IND vs SL: ಮೊಹಾಲಿ ಟೆಸ್ಟ್‌ನಿಂದ ಮೆಂಡಿಸ್ ಔಟ್, ಚಮೀರಾಗೆ ವಿಶ್ರಾಂತಿ! ಆಡುವ ಇಲೆವೆನ್ ಬಗ್ಗೆ ನಾಯಕನ ಮಾತು

ಭಾರತ ಪ್ರವಾಸದ ವೇಳೆ ಶ್ರೀಲಂಕಾ ತಂಡ ನಿರಂತರ ಫಿಟ್ನೆಸ್ ಸಮಸ್ಯೆ ಎದುರಿಸಬೇಕಾಗಿದೆ. ಫಿಟ್ನೆಸ್ ಕಾರಣದಿಂದ ಟಿ20 ಸರಣಿಯಲ್ಲಿ ಆಡಲು ಸಾಧ್ಯವಾಗದ ಅನುಭವಿ ಬ್ಯಾಟ್ಸ್​ಮನ್ ಕುಸಾಲ್ ಮೆಂಡಿಸ್ (Kusal Mendis) ಮೊದಲ ಟೆಸ್ಟ್ ಪಂದ್ಯದಿಂದಲೂ ಹೊರಗುಳಿದಿದ್ದಾರೆ. ಶುಕ್ರವಾರ, ಮಾರ್ಚ್ 4 ರಿಂದ ಮೊಹಾಲಿಯಲ್ಲಿ ಸರಣಿ ಪ್ರಾರಂಭವಾಗುವ ಮೊದಲು, ತಂಡದ ನಾಯಕ ದಿಮುತ್ ಕರುಣಾರತ್ನ (Dimuth Karunaratne ) ಅವರು ಸ್ನಾಯು ಸೆಳೆತದಿಂದಾಗಿ ಇನ್ನೂ ಫಿಟ್ ಆಗಲು ಸಾಧ್ಯವಾಗದ ಕಾರಣ ಕುಸಲ್ ಮೆಂಡಿಸ್ ಈ ಟೆಸ್ಟ್‌ನಲ್ಲಿ ಆಡಲು ಸಾಧ್ಯವಾಗುವುದಿಲ್ಲ ಎಂದು ಹೇಳಿದರು. ಅದೇ ಸಮಯದಲ್ಲಿ, ಶ್ರೀಲಂಕಾ ಮಂಡಳಿಯಿಂದ ಸುಮಾರು ಎರಡು ತಿಂಗಳ ಹಿಂದಿನವರೆಗೆ ನಿಷೇಧಕ್ಕೊಳಗಾದ ಆಟಗಾರರೊಬ್ಬರು ಆಡುವ XI ನಲ್ಲಿ ಸ್ಥಾನ ಪಡೆಯುತ್ತಿದ್ದಾರೆ. ವಿಕೆಟ್ ಕೀಪಿಂಗ್ ಜವಾಬ್ದಾರಿಯನ್ನು ನಿರೋಶನ್ ಡಿಕ್ವೆಲ್ಲಾ ನಿರ್ವಹಿಸಲಿದ್ದಾರೆ ಎಂದು ಕರುಣಾರತ್ನೆ ಹೇಳಿದ್ದಾರೆ.

ಕುಸಾಲ್ ಮೆಂಡಿಸ್ ಸ್ಥಾನಕ್ಕೆ ವಾಪಸಾಗಿರುವ ಡಿಕ್ವೆಲ್ಲಾ ಕೂಡ ಶ್ರೀಲಂಕಾ ಕ್ರಿಕೆಟ್​ನಿಂದ ನಿಷೇಧಕ್ಕೊಳಗಾಗಿರುವುದು ಕಾಕತಾಳೀಯ. ಇವರಿಬ್ಬರ ಹೊರತಾಗಿ ದನುಷ್ಕಾ ಗುಣತಿಲಕ ಮೇಲೂ ನಿಷೇಧ ಹೇರಲಾಗಿತ್ತು. ಕಳೆದ ವರ್ಷ ಇಂಗ್ಲೆಂಡ್ ಪ್ರವಾಸದ ವೇಳೆ ಬಯೋ ಬಬಲ್ ಉಲ್ಲಂಘಿಸಿದ್ದಕ್ಕಾಗಿ ಶ್ರೀಲಂಕಾ ಮಂಡಳಿಯಿಂದ ಮೂವರಿಗೂ ಒಂದು ವರ್ಷ ನಿಷೇಧ ಹೇರಲಾಗಿತ್ತು. ಆದಾಗ್ಯೂ, ನಂತರ 6 ತಿಂಗಳೊಳಗೆ, ನಿಷೇಧವನ್ನು ಜನವರಿಯಲ್ಲಿ ಮೂರರಿಂದ ತೆಗೆದುಹಾಕಲಾಯಿತು. ಅಂದಿನಿಂದ ಮೆಂಡಿಸ್ ಮತ್ತು ಗುಣತಿಲ್ಕಾ ತಂಡಕ್ಕಾಗಿ ಮೈದಾನಕ್ಕೆ ಕಾಲಿಟ್ಟಿದ್ದಾರೆ, ಆದರೆ ಈ ಸರಣಿಯಲ್ಲಿ ಡಿಕ್ವೆಲ್ಲಾ ಮೊದಲ ಪಂದ್ಯವನ್ನು ಆಡಲಿದ್ದಾರೆ.

