IND vs AUS Highlights: ಚಾಂಪಿಯನ್ಸ್ ಟ್ರೋಫಿ ಫೈನಲ್​ಗೇರಿದ ಭಾರತ

IND vs AUS Live Score: ಭಾರತಕ್ಕೆ ಗೆಲುವು

ಆಸ್ಟ್ರೇಲಿಯಾವನ್ನು 4 ವಿಕೆಟ್‌ಗಳಿಂದ ಸೋಲಿಸಿದ ಭಾರತ ತಂಡ ಚಾಂಪಿಯನ್ಸ್ ಟ್ರೋಫಿಯ ಫೈನಲ್‌ಗೆ ತಲುಪಿದೆ. ಕೆಎಲ್ ರಾಹುಲ್ ಸಿಕ್ಸರ್ ಬಾರಿಸುವ ಮೂಲಕ ಟೀಮ್ ಇಂಡಿಯಾಗೆ ಗೆಲುವು ತಂದುಕೊಟ್ಟರು.

IND vs AUS Live Score: ಎಲ್ಲಿಸ್ ಅತ್ಯುತ್ತಮ ಓವರ್

ನಾಥನ್ ಎಲ್ಲಿಸ್ 46ನೇ ಓವರ್ ಅನ್ನು ಅದ್ಭುತವಾಗಿ ಎಸೆದರು. ಈ ಆಟಗಾರ ಹಾರ್ದಿಕ್ ಪಾಂಡ್ಯ ಮತ್ತು ಕೆಎಲ್ ರಾಹುಲ್‌ಗೆ ಕೇವಲ ಒಂದು ರನ್ ಬಿಟ್ಟುಕೊಟ್ಟರು. 4 ಓವರ್‌ಗಳಲ್ಲಿ 27 ರನ್‌ಗಳು ಬೇಕಾಗಿವೆ.

IND vs AUS Live Score: 28 ರನ್‌ ಬೇಕು

ಜೇಸನ್ ಸಂಘ ಬೌಲಿಂಗ್‌ನಲ್ಲಿ ಹಾರ್ದಿಕ್ ಪಾಂಡ್ಯ ಅದ್ಭುತ ಸಿಕ್ಸರ್ ಬಾರಿಸಿದರು. ಆ ಓವರ್‌ನಲ್ಲಿ 8 ರನ್‌ಗಳು ಬಂದವು, ಭಾರತ ಈಗ ಗೆಲುವಿನಿಂದ 28 ರನ್‌ಗಳ ದೂರದಲ್ಲಿದೆ.

IND vs AUS Live Score: ವಿರಾಟ್ ಕೊಹ್ಲಿ ಔಟ್

ಟೀಂ ಇಂಡಿಯಾ ಭಾರೀ ಹಿನ್ನಡೆ ಅನುಭವಿಸಿದೆ. ವಿರಾಟ್ ಕೊಹ್ಲಿ 84 ರನ್ ಗಳಿಸಿ ಔಟ್ ಆಗಿದ್ದಾರೆ. ಆಡಮ್ ಜಂಪಾ ಎಸೆತದಲ್ಲಿ ದೊಡ್ಡ ಶಾಟ್ ಹೊಡೆಯಲು ಪ್ರಯತ್ನಿಸಿ ಲಾಂಗ್ ಆನ್​ನಲ್ಲಿ ಕ್ಯಾಚ್ ನೀಡಿ ಕೊಹ್ಲಿ ಔಟಾದರು.

IND vs AUS Live Score: ರಾಹುಲ್ ಬೌಂಡರಿ

ಕೆಎಲ್ ರಾಹುಲ್ ಕೂಡ ಈಗ ಫಾರ್ಮ್‌ಗೆ ಬಂದಿದ್ದಾರೆ. ಸಂಘಾ ಓವರ್‌ನಲ್ಲಿ ರಾಹುಲ್ ಅದ್ಭುತ ಫೋರ್ ಬಾರಿಸಿದರು. ಭಾರತ ಗೆಲ್ಲಲು ಕೇವಲ 58 ರನ್ ಗಳ ಅವಶ್ಯಕತೆ ಇದೆ.

