T20 World Cup 2024: ಪರಿಷ್ಕೃತ ವೇಳಾಪಟ್ಟಿ ಪ್ರಕಟಿಸಿದ ಐಸಿಸಿ; ಈ ದಿನದಂದು ಭಾರತ- ಪಾಕ್ ಫೈಟ್
T20 World Cup 2024: ಬಾಂಗ್ಲಾದೇಶದ ಬದಲಿಗೆ ಯುಎಇಯಲ್ಲಿ ನಡೆಯಲ್ಲಿರುವ ಮಹಿಳಾ ಟಿ20 ವಿಶ್ವಕಪ್ನ ಹೊಸ ವೇಳಾಪಟ್ಟಿಯನ್ನು ಬಿಸಿಸಿಐ ಇಂದು ಬಿಡುಗಡೆಗೊಳಿಸಿದೆ. ಈ ಪಂದ್ಯಾವಳಿಗೆ ಯುಎಇಯ ದುಬೈ ಮತ್ತು ಶಾರ್ಜಾದ ಎರಡು ಕ್ರೀಡಾಂಗಣಗಳು ಆತಿಥ್ಯವಹಿಸಲಿದ್ದು, ಅಕ್ಟೋಬರ್ 3 ರಿಂದ 20 ರವರೆಗೆ ನಡೆಯಲಿದೆ. ಹೊಸ ವೇಳಾಪಟ್ಟಿಯ ಪ್ರಕಾರ ಟೂರ್ನಿಯ ಉದ್ಘಾಟನಾ ಪಂದ್ಯ ಬಾಂಗ್ಲಾದೇಶ ಮತ್ತು ಸ್ಕಾಟ್ಲೆಂಡ್ ತಂಡಗಳ ನಡುವೆ ನಡೆಯಲಿದೆ
ಬಾಂಗ್ಲಾದೇಶದ ಬದಲಿಗೆ ಯುಎಇಯಲ್ಲಿ ನಡೆಯಲ್ಲಿರುವ ಮಹಿಳಾ ಟಿ20 ವಿಶ್ವಕಪ್ನ ಹೊಸ ವೇಳಾಪಟ್ಟಿಯನ್ನು ಬಿಸಿಸಿಐ ಇಂದು ಬಿಡುಗಡೆಗೊಳಿಸಿದೆ. ಈ ಪಂದ್ಯಾವಳಿಗೆ ಯುಎಇಯ ದುಬೈ ಮತ್ತು ಶಾರ್ಜಾದ ಎರಡು ಕ್ರೀಡಾಂಗಣಗಳು ಆತಿಥ್ಯವಹಿಸಲಿದ್ದು, ಅಕ್ಟೋಬರ್ 3 ರಿಂದ 20 ರವರೆಗೆ ನಡೆಯಲಿದೆ. ಹೊಸ ವೇಳಾಪಟ್ಟಿಯ ಪ್ರಕಾರ ಟೂರ್ನಿಯ ಉದ್ಘಾಟನಾ ಪಂದ್ಯ ಬಾಂಗ್ಲಾದೇಶ ಮತ್ತು ಸ್ಕಾಟ್ಲೆಂಡ್ ತಂಡಗಳ ನಡುವೆ ನಡೆಯಲಿದೆ. ಪಂದ್ಯಾವಳಿಯಲ್ಲಿ ಒಟ್ಟು 10 ತಂಡಗಳು ಭಾಗವಹಿಸಲಿದ್ದು, ಎಲ್ಲಾ ತಂಡಗಳು ತಲಾ 4 ಗುಂಪು ಪಂದ್ಯಗಳನ್ನು ಆಡಲಿವೆ. ಅದರಂತೆ ಟೂರ್ನಿಯಲ್ಲಿ ಒಟ್ಟು 23 ಪಂದ್ಯಗಳು ನಡೆಯಲಿವೆ.
ಟೂರ್ನಿಯಲ್ಲಿ ಭಾಗವಹಿಸುವ 10 ತಂಡಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದ್ದು, ಎ ಗುಂಪಿನಲ್ಲಿ ಆಸ್ಟ್ರೇಲಿಯಾ, ಭಾರತ, ನ್ಯೂಜಿಲೆಂಡ್, ಪಾಕಿಸ್ತಾನ ಮತ್ತು ಶ್ರೀಲಂಕಾ ತಂಡಗಳಿದ್ದರೆ, ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಬಾಂಗ್ಲಾದೇಶ ಮತ್ತು ಸ್ಕಾಟ್ಲೆಂಡ್ ತಂಡಗಳು ಬಿ ಗುಂಪಿನಲ್ಲಿವೆ. ಟೂರ್ನಿಯ ಸೆಮಿಫೈನಲ್ ಪಂದ್ಯಗಳು ಅಕ್ಟೋಬರ್ 17 ಮತ್ತು 18 ರಂದು ನಡೆದರೆ, ಫೈನಲ್ ಪಂದ್ಯವು ಅಕ್ಟೋಬರ್ 20 ರಂದು ದುಬೈನಲ್ಲಿ ನಡೆಯಲಿದೆ.
