SRH vs KKR, IPL 2025: ಅದ್ಭುತ ಮಾತಿನೊಂದಿಗೆ ಐಪಿಎಲ್ 2025ಕ್ಕೆ ವಿದಾಯ ಹೇಳಿದ ಅಜಿಂಕ್ಯಾ ರಹಾನೆ

ಬೆಂಗಳೂರು (ಮೇ. 26): ಹೆನ್ರಿಕ್ ಕ್ಲಾಸೆನ್ ಅವರ ಬಿರುಗಾಳಿ ಶತಕ ಮತ್ತು ಜಯದೇವ್ ಉನಾದ್ಕಟ್ ನೇತೃತ್ವದ ಅದ್ಭುತ ಬೌಲಿಂಗ್ ಪ್ರದರ್ಶನದ ನೆರವಿನಿಂದ ಸನ್‌ರೈಸರ್ಸ್ ಹೈದರಾಬಾದ್ ತಂಡ ಭಾನುವಾರ ಕೋಲ್ಕತ್ತಾ ನೈಟ್ ರೈಡರ್ಸ್ (Sunrisers Hyderabad vs Kolkata Knight Riders) ತಂಡವನ್ನು 110 ರನ್‌ಗಳಿಂದ ಸೋಲಿಸುವ ಮೂಲಕ ಇಂಡಿಯನ್ ಪ್ರೀಮಿಯರ್ ಲೀಗ್ ಅಭಿಯಾನವನ್ನು ಕೊನೆಗೊಳಿಸಿತು. ಈಗಾಗಲೇ ಪ್ಲೇಆಫ್ ರೇಸ್‌ನಿಂದ ಈ ಎರಡೂ ತಂಡಗಳು ಹೊರಬಿದ್ದಿವೆ. ಸನ್‌ರೈಸರ್ಸ್ ತಂಡವು 14 ಪಂದ್ಯಗಳಲ್ಲಿ 13 ಅಂಕಗಳೊಂದಿಗೆ ಆರನೇ ಸ್ಥಾನವನ್ನು ತಲುಪಿದರೆ, ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 14 ಪಂದ್ಯಗಳಲ್ಲಿ 12 ಅಂಕಗಳೊಂದಿಗೆ 8 ನೇ ಸ್ಥಾನದಲ್ಲಿದೆ. ಈ ಪಂದ್ಯದ ಸೋಲಿನ ನಂತರ, ಕೆಕೆಆರ್ ನಾಯಕ ಅಜಿಂಕ್ಯ ರಹಾನೆ ದೊಡ್ಡ ಹೇಳಿಕೆ ನೀಡಿದ್ದಾರೆ.

ಸೋಲಿನ ನಂತರ ರಹಾನೆ ಹೇಳಿದ್ದೇನು?

ಹೈದರಾಬಾದ್ ವಿರುದ್ಧದ ಸೋಲಿನ ನಂತರ, ಅಜಿಂಕ್ಯ ರಹಾನೆ ತಮ್ಮ ತಂಡದ ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡೂ ಕಳಪೆಯಾಗಿತ್ತು ಎಂದು ಹೇಳಿದರು. ‘ಅವರು ನಿಜವಾಗಿಯೂ ಚೆನ್ನಾಗಿ ಬ್ಯಾಟಿಂಗ್ ಮಾಡಿದರು, ಬೌಲಿಂಗ್ ಮಾಡುವಾಗ ನಾವು ಕೆಲವು ತಪ್ಪುಗಳನ್ನು ಮಾಡಿದೆವು’ ಎಂದು ರಹಾನೆ ಒಪ್ಪಿಕೊಂಡರು. ಅವರು ಬ್ಯಾಟಿಂಗ್ ಮಾಡಿದ ರೀತಿ, ನಾವು ಎಸೆದ ಎಲ್ಲ ಸುಲಭ ಚೆಂಡುಗಳ ಲಾಭವನ್ನು ಪಡೆದುಕೊಂಡರು ಮತ್ತು ಉತ್ತಮ ಚೆಂಡುಗಳನ್ನು ಸಹ ಹೊಡೆದರು. ಇದರ ಶ್ರೇಯಸ್ಸು ಹೈದರಾಬಾದ್ ಬ್ಯಾಟ್ಸ್‌ಮನ್‌ಗಳಿಗೆ ಸಲ್ಲಬೇಕು, ಅವರ ಉದ್ದೇಶ ನಿಜಕ್ಕೂ ಅದ್ಭುತವಾಗಿತ್ತು ಎಂದಿದ್ದಾರೆ.