IND vs AUS Live Score: 12 ಓವರ್‌ಗಳಲ್ಲಿ 73 ರನ್‌ ಬೇಕು

ಟೀಮ್ ಇಂಡಿಯಾ ಈಗ ಗೆಲುವಿನತ್ತ ಸಾಗುತ್ತಿದೆ. 72 ಎಸೆತಗಳಲ್ಲಿ 73 ರನ್ ಬೇಕಿದೆ. ವಿರಾಟ್ ಕೊಹ್ಲಿ ಶತಕದತ್ತ ಸಾಗುತ್ತಿದ್ದಾರೆ ಮತ್ತು ಕೆಎಲ್ ರಾಹುಲ್ ಅವರಿಗೆ ಉತ್ತಮ ಬೆಂಬಲ ನೀಡುತ್ತಿದ್ದಾರೆ.

IND vs AUS Live Score: ಅಕ್ಷರ್ ಪಟೇಲ್ ಔಟ್

ಅಕ್ಷರ್ ಪಟೇಲ್ ಅವರನ್ನು ನಾಥನ್ ಎಲ್ಲಿಸ್ ಬೌಲ್ಡ್ ಮಾಡಿ ಪೆವಿಲಿಯನ್​ಗಟ್ಟಿದರು. ಅಂತಿಮವಾಗಿ ಅಕ್ಷರ್ ಪಟೇಲ್ 27 ರನ್​ಗಳ ಕಾಣಿಕೆ ನೀಡಿದರು.

IND vs AUS Live Score: ವಿರಾಟ್ ಮತ್ತೊಂದು ದಾಖಲೆ

ಐಸಿಸಿ ನಾಕೌಟ್ ಪಂದ್ಯಗಳಲ್ಲಿ 1000 ರನ್ ಗಳಿಸಿದ ಮೊದಲ ಆಟಗಾರ ವಿರಾಟ್ ಕೊಹ್ಲಿ

IND vs AUS Live Score: ಕೊಹ್ಲಿ ಕೂದಲೆಳೆಯ ಅಂತರದಲ್ಲಿ ಪಾರು

ವಿರಾಟ್ ಕೊಹ್ಲಿ ಕೂದಲೆಳೆಯ ಅಂತರದಲ್ಲಿ ಪಾರಾದರು. ಮ್ಯಾಕ್ಸ್‌ವೆಲ್ ಎಸೆತದಲ್ಲಿ ಎಲ್‌ಬಿಡಬ್ಲ್ಯೂ ಮೇಲ್ಮನವಿ ಸಲ್ಲಿಸಲಾಯಿತು. ಆದರೆ ಚೆಂಡು ಅವರ ಬ್ಯಾಟ್‌ಗೆ ತಗುಲಿದ್ದರಿಂದ ಆಸ್ಟ್ರೇಲಿಯಾದ ವಿಮರ್ಶೆ ವ್ಯರ್ಥವಾಯಿತು. 32 ಓವರ್‌ಗಳ ನಂತರ ಸ್ಕೋರ್ 161 ರನ್‌.

IND vs AUS Live Score: ಶ್ರೇಯಸ್ ಅಯ್ಯರ್ ಔಟ್

ಶ್ರೇಯಸ್ ಅಯ್ಯರ್ 45 ರನ್ ಗಳಿಸಿ ಝಂಪಾ ಎಸೆತದಲ್ಲಿ ಬೋಲ್ಡ್ ಆಗಿದ್ದಾರೆ. ಆದರೆ ಔಟಾಗುವುದಕ್ಕೂ ಮುನ್ನ ಅಯ್ಯರ್, ಕೊಹ್ಲಿಯೊಂದಿಗೆ ಅರ್ಧಶತಕದ ಜೊತೆಯಾಟ ನಡೆಸಿದರು.

IND vs AUS Live Score: ಚೇಸಿಂಗ್ ಮಾಡುವಾಗ ಅತಿ ಹೆಚ್ಚು ರನ್‌

8720 ರನ್‌ಗಳು – ಸಚಿನ್ ತೆಂಡೂಲ್ಕರ್ (232 ಇನ್ನಿಂಗ್ಸ್)

8000 ರನ್‌ಗಳು – ವಿರಾಟ್ ಕೊಹ್ಲಿ (159 ಇನ್ನಿಂಗ್ಸ್)

6115 ರನ್‌ಗಳು – ರೋಹಿತ್ ಶರ್ಮಾ (151 ಇನ್ನಿಂಗ್ಸ್)

5742 ರನ್‌ಗಳು – ಸನತ್ ಜಯಸೂರ್ಯ (210 ಇನ್ನಿಂಗ್ಸ್)

5575 ರನ್‌ಗಳು – ಜಾಕ್ವೆಸ್ ಕಾಲಿಸ್ (158 ಇನ್ನಿಂಗ್ಸ್)

