IPL 2021: ಭಯದಿಂದಾಗಿ ಆಡಲಿಲ್ಲ! ಫೈನಲ್ ಪಂದ್ಯದಲ್ಲಿ ಆಂಡ್ರೆ ರಸೆಲ್ ಆಡದಿರಲು ಕಾರಣವೇನು ಗೊತ್ತಾ?
IPL 2021: ಪಂದ್ಯಾವಳಿಯ ಎರಡನೇ ಲೆಗ್‌ನ ಆರಂಭದಲ್ಲಿ ಅಂದ್ರೆ ಸ್ನಾಯು ಸೆಳೆತಗೆ ಒಳಗಾದರು. ಅವರು ಆಯ್ಕೆಗಾಗಿ ತಮ್ಮನ್ನು ತಾವು ಲಭ್ಯವಾಗಿಸಿಕೊಳ್ಳಲು ನಂಬಲಾಗದಷ್ಟು ಕಷ್ಟಪಟ್ಟರು.
Updated on: Oct 16, 2021 | 4:12 PM
ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವು ಮೂರನೇ ಬಾರಿಗೆ ಐಪಿಎಲ್ ಪ್ರಶಸ್ತಿಯನ್ನು ಗೆಲ್ಲುವಲ್ಲಿ ವಿಫಲವಾಗಿದೆ. ಇಯಾನ್ ಮಾರ್ಗನ್ ನಾಯಕತ್ವದ ಕೆಕೆಆರ್ ಅನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡ 27 ರನ್ ಗಳಿಂದ ಸೋಲಿಸಿತು. ಅಂತಿಮ ಪಂದ್ಯದಲ್ಲಿ, ತಂಡವು ತನ್ನ ಸ್ಫೋಟಕ ಬ್ಯಾಟ್ಸ್‌ಮನ್ ಆಂಡ್ರೆ ರಸೆಲ್ ಇಲ್ಲದಿರುವುದು ಎಲ್ಲರಲ್ಲೂ ಆಶ್ಚರ್ಯ ಉಂಟುಮಾಡಿತು. ಕೆಕೆಆರ್ ಉತ್ತಮ ಆರಂಭವನ್ನು ಪಡೆದುಕೊಂಡರೂ ಸಹ ಅವರು ಸತತ ವಿಕೆಟ್ ಪತನದಿಂದಾಗಿ ಪಂದ್ಯದಲ್ಲಿ ಹಿಂತಿರುಗಲು ಸಾಧ್ಯವಾಗಲಿಲ್ಲ. ಆ ಸಮಯದಲ್ಲಿ ಬಿರುಗಾಳಿಯ ಬ್ಯಾಟಿಂಗ್ ಮಾಡುವ ರಸೆಲ್ ನಂತಹ ಆಟಗಾರ ತಂಡಕ್ಕೆ ಬೇಕಿತ್ತು.
ಕೆಕೆಆರ್ ಮುಖ್ಯ ತರಬೇತುದಾರ ಬ್ರೆಂಡನ್ ಮೆಕಲಮ್ ಆಂಡ್ರೆ ರಸೆಲ್ ಆಡದಿರುವುದಕ್ಕೆ ಕಾರಣ ನೀಡಿದರು. ಸ್ಫೋಟಕ ಬ್ಯಾಟ್ಸ್‌ಮನ್ ಆಂಡ್ರೆ ರಸೆಲ್ ಅವರು ಪಂದ್ಯದ ಸಮಯದಲ್ಲಿ ಮತ್ತೊಮ್ಮೆ ಗಾಯಕ್ಕೆ ತುತ್ತಾಗುವ ಅಪಾಯವನ್ನು ಹೊಂದಿದ್ದರಿಂದ ಆಡುವ XI ಗೆ ಪ್ರವೇಶಿಸಲು ಸಾಧ್ಯವಾಗಲಿಲ್ಲ ಎಂದು ಮೆಕಲಮ್ ಹೇಳಿದರು.
ಭಯದಿಂದಾಗಿ ರಸೆಲ್ ಆಡಲಿಲ್ಲ ಫೈನಲ್‌ನಲ್ಲಿ ರಸೆಲ್ ಅನುಪಸ್ಥಿತಿಯ ಬಗ್ಗೆ ಮಾತನಾಡಿದ ಮೇಕಲಂ, ಪಂದ್ಯಾವಳಿಯ ಎರಡನೇ ಲೆಗ್‌ನ ಆರಂಭದಲ್ಲಿ ಅಂದ್ರೆ ಸ್ನಾಯು ಸೆಳೆತಗೆ ಒಳಗಾದರು. ಅವರು ಆಯ್ಕೆಗಾಗಿ ತಮ್ಮನ್ನು ತಾವು ಲಭ್ಯವಾಗಿಸಿಕೊಳ್ಳಲು ನಂಬಲಾಗದಷ್ಟು ಕಷ್ಟಪಟ್ಟರು. ಆದರೂ ಅವರು ಮತ್ತೆ ಗಾಯಗೊಳ್ಳುವ ಅಪಾಯದಲ್ಲಿದ್ದರು. ಆದ್ದರಿಂದ ಅವರು ಈ ಪಂದ್ಯದಲ್ಲಿ ಆಡಲಿಲ್ಲ ಎಂದಿದ್ದಾರೆ.
