IND vs SA 2nd Test: ಈ ಪಿಚ್ ರಸ್ತೆಯಂತಿದೆ…: ಗುವಾಹಟಿ ಪಿಚ್ ಬಗ್ಗೆ ಕುಲ್ದೀಪ್ ಯಾದವ್ ಶಾಕಿಂಗ್ ಹೇಳಿಕೆ

ಬೆಂಗಳೂರು (ನ. 24): ಭಾರತ (Indian Cricket Team) ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಎರಡು ಪಂದ್ಯಗಳ ಟೆಸ್ಟ್ ಸರಣಿಯ ಎರಡನೇ ಮತ್ತು ಕೊನೆಯ ಪಂದ್ಯ ಗುವಾಹಟಿಯಲ್ಲಿ ನಡೆಯುತ್ತಿದೆ. ಈ ಪಂದ್ಯದ ಮೊದಲ ಎರಡು ದಿನಗಳಲ್ಲಿ ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್‌ಮನ್‌ಗಳು ಪ್ರಾಬಲ್ಯ ಸಾಧಿಸಿದರು. ಭಾರತೀಯ ಬೌಲರ್‌ಗಳು ಕಷ್ಟಪಡುತ್ತಿರುವುದು ಕಂಡುಬಂದಿದೆ. ಭಾರತದ ಸ್ಪಿನ್ನರ್‌ಗಳಾದ ಕುಲ್ದೀಪ್ ಯಾದವ್ ಮತ್ತು ರವೀಂದ್ರ ಜಡೇಜಾ ವಿಕೆಟ್ ಪಡೆಯಲು ಸಾಕಷ್ಟು ಬೆವರು ಸುರಿಸಬೇಕಾಯಿತು.

ಅಂತಹ ಪರಿಸ್ಥಿತಿಯಲ್ಲಿ, ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಕೆಳ ಕ್ರಮಾಂಕದಿಂದ ಎದುರಾದ ಕಠಿಣ ಸವಾಲನ್ನು ವಿವರಿಸುವಾಗ ಕುಲ್ದೀಪ್ ಯಾದವ್ ಗುವಾಹಟಿ ಪಿಚ್ ಬಗ್ಗೆ ಶಾಕಿಂಗ್ ಹೇಳಿಕೆ ನೀಡಿದ್ದಾರೆ. ಕೆಳ ಕ್ರಮಾಂಕದ ಅತ್ಯುತ್ತಮ ಜೊತೆಯಾದ ಆಧಾರದ ಮೇಲೆ ದಕ್ಷಿಣ ಆಫ್ರಿಕಾ ಮೊದಲ ಇನ್ನಿಂಗ್ಸ್‌ನಲ್ಲಿ 489 ರನ್‌ಗಳ ದೊಡ್ಡ ಸ್ಕೋರ್ ಗಳಿಸಿತು ಮತ್ತು ಭಾರತೀಯ ಬೌಲರ್‌ಗಳು ವಿಕೆಟ್ ಪಡೆಯಲು ಹೆಣಗಾಡಿದರು.

ಬರ್ಸಾಪರ ಕ್ರೀಡಾಂಗಣದ ಪಿಚ್ ಮತ್ತು ಕೋಲ್ಕತ್ತಾದ ಟರ್ನಿಂಗ್ ವಿಕೆಟ್ ನಡುವಿನ ಚರ್ಚೆಯಲ್ಲಿ, ಕುಲ್ದೀಪ್ ನಗುತ್ತಾ, ಎರಡೂ ಮೇಲ್ಮೈಗಳ ನಡುವೆ ಅಗಾಧ ವ್ಯತ್ಯಾಸವಿದೆ ಎಂದು ಹೇಳಿದರು. ಕೋಲ್ಕತ್ತಾದ ವಿಕೆಟ್ ಸಂಪೂರ್ಣವಾಗಿ ವಿಭಿನ್ನವಾಗಿದೆ. ಇಲ್ಲಿನ ಪಿಚ್ ರಸ್ತೆಯಂತೆ ಸಮತಟ್ಟಾಗಿದೆ. ಅಂತಹ ಪರಿಸ್ಥಿತಿಗಳು ಟೆಸ್ಟ್ ಕ್ರಿಕೆಟ್ ಅನ್ನು ಸವಾಲಿನದ್ದಾಗಿ ಮಾಡುತ್ತದೆ. ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತದ ಅತ್ಯಂತ ಯಶಸ್ವಿ ಬೌಲರ್ ಆಗಿದ್ದ ಕುಲದೀಪ್ 29.1 ಓವರ್‌ಗಳಲ್ಲಿ 115 ರನ್‌ಗಳಿಗೆ ನಾಲ್ಕು ವಿಕೆಟ್‌ಗಳನ್ನು ಕಬಳಿಸಿದರು.

ಫರ್ಹಾನ್ ಆರ್ಭಟಕ್ಕೆ ಅಭಿಷೇಕ್ ಶರ್ಮಾ ದಾಖಲೆ ಉಡೀಸ್..!