5559 ರನ್‌ಗಳು – ಕ್ರಿಸ್ ಗೇಲ್ (152 ಇನ್ನಿಂಗ್ಸ್)

IND vs AUS Live Score: ವಿರಾಟ್ ಅರ್ಧಶತಕ

ಕೊಹ್ಲಿ 53 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಈ ಅರ್ಧಶತಕದಲ್ಲಿ ಕೇವಲ ನಾಲ್ಕು ಬೌಂಡರಿಗಳು ಮಾತ್ರ ದಾಖಲಾಗಿವೆ ಆದರೆ ಕಷ್ಟದ ಸಮಯದಲ್ಲಿ ಅದ್ಭುತ ಬ್ಯಾಟಿಂಗ್ ಮಾಡಿದ್ದಾರೆ.

IND vs AUS Live Score: ಮತ್ತೊಂದು ದಾಖಲೆ ಮುರಿದ ವಿರಾಟ್

ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾರತದ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ವಿರಾಟ್ ಕೊಹ್ಲಿ ಪಾತ್ರರಾಗುವ ಮೂಲಕ ಶಿಖರ್ ಧವನ್ ಅವರ ದಾಖಲೆಯನ್ನು ಮುರಿದರು.

IND vs AUS Live Score: ಭಾರತ 100 ರನ್ ಪೂರ್ಣ

ಭಾರತ ತಂಡ 100 ರನ್ ದಾಟಿದೆ. ಅಯ್ಯರ್ ಮತ್ತು ಕೊಹ್ಲಿ ಕ್ರೀಸ್‌ನಲ್ಲಿ ಉತ್ತಮ ಜೊತೆಯಾಟ ಬೆಳೆಸಿದ್ದಾರೆ.

IND vs AUS Live Score: ಅರ್ಧಶತಕದ ಜೊತೆಯಾಟ

ವಿರಾಟ್ ಮತ್ತು ಅಯ್ಯರ್ ನಡುವೆ ಅರ್ಧಶತಕದ ಪಾಲುದಾರಿಕೆ ಇದೆ. ಇಬ್ಬರೂ ಸ್ಪಿನ್ನರ್‌ಗಳ ವಿರುದ್ಧ ಎಚ್ಚರಿಕೆಯಿಂದ ಬ್ಯಾಟಿಂಗ್ ಮಾಡಿದ್ದಾರೆ.

IND vs AUS Live Score: ಅಯ್ಯರ್-ಕೊಹ್ಲಿ ಜೊತೆಯಾಟ

15 ಓವರ್‌ಗಳ ನಂತರ ಭಾರತದ ಸ್ಕೋರ್ 75 ರನ್‌ ಆಗಿದ್ದು, 2 ವಿಕೆಟ್‌ಗಳು ಪತನಗೊಂಡಿವೆ.

IND vs AUS Live Score: 10 ಓವರ್‌ ಪೂರ್ಣ

ಮೊದಲ ಪವರ್‌ಪ್ಲೇನಲ್ಲಿ ಭಾರತ ತಂಡ 55 ರನ್ ಗಳಿಸಿದೆ. ಕೊನೆಲಿ ಅವರ ಓವರ್‌ನಲ್ಲಿ ಅಯ್ಯರ್ ಎರಡು ಬೌಂಡರಿಗಳನ್ನು ಬಾರಿಸಿದರು. ವಿರಾಟ್ ಮತ್ತು ಅಯ್ಯರ್ ಜೋಡಿ ಮೇಲೆ ತಂಡದ ಭವಿಷ್ಯ ನಿಂತಿದೆ.

IND vs AUS Live Score: ರೋಹಿತ್ ಶರ್ಮಾ ಔಟ್

ರೋಹಿತ್ ಶರ್ಮಾ ಅವರ ವಿಕೆಟ್ ಅನ್ನು ಕೊನೊಲಿ ಉರುಳಿಸಿದರು. ಕೊನೊಲಿ ಅವರ ವೃತ್ತಿಜೀವನದ ಮೊದಲ ವಿಕೆಟ್ ಇದಾಗಿದೆ.