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫೈನಲ್‌ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ಯ ಅದ್ಭುತ ತಂಡದಿಂದ ತನ್ನ ತಂಡವನ್ನು ಸೋಲಿಸಲಾಯಿತು ಎಂದು ಮೆಕಲಮ್ ಒಪ್ಪಿಕೊಂಡರು ಮತ್ತು ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ವೈಫಲ್ಯವೇ ಕಳಪೆ ಪ್ರದರ್ಶನಕ್ಕೆ ಕಾರಣವಾಗಿದೆ. ನಾವು ಗೆಲ್ಲಲು ವಿಫಲವಾಗಿರುವುದು ನಿರಾಶಾದಾಯಕವಾಗಿದೆ, ಆದರೆ ನಾವು CSK ಎಂಬ ಶ್ರೇಷ್ಠ ತಂಡಕ್ಕೆ ಸೋತಿದ್ದೇವೆ” ಎಂದು ಮ್ಯಾಕಲಮ್ ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.
ಮಧ್ಯಮ ಕ್ರಮಾಂಕವು ಸೋಲಿಗೆ ಕಾರಣವಾಗಿದೆ 193 ರನ್ ಗೆಲುವಿಗೆ ಬೆನ್ನಟ್ಟಿದ ಶುಭಮನ್ ಗಿಲ್ (51 ರನ್) ಮತ್ತು ವೆಂಕಟೇಶ್ ಅಯ್ಯರ್ (50 ರನ್) ಮೊದಲ ವಿಕೆಟ್ಗೆ 91 ರನ್ ಸೇರಿಸುವ ಮೂಲಕ ಕೆಕೆಆರ್ ಗೆ ಉತ್ತಮ ಆರಂಭ ನೀಡಿದರು. ಆದರೆ ನಂತರ ಕೆಕೆಆರ್ 34 ರನ್ ಗಳ ಒಳಗೆ ಎಂಟು ವಿಕೆಟ್ ಕಳೆದುಕೊಂಡಿತು. ಇಬ್ಬರು ಆರಂಭಿಕರನ್ನು ಹೊರತುಪಡಿಸಿ, ಶಿವಮ್ ಮಾವಿ (20 ರನ್) ಮತ್ತು ಲಾಕಿ ಫರ್ಗುಸನ್ (ಔಟಾಗದೆ 18) ಮಾತ್ರ ಕೆಳ ಕ್ರಮಾಂಕದಲ್ಲಿ ಎರಡು ಅಂಕಿಗಳನ್ನು ತಲುಪಿದರು, ಇದು ಸೋಲಿನ ಅಂತರವನ್ನು ಕಡಿಮೆ ಮಾಡಿತು. ಮಧ್ಯಮ ಕ್ರಮಾಂಕದ ವೈಫಲ್ಯದ ಬಗ್ಗೆ ಮೆಕಲಮ್ ಅವರನ್ನು ಕೇಳಿದಾಗ, ‘ಹೌದು, ಇದು ನ್ಯಾಯಯುತ ಮೌಲ್ಯಮಾಪನ. ನಮ್ಮ ಬೌಲಿಂಗ್ ಗುಂಪು ನಿಜವಾಗಿಯೂ ಉತ್ತಮ ಕೆಲಸ ಮಾಡಿದೆ, ನಾವು ಚೆನ್ನಾಗಿ ಫೀಲ್ಡಿಂಗ್ ಮಾಡಿದ್ದೇವೆ ಮತ್ತು ನಮ್ಮ ಅಗ್ರ ಕ್ರಮಾಂಕದ ಬ್ಯಾಟಿಂಗ್ ಅತ್ಯುತ್ತಮವಾಗಿತ್ತು, ಆದರೆ ದುರದೃಷ್ಟವಶಾತ್ ಮಧ್ಯಮ ಕ್ರಮಾಂಕವು ಪ್ರಭಾವ ಬೀರಲು ವಿಫಲವಾಯಿತು. ಮಧ್ಯಮ ಕ್ರಮಾಂಕದಲ್ಲಿ ಸಾಕಷ್ಟು ಅನುಭವವಿದೆ ಆದರೆ ಇದು ಕೆಲವೊಮ್ಮೆ ಸಂಭವಿಸಬಹುದು ಎಂದರು.
