ಪಂದ್ಯದ ವೇಳೆ ಹ್ಯಾರಿಸ್ ರೌಫ್​ಗೆ ಕಪಾಳಮೋಕ್ಷ ಮಾಡಿದ ಬಾಬರ್; ವೀಡಿಯೊ ವೈರಲ್

7 ವರ್ಷಗಳ ಬಳಿಕ ಭಾರತಕ್ಕೆ ಎಂಟ್ರಿ ಕೊಟ್ಟ ಪಾಕಿಸ್ತಾನ ತಂಡ, ವಿಶ್ವಕಪ್​ನ (ICC Men’s ODI World Cup 2023) ತನ್ನ ಮೊದಲ ಪಂದ್ಯವನ್ನ ಗೆಲುವಿನ ಮೂಲಕ ಆರಂಭಿಸಿದೆ. ಆದ್ರೆ, ವಿಶ್ವಶ್ರೇಷ್ಠ ಬ್ಯಾಟ್ಸ್​ಮನ್ ಮತ್ತು ಬೌಲರ್​ಗಳನ್ನ ಹೊಂದಿದ್ರೂ ನೆದರ್​ಲೆಂಡ್ ವಿರುದ್ಧ ಪಾಕ್ (Pakistan vs Netherlands) ಗೆಲುವು ಸುಲಭದ ತುತ್ತಾಗಿರಲಿಲ್ಲ. ಬಲಿಷ್ಠ ಪಾಕ್ ಪಡೆಯನ್ನೇ ನೆದರ್​ಲೆಂಡ್ ಒಂದು ಹಂತದಲ್ಲಿ ನಡುಗಿಸಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ ತಂಡ 49ನೇ ಓವರ್ನಲ್ಲಿ​ ಆಲೌಟ್ ಆಗುವುದರೊಂದಿಗೆ 286 ರನ್ ಕಲೆಹಾಕಿತು. 287 ರನ್ ಗುರಿ ಬೆನ್ನಟ್ಟಿದ ನೆದರ್ಲೆಂಡ್ 205 ರನ್ ಗಳಿಸಲಷ್ಟೇ ಸಫಲವಾಗಿ 81 ರನ್​ಗಳ ಸೋಲನುಭವಿಸಿತು. ಇನ್ನು ಇದೇ ಪಂದ್ಯದಲ್ಲಿ ಪಾಕ್ ತಂಡದ ನಾಯಕ ಬಾಬರ್ ಆಝಂ (Babar Azam), ತಂಡದ ಸಹ ಆಟಗಾರ ವೇಗಿ ಹ್ಯಾರಿಸ್ ರೌಫ್​ಗೆ (Haris Rauf) ಕಪಾಳಮೋಕ್ಷ ಕೂಡ ಮಾಡಿದರು. ಇದೀಗ ಆ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.

ತಮಾಷೆಯಾಗಿ ಕಪಾಳಮೋಕ್ಷ

ವಾಸ್ತವವಾಗಿ ಪಾಕಿಸ್ತಾನ ಮತ್ತು ನೆದರ್ಲೆಂಡ್ಸ್ ನಡುವಿನ ಪಂದ್ಯದ ಎರಡನೇ ಇನ್ನಿಂಗ್ಸ್‌ನಲ್ಲಿ, ಬೌಲಿಂಗ್ ಮಾಡಲು ತಯಾರಿ ನಡೆಸುತ್ತಿದ್ದಾಗ ನಾಯಕ ಬಾಬರ್ ಆಝಂ, ವೇಗಿ ಹ್ಯಾರಿಸ್ ರೌಫ್‌ಗೆ ತಮಾಷೆಯಾಗಿ ಕಪಾಳಮೋಕ್ಷ ಮಾಡಿದ್ದು, ಈ ಘಟನೆಯ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗುತ್ತಿದೆ.

pic.twitter.com/R2yqeleKPj

— cricbaaz2 (@cricbaaz2) October 6, 2023

ಒಂದಂಕಿಗೆ ಸುಸ್ತು; ಮತ್ತೊಮ್ಮೆ ಟ್ರೋಲಿಗರಿಗೆ ತುತ್ತಾದ ನಂ.1 ಬ್ಯಾಟರ್ ಬಾಬರ್..!

ಬ್ಯಾಟಿಂಗ್​ನಲ್ಲಿ ಬಾಬರ್ ಫ್ಲಾಪ್

ಇನ್ನು ಈ ಪಂದ್ಯದಲ್ಲಿ ನಾಯಕನಾಗಿ ಬಾಬರ್ ಆಝಂಗೆ ಯಾವುದೇ ರೀತಯ ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ಬ್ಯಾಟಿಂಗ್​ನಲ್ಲಿ 18 ಎಸೆತಗಳನ್ನು ಎದುರಿಸಿದ ಬಾಬರ್ ಕೇವಲ 5 ರನ್ ಬಾರಿಸಿ ಪೆವಿಲಿಯನ್ ಸೇರಿಕೊಂಡರು. ಆದರೆ ಬೌಲಿಂಗ್​ನಲ್ಲಿ ಮಿಂಚಿದ ವೇಗಿ ರೌಫ್, ತಮ್ಮ ಖೋಟಾದ ಒಂಬತ್ತು ಓವರ್ ಬೌಲ್ ಮಾಡಿ ಮೂರು ವಿಕೆಟ್‌ಗಳನ್ನು ಪಡೆದರು.

ಬೌಲರ್​ಗಳ ಪ್ರದರ್ಶನ ನನಗೆ ತೃಪ್ತಿ ತಂದಿದೆ

ಮೊದಲ ಪಂದ್ಯದಲ್ಲಿ ಪಾಕಿಸ್ತಾನದ ಗೆಲುವಿನ ನಂತರ ಮಾತನಾಡಿದ ಬಾಬರ್, ‘ಹೈದರಾಬಾದ್ ನಮ್ಮನ್ನು ಬೆಂಬಲಿಸುವ ರೀತಿ, ನಮಗೆ ತುಂಬಾ ಸಂತೋಷ ತಂದಿದೆ. ನಮ್ಮ ತಂಡವು ಆತಿಥ್ಯವನ್ನು ಆನಂದಿಸುತ್ತಿದೆ. ಈ ಪಂದ್ಯದಲ್ಲಿ ನಮ್ಮ ಬೌಲರ್​ಗಳ ಪ್ರದರ್ಶನ ನನಗೆ ತೃಪ್ತಿ ತಂದಿದೆ. ಆದರೆ ನಾವು ಬ್ಯಾಟಿಂಗ್​ನಲ್ಲಿ ಆರಂಭದಲ್ಲೇ ಮೂರು ವಿಕೆಟ್​ಗಳನ್ನು ಕಳೆದುಕೊಂಡೆವು. ಆದರೆ ರಿಜ್ವಾನ್ ಮತ್ತು ಸೌದ್ ಬ್ಯಾಟಿಂಗ್ ಮಾಡುವ ವಿಧಾನವು ನೆದರ್ಲ್ಯಾಂಡ್ಸ್ ಮೇಲೆ ಒತ್ತಡವನ್ನುಂಟುಮಾಡಿತು. ಇದು ನಮ್ಮ ಗೆಲುವಿಗೆ ಸಹಕಾರಿಯಾಯಿತು ಎಂದಿದ್ದಾರೆ.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 9:09 am, Sat, 7 October 23