IND vs AUS Live Score: ಗಿಲ್ ಔಟ್

ಬೆನ್ ದ್ವಾರಷಿಯಸ್ ಶುಭಮನ್ ಗಿಲ್ ಅವರನ್ನು ಬೌಲ್ಡ್ ಮಾಡಿದರು. ಚೆಂಡು ಗಿಲ್ ಬ್ಯಾಟಿಗೆ ತಾಗಿ ವಿಕೆಟ್‌ಗೆ ಬಡಿಯಿತು. ಗಿಲ್ 8 ರನ್ ಗಳಿಸಿ ಔಟಾದರು.

IND vs AUS Live Score: ರೋಹಿತ್ ಕ್ಯಾಚ್ ಮಿಸ್

ನಾಥನ್ ಎಲ್ಲಿಸ್ ಎಸೆತದಲ್ಲಿ ರೋಹಿತ್ ಶರ್ಮಾ ಸಿಕ್ಸರ್ ಬಾರಿಸಿದರು. ಆದರೆ ಮುಂದಿನ ಎಸೆತದಲ್ಲಿ ಅವರ ಕ್ಯಾಚ್ ಮಿಸ್ ಆಯಿತು. ರೋಹಿತ್ ನೀಡಿದ ಸುಲಭವಾದ ಕ್ಯಾಚ್ ಅನ್ನು ಕಾನ್ಲಿ ಕೈಬಿಟ್ಟರು.

IND vs AUS Live Score: ರೋಹಿತ್ ಫೋರ್

ಮೊದಲ ಓವರ್​ನ ಎರಡನೇ ಎಸೆತದಲ್ಲೇ ರೋಹಿತ್ ಶರ್ಮಾ ಬೌಂಡರಿ ಬಾರಿಸಿದರು. ಅದೇ ಓವರ್​ನಲ್ಲಿ ಮತ್ತೆ 3 ರನ್ ಗಳಿಸಿದರು. ಮೊದಲ ಓವರ್‌ನಲ್ಲಿ 7 ರನ್‌ ಬಂದವು.

IND vs AUS Live Score: 265 ರನ್ ಗುರಿ

ಆಸ್ಟ್ರೇಲಿಯಾ ತಂಡ 264 ರನ್‌ಗಳಿಗೆ ಆಲೌಟ್ ಆಯಿತು. ಹಾರ್ದಿಕ್ ಪಾಂಡ್ಯ ಕೊನೆಯ ವಿಕೆಟ್ ಪಡೆದರು. ಭಾರತ ಫೈನಲ್ ತಲುಪಲು 265 ರನ್ ಗಳ ಅವಶ್ಯಕತೆ ಇದೆ. ಶಮಿ ಗರಿಷ್ಠ 3 ವಿಕೆಟ್‌ಗಳನ್ನು ಪಡೆದರೆ, ವರುಣ್ ಚಕ್ರವರ್ತಿ ಮತ್ತು ಜಡೇಜಾ ತಲಾ 2 ವಿಕೆಟ್ ಪಡೆದರು. ಪಾಂಡ್ಯ ಮತ್ತು ಅಕ್ಷರ್ ತಲಾ 1 ವಿಕೆಟ್ ಪಡೆದರು.

IND vs AUS Live Score: ಎಲಿಸ್ ಔಟ್

ನಾಥನ್ ಎಲಿಸ್ ಅವರನ್ನು ಔಟ್ ಮಾಡುವ ಮೂಲಕ ಮೊಹಮ್ಮದ್ ಶಮಿ ಆಸ್ಟ್ರೇಲಿಯಾಕ್ಕೆ ಒಂಬತ್ತನೇ ಹೊಡೆತ ನೀಡಿದರು. ದೊಡ್ಡ ಹೊಡೆತ ಹೊಡೆಯಲು ಪ್ರಯತ್ನಿಸುತ್ತಿದ್ದಾಗ ಎಲಿಸ್ ಕೊಹ್ಲಿಗೆ ಕ್ಯಾಚ್ ನೀಡಿದರು. ಎಲಿಸ್ ಏಳು ಎಸೆತಗಳಲ್ಲಿ ಒಂದು ಸಿಕ್ಸರ್ ನೆರವಿನಿಂದ 10 ರನ್ ಗಳಿಸಿದರು.

IND vs AUS Live Score: 260 ರನ್ ಪೂರ್ಣ

ಆಸ್ಟ್ರೇಲಿಯಾದ ಸ್ಕೋರ್ 260 ರನ್ ದಾಟಿದೆ. ಶಮಿ ಎಸೆದ ಎಸೆತದಲ್ಲಿ ಎಲಿಸ್ ಅದ್ಭುತ ಸಿಕ್ಸರ್ ಬಾರಿಸಿದರು. ಇದು ದುಬೈ ಪಿಚ್‌ನಲ್ಲಿ ಹೋರಾಟದ ಸ್ಕೋರ್ ಆಗಿದೆ.

