IND vs ENG: ಭಾರತ ವಿರುದ್ಧ ಸರಣಿ ಆರಂಭಕ್ಕೂ ಮುನ್ನ ಇಂಗ್ಲೆಂಡ್ ತಂಡಕ್ಕೆ ಆಘಾತ; ಮಾಜಿ ವೇಗದ ಬೌಲರ್ ಕ್ಯಾನ್ಸರ್ಗೆ ಬಲಿ
IND vs ENG: ಭಾರತ ವಿರುದ್ಧ ಆಡಿದ 7 ಟೆಸ್ಟ್ ಪಂದ್ಯಗಳಲ್ಲಿ, ಹೆಂಡ್ರಿಕ್ಸ್ 16 ಸರಾಸರಿಯಲ್ಲಿ 26 ವಿಕೆಟ್ಗಳನ್ನು ಪಡೆದಿದ್ದರು. ಹೆಂಡ್ರಿಕ್ಸ್ ಇನ್ನಿಂಗ್ಸ್ನಲ್ಲಿ ಐದು ವಿಕೆಟ್ಗಳನ್ನು ಪಡೆದಿಲ್ಲ.
Updated on: Jul 27, 2021 | 8:44 PM
ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟೆಸ್ಟ್ ಸರಣಿಯು ಆಗಸ್ಟ್ 4 ರಿಂದ ಪ್ರಾರಂಭವಾಗಲಿದೆ. ಆದರೆ ಈ ಸರಣಿಯ ಆರಂಭಕ್ಕೂ ಮುಂಚೆ, ಇಂಗ್ಲೆಂಡ್ ಕ್ರಿಕೆಟ್‌ಗೆ ಕೆಟ್ಟ ಮತ್ತು ದುಃಖದ ಸುದ್ದಿ ಬಂದಿದೆ. ಇಂಗ್ಲೆಂಡ್‌ನ ಮಾಜಿ ವೇಗದ ಬೌಲರ್ ಮೈಕ್ ಹೆಂಡ್ರಿಕ್ ಜುಲೈ 27 ಮಂಗಳವಾರ ನಿಧನರಾದರು. ಹೆಂಡ್ರಿಕ್ಸ್‌ಗೆ 72 ವರ್ಷ ವಯಸ್ಸಾಗಿತ್ತು. ಹೆಂಡ್ರಿಕ್ಸ್ ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಿದ್ದರು ಎಂದು ತಿಳಿದುಬಂದಿದೆ. ಇಂಗ್ಲೆಂಡ್ ಪರ 52 ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಡಿದ ಹೆಂಡ್ರಿಕ್ಸ್, ಭಾರತದ ವಿರುದ್ಧ ಪ್ರಭಾವಶಾಲಿ ದಾಖಲೆಯನ್ನು ಹೊಂದಿದ್ದರು. ಮುಂದಿನ ತಿಂಗಳು ಉಭಯ ದೇಶಗಳ ನಡುವೆ ಪ್ರಾರಂಭವಾಗುವ ಸರಣಿಯ ಮೊದಲ ಪಂದ್ಯವನ್ನು ಅದೇ ನಾಟಿಂಗ್ಹ್ಯಾಮ್ಶೈರ್ ಕೌಂಟಿ ಮೈದಾನದಲ್ಲಿ ಆಡಲಾಗುವುದು.
ಹೆಂಡ್ರಿಕ್ಸ್ 22 ಅಕ್ಟೋಬರ್ 1948 ರಂದು ಇಂಗ್ಲೆಂಡ್‌ನ ಡರ್ಬಿಶೈರ್‌ನಲ್ಲಿ ಜನಿಸಿದರು. ಅವರು 1969 ರಲ್ಲಿ ತಮ್ಮ ಪ್ರಥಮ ದರ್ಜೆ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅಲ್ಲಿಂದ ಅವರು ಇಂಗ್ಲೆಂಡ್‌ನ ಟೆಸ್ಟ್ ಮತ್ತು ಏಕದಿನ ತಂಡದಲ್ಲಿ ಸ್ಥಾನ ಪಡೆದರು. ಐದು ವರ್ಷಗಳ ನಂತರ 1974 ರಲ್ಲಿ ಅವರು ಚೊಚ್ಚಲ ಟೆಸ್ಟ್ ಪಂದ್ಯಕ್ಕೆ ಪ್ರವೇಶ ಮಾಡಿದರು. 7 ವರ್ಷಗಳ ಕಾಲ ಇಂಗ್ಲೆಂಡ್ ಪರ ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್ ಆಡಿದ್ದರು.
