IPL 2022 PBKS vs RCB Head to Head: ಆರ್ಸಿಬಿಗೆ ಪಂಜಾಬ್ ಸವಾಲು; ಉಭಯ ತಂಡಗಳ ಮುಖಾಮುಖಿ ವರದಿ
IPL 2022 PBKS vs RCB Head to Head: ಐಪಿಎಲ್ನ 14 ಸೀಸನ್ಗಳಲ್ಲಿ ಪಂಜಾಬ್ ಮತ್ತು ಬೆಂಗಳೂರು 28 ಬಾರಿ ಮುಖಾಮುಖಿಯಾಗಿವೆ. ಅಂದರೆ, ಪ್ರತಿ ಋತುವಿನಲ್ಲಿ ಎರಡು ಬಾರಿ ಎದುರುಬದುರಾಗಿವೆ. ಇದರಲ್ಲಿ ಸಾಕಷ್ಟು ಪೈಪೋಟಿ ನಡೆದಿದೆ, ಆದರೆ ಪಂಜಾಬ್ 15 ಗೆಲುವಿನೊಂದಿಗೆ ಮುಂದಿದ್ದರೆ, ಬೆಂಗಳೂರು 13 ಪಂದ್ಯಗಳನ್ನು ಮಾತ್ರ ಗೆದ್ದಿದೆ.
Updated on: Mar 26, 2022 | 7:18 PM
ಐಪಿಎಲ್ 2022 ಸೀಸನ್ (IPL 2022) ಒಮ್ಮೆಯೂ ಪ್ರಶಸ್ತಿ ಗೆಲ್ಲದ ತಂಡಗಳಿಗೆ ಮತ್ತೊಮ್ಮೆ ಮುಖ್ಯವಾಗಿದೆ. ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (PBKS vs RCB) ಈ ತಂಡಗಳಲ್ಲಿ ಸೇರಿವೆ. ಈ ಎರಡೂ ತಂಡಗಳು ಕೆಲವು ಸಂದರ್ಭಗಳಲ್ಲಿ ಪ್ರಶಸ್ತಿಯ ಸಮೀಪ ಬಂದರೂ ಗೆಲ್ಲಲು ಸಾಧ್ಯವಾಗಲಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಇಬ್ಬರೂ ಹಳೆಯ ಇತಿಹಾಸವನ್ನು ಮರೆತು ಈ ಹೊಸ ಋತುವಿನಲ್ಲಿ ಹೊಸ ಆರಂಭವನ್ನು ಮಾಡಲು ಮತ್ತು ಪ್ರಶಸ್ತಿಯನ್ನು ಗೆಲ್ಲಲು ಹೋರಾಡಲಿದ್ದಾರೆ. ಪ್ರಾಸಂಗಿಕವಾಗಿ, ಈ ಎರಡೂ ತಂಡಗಳು ಪರಸ್ಪರ ವಿರುದ್ಧ ಆಡುವ ಮೂಲಕ ಹೊಸ ಋತುವನ್ನು ಪ್ರಾರಂಭಿಸಲಿವೆ. ಈ ಎರಡು ತಂಡಗಳು ಇಲ್ಲಿಯವರೆಗೆ ಪ್ರಶಸ್ತಿಯನ್ನು ಗೆದ್ದಿಲ್ಲದಿರಬಹುದು, ಆದರೆ ಇಬ್ಬರ ನಡುವಿನ ಸ್ಪರ್ಧೆಯು ಆಗಾಗ್ಗೆ ನಿಕಟವಾಗಿರುತ್ತದೆ. ಹೀಗಿರುವಾಗ ಪಂಜಾಬ್ ಮತ್ತು ಬೆಂಗಳೂರು ಪರಸ್ಪರ ಸ್ಪರ್ಧೆಯ (PBKS vs RCB Head to Head Record) ದಾಖಲೆಯನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ.
ಮಾರ್ಚ್ 27 ರಂದು ಭಾನುವಾರ ನವಿ ಮುಂಬೈನ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ದಿನದ ಎರಡನೇ ಪಂದ್ಯದಲ್ಲಿ ಪಂಜಾಬ್ ಮತ್ತು ಬೆಂಗಳೂರು ತಂಡಗಳು ಸೆಣಸಲಿವೆ. ಎರಡೂ ತಂಡಗಳು ಒಂದೇ ಗುಂಪಿನಲ್ಲಿದ್ದು, ಈ ಸಂದರ್ಭದಲ್ಲಿ ಇಬ್ಬರೂ ಪರಸ್ಪರ ಎರಡು ಬಾರಿ ಮುಖಾಮುಖಿಯಾಗಲಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಪಂಜಾಬ್ ತಂಡವು ಬೆಂಗಳೂರು ವಿರುದ್ಧ ತನ್ನ ಪ್ರಬಲ ದಾಖಲೆಯನ್ನು ಸುಧಾರಿಸುವ ಅವಕಾಶವನ್ನು ಹೊಂದಿದೆ. ಆದರೆ ಪಂಜಾಬ್ ವಿರುದ್ಧದ ಕೊನೆಯ ಕೆಲವು ಪಂದ್ಯಗಳಲ್ಲಿನ ಸೋಲನ್ನು ತುಂಬಲು ಬೆಂಗಳೂರು ಪ್ರಯತ್ನಿಸಲ್ಲಿದೆ.