IND vs AUS Live Score: 242 ರನ್‌

46 ಓವರ್‌ಗಳ ಅಂತ್ಯಕ್ಕೆ ಆಸ್ಟ್ರೇಲಿಯಾ 7 ವಿಕೆಟ್‌ಗಳ ನಷ್ಟಕ್ಕೆ 242 ರನ್ ಗಳಿಸಿದೆ. ಅಲೆಕ್ಸ್ ಕ್ಯಾರಿ ಕ್ರೀಸ್‌ನಲ್ಲಿರುವವರೆಗೆ ಆಸ್ಟ್ರೇಲಿಯಾ 275 ದಾಟುವ ಭರವಸೆ ಹೊಂದಿದೆ.

IND vs AUS Live Score: ಚಕ್ರವರ್ತಿಗೆ ಮತ್ತೊಂದು ವಿಕೆಟ್

ವರುಣ್ ಚಕ್ರವರ್ತಿ ದ್ವಾರಷಿಯಸ್ ಅವರನ್ನು ಔಟ್ ಮಾಡಿದ್ದಾರೆ. ಆಸ್ಟ್ರೇಲಿಯಾ 7 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

IND vs AUS Live Score: ಕ್ಯಾರಿ ಅರ್ಧಶತಕ

ಆಸ್ಟ್ರೇಲಿಯಾದ ವಿಕೆಟ್ ಕೀಪರ್ ಅಲೆಕ್ಸ್ ಕ್ಯಾರಿ ಅದ್ಭುತ ಬ್ಯಾಟಿಂಗ್ ಮಾಡಿ 48 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದರು. ದುಬೈ ಪಿಚ್‌ನಲ್ಲಿ 100 ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್‌ನಲ್ಲಿ ಅರ್ಧಶತಕ ಗಳಿಸುವುದು ದೊಡ್ಡ ವಿಷಯ.

IND vs AUS Live Score: ಆಸೀಸ್​ಗೆ ಆಘಾತ

ಕೊನೆಯ ಐದು ಓವರ್‌ಗಳಲ್ಲಿ ಆಸ್ಟ್ರೇಲಿಯಾ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡು 25 ರನ್‌ಗಳನ್ನು ಗಳಿಸಿದೆ. ಒಂದು ಹಂತದಲ್ಲಿ ಸ್ಕೋರ್ 300 ತಲುಪುತ್ತದೆ ಎಂದು ತೋರುತ್ತಿತ್ತು ಆದರೆ ಈಗ ಅದು 250 ತಲುಪಿದರೆ ಅದು ದೊಡ್ಡ ವಿಷಯ ಎಂದು ತೋರುತ್ತದೆ.

IND vs AUS Live Score: ಮ್ಯಾಕ್ಸ್​ವೆಲ್ ಔಟ್

ಆಸ್ಟ್ರೇಲಿಯಾಕ್ಕೆ ಆರನೇ ಹೊಡೆತ, ಗ್ಲೆನ್ ಮ್ಯಾಕ್ಸ್‌ವೆಲ್ 7 ರನ್‌ಗಳಿಗೆ ಔಟಾದರು. ಅಕ್ಷರ್ ಪಟೇಲ್ ಬೌಲಿಂಗ್‌ನಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್ ಲಾಂಗ್ ಸಿಕ್ಸ್ ಬಾರಿಸಿದರು ಆದರೆ ಮುಂದಿನ ಎಸೆತದಲ್ಲಿ ಬೌಲ್ಡ್ ಆದರು.

IND vs AUS Live Score: ಸ್ಮಿತ್ ಔಟ್

37ನೇ ಓವರ್‌ನಲ್ಲಿ ಮೊಹಮ್ಮದ್ ಶಮಿ ಸ್ಟೀವ್ ಸ್ಮಿತ್ ಅವರನ್ನು ಬೌಲ್ಡ್ ಮಾಡಿದರು. ಸ್ಮಿತ್ ದೊಡ್ಡ ಹೊಡೆತ ಆಡಲು ಪ್ರಯತ್ನಿಸಿ ಬೌಲ್ಡ್ ಆದರು.