Unveiling the updated fixtures for the ICC Women’s #T20WorldCup 2024 🗓https://t.co/k4chTlN68C
— ICC (@ICC) August 26, 2024
ಈ ದಿನದಂದು ಭಾರತ-ಪಾಕಿಸ್ತಾನ ಫೈಟ್
ಮಹಿಳಾ ಟಿ20 ವಿಶ್ವಕಪ್ನಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಒಂದೇ ಗುಂಪಿನಲ್ಲಿವೆ. ಆದ್ದರಿಂದ ಗುಂಪು ಹಂತದಲ್ಲಿ ಎರಡು ತಂಡಗಳ ನಡುವೆ ಪೈಪೋಟಿ ಏರ್ಪಡಲಿದೆ. ಭಾರತ ಮತ್ತು ಪಾಕಿಸ್ತಾನ ನಡುವಿನ ಈ ಪಂದ್ಯ ಅಕ್ಟೋಬರ್ 3 ರಂದು ಭಾರತೀಯ ಕಾಲಮಾನ ಮಧ್ಯಾಹ್ನ 3.30 ಕ್ಕೆ ನಡೆಯಲಿದೆ. ಎರಡೂ ತಂಡಗಳು ದುಬೈನಲ್ಲಿ ಮುಖಾಮುಖಿಯಾಗಲಿವೆ. ಇತ್ತೀಚೆಗಷ್ಟೇ ಏಷ್ಯಾಕಪ್ನಲ್ಲಿ ಎರಡೂ ತಂಡಗಳು ಮುಖಾಮುಖಿಯಾಗಿದ್ದವು, ಇಲ್ಲಿ ಟೀಂ ಇಂಡಿಯಾ ಸುಲಭ ಜಯ ಸಾಧಿಸಿತ್ತು.
ದಿನಾಂಕ |
ಮುಖಾಮುಖಿ |
ಸ್ಥಳ |
ಸಮಯ |
| ಅಕ್ಟೋಬರ್ 3 | ಬಾಂಗ್ಲಾದೇಶ vs ಸ್ಕಾಟ್ಲೆಂಡ್ | ಶಾರ್ಜಾ | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 3 | ಪಾಕಿಸ್ತಾನ vs ಶ್ರೀಲಂಕಾ | ಶಾರ್ಜಾ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 4 | ದಕ್ಷಿಣ ಆಫ್ರಿಕಾ vs ವೆಸ್ಟ್ ಇಂಡೀಸ್ | ದುಬೈ, | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 4 | ಭಾರತ vs ನ್ಯೂಜಿಲೆಂಡ್ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 5 | ಬಾಂಗ್ಲಾದೇಶ vs ಇಂಗ್ಲೆಂಡ್ | ಶಾರ್ಜಾ | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 5 | ಆಸ್ಟ್ರೇಲಿಯಾ vs ಶ್ರೀಲಂಕಾ | ಶಾರ್ಜಾ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 6 | ಭಾರತ vs ಪಾಕಿಸ್ತಾನ | ದುಬೈ | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 6 | ವೆಸ್ಟ್ ಇಂಡೀಸ್ vs ಸ್ಕಾಟ್ಲೆಂಡ್ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 7 | ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾ | ಶಾರ್ಜಾ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 8 | ಆಸ್ಟ್ರೇಲಿಯಾ vs ನ್ಯೂಜಿಲೆಂಡ್ | ಶಾರ್ಜಾ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 9 | ದಕ್ಷಿಣ ಆಫ್ರಿಕಾ vs ಸ್ಕಾಟ್ಲೆಂಡ್ | ದುಬೈ | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 9 | ಭಾರತ vs ಶ್ರೀಲಂಕಾ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 10 | ಬಾಂಗ್ಲಾದೇಶ vs ವೆಸ್ಟ್ ಇಂಡೀಸ್ | ಶಾರ್ಜಾ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 11 | ಆಸ್ಟ್ರೇಲಿಯಾ vs ಪಾಕಿಸ್ತಾನ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 12 | ನ್ಯೂಜಿಲೆಂಡ್ vs ಶ್ರೀಲಂಕಾ | ಶಾರ್ಜಾ | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 12 | ಬಾಂಗ್ಲಾದೇಶ vs ದಕ್ಷಿಣ ಆಫ್ರಿಕಾ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 13 | ಇಂಗ್ಲೆಂಡ್ vs ಸ್ಕಾಟ್ಲೆಂಡ್ | ಶಾರ್ಜಾ | ಮಧ್ಯಾಹ್ನ 2 ಗಂಟೆಗೆ |
| ಅಕ್ಟೋಬರ್ 13 | ಭಾರತ vs ಆಸ್ಟ್ರೇಲಿಯಾ | ಶಾರ್ಜಾ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 14 | ಪಾಕಿಸ್ತಾನ vs ನ್ಯೂಜಿಲೆಂಡ್ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 15 | ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್ | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 17 | ಸೆಮಿಫೈನಲ್ 1 | ದುಬೈ | ಸಂಜೆ 6 ಗಂಟೆಗೆ |
| ಅಕ್ಟೋಬರ್ 18 | ಸೆಮಿಫೈನಲ್ 2 | ಶಾರ್ಜಾ | ಸಂಜೆ 6 ಗಂಟೆಗೆ |
| 20 ಅಕ್ಟೋಬರ್ | ಫೈನಲ್ | ದುಬೈ | ಸಂಜೆ 6 ಗಂಟೆಗೆ |
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 9:39 pm, Mon, 26 August 24