ಭಾರತದ ವಿರುದ್ಧ ಹೆಂಡ್ರಿಕ್ ಅವರ ಪ್ರಬಲ ಪ್ರದರ್ಶನ ಅವರ 30 ಟೆಸ್ಟ್ ಪಂದ್ಯ ವೃತ್ತಿಜೀವನದಲ್ಲಿ, ಹೆಂಡ್ರಿಕ್ಸ್ 25.8 ರ ಸರಾಸರಿಯಲ್ಲಿ 87 ವಿಕೆಟ್ ಪಡೆದರೆ, 22 ಏಕದಿನ ಪಂದ್ಯಗಳಲ್ಲಿ ಅವರು 19 ರ ಸರಾಸರಿಯಲ್ಲಿ 35 ವಿಕೆಟ್ ಪಡೆದರು. ಹೆಂಡ್ರಿಕ್ ಅವರ ಸಾಧನೆ ಭಾರತದ ವಿರುದ್ಧ ಅತ್ಯುತ್ತಮವಾಗಿತ್ತು. ಅವರು 1974 ರಲ್ಲಿ ಮ್ಯಾಂಚೆಸ್ಟರ್‌ನಲ್ಲಿ ಭಾರತ ವಿರುದ್ಧ ಟೆಸ್ಟ್ ಚೊಚ್ಚಲ ಪಂದ್ಯವನ್ನಾಡಿದರು. ಭಾರತ ವಿರುದ್ಧ ಆಡಿದ 7 ಟೆಸ್ಟ್ ಪಂದ್ಯಗಳಲ್ಲಿ, ಹೆಂಡ್ರಿಕ್ಸ್ 16 ಸರಾಸರಿಯಲ್ಲಿ 26 ವಿಕೆಟ್ಗಳನ್ನು ಪಡೆದಿದ್ದರು. ಹೆಂಡ್ರಿಕ್ಸ್ ಇನ್ನಿಂಗ್ಸ್ನಲ್ಲಿ ಐದು ವಿಕೆಟ್ಗಳನ್ನು ಪಡೆದಿಲ್ಲ.
ಆದರೆ ಅವರ ಅತ್ಯುತ್ತಮ ಪ್ರದರ್ಶನ ಭಾರತ ವಿರುದ್ಧದ ಚೊಚ್ಚಲ ಸರಣಿಯಲ್ಲಿ ಆಗಿತ್ತು. ನಂತರ ಅವರು ಬರ್ಮಿಂಗ್ಹ್ಯಾಮ್ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ 28 ರನ್ಗಳಿಗೆ 4 ವಿಕೆಟ್ ಪಡೆದರು. ಹೆಂಡ್ರಿಕ್ ಅವರ ಪ್ರಥಮ ದರ್ಜೆ ವೃತ್ತಿಜೀವನವು ಬಹಳ ಪ್ರಭಾವಶಾಲಿಯಾಗಿತ್ತು. ಅವರು ತಮ್ಮ ತಂಡ ಡರ್ಬಿಶೈರ್ ಪರ 267 ಪಂದ್ಯಗಳಲ್ಲಿ 770 ವಿಕೆಟ್ಗಳನ್ನು ಪಡೆದಿದ್ದರು ಮತ್ತು 1981 ರಲ್ಲಿ ಕೌಂಟಿ ಚಾಂಪಿಯನ್ ಆದರು.
The ECB is sad to learn of the death of former @DerbyshireCCC, @TrentBridge and England international Mike Hendrick.
Our thoughts at this time are with his family and friends. pic.twitter.com/Ajpi3JaVld
— England and Wales Cricket Board (@ECB_cricket) July 27, 2021