ಮೆಂಡಿಸ್ ಔಟ್ ಮೊಹಾಲಿಯಲ್ಲಿ ಟೀಂ ಇಂಡಿಯಾದೊಂದಿಗೆ ಸ್ಪರ್ಧಿಸಲಿರುವ ಶ್ರೀಲಂಕಾ ತಂಡದ ಬಗ್ಗೆ ಮಾಹಿತಿ ನೀಡಿದ ಕರುಣಾರತ್ನೆ, ಡಿಕ್ವೆಲ್ಲಾ ಜೊತೆಗೆ ದುಷ್ಮಂತ ಚಮೀರಾ ಬಗ್ಗೆಯೂ ಬಿಗ್ ಅಪ್​ಡೇಟ್ ನೀಡಿದರು. ಡಿಕ್ವೆಲ್ಲಾ ವಿಕೆಟ್ ಕೀಪರ್ ಆಗಿರಲಿದ್ದು, ದುಷ್ಮಂತ ಚಮೀರಾ ಅವರಿಗೆ ವಿಶ್ರಾಂತಿ ನೀಡಲಾಗುತ್ತದೆ. ಅವರು ಡೇ-ನೈಟ್ ಟೆಸ್ಟ್​ಗೆ ಲಭ್ಯವಿರುತ್ತಾರೆ ಆದರೆ ಮೆಂಡಿಸ್ ಆಡಲು ಸಾಧ್ಯವಾಗುವುದಿಲ್ಲ ಎಂದು ಕರುಣಾರತ್ನೆ ಹೇಳಿದರು.

ತಮ್ಮ ತಂಡದ ತಯಾರಿಗಾಗಿ ಶ್ರೀಲಂಕಾದ ಸಿದ್ಧತೆಗಳ ಬಗ್ಗೆ ಶ್ರೀಲಂಕಾ ನಾಯಕ ಮಾತನಾಡಿ, ಶ್ರೀಲಂಕಾದ ಆಟಗಾರರು ಕಠಿಣ ಅಭ್ಯಾಸ ಮಾಡುತ್ತಿದ್ದಾರೆ. ಎಲ್ಲರೂ ಉತ್ತಮ ಫಾರ್ಮ್​ನಲ್ಲಿದ್ದಾರೆ. ಅವರು ಎರಡೂ ಟೆಸ್ಟ್ ಪಂದ್ಯಗಳಲ್ಲಿ ಉತ್ತಮ ಆಟ ಪ್ರದರ್ಶಿಸುತ್ತಾರೆ ಎಂದು ಭಾವಿಸುತ್ತೇವೆ ಎಂದಿದ್ದಾರೆ.

