ENG vs IND 3rd Test: ಮಳೆಯೂ ಅಲ್ಲ, ಕೆಟ್ಟ ಹವಾಮಾನವೂ ಅಲ್ಲ.. ಆದರೂ ಮೂರನೇ ಟೆಸ್ಟ್ ದಿಢೀರ್ ನಿಂತಿದ್ದೇಕೆ?
Ladybugs Halt Play: ಲಾರ್ಡ್ಸ್ ಟೆಸ್ಟ್ನ ಮೊದಲ ದಿನದಂದು ಮಳೆ ಬರಲಿಲ್ಲ, ಆದರೆ ವಿಚಿತ್ರ ಕಾರಣಕ್ಕಾಗಿ ಪಂದ್ಯವನ್ನು ಸ್ವಲ್ಪ ಸಮಯದವರೆಗೆ ಸ್ಥಗಿತಗೊಳಿಸಲಾಯಿತು. ಬಹಳಷ್ಟು ಲೇಡಿಬಗ್ಗಳು (ಸಣ್ಣ ಹಾರುವ ಕೀಟಗಳು) ಮೈದಾನಕ್ಕೆ ಬಂದವು. ಭಾರತದ ವೇಗಿ ಜಸ್ಪ್ರೀತ್ ಬುಮ್ರಾ ಇದರಿಂದ ಅಸಮಾಧಾನಗೊಂಡಂತೆ ಕಂಡುಬಂದರು.
ಬೆಂಗಳೂರು (ಜು. 11): ಲಾರ್ಡ್ಸ್ ಮೈದಾನದಲ್ಲಿ ಭಾರತ (Indian Cricket Team) ಮತ್ತು ಇಂಗ್ಲೆಂಡ್ ನಡುವೆ ನಡೆಯುತ್ತಿರುವ ಟೆಸ್ಟ್ ಸರಣಿಯ ಮೂರನೇ ಪಂದ್ಯದ ಮೊದಲ ದಿನದಂದು ಉಭಯ ತಂಡಗಳು ಸಾಧಾರಣ ಯಶಸ್ಸು ಕಂಡರು. ಭಾರತೀಯ ಬೌಲರ್ಗಳು ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳನ್ನು ಕಟ್ಟಿಹಾಕಿದರೆ, ಆಂಗ್ಲರು ಕೂಡ 250 ರನ್ಗಳ ಗಡಿ ತಲುಪಿದ್ದಾರೆ. ಈ ಬಾರಿ ಇಂಗ್ಲೆಂಡ್ ಬ್ಯಾಟರ್ಗಳಿಂದ ಆಕ್ರಮಣಕಾರಿ ಬೇಝ್ ಬಾಲ್ ಆಟ ಕಂಡುಬಂದಿಲ್ಲ. ಅವರು ಭಾರತೀಯ ಬೌಲರ್ಗಳ ವಿರುದ್ಧ ಸಾಂಪ್ರದಾಯಿಕ ಶೈಲಿಯಲ್ಲಿ ಆಡುತ್ತಿರುವುದು ಕಂಡುಬಂದಿತು. ದಿನವಿಡೀ ಯಾವುದೇ ಇಂಗ್ಲೆಂಡ್ ಬ್ಯಾಟ್ಸ್ಮನ್ 60 ಅಥವಾ ಅದಕ್ಕಿಂತ ಹೆಚ್ಚಿನ ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟಿಂಗ್ ಮಾಡಲು ಸಾಧ್ಯವಾಗಲಿಲ್ಲ.
ಲೇಡಿಬಗ್ ನಿಂದಾಗಿ ಪಂದ್ಯ ಸ್ಥಗಿತಗೊಂಡಿತು
ಲಾರ್ಡ್ಸ್ ಟೆಸ್ಟ್ನ ಮೊದಲ ದಿನದಂದು ಮಳೆ ಬರಲಿಲ್ಲ, ಆದರೆ ವಿಚಿತ್ರ ಕಾರಣಕ್ಕಾಗಿ ಪಂದ್ಯವನ್ನು ಸ್ವಲ್ಪ ಸಮಯದವರೆಗೆ ಸ್ಥಗಿತಗೊಳಿಸಲಾಯಿತು. ಬಹಳಷ್ಟು ಲೇಡಿಬಗ್ಗಳು (ಸಣ್ಣ ಹಾರುವ ಕೀಟಗಳು) ಮೈದಾನಕ್ಕೆ ಬಂದವು. ಭಾರತದ ವೇಗಿ ಜಸ್ಪ್ರೀತ್ ಬುಮ್ರಾ ಇದರಿಂದ ಅಸಮಾಧಾನಗೊಂಡಂತೆ ಕಂಡುಬಂದರು. ಕೀಟಗಳ ಕಾರಣದಿಂದಾಗಿ ಆಟವನ್ನು ಸ್ವಲ್ಪ ಸಮಯದವರೆಗೆ ನಿಲ್ಲಿಸಬೇಕಾಯಿತು. ಅಂಪೈರ್ ಮತ್ತು ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಈ ಬಗ್ಗೆ ಚರ್ಚಿಸುತ್ತಿರುವುದು ಕಂಡುಬಂತು. ಈ ಅಡಚಣೆಯಿಂದ ಸ್ಟೋಕ್ಸ್ ಕೂಡ ತೊಂದರೆ ಅನುಭವಿಸಿದರು. ಸ್ಟಂಪ್ ಮಾಡುವ ಸ್ವಲ್ಪ ಮೊದಲು 81 ನೇ ಓವರ್ನಲ್ಲಿ ಈ ಘಟನೆ ಸಂಭವಿಸಿದೆ.
