U-19 Asia Cup: ಸೆಮಿಫೈನಲ್‌ನಲ್ಲಿ ಬಾಂಗ್ಲಾ ಎದುರು ಭಾರತ ಸೆಣಸಾಟ; ಗೆದ್ದರೆ ಮುಂದಿನ ಎದುರಾಳಿ ಪಾಕಿಸ್ತಾನ!
U-19 Asia Cup: ಪಾಕಿಸ್ತಾನ ತಂಡ ಎ ಗುಂಪಿನಲ್ಲಿ ತಮ್ಮ ಮೂರು ಪಂದ್ಯಗಳನ್ನು ಗೆದ್ದು ಮೊದಲ ಸ್ಥಾನ ಗಳಿಸಿತು. ಅದೇ ಭಾರತ ಮೂರು ಪಂದ್ಯಗಳಲ್ಲಿ ಎರಡನ್ನು ಗೆದ್ದು ಎರಡನೇ ಸ್ಥಾನ ಗಳಿಸಿತು.
Updated on: Dec 28, 2021 | 7:38 PM
ಮಂಗಳವಾರ ನಡೆದ ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ನಡುವಿನ ಅಂಡರ್-19 ಏಷ್ಯಾಕಪ್‌ನ ಅಂತಿಮ ಗುಂಪು ಪಂದ್ಯವನ್ನು ಇಬ್ಬರು ಅಧಿಕಾರಿಗಳು ಕೋವಿಡ್ -19 ಸೋಂಕಿಗೆ ಒಳಗಾದ ನಂತರ ರದ್ದುಗೊಳಿಸಲಾಯಿತು. ಇದರ ನಂತರ ಭಾರತ ಸೆಮಿಫೈನಲ್‌ನಲ್ಲಿ ಬಾಂಗ್ಲಾದೇಶವನ್ನು ಎದುರಿಸಲಿದೆ. ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ಈಗಾಗಲೇ ಸೆಮಿಫೈನಲ್‌ಗೆ ಅರ್ಹತೆ ಪಡೆದಿದ್ದು, ಈ ಪಂದ್ಯದಿಂದ ಗುಂಪಿನ ವಿಜೇತ ಮತ್ತು ರನ್ನರ್‌ಅಪ್‌ಗಳನ್ನು ನಿರ್ಧರಿಸಲಾಯಿತು. ಬಾಂಗ್ಲಾದೇಶ ಉತ್ತಮ ರನ್ ರೇಟ್‌ನಿಂದಾಗಿ ಗುಂಪಿನಲ್ಲಿ ಅಗ್ರಸ್ಥಾನದಲ್ಲಿದೆ ಮತ್ತು ಡಿಸೆಂಬರ್ 30 ರಂದು ಸೆಮಿಫೈನಲ್‌ನಲ್ಲಿ ಭಾರತವನ್ನು ಎದುರಿಸಲಿದೆ. ಎರಡನೇ ಸೆಮಿಫೈನಲ್‌ನಲ್ಲಿ ಶ್ರೀಲಂಕಾ 30 ರಂದು ಪಾಕಿಸ್ತಾನವನ್ನು ಎದುರಿಸಲಿದೆ. ಜನವರಿ 1 ರಂದು ಫೈನಲ್ ಪಂದ್ಯ ನಡೆಯಲಿದೆ.
ಪಾಕಿಸ್ತಾನ ತಂಡ ಎ ಗುಂಪಿನಲ್ಲಿ ತಮ್ಮ ಮೂರು ಪಂದ್ಯಗಳನ್ನು ಗೆದ್ದು ಮೊದಲ ಸ್ಥಾನ ಗಳಿಸಿತು. ಅದೇ ಭಾರತ ಮೂರು ಪಂದ್ಯಗಳಲ್ಲಿ ಎರಡನ್ನು ಗೆದ್ದು ಎರಡನೇ ಸ್ಥಾನ ಗಳಿಸಿತು. ಈಗ ಸೆಮಿಫೈನಲ್‌ಗಳನ್ನು ಹೇಗೆ ಹೊಂದಿಸಲಾಗಿದೆ ಎಂಬುದನ್ನು ನೋಡಿದರೆ, ಭಾರತ ಮತ್ತು ಪಾಕಿಸ್ತಾನವು ಫೈನಲ್‌ನಲ್ಲಿ ಮತ್ತೊಮ್