ಭಾರತೀಯ ಯುವ ಬ್ರಿಗೇಡ್‌ ಮೇಲೆ ಕಣ್ಣು ಅದೇ ಸಮಯದಲ್ಲಿ, ಟೀಮ್ ಇಂಡಿಯಾದಲ್ಲಿ ಕೆಲವು ಪ್ರಮುಖ ಬದಲಾವಣೆಗಳು ಕಂಡುಬರಲಿದೆ. ಮುಖ್ಯವಾಗಿ ಚೇತೇಶ್ವರ ಪೂಜಾರ ಮತ್ತು ಅಜಿಂಕ್ಯ ರಹಾನೆ ಅನುಪಸ್ಥಿತಿಯಲ್ಲಿ, ಶುಬ್ಮನ್ ಗಿಲ್, ಹನುಮ ವಿಹಾರಿ ಮತ್ತು ಶ್ರೇಯಸ್ ಅಯ್ಯರ್ ಅವರಲ್ಲಿ ಇಬ್ಬರಿಗೆ ಅವಕಾಶ ನೀಡಲಾಗುತ್ತದೆ. ಶ್ರೀಲಂಕಾ ತಂಡವೂ ಇದನ್ನು ಅರಿತು ಭಾರತದ ಹೊಸ ಆಟಗಾರರಿಗೆ ತಂತ್ರವನ್ನು ಸಿದ್ಧಪಡಿಸಲಿದೆ. ಈ ಬಗ್ಗೆ ಕರುಣಾರತ್ನೆ, ಹೌದು, ನಾವು ತಂತ್ರ ರೂಪಿಸಿದ್ದೇವೆ. ಅವರ ತಂಡದಲ್ಲಿ ಕೆಲವು ಯುವಕರು ಆಡುತ್ತಿದ್ದಾರೆ. ಅವರು ರಹಾನೆ ಮತ್ತು ಪೂಜಾರ ಅವರನ್ನು ಬದಲಿಸಬೇಕು. ನಾವು ನಮ್ಮ ಕಾರ್ಯತಂತ್ರವನ್ನು ಕಾರ್ಯಗತಗೊಳಿಸಲು ಪ್ರಯತ್ನಿಸುತ್ತೇವೆ ಎಂದಿದ್ದಾರೆ.

ಪ್ರೇಕ್ಷಕರ ಪ್ರವೇಶಕ್ಕೆ ಆಧ್ಯತೆ ಶ್ರೀಲಂಕಾ ಮತ್ತು ಭಾರತಕ್ಕೆ ಈ ಪಂದ್ಯ ತುಂಬಾ ವಿಶೇಷವಾಗಿದೆ. ಈ ಪಂದ್ಯ ಭಾರತದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರ 100 ನೇ ಟೆಸ್ಟ್ ಆಗಿದ್ದರೆ, ಶ್ರೀಲಂಕಾಕ್ಕೆ 300 ನೇ ಟೆಸ್ಟ್ ಪಂದ್ಯವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ, ಈ ಪಂದ್ಯಕ್ಕೆ ಕ್ರೀಡಾಂಗಣದ ಸಾಮರ್ಥ್ಯದ ಶೇಕಡಾ 50 ರಷ್ಟು ಪ್ರೇಕ್ಷಕರ ಉಪಸ್ಥಿತಿಗೆ ಭಾರತೀಯ ಕ್ರಿಕೆಟ್ ಮಂಡಳಿ (ಬಿಸಿಸಿಐ) ಅನುಮತಿ ನೀಡಿದ ಬಗ್ಗೆ ಕರುಣಾರತ್ನೆ ಸಂತೋಷ ವ್ಯಕ್ತಪಡಿಸಿದರು. 300ನೇ ಟೆಸ್ಟ್ ಪಂದ್ಯದಲ್ಲಿ ನನ್ನ ದೇಶಕ್ಕೆ ನಾಯಕತ್ವ ವಹಿಸಿರುವುದು ಉತ್ತಮ ಅನುಭವವಾಗಿದೆ ಎಂದು ಅವರು ಹೇಳಿದರು. ನಾನು ಇದನ್ನು ನಿರೀಕ್ಷಿಸಿರಲಿಲ್ಲ, ಇದು ನನಗೆ ಅತ್ಯಂತ ಗೌರವದ ವಿಷಯವಾಗಿದೆ. ಶ್ರೀಲಂಕಾಕ್ಕೆ ಉತ್ತಮ ಫಲಿತಾಂಶ ಪಡೆಯಲು ನನ್ನ ಕೈಲಾದಷ್ಟು ಪ್ರಯತ್ನಿಸುತ್ತೇನೆ. ಇದು ವಿರಾಟ್ ಅವರ 100ನೇ ಟೆಸ್ಟ್ ಎಂದು ತಿಳಿದು ಬಂದಿದೆ. 50ರಷ್ಟು ಪ್ರೇಕ್ಷಕರಿಗೆ ಅವಕಾಶ ನೀಡುವ ಮೂಲಕ ಬಿಸಿಸಿಐ ಉತ್ತಮ ನಿರ್ಧಾರ ಕೈಗೊಂಡಿದೆ ಎಂದಿದ್ದಾರೆ.

ಇದನ್ನೂ ಓದಿ:Ranji Trophy 2022: ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಚೊಚ್ಚಲ ಶತಕ ಸಿಡಿಸಿ ಮಿಂಚಿದ ಕನ್ನಡಿಗ ದೇವದತ್ ಪಡಿಕ್ಕಲ್..!