IND vs AUS Live Score: ಎರಡು ಬೌಂಡರಿ

ಹಾರ್ದಿಕ್ ಪಾಂಡ್ಯ ಓವರ್‌ನಲ್ಲಿ ಎರಡು ಬೌಂಡರಿಗಳು ಬಂದವು. ಅಲೆಕ್ಸ್ ಕ್ಯಾರಿ ಟೀಮ್ ಇಂಡಿಯಾ ವಿರುದ್ಧ ಅದ್ಭುತವಾಗಿ ಬ್ಯಾಟಿಂಗ್ ಮಾಡುವಾಗ 37 ರನ್‌ ಕಲೆಹಾಕಿದ್ದಾರೆ. ಈ ಜೋಡಿಯ ಜೊತೆಯಾಟ 50 ಕ್ಕೂ ಹೆಚ್ಚು ರನ್‌ಗಳನ್ನು ತಲುಪಿದೆ. 36 ಓವರ್‌ಗಳ ನಂತರ ಸ್ಕೋರ್ 195 ರನ್‌.

IND vs AUS Live Score: ಕ್ಯಾರಿ ಅಪಾಯಕಾರಿ

ಕುಲ್ದೀಪ್ ಯಾದವ್ ಅವರ ಮೊದಲ ಎಸೆತದಲ್ಲಿ ಕ್ಯಾರಿ ಅದ್ಭುತ ಬೌಂಡರಿ ಬಾರಿಸಿದರು ಮತ್ತು ಕೊನೆಯ ಎಸೆತದಲ್ಲಿಯೂ ಬೌಂಡರಿ ಬಾರಿಸುವ ಮೂಲಕ ಓವರ್ ಅನ್ನು ಕೊನೆಗೊಳಿಸಿದರು. ಕೊನೆಯ 5 ಓವರ್‌ಗಳಲ್ಲಿ ಆಸ್ಟ್ರೇಲಿಯಾ 30 ರನ್ ಗಳಿಸಿದೆ. ರನ್ ರೇಟ್ ಹೆಚ್ಚುತ್ತಿದೆ.

IND vs AUS Live Score: ಇಂಗ್ಲಿಸ್ ಔಟ್

ಸ್ಟೀವ್ ಸ್ಮಿತ್ ಅರ್ಧಶತಕ ಪೂರೈಸಿದ ಕೂಡಲೇ ಆಸ್ಟ್ರೇಲಿಯಾಕ್ಕೆ ದೊಡ್ಡ ಹೊಡೆತ ಬಿದ್ದಿದೆ. ಇಂಗ್ಲಿಸ್ 11 ರನ್ ಗಳಿಸಿ ಔಟಾದರು. ಜಡೇಜಾ ಬೌಲಿಂಗ್​ನಲ್ಲಿ ವಿರಾಟ್​ಗೆ ಕ್ಯಾಚ್‌ ನೀಡಿ ಇಂಗ್ಲಿಸ್ ಔಟಾದರು.

IND vs AUS Live Score: ಸ್ಮಿತ್ ಅರ್ಧಶತಕ

ಸ್ಟೀವ್ ಸ್ಮಿತ್ ಅರ್ಧಶತಕ ಗಳಿಸಿದ್ದಾರೆ. ಅವರು 68 ಎಸೆತಗಳಲ್ಲಿ ಐವತ್ತು ರನ್ ಪೂರೈಸಿದ್ದಾರೆ.

IND vs AUS Live Score: ಲಬುಶೇನ್ ವಿಫಲ

ಜಡೇಜಾ ಮುಂದೆ ಮಾರ್ನಸ್ ಲಬುಶೇನ್ ವೈಫಲ್ಯ ಮತ್ತೊಮ್ಮೆ ಮುಂದುವರೆದಿದೆ, ಲಬುಶೇನ್ 9 ಬಾರಿಗೆ ಜಡೇಜಾ ವಿರುದ್ಧ ವಿಕೆಟ್ ಕಳೆದುಕೊಂಡಿದ್ದಾರೆ.

IND vs AUS Live Score: 100 ರನ್ ಪೂರ್ಣ

ಭಾರತ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಸ್ಕೋರ್ 100 ರನ್ ದಾಟಿದೆ. ಎರಡು ವಿಕೆಟ್ ಪತನದ ನಂತರ ಸ್ಮಿತ್ ಮತ್ತು ಲಬುಶೇನ್ ಕಾಂಗರೂ ತಂಡದ ಇನ್ನಿಂಗ್ಸ್ ಮುನ್ನಡೆಸಿದರು. ಆಸ್ಟ್ರೇಲಿಯಾದ ಸ್ಕೋರ್ 20 ಓವರ್‌ಗಳ ಅಂತ್ಯದ ವೇಳೆಗೆ ಎರಡು ವಿಕೆಟ್‌ಗಳ ನಷ್ಟಕ್ಕೆ 105 ರನ್‌ಗಳಿಗೆ ತಲುಪಿತು.