ಸಂಖ್ಯಾಬಲ ಯಾರ ಪರ ಇದೆ? ಈಗ ನೇರವಾಗಿ ವಿಷಯಕ್ಕೆ ಬರೋಣ, ಮೊದಲ ಸೀಸನ್ನಿಂದ ಪಂಜಾಬ್ ಮತ್ತು ಬೆಂಗಳೂರು ನಡುವೆ ಹಲವು ಕಠಿಣ ಪಂದ್ಯಗಳನ್ನು ಆಡಲಾಗಿದೆ. ಇನ್ನು, ಈ ಪಂದ್ಯಗಳನ್ನು ದಾಖಲೆಗಳ ದೃಷ್ಟಿಯಿಂದ ನೋಡಿದರೆ ಅಂಕಿಅಂಶಗಳು ಪಂಜಾಬ್ ಪರವಾಗಿವೆ.
ಐಪಿಎಲ್ನ 14 ಸೀಸನ್ಗಳಲ್ಲಿ ಪಂಜಾಬ್ ಮತ್ತು ಬೆಂಗಳೂರು 28 ಬಾರಿ ಮುಖಾಮುಖಿಯಾಗಿವೆ. ಅಂದರೆ, ಪ್ರತಿ ಋತುವಿನಲ್ಲಿ ಎರಡು ಬಾರಿ ಎದುರುಬದುರಾಗಿವೆ. ಇದರಲ್ಲಿ ಸಾಕಷ್ಟು ಪೈಪೋಟಿ ನಡೆದಿದೆ, ಆದರೆ ಪಂಜಾಬ್ 15 ಗೆಲುವಿನೊಂದಿಗೆ ಮುಂದಿದ್ದರೆ, ಬೆಂಗಳೂರು 13 ಪಂದ್ಯಗಳನ್ನು ಮಾತ್ರ ಗೆದ್ದಿದೆ.
ಇಷ್ಟೇ ಅಲ್ಲ, ಉಭಯ ತಂಡಗಳ ನಡುವಣ ಕಳೆದ 5 ಪಂದ್ಯಗಳ ಫಲಿತಾಂಶ ನೋಡಿದರೆ ಈ ಪೈಕಿ ಮೂರರಲ್ಲಿ ಪಂಜಾಬ್ ಗೆದ್ದಿದ್ದರೆ, ಬೆಂಗಳೂರು ಎರಡರಲ್ಲಿ ಗೆದ್ದಿದೆ.
ರನ್ ಮತ್ತು ವಿಕೆಟ್ ಎರಡೂ ತಂಡಗಳ ಮುಖಾಮುಖಿಯಲ್ಲಿ ಪಂಜಾಬ್ ಕಿಂಗ್ಸ್ 232 ರನ್ಗಳ ದೊಡ್ಡ ಸ್ಕೋರ್ ಬಾರಿಸಿದ ದಾಖಲೆ ಹೊಂದಿದೆ. ಅದೇ ಸಮಯದಲ್ಲಿ, ಬೆಂಗಳೂರು ಕೂಡ ಹಿಂದೆ ಉಳಿದಿಲ್ಲ. ಪಂಜಾಬ್ ವಿರುದ್ಧ ಆರ್ಸಿಬಿ ಇನ್ನಿಂಗ್ಸ್ನಲ್ಲಿ 226 ರನ್ ಗಳಿಸಿದೆ. ನಾವು ಸಣ್ಣ ಸ್ಕೋರ್ಗಳ ಬಗ್ಗೆ ಮಾತನಾಡಿದರೆ, ಬೆಂಗಳೂರು ವಿರುದ್ಧ ಪಂಜಾಬ್ನ ಕಡಿಮೆ ಸ್ಕೋರ್ 88 ರನ್ ಆಗಿದ್ದರೆ, ಬೆಂಗಳೂರು ಇದಕ್ಕೆ ವಿರುದ್ಧವಾಗಿ 84 ರನ್ ಗಳಿಸಿದೆ.
ಬೆಂಗಳೂರು: ಐಪಿಎಲ್ನಲ್ಲಿ 6283 ರನ್ ಗಳಿಸಿರುವ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾಗಿದ್ದಾರೆ. ಮತ್ತೊಂದೆಡೆ, ಶಿಖರ್ ಧವನ್ 5784 ರನ್ಗಳೊಂದಿಗೆ ಪಂಜಾಬ್ನ ಸಾಲಿನಲ್ಲಿ ಅಗ್ರ ಸ್ಕೋರರ್ ಆಗಿದ್ದಾರೆ. ಕೊಹ್ಲಿ ನಂತರ ಐಪಿಎಲ್ನಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಧವನ್.
ನಾವು ಬೌಲಿಂಗ್ ಬಗ್ಗೆ ಮಾತನಾಡುವುದಾದರೆ, ಪಂಜಾಬ್ 112 ವಿಕೆಟ್ ಪಡೆದಿರುವ ಸಂದೀಪ್ ಶರ್ಮಾ ರೂಪದಲ್ಲಿ ಅನುಭವಿ ಮಧ್ಯಮ ವೇಗಿ ಹೊಂದಿದೆ. ಅದೇ ಸಮಯದಲ್ಲಿ ಯುಜುವೇಂದ್ರ ಚಹಾಲ್ ನಿರ್ಗಮನದಿಂದಾಗಿ ಬೆಂಗಳೂರಿನಲ್ಲಿ ಅನುಭವಿ ಬೌಲರ್ಗಳ ಕೊರತೆ ಎದುರಾಗಿದೆ. ಸದ್ಯ ಹರ್ಷಲ್ ಪಟೇಲ್ 72 ವಿಕೆಟ್ ಪಡೆದು ಯಶಸ್ವಿ ಬೌಲರ್ ಆಗಿದ್ದಾರೆ.
ಇದನ್ನೂ ಓದಿ:PBKS vs RCB IPL 2022 Match Prediction: ಪಂಜಾಬ್-ಆರ್ಸಿಬಿ ಹಣೆಬರಹ ಬದಲಿಸುತ್ತಾರಾ ನೂತನ ನಾಯಕರು?
