Bundesliga Women 2024: ಎಸ್ಸೆನ್ ತಂಡವನ್ನು ಮಣಿಸಿ ಟೂರ್ನಿಯಲ್ಲಿ 5 ಗೆಲುವು ದಾಖಲಿಸಿದ ವೋಲ್ಫ್ಸ್‌ಬರ್ಗ್
Bundesliga Women 2024: ಜರ್ಮನಿಯಲ್ಲಿ ನಡೆಯುತ್ತಿರುವ ಬುಂಡೆಸ್‌ಲಿಗಾ ಮಹಿಳಾ ಫುಟ್ಬಾಲ್ ಟೂರ್ನಿಯಲ್ಲಿ ಅಕ್ಟೋಬರ್ 20 ರಂದು ಎಸ್ಜಿಎಸ್ ಎಸ್ಸೆನ್ ಹಾಗೂ ವೋಲ್ಫ್ಸ್‌ಬರ್ಗ್ ತಂಡಗಳು ಮುಖಾಮುಖಿಯಾಗಿದ್ದವು. ಜಿದ್ದಾಜಿದ್ದಿನಿಂದ ಕೂಡಿದ್ದ ಈ ಪಂದ್ಯದಲ್ಲಿ ವೋಲ್ಫ್ಸ್‌ಬರ್ಗ್ ತಂಡ 2-0 ಗೋಲುಗಳ ಅಂತರದಿಂದ ಎಸ್ಜಿಎಸ್ ಎಸ್ಸೆನ್ ತಂಡವನ್ನು ಮಣಿಸುವಲ್ಲಿ ಯಶಸ್ವಿಯಾಯಿತು.
Updated on:Oct 20, 2024 | 9:06 PM
ಜರ್ಮನಿಯಲ್ಲಿ ನಡೆಯುತ್ತಿರುವ ಬುಂಡೆಸ್‌ಲಿಗಾ ಮಹಿಳಾ ಫುಟ್ಬಾಲ್ ಟೂರ್ನಿಯ ಮ್ಯಾಚ್‌ಡೇ 8ರ 40ನೇ ಪಂದ್ಯದಲ್ಲಿ ಇಂದು ಅಂದರೆ ಅಕ್ಟೋಬರ್ 20 ರಂದು ಎಸ್ಜಿಎಸ್ ಎಸ್ಸೆನ್ ಹಾಗೂ ವೋಲ್ಫ್ಸ್‌ಬರ್ಗ್ ತಂಡಗಳು ಮುಖಾಮುಖಿಯಾಗಿದ್ದವು. ಜಿದ್ದಾಜಿದ್ದಿನಿಂದ ಕೂಡಿದ್ದ ಈ ಪಂದ್ಯದಲ್ಲಿ ವೋಲ್ಫ್ಸ್‌ಬರ್ಗ್ ತಂಡ 2-0 ಗೋಲುಗಳ ಅಂತರದಿಂದ ಎಸ್ಜಿಎಸ್ ಎಸ್ಸೆನ್ ತಂಡವನ್ನು ಮಣಿಸುವಲ್ಲಿ ಯಶಸ್ವಿಯಾಯಿತು. ಈ ಗೆಲುವಿನೊಂದಿಗೆ ವೋಲ್ಫ್ಸ್‌ಬರ್ಗ್ ತಂಡ ಟೂರ್ನಿಯಲ್ಲಿ 5ನೇ ಗೆಲುವು ದಾಖಲಿಸಿ ಪಾಯಿಂಟ್ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿ ಮುಂದುವರೆದರೆ, ಎಸ್ಜಿಎಸ್ ಎಸ್ಸೆನ್ ತಂಡ 4ನೇ ಸೋಲಿನೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿ ಮುಂದುವರೆದಿದೆ.
ಮೊದಲಾರ್ಧದಲ್ಲೇ ಮೇಲುಗೈ
ಸ್ಟೇಷನ್ ಎಸ್ಸೆನ್ನಲ್ಲಿ ನಡೆದ ಈ ಪಂದ್ಯದ ಮೊದಲಾರ್ಧ ಮುಕ್ತಾಯಕ್ಕೆ ಕೆಲವೇ ಸೆಕೆಂಡ್ ಬಾಕಿ ಇರುವಾಗ ವೋಲ್ಫ್ಸ್‌ಬರ್ಗ್ ತಂಡ ಮೊದಲ ಗೋಲು ಬಾರಿಸುವಲ್ಲಿ ಯಶಸ್ವಿಯಾಯಿತು. ತಂಡದ ಪರ ಮಿಡಲ್ ಫೀಲ್ಡರ್ ಜನಿನಾ ಮಿಂಗೆ ಪಂದ್ಯದ 25ನೇ ನಿಮಿಷದಲ್ಲಿ ಎದುರಾಳಿ ತಂಡದ ರಕ್ಷಣೆ ಭೇದಿಸಿ ಗೋಲು ಪೋಸ್ಟ್ ಮಾಡುವಲ್ಲಿ ಯಶಸ್ವಿಯಾದರು. ಇತ್ತ ಎಸ್ಸೆನ್ ತಂಡ ಗೋಲು ಬಾರಿಸಲು ಸಾಕಷ್ಟು ಪ್ರಯತ್ನ ಮಾಡಿತ್ತಾದರೂ, ವೋಲ್ಫ್ಸ್‌ಬರ್ಗ್ ತಂಡದ ರಕ್ಷಣೆಯನ್ನು ಭೇದಿಸಿ ಗೋಲು ಪೋಸ್ಟ್ ಮಾಡುವಲ್ಲಿ ವಿಫಲವಾಯಿತು.