IND vs AUS Live Score: 50 ಎಸೆತಗಳಲ್ಲಿ ಯಾವುದೇ ಫೋರ್ ಹೊಡೆದಿಲ್ಲ

ಎರಡನೇ ಪವರ್‌ಪ್ಲೇ ಆರಂಭವಾದಾಗಿನಿಂದ ಆಸ್ಟ್ರೇಲಿಯಾ ಒಂದೇ ಒಂದು ಬೌಂಡರಿ ಬಾರಿಸಲು ಸಾಧ್ಯವಾಗಿಲ್ಲ. ಐವತ್ತು ಎಸೆತಗಳನ್ನು ಎಸೆದಿದ್ದಾರೆ ಮತ್ತು ಒಂದೇ ಒಂದು ಬೌಂಡರಿಯೂ ದಾಖಲಾಗಿಲ್ಲ. ಟೀಮ್ ಇಂಡಿಯಾದ ಸ್ಪಿನ್ನರ್‌ಗಳು ಸ್ಮಿತ್ ಮತ್ತು ಲಬುಶೇನ್ ಅವರನ್ನು ಕಟ್ಟಿಹಾಕಿದ್ದಾರೆ.

IND vs AUS Live Score: ಟ್ರಾವಿಸ್ ಹೆಡ್ ಔಟ್

ಸ್ಪಿನ್ನರ್ ವರುಣ್ ಚಕ್ರವರ್ತಿ, ಟ್ರಾವಿಸ್ ಹೆಡ್ ಅವರನ್ನು ಔಟ್ ಮಾಡುವ ಮೂಲಕ ಆಸ್ಟ್ರೇಲಿಯಾಕ್ಕೆ ದೊಡ್ಡ ಹೊಡೆತ ನೀಡಿದರು. ಆಕ್ರಮಣಕಾರಿಯಾಗಿ ಬ್ಯಾಟಿಂಗ್ ಮಾಡುತ್ತಿದ್ದ ಹೆಡ್, ವರುಣ್ ಎಸೆತದಲ್ಲಿ ದೊಡ್ಡ ಹೊಡೆತ ಹೊಡೆಯಲು ಪ್ರಯತ್ನಿಸುವಾಗ ವಿಕೆಟ್ ಕಳೆದುಕೊಂಡರು. ಹೆಡ್ 33 ಎಸೆತಗಳಲ್ಲಿ ಐದು ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳ ಸಹಾಯದಿಂದ 39 ರನ್ ಗಳಿಸಿ ಔಟಾದರು. ಆಸ್ಟ್ರೇಲಿಯಾ 54 ರನ್‌ಗಳಿಗೆ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿತು. ಪ್ರಸ್ತುತ ಮಾರ್ನಸ್ ಲಬುಶೇನ್ ಮತ್ತು ನಾಯಕ ಸ್ಟೀವ್ ಸ್ಮಿತ್ ಕ್ರೀಸ್‌ನಲ್ಲಿದ್ದಾರೆ.

IND vs AUS Live Score: 98 ಮೀಟರ್ ಸಿಕ್ಸ್

ಕುಲ್ದೀಪ್ ಯಾದವ್ ಎಸೆತದಲ್ಲಿ ಟ್ರಾವಿಸ್ ಹೆಡ್ 98 ಮೀಟರ್ ದೂರ ಸಿಕ್ಸ್ ಹೊಡೆದರು. ಆದರೂ, ಕುಲ್ದೀಪ್ ಓವರ್‌ನಲ್ಲಿ 6 ರನ್‌ಗಳು ಬಂದವು.

IND vs AUS Live Score: ಪಾಂಡ್ಯ ದುಬಾರಿ

ಹಾರ್ದಿಕ್ ಪಾಂಡ್ಯ ತಮ್ಮ ಓವರ್‌ನಲ್ಲಿ 11 ರನ್‌ಗಳನ್ನು ನೀಡಿದರು. ಮೊದಲು ಸ್ಮಿತ್ ಬೌಂಡರಿ ಹೊಡೆದರೆ, ಎರಡನೇ ಬೌಂಡರಿ ಹೆಡ್ ಬ್ಯಾಟ್ ನಿಂದ ಬಂದಿತು ಅದ್ಭುತ ಬ್ಯಾಟಿಂಗ್.

