತ್ರದ ಪ್ರಕಾರ, ಮೂಲ ಸಂಖ್ಯೆ 2 ರವರ ದಾಂಪತ್ಯ ಜೀವನಕ್ಕೆ ಸೂಕ್ತ ಸಲಹೆಗಳು ಇಲ್ಲಿವೆ. ಚಂದ್ರನ ಪ್ರಭಾವವಿರುವ ಇವರು ಸೂಕ್ಷ್ಮಮನಸ್ಸಿನವರು. ಇವರು ಮೂಲ ಸಂಖ್ಯೆ 9 (ಮಂಗಳನ ಪ್ರಭಾವ) ರವರನ್ನು ಮದುವೆಯಾಗುವುದನ್ನು ತಪ್ಪಿಸಬೇಕು. ಸಂಖ್ಯೆ 2, 4, 7 ಹೊಂದಿರುವ ಸಂಗಾತಿಗಳು ಇವರಿಗೆ ಹೆಚ್ಚು ಸೂಕ್ತ. ಇದು ಜಗಳ ಮುಕ್ತ, ಆನಂದದಾಯಕ ವೈವಾಹಿಕ ಜೀವನಕ್ಕೆ ಸಹಕಾರಿ ಎಂದು ನಂಬಲಾಗಿದೆ.
Updated on: Jul 23, 2026 | 10:22 AM
ಪ್ರತಿಯೊಬ್ಬರೂ ತಮ್ಮ ದಾಂಪತ್ಯ ಜೀವನವು ಜಗಳಗಳಿಂದ ಮುಕ್ತವಾಗಿ, ಆನಂದದಾಯಕವಾಗಿರಬೇಕೆಂದು ಬಯಸುತ್ತಾರೆ. ಇದಕ್ಕಾಗಿ ಕೇವಲ ಹುಡುಗ-ಹುಡುಗಿಯ ಒಪ್ಪಿಗೆ ಮಾತ್ರವಲ್ಲದೆ, ಜ್ಯೋತಿಷ್ಯ ಮತ್ತು ಸಂಖ್ಯಾಶಾಸ್ತ್ರದ ಹೊಂದಾಣಿಕೆಯೂ ಮುಖ್ಯವಾಗುತ್ತದೆ. ಜಾತಕಗಳ ಮಿಲನದಂತೆಯೇ ಸಂಖ್ಯಾಶಾಸ್ತ್ರದಲ್ಲೂ ಗ್ರಹಗಳ ಸಾಮರಸ್ಯಕ್ಕೆ ಅನುಗುಣವಾಗಿ ಸಂಖ್ಯೆಗಳ ಹೊಂದಾಣಿಕೆಯನ್ನು ನೋಡಲಾಗುತ್ತದೆ. ಉದಾಹರಣೆಗೆ, ಜನ್ಮಸಂಖ್ಯೆ 2 ರಲ್ಲಿ ಜನಿಸಿದವರು ಕೆಲವು ನಿರ್ದಿಷ್ಟ ದಿನಾಂಕಗಳಲ್ಲಿ ಜನಿಸಿದವರನ್ನು ಮದುವೆಯಾಗುವುದನ್ನು ತಪ್ಪಿಸುವುದು ಒಳಿತು ಎಂದು ಸಂಖ್ಯಾಶಾಸ್ತ್ರ ಹೇಳುತ್ತದೆ.
ಯಾರ ಮೂಲ ಸಂಖ್ಯೆ 2 ಆಗಿರುತ್ತದೆ?
ಯಾವುದೇ ತಿಂಗಳ 2, 11, 20 ಅಥವಾ 29 ರಂದು ಜನಿಸಿದವರ ಮೂಲ ಸಂಖ್ಯೆ 2 ಆಗಿರುತ್ತದೆ. ಈ ಸಂಖ್ಯೆಯನ್ನು ಚಂದ್ರ ಗ್ರಹವು ಆಳುತ್ತದೆ. ಚಂದ್ರನು ಮನಸ್ಸಿನ ಕಾರಕನಾಗಿರುವುದರಿಂದ, ಈ ಸಂಖ್ಯೆಯಲ್ಲಿ ಜನಿಸಿದ ವ್ಯಕ್ತಿಗಳು ಸ್ವಭಾವತಃ ಅತ್ಯಂತ ಸೂಕ್ಷ್ಮಮನಸ್ಸಿನವರು, ಸೃಜನಶೀಲರು, ಕಾಲ್ಪನಿಕರು ಮತ್ತು ಶಾಂತಪ್ರಿಯರಾಗಿರುತ್ತಾರೆ. ಯಾವುದೇ ಸಮಸ್ಯೆಯನ್ನಾದರೂ ಕೋಪಿಸಿಕೊಳ್ಳದೆ ಶಾಂತಿಯುತವಾಗಿ ಪರಿಹರಿಸಿಕೊಳ್ಳುವ ಗುಣ ಇವರಲ್ಲಿರುತ್ತದೆ.