ಬೌಲಿಂಗ್ ದೃಷ್ಟಿಕೋನದಿಂದ ಪಿಚ್ ತುಂಬಾ ಕಷ್ಟಕರವಾಗಿತ್ತು ಎಂದು ಕುಲ್ದೀಪ್ ಅವರು ಒಪ್ಪಿಕೊಂಡರು. ಈ ವಿಕೆಟ್ ಸ್ಪಿನ್ನರ್‌ಗಳಿಗೆ ಹೆಚ್ಚಿನ ಸಹಾಯವನ್ನು ನೀಡುವುದಿಲ್ಲ. ಮೇಲ್ಮೈ ವೇಗದ ಬೌಲರ್‌ಗಳಿಗೂ ಹೆಚ್ಚು ಸಹಾಯಕವಾಗುವಂತೆ ಕಾಣಲಿಲ್ಲ. ಆದರೆ ಟೆಸ್ಟ್ ಕ್ರಿಕೆಟ್‌ನಲ್ಲಿ, ನೀವು ಈರೀತಿಯ ಪರಿಸ್ಥಿತಿಗಳನ್ನು ಆನಂದಿಸಬೇಕು ಎಂಬುದು ಕುಲ್ದೀಪ್ ಮಾತು.

ಅನುಭವ ಹೆಚ್ಚಾದಂತೆ ಬೌಲರ್‌ಗಳು ವಿಕೆಟ್‌ನ ಸ್ವರೂಪದ ಮೇಲೆ ಹೆಚ್ಚು ಗಮನಹರಿಸುವುದನ್ನು ನಿಲ್ಲಿಸಿ ತಮ್ಮ ಯೋಜನೆಯ ಮೇಲೆ ಕೆಲಸ ಮಾಡುತ್ತಾರೆ. ಬಹುಶಃ ಮುಂದಿನ ಟೆಸ್ಟ್‌ನಲ್ಲಿ ನಮಗೆ ಉತ್ತಮ ವಿಕೆಟ್ ಸಿಗಬಹುದು, ಆದ್ದರಿಂದ ಯಾವುದೇ ದೂರುಗಳಿಲ್ಲ. ಪಿಚ್‌ನಲ್ಲಿ ಸ್ವಲ್ಪ ತೇವಾಂಶವಿದ್ದ ಕಾರಣ ಮೊದಲ ದಿನದ ಮೊದಲ ಸೆಷನ್‌ನಲ್ಲಿ ಚೆಂಡು ಸ್ವಲ್ಪ ತಿರುಗುತ್ತಿತ್ತು, ಆದರೆ ನಂತರ ಪರಿಸ್ಥಿತಿಗಳು ಬ್ಯಾಟ್ಸ್‌ಮನ್‌ಗಳಿಗೆ ಅನುಕೂಲಕರವಾಗಿದ್ದವು ಎಂದು ಕುಲ್ದೀಪ್ ವಿವರಿಸಿದರು. ಮೊದಲ ಸೆಷನ್ ನಂತರ ಬ್ಯಾಟಿಂಗ್ ಹೆಚ್ಚು ಸುಲಭವಾಯಿತು. ಎರಡನೇ ದಿನದಲ್ಲಿ ಪಿಚ್​ನಲ್ಲಿ ಟರ್ನಿಂಗ್ ಇರಲಿಲ್ಲ. ಸ್ಪಿನ್ನರ್‌ಗಳಿಗೆ ಈ ಪರಿಸ್ಥಿತಿಗಳು ತುಂಬಾ ಕಷ್ಟಕರವಾಗಿವೆ ಎಂದು ಹೇಳಿದರು.

ಮೊದಲ ಅವಧಿಯಲ್ಲಿ ಭಾರತ ನಿಖರವಾದ ಲೈನ್ ಮತ್ತು ಲೆಂಗ್ತ್‌ನೊಂದಿಗೆ ಬೌಲಿಂಗ್ ಮಾಡಿದೆ ಎಂದು ಕುಲ್ದೀಪ್ ಹೇಳಿದರು. ದಕ್ಷಿಣ ಆಫ್ರಿಕಾವನ್ನು ಕೇವಲ 69 ರನ್‌ಗಳಿಗೆ ಸೀಮಿತಗೊಳಿಸಿದರು. “ಮಾರ್ಕೊ ಜಾನ್ಸನ್ ಅವಕಾಶಗಳನ್ನು ಬಳಸಿಕೊಂಡರು ಮತ್ತು ಚೆನ್ನಾಗಿ ಬ್ಯಾಟಿಂಗ್ ಮಾಡಿದರು. ಜೊತೆಯಾಟ ದೀರ್ಘವಾಗಿದ್ದಾಗ ಮತ್ತು ನೀವು ಇತರ ತಂಡಕ್ಕಿಂತ ಉತ್ತಮ ಸ್ಥಾನದಲ್ಲಿರುವಾಗ ಅದು ಸಾಮಾನ್ಯವಾಗಿ ಸಂಭವಿಸುತ್ತದೆ. ನೀವು ಅಂತಹ ಪರಿಸ್ಥಿತಿಗಳ ಲಾಭವನ್ನು ಪಡೆಯಲು ಬಯಸುತ್ತೀರಿ ಮತ್ತು ವಿಕೆಟ್ ಬ್ಯಾಟಿಂಗ್‌ಗೆ ತುಂಬಾ ಉತ್ತಮವಾಗಿತ್ತು” ಎಂದಿದ್ದಾರೆ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