ಮುಂದಿನ ವರ್ಷ ಇನ್ನಷ್ಟು ಬಲಿಷ್ಠವಾಗಿ ಮರಳಿ ಬರುತ್ತೇವೆ

‘ನಾವು ನಿಧಾನಗತಿಯ ಎಸೆತಗಳನ್ನು ಎಸೆಯುವ ಬಗ್ಗೆ ಮತ್ತು ವೈಡ್ ಬೌಲಿಂಗ್ ಮಾಡುವ ಬಗ್ಗೆ ಚರ್ಚಿಸಿದೆವು, ಆದರೆ ಕೆಲವೊಮ್ಮೆ ಬೌಲರ್‌ಗಳು ಯೋಜನೆಯನ್ನು ಸರಿಯಾಗಿ ಕಾರ್ಯಗತಗೊಳಿಸಲಿಲ್ಲ. ಕ್ಲಾಸೆನ್‌ ಮತ್ತು ಹೈದರಾಬಾದ್‌ನ ಎಲ್ಲಾ ಬ್ಯಾಟ್ಸ್‌ಮನ್‌ಗಳು ಉತ್ತಮವಾಗಿ ಬ್ಯಾಟಿಂಗ್ ಮಾಡಿದರು’ ಎಂದು ರಹಾನೆ ಹೇಳಿದರು.

PBKS vs MI, IPL 2025: ಪ್ಲೇಆಫ್‌ಗೂ ಮುನ್ನ ಪಂಜಾಬ್ ಕಿಂಗ್ಸ್‌ಗೆ ದೊಡ್ಡ ಹೊಡೆತ: ಸ್ಟಾರ್ ಆಟಗಾರ ಆಡೋದು ಡೌಟ್

‘ನಾವು ಬೌಲಿಂಗ್ ವಿಭಾಗದಲ್ಲಿ ವಿಫಲರಾದೆವು ಮತ್ತು ಬೌಲಿಂಗ್ ಘಟಕವಾಗಿ ಇನ್ನಿಂಗ್ಸ್‌ನಾದ್ಯಂತ ನಾವು ಬಹಳಷ್ಟು ತಪ್ಪುಗಳನ್ನು ಮಾಡಿದ್ದೇವೆ. ಋತುವಿನ ಉದ್ದಕ್ಕೂ, ನಮಗೆ ನಮ್ಮದೇ ಆದ ಅದ್ಭುತ ಕ್ಷಣಗಳಿದ್ದವು, ನಮಗೆ ಅವಕಾಶಗಳಿದ್ದವು, ನಾವು ಒಂದು ಘಟಕವಾಗಿ ಆಡಲಿಲ್ಲ ಎಂದು ಭಾವಿಸಿದ 2-3 ನಿಕಟ ಪಂದ್ಯಗಳು ಇದ್ದವು. ನಾವು ನಮ್ಮ ಕೈಲಾದಷ್ಟು ಪ್ರಯತ್ನಿಸಿದೆವು, ನೀವು ಯಾವಾಗಲೂ ಸ್ವಿಚ್ ಆನ್‌ನಲ್ಲಿ ಇಡಬೇಕು. ಈ ಋತುವು ನಿಜವಾಗಿಯೂ ಕಠಿಣವಾಗಿದೆ. ಈ ಸೀಸನ್‌ನಿಂದ ನಾವು ಬಹಳಷ್ಟು ಕಲಿತಿದ್ದೇನೆ. ಮುಂದಿನ ವರ್ಷ ನಾವು ಇನ್ನಷ್ಟು ಬಲಿಷ್ಠರಾಗಿ ಮರಳಿ ಬರುತ್ತೇವೆ’ ಎಂಬ ಭರವಸೆಯ ಮಾತನ್ನು ರಹಾನೆ ಆಡಿದ್ದಾರೆ.

ಕ್ಲಾಸೆನ್ ಅದ್ಭುತ ಇನ್ನಿಂಗ್ಸ್

ಕ್ಲಾಸೆನ್ ತಮ್ಮ ವೃತ್ತಿಜೀವನದ ಅತ್ಯುತ್ತಮ ಇನ್ನಿಂಗ್ಸ್‌ನಲ್ಲಿ 39 ಎಸೆತಗಳಲ್ಲಿ ಒಂಬತ್ತು ಸಿಕ್ಸರ್‌ಗಳು ಮತ್ತು ಏಳು ಬೌಂಡರಿಗಳೊಂದಿಗೆ ಅಜೇಯ 105 ರನ್ ಗಳಿಸಿದರು, ಜೊತೆಗೆ ಹೆಡ್ (76 ರನ್, 40 ಎಸೆತಗಳು, ಆರು ಸಿಕ್ಸರ್‌ಗಳು, ಆರು ಬೌಂಡರಿಗಳು) ಮತ್ತು ಇಶಾನ್ ಕಿಶನ್ (29) ಅವರೊಂದಿಗೆ ಕ್ರಮವಾಗಿ ಎರಡನೇ ಮತ್ತು ಮೂರನೇ ವಿಕೆಟ್‌ಗಳಿಗೆ 83 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡರು, ಸನ್‌ರೈಸರ್ಸ್ ಮೂರು ವಿಕೆಟ್‌ಗಳಿಗೆ 278 ರನ್ ಗಳಿಸಿತು. ಇದು ಐಪಿಎಲ್ ಇತಿಹಾಸದಲ್ಲಿ ಮೂರನೇ ಅತಿ ದೊಡ್ಡ ಸ್ಕೋರ್ ಮತ್ತು ಪ್ರಸಕ್ತ ಋತುವಿನ ಎರಡನೇ ದೊಡ್ಡ ಸ್ಕೋರ್ ಆಗಿದೆ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