ಸಂಖ್ಯೆ 2 ರವರು ಯಾರನ್ನು ಮದುವೆಯಾಗಬಾರದು?
ಸಂಖ್ಯಾಶಾಸ್ತ್ರದ ಪ್ರಕಾರ, ಮೂಲ ಸಂಖ್ಯೆ 2 ಹೊಂದಿರುವವರು ಯಾವುದೇ ತಿಂಗಳ 9, 18 ಅಥವಾ 27 ರಂದು ಜನಿಸಿದವರನ್ನು (ಮೂಲ ಸಂಖ್ಯೆ 9) ಮದುವೆಯಾಗಬಾರದು. 2 ಮತ್ತು 9 ರ ಸಂಯೋಜನೆಯು ವಿವಾಹ ಜೀವನಕ್ಕೆ ಶುಭಕರವಲ್ಲವೆಂದು ಪರಿಗಣಿಸಲಾಗುತ್ತದೆ.
ಇದಕ್ಕೆ ಮುಖ್ಯ ಕಾರಣವೆಂದರೆ, ಸಂಖ್ಯೆ 2 ರವರು ಶಾಂತ ಸ್ವಭಾವದವರಾಗಿದ್ದರೆ, ಸಂಖ್ಯೆ 9 ರವರು ಮಂಗಳ ಗ್ರಹದ ಪ್ರಭಾವಕ್ಕೆ ಒಳಗೊಂಡಿರುತ್ತಾರೆ. ಮಂಗಳನ ಪ್ರಭಾವದಿಂದಾಗಿ ಅವರು ಹೆಚ್ಚು ಧೈರ್ಯಶಾಲಿಗಳು, ನಾಯಕತ್ವದ ಗುಣವುಳ್ಳವರು ಮತ್ತು ಆಕ್ರಮಣಕಾರಿ ಸ್ವಭಾವದವರಾಗಿರುತ್ತಾರೆ. ಅವರು ತಮ್ಮ ಸಂಗಾತಿಯ ಮೇಲೆ ಪ್ರಾಬಲ್ಯ ಸಾಧಿಸಲು ಯತ್ನಿಸುವುದರಿಂದ ಹಾಗೂ ಅವರ ಕೋಪದ ಸ್ವಭಾವದಿಂದಾಗಿ ಶಾಂತಪ್ರಿಯರಾದ ಸಂಖ್ಯೆ 2 ರವರ ಜೊತೆ ಆಗಾಗ ಭಿನ್ನಾಭಿಪ್ರಾಯಗಳು ಮೂಡುತ್ತವೆ.
ಸಂಖ್ಯೆ 2 ರವರಿಗೆ ಸೂಕ್ತವಾದ ಜೀವನ ಸಂಗಾತಿ ಯಾರು?
ಸಂಖ್ಯೆ 2 ರವರ ವೈವಾಹಿಕ ಜೀವನ ಸುಖಮಯವಾಗಿರಲು 2, 4 ಮತ್ತು 7 ಮೂಲ ಸಂಖ್ಯೆ ಹೊಂದಿರುವವರು ಅತ್ಯಂತ ಅನುಕೂಲಕರ ಸಂಗಾತಿಗಳಾಗಿದ್ದಾರೆ. ಅಂದರೆ, ಯಾವುದೇ ತಿಂಗಳ 2, 4, 7, 11, 13, 16, 20, 22, 25, 29, 31 ರಂದು ಜನಿಸಿದವರನ್ನು ಮದುವೆಯಾದರೆ ಸಂಬಂಧದಲ್ಲಿ ಸಾಮರಸ್ಯ ಹೆಚ್ಚಿ, ಜಗಳ ಹಾಗೂ ಸಂಘರ್ಷಗಳ ಸಾಧ್ಯತೆಗಳು ಕಡಿಮೆಯಾಗುತ್ತವೆ.
ಯಾವುದೇ ಸಂಖ್ಯೆಯೊಂದಿಗಿನ ದಾಂಪತ್ಯ ಯಶಸ್ವಿಯಾಗಲು ಪರಸ್ಪರ ತಿಳುವಳಿಕೆ ಮತ್ತು ಗೌರವವೇ ಮೂಲಾಧಾರ. ಆದಾಗ್ಯೂ, ಸಂಖ್ಯಾಶಾಸ್ತ್ರದ ಈ ಸಲಹೆಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ನಿಮ್ಮ ವೈವಾಹಿಕ ಜೀವನಕ್ಕೆ ಮತ್ತಷ್ಟು ಸ್ಥಿರತೆಯನ್ನು ನೀಡುತ್ತದೆ ಎಂದು ನಂಬಲಾಗಿದೆ.
ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
