Chetan Sakariya, IPL 2022 Auction: ಕಷ್ಟದಲ್ಲಿ ಅರಳಿದ ಪ್ರತಿಭೆಗೆ 4.20 ಕೋಟಿ ಕೊಟ್ಟು ಖರೀದಿಸಿದ ಡೆಲ್ಲಿ

ಎಡಗೈ ವೇಗದ ಬೌಲರ್ ಚೇತನ್ ಸಕರಿಯಾ (Chetan Sakariya) ಈ ಬಾರಿ ಹೊಸ ತಂಡದಲ್ಲಿ ಆಡಲಿದ್ದಾರೆ. ಐಪಿಎಲ್​ 2022 ಮೆಗಾ ಹರಾಜಿನ (IPL-2022 Mega Auction) ಎರಡನೇ ದಿನವಾದ ಭಾನುವಾರ, ಈ ಆಟಗಾರನನ್ನು ಡೆಲ್ಲಿ ಕ್ಯಾಪಿಟಲ್ಸ್ (Delhi Capitals) ಖರೀದಿಸಿದೆ. ಚೇತನ್ ಕಳೆದ ವರ್ಷ ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದು ಈ ಬಾರಿ ಮೂಲ ಬೆಲೆ 50 ಲಕ್ಷ ರೂ.ಗೆ ಹರಾಜಿನಲ್ಲಿದ್ದರು. ದೆಹಲಿ ತನ್ನ ಹಳೆಯ ತಂಡದೊಂದಿಗೆ ಹೋರಾಡಿ 4.2 ಕೋಟಿ ರೂ.ಗೆ ಅವರನ್ನು ಖರೀದಿಸಿದೆ. ಚೇತನ್ ಕಳೆದ ಋತುವಿನಲ್ಲಿ ಐಪಿಎಲ್‌ಗೆ ಪಾದಾರ್ಪಣೆ ಮಾಡಿ 14 ಪಂದ್ಯಗಳನ್ನು ಆಡಿದ್ದರು. ಈ ಪಂದ್ಯಗಳಲ್ಲಿ 52 ಓವರ್ ಬೌಲ್ ಮಾಡಿ 14 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ಇಲ್ಲಿಂದ ಅವರಿಗೆ ಟೀಂ ಇಂಡಿಯಾದ ಬಾಗಿಲು ಕೂಡ ತೆರೆದಿತ್ತು. ಅವರು ಶ್ರೀಲಂಕಾ ಪ್ರವಾಸದಲ್ಲಿ ಟೀಮ್ ಇಂಡಿಯಾದ ಭಾಗವಾಗಿದ್ದರು.

ಡೆತ್ ಓವರ್‌ ಸ್ಪೆಷಲಿಸ್ಟ್ ಚೇತನ್ ಸಕರಿಯಾ ಕಳೆದ ಋತುವಿನಲ್ಲಿ ಡೆತ್ ಓವರ್‌ಗಳಲ್ಲಿ ಅದ್ಭುತವಾಗಿ ಬೌಲಿಂಗ್ ಮಾಡಿ ಆರಂಭದಲ್ಲಿಯೂ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ಟೀಂ ಇಂಡಿಯಾ ಪರ ಈ ಬೌಲರ್ ಒಂದು ಏಕದಿನ ಪಂದ್ಯವನ್ನಾಡಿದ್ದು ಎರಡು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಟಿ20ಯಲ್ಲಿ ಈ ಬೌಲರ್ ಭಾರತ ಪರ ಎರಡು ಪಂದ್ಯಗಳನ್ನು ಆಡಿದ್ದು ಒಂದು ವಿಕೆಟ್ ಪಡೆದಿದ್ದಾರೆ. ಸೌರಾಷ್ಟ್ರದಿಂದ ಬಂದಿರುವ ಈ ಬೌಲರ್ ಇದುವರೆಗೆ 15 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದು, 41 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಲಿಸ್ಟ್-ಎಯಲ್ಲಿಯೂ ಅವರು 15 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 25 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಅವರ ಟಿ20 ವೃತ್ತಿಜೀವನವನ್ನು ಗಮನಿಸಿದರೆ, ಅವರು ಇಲ್ಲಿಯವರೆಗೆ ಒಟ್ಟು 38 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 31 ವಿಕೆಟ್ಗಳನ್ನು ಪಡೆದಿದ್ದಾರೆ.

ದೆಹಲಿ ಬಳಿ ಮೂರನೇ ಎಡಗೈ ಬೌಲರ್ ಚೇತನ್ ಡೆಲ್ಲಿ ತಂಡ ಸೇರಿದ್ದು ಈಗ ಈ ತಂಡ ಸೇರಿದ 3ನೇ ಎಡಗೈ ಬೌಲರ್ ಆಗಿದ್ದಾರೆ. ದೆಹಲಿ ಈಗಾಗಲೇ ಬಾಂಗ್ಲಾದೇಶದ ಮುಸ್ತಾಫಿಜುರ್ ರೆಹಮಾನ್ ಅವರನ್ನು ಎರಡು ಕೋಟಿಗೆ ಖರೀದಿಸಿತ್ತು. ಇದರ ನಂತರ, ಅವರು ಭಾರತಕ್ಕಾಗಿ ಆಡಿರುವ ಮತ್ತು ಸನ್‌ರೈಸರ್ಸ್ ಹೈದರಾಬಾದ್‌ನ ಭಾಗವಾಗಿದ್ದ ಖಲೀಲ್ ಅಹ್ಮದ್ ಅವರನ್ನು ಕೂಡ ಖರೀದಿಸಿದೆ. ಈ ಆಟಗಾರನಿಗೆ ಡೆಲ್ಲಿ 5.25 ಕೋಟಿ ರೂ. ನೀಡಿದೆ. ಸಾಧ್ಯವಾದಷ್ಟು ಮಟ್ಟಿಗೆ, ಚೇತನ್ ದೆಹಲಿಗೆ ಹೊಸ ಚೆಂಡಿನೊಂದಿಗೆ ಬೌಲಿಂಗ್ ಮಾಡುವುದನ್ನು ಕಾಣಬಹುದು.

ಇದನ್ನೂ ಓದಿ:Shivam Dube, IPL 2022 Auction: 4 ಕೋಟಿ ರೂ. ಗೆ ಚೆನ್ನೈ ಸೇರಿದ ಆರ್​ಸಿಬಿಯ ಮಾಜಿ ಆಲ್​ರೌಂಡರ್