Viral Video: ತಾಗಬಾರದ ಜಾಗಕ್ಕೆ ತಾಗಿದ ಚೆಂಡು, ಮೈದಾನದಲ್ಲೇ ಕುಸಿದ ಬಿದ್ದ ಹೆನ್ರಿಕ್ಸ್​

ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಬಿಗ್ ಬ್ಯಾಷ್ ಲೀಗ್‌ನಲ್ಲಿ ಸೋಮವಾರ ಭಾರೀ ಅವಘಡವೊಂದು ತಪ್ಪಿದೆ. ಬಿಬಿಎಲ್​ನ 51 ನೇ ಪಂದ್ಯದಲ್ಲಿ ಸಿಡ್ನಿ ಸಿಕ್ಸರ್ಸ್ ಮತ್ತು ಅಡಿಲೇಡ್ ಸ್ಟ್ರೈಕರ್ಸ್ ಮುಖಾಮುಖಿಯಾಗಿತ್ತು. ಅಡಿಲೇಡ್ ಸ್ಟ್ರೈಕರ್ಸ್‌ನ ಹೆನ್ರಿ ಥಾರ್ನ್‌ಟನ್ 10 ನೇ ಓವರ್‌ಗೆ ಬೌಲ್ ಮಾಡಲು ಬಂದರು. ಈ ಓವರ್‌ನ ಮೂರನೇ ಎಸೆತದಲ್ಲಿ ಜ್ಯಾಕ್ ಎಡ್ವರ್ಡ್ಸ್ ಸ್ಟೈಟ್​ ಶಾಟ್ ಹೊಡೆದರು. ಆದರೆ ಚೆಂಡು ನಾನ್ ಸ್ಟ್ರೈಕರ್‌ನಲ್ಲಿದ್ದ ಮೊಯಿಸೆಸ್ ಹೆನ್ರಿಕ್ಸ್​ಗೆ ಬಡಿಯಿತು. ತಾಗಬಾರದ ಜಾಗಕ್ಕೆ ಚೆಂಡು ತಾಗಿದ್ದರಿಂದ ನೋವಿನಿಂದ ಹೆನ್ರಿಕ್ಸ್ ಕುಸಿದು ಬಿದ್ದರು. ಇತ್ತ ಪಂದ್ಯ ನೋಡುತ್ತಿದ್ದವರು ಒಂದು ಕ್ಷಣ ದಂಗಾದರು. ಅದೃಷ್ಟವಶಾತ್ ಯಾವುದೇ ಗಂಭೀರ ಗಾಯವಾಗಲಿಲ್ಲ. ಆ ಬಳಿಕ ಚೇತರಿಸಿಕೊಂಡ ಹೆನ್ರಿಕ್ಸ್ ಮತ್ತೆ ಬ್ಯಾಟಿಂಗ್ ಮುಂದುವರೆಸಿದರು. ಈ ವಿಡಿಯೋವನ್ನು BBL ನ ಅಧಿಕೃತ ಟ್ವಿಟರ್ ಹ್ಯಾಂಡಲ್‌ನಿಂದ ಹಂಚಿಕೊಳ್ಳಲಾಗಿದೆ.

That’s gotta hurt ? Moises Henriques is currently sucking in the big ones after getting hit in “the Joe Root region” @KFCAustralia | #BBL11 pic.twitter.com/HUsJ2eUL6M

— KFC Big Bash League (@BBL) January 17, 2022

ಇನ್ನು ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸಿಡ್ನಿ ಸಿಕ್ಸರ್ಸ್​ 20 ಓವರ್​ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 161 ರನ್ ಪೇರಿಸಿತು. ಈ ಸ್ಪರ್ಧಾತ್ಮಕ ಸವಾಲನ್ನು ಬೆನ್ನತ್ತಿದ ಅಡಿಲೇಡ್ ಸ್ಟ್ರೈಕರ್ಸ್​ ಪರ ಮ್ಯಾಟ್ ರೆನ್‌ಶಾ ಮತ್ತು ಇಯಾನ್ ಕಾಕ್‌ಬೈನ್ ಬಿರುಸಿನ ಅರ್ಧಶತಕ ಬಾರಿಸಿದರು. ಮೊದಲ ವಿಕೆಟ್‌ಗೆ ಹೆನ್ರಿ ಹಂಟ್ ಅವರೊಂದಿಗೆ ರೆನ್‌ಶಾ 45 ರನ್ ಕಲೆಹಾಕಿದರು. ಇದಾದ ಬಳಿಕ ಕಾಕ್‌ಬೈನ್ ಮತ್ತು ರೆನ್‌ಶಾ ಎರಡನೇ ವಿಕೆಟ್‌ಗೆ 53 ರನ್‌ಗಳ ಜೊತೆಯಾಟವಾಡಿದರು.

ರೆನ್​ಶಾ 31 ಎಸೆತಗಳಲ್ಲಿ 7 ಬೌಂಡರಿಗಳ ನೆರವಿನಿಂದ 50 ರನ್ ಗಳಿಸಿದರು. ಮತ್ತೊಂದೆಡೆ ಕಾಕ್‌ಬೈನ್ 42 ಎಸೆತಗಳಲ್ಲಿ 5 ಬೌಂಡರಿ ಮತ್ತು 4 ಸಿಕ್ಸರ್‌ಗಳ ನೆರವಿನಿಂದ 71 ರನ್ ಗಳಿಸಿ ಅಜೇಯರಾಗಿ ಉಳಿದರು. ಕಾಕ್‌ಬೈನ್ ಮತ್ತು ಜೊನಾಥನ್ ವೆಲ್ಸ್ ಮೂರನೇ ವಿಕೆಟ್‌ಗೆ ಅಜೇಯ 67 ರನ್ ಜೊತೆಯಾಟವಾಡುವ ಮೂಲಕ 17.3 ಓವರ್​ಗಳಲ್ಲಿ ತಂಡವನ್ನು 2 ವಿಕೆಟ್ ನಷ್ಟಕ್ಕೆ 165 ರನ್​ಗಳ ಗುರಿಮುಟ್ಟಿಸಿದರು.

ಇದನ್ನೂ ಓದಿ: ಅಫ್ಘಾನಿಸ್ತಾನದಿಂದ ಐರ್ಲೆಂಡ್‌ಗೆ: 8 ಸಾವಿರ ಕಿ.ಮೀ ನಡೆದು ಕ್ರಿಕೆಟ್​ಗೆ ಎಂಟ್ರಿ ಕೊಟ್ಟ ಯುವ ಬೌಲರ್..!

ಇದನ್ನೂ ಓದಿ:  ಈ ಫೋಟೋದಲ್ಲಿರುವ ಇಬ್ಬರು ಸ್ಟಾರ್ ಆಟಗಾರರನ್ನು ಗುರುತಿಸಬಲ್ಲಿರಾ?

ಇದನ್ನೂ ಓದಿ: IPL 2022 Mega Auction: ಐಪಿಎಲ್ ಮೆಗಾ ಹರಾಜು ಡೇಟ್ ಫಿಕ್ಸ್..!

ಇದನ್ನೂ ಓದಿ: IPL 2022: ಅಹಮದಾಬಾದ್ ತಂಡಕ್ಕೆ ಟೀಮ್ ಇಂಡಿಯಾ ಮಾಜಿ ಆಟಗಾರ ಕೋಚ್..!

(Big Bash League: The ball hit Henriques’ ‘guard’)