IND vs AUS Live Score: ಹೆಡ್ ಆಟ ಆರಂಭ

ಟ್ರಾವಿಸ್ ಹೆಡ್ ಕೂಡ ಐದನೇ ಓವರ್‌ನಲ್ಲಿ ಸತತ 3 ಬೌಂಡರಿಗಳನ್ನು ಹೊಡೆದರು. ಈ ಓವರ್​ನಲ್ಲಿ 14 ರನ್ ಬಂದವು.

IND vs AUS Live Score: ಮೊದಲ ವಿಕೆಟ್

ಆಸ್ಟ್ರೇಲಿಯಾದ ಮೊದಲ ವಿಕೆಟ್ ಪತನವಾಯಿತು. ಶಮಿ ಎಸೆತದಲ್ಲಿ ಖಾತೆ ತೆರೆಯದೆಯೇ ಕೊನೊಲಿ ಔಟ್ ಆದರು.

IND vs AUS Live Score: ಆಸ್ಟ್ರೇಲಿಯಾದ ಇನ್ನಿಂಗ್ಸ್ ಆರಂಭ

ಭಾರತದ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಇನ್ನಿಂಗ್ಸ್ ಆರಂಭವಾಗಿದೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಆಸ್ಟ್ರೇಲಿಯಾ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು. ಕಾಂಗರೂ ತಂಡಕ್ಕೆ ಟ್ರಾವಿಸ್ ಹೆಡ್ ಮತ್ತು ಕೂಪರ್ ಕಾನೊಲಿ ಇನ್ನಿಂಗ್ಸ್ ಆರಂಭಿಸಲಿದ್ದಾರೆ. ಭಾರತ ತಂಡದಲ್ಲಿ ವೇಗದ ಬೌಲರ್ ಮೊಹಮ್ಮದ್ ಶಮಿ ಮೊದಲ ಓವರ್ ಬೌಲ್ ಮಾಡಿ 2 ರನ್ ನೀಡಿದರು. 2ನೇ ಓವರ್ ಎಸೆದ ಹಾರ್ದಿಕ್ 1 ರನ್ ನೀಡಿದರು.

IND vs AUS Live Score: ಭಾರತ ತಂಡ

ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ಅಕ್ಷರ್ ಪಟೇಲ್, ಕೆಎಲ್ ರಾಹುಲ್ (ವಿಕೆಟ್ ಕೀಪರ್), ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜ, ಮೊಹಮ್ಮದ್ ಶಮಿ, ಕುಲ್ದೀಪ್ ಯಾದವ್, ವರುಣ್ ಚಕ್ರವರ್ತಿ.

IND vs AUS Live Score: ಆಸ್ಟ್ರೇಲಿಯಾ ತಂಡ

ಕೂಪರ್ ಕಾನೊಲಿ, ಟ್ರಾವಿಸ್ ಹೆಡ್, ಸ್ಟೀವ್ ಸ್ಮಿತ್ (ನಾಯಕ), ಮಾರ್ನಸ್ ಲಬುಶೇನ್, ಜೋಶ್ ಇಂಗ್ಲಿಸ್ (ವಿಕೆಟ್ ಕೀಪರ್), ಅಲೆಕ್ಸ್ ಕ್ಯಾರಿ, ಗ್ಲೆನ್ ಮ್ಯಾಕ್ಸ್‌ವೆಲ್, ಬೆನ್ ದ್ವಾರಶುಯಿಸ್, ನಾಥನ್ ಎಲ್ಲಿಸ್, ಆಡಮ್ ಜಂಪಾ, ತನ್ವೀರ್ ಸಂಘ.

IND vs AUS Live Score: ಟಾಸ್ ಗೆದ್ದ ಆಸ್ಟ್ರೇಲಿಯಾ ಬ್ಯಾಟಿಂಗ್ ಆಯ್ಕೆ

ಟಾಸ್ ಗೆದ್ದ ಆಸ್ಟ್ರೇಲಿಯಾ ನಾಯಕ ಸ್ಟೀವ್ ಸ್ಮಿತ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ. ಹೀಗಾಗಿ ಟೀಂ ಇಂಡಿಯಾ ಮೊದಲು ಬೌಲಿಂಗ್ ಮಾಡಲಿದೆ.