A swarm of ladybirds stops play at Lord’s! 🐞😅 pic.twitter.com/49lKhYHXwn
— Sky Sports Cricket (@SkyCricket) July 10, 2025
ರೂಟ್ ಶತಕಕ್ಕೆ ಒಂದು ರನ್ ಬಾಕಿ
ಇಂಗ್ಲೆಂಡ್ ತಂಡದ ಪ್ರಮುಖ ಬ್ಯಾಟ್ಸ್ಮನ್ ಜೋ ರೂಟ್ ಶತಕಕ್ಕೆ ಕೇವಲ ಒಂದು ರನ್ ದೂರದಲ್ಲಿದ್ದಾರೆ. ಮೊದಲ ದಿನದಾಟದ ಅಂತ್ಯದ ವೇಳೆಗೆ ಅವರು 99 ರನ್ ಗಳಿಸಿ ಆಟವಾಡುತ್ತಿದ್ದರು. ರೂಟ್ 191 ಎಸೆತಗಳಲ್ಲಿ 9 ಬೌಂಡರಿಗಳನ್ನು ಬಾರಿಸಿದ್ದಾರೆ. 83 ಓವರ್ಗಳ ನಂತರ ಇಂಗ್ಲೆಂಡ್ ಸ್ಕೋರ್ 4 ವಿಕೆಟ್ಗಳಿಗೆ 251 ರನ್ ಆಗಿದೆ. ನಾಯಕ ಬೆನ್ ಸ್ಟೋಕ್ಸ್ 39 ರನ್ ಗಳಿಸಿ ಎರಡನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಇದಕ್ಕಾಗಿ ಅವರು 102 ಎಸೆತಗಳನ್ನು ಎದುರಿಸಿದ್ದಾರೆ. ಆರಂಭಿಕರಾದ ಜ್ಯಾಕ್ ಕ್ರೌಲಿ ಮತ್ತು ಬೆನ್ ಡಕೆಟ್ ತಂಡಕ್ಕೆ 43 ರನ್ಗಳ ಜೊತೆಯಾಟ ನೀಡಿದರು. ನಿತೀಶ್ ಕುಮಾರ್ ರೆಡ್ಡಿ 14 ನೇ ಓವರ್ನಲ್ಲಿ ಇಬ್ಬರನ್ನೂ ಔಟ್ ಮಾಡಿದರು.
IND vs ENG: ಲಾರ್ಡ್ಸ್ ಟೆಸ್ಟ್; ಉಭಯ ತಂಡಗಳಿಗೆ ಮೊದಲ ದಿನದ ಗೌರವ
ನಂತರ ರೂಟ್ ಮತ್ತು ಓಲಿ ಪೋಪ್ ಜೋಡಿ ಕ್ರೀಸ್ನಲ್ಲಿ ನಿಂತು ತಂಡಕ್ಕೆ ನೆರವಾದರು. ಮೂರನೇ ವಿಕೆಟ್ಗೆ ಅವರ ನಡುವೆ 109 ರನ್ಗಳ ಪಾಲುದಾರಿಕೆ ಇತ್ತು. ಈ ಪಂದ್ಯಕ್ಕೂ ಮೊದಲು ವಿಶ್ವದ ನಂಬರ್-1 ಬ್ಯಾಟ್ಸ್ಮನ್ ಆದ ಹ್ಯಾರಿ ಬ್ರೂಕ್ ಈ ಬಾರಿ ಸದ್ದು ಮಾಡಲಿಲ್ಲ. ಅವರನ್ನು ಜಸ್ಪ್ರೀತ್ ಬುಮ್ರಾ ಔಟ್ ಮಾಡಿದರು. 18 ಓವರ್ಗಳಲ್ಲಿ ಕೇವಲ 35 ರನ್ಗಳನ್ನು ನೀಡಿದ ಬುಮ್ರಾ ಭಾರತದ ಅತ್ಯಂತ ಮಿತವ್ಯಯದ ಬೌಲರ್ ಎನಿಸಿದರು.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 8:21 am, Fri, 11 July 25