ವಿರಾಮದ ನಂತರ ಪಂದ್ಯದ ದ್ವಿತೀಯಾರ್ಧದಲ್ಲೂ ಎರಡು ತಂಡಗಳಿಂದ ಗೋಲು ದಾಖಲಿಸಲು ಸಾಕಷ್ಟು ಕಸರತ್ತು ನಡೆಯಿತು. ಈ ವೇಳೆ ಪಂದ್ಯದ 72ನೇ ನಿಮಿಷದಲ್ಲಿ ವೋಲ್ಫ್ಸ್‌ಬರ್ಗ್ ತಂಡ ಪಂದ್ಯದ ಎರಡನೇ ಗೋಲು ದಾಖಲಿಸುವಲ್ಲಿ ಯಶಸ್ವಿಯಾಯಿತು. ಈ ಬಾರಿ ತಂಡದ ಪರ ಸ್ಟ್ರೈಕರ್ ಲಿನೆತ್ ಬೀರೆನ್‌ಸ್ಟೈನ್ ಗೋಲು ಬಾರಿಸುವಲ್ಲಿ ಯಶಸ್ವಿಯಾದರು. ಇತ್ತ ಎಸ್ಸೆನ್ ತಂಡ ಕೂಡ ಗೋಲಿಗಾಗಿ ಸಾಕಷ್ಟು ಶ್ರಮ ಪಟ್ಟಿತ್ತಾದರೂ, ವೋಲ್ಫ್ಸ್‌ಬರ್ಗ್ ತಂಡ ಅದಕ್ಕೆ ಅವಕಾಶ ಮಾಡಿಕೊಡಲಿಲ್ಲ. ಅಂತಿಮವಾಗಿ 94 ನಿಮಿಷಗಳ ಕಾಲ ನಡೆದ ಈ ಪಂದ್ಯವನ್ನು ವೋಲ್ಫ್ಸ್‌ಬರ್ಗ್ ತಂಡ 2-0 ಗೋಲುಗಳಿಂದ ಗೆದ್ದುಕೊಳ್ಳುವಲ್ಲಿ ಯಶಸ್ವಿಯಾಯಿತು.
ಪಾಯಿಂಟ್ ಪಟ್ಟಿ ಹೀಗಿದೆ
ಇನ್ನು ಟೂರ್ನಿಯಲ್ಲಿ ಉಭಯ ತಂಡಗಳ ಇದುವರೆಗಿನ ಪ್ರದರ್ಶನ ಬಗ್ಗೆ ಹೇಳುವುದಾದರೆ.. ವೋಲ್ಫ್ಸ್‌ಬರ್ಗ್ ತಂಡ ತಂಡ ಇದುವರೆಗೆ ಆಡಿರುವ 7 ಪಂದ್ಯಗಳಲ್ಲಿ 5 ಪಂದ್ಯಗಳನ್ನು ಗೆದ್ದಿದ್ದರೆ, 1 ಪಂದ್ಯದಲ್ಲಿ ಸೋಲು ಕಂಡಿದೆ. ಉಳಿದಂತೆ ಒಂದು ಪಂದ್ಯ ಡ್ರಾದಲ್ಲಿ ಅಂತ್ಯಗೊಂಡಿದೆ ತಂಡದ ಬಳಿ ಒಟ್ಟಾರೆ 16 ಪಾಯಿಂಟ್ಗಳಿವೆ. ಇತ್ತ ಎಸ್ಜಿಎಸ್ ಎಸ್ಸೆನ್ ತಂಡ ಆಡಿರುವ 7 ಪಂದ್ಯಗಳ ಪೈಕಿ 2 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದರೆ, 4 ಪಂದ್ಯಗಳಲ್ಲಿ ಸೋಲು ಕಂಡಿದೆ. ಉಳಿದಂತೆ 1 ಪಂದ್ಯ ಡ್ರಾದಲ್ಲಿ ಅಂತ್ಯಗೊಂಡಿದ್ದು, ತಂಡ ಪ್ರಸ್ತುತ 7 ಅಂಕ ಕಲೆಹಾಕುವಲ್ಲಿ ಯಶಸ್ವಿಯಾಗಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 9:02 pm, Sun, 20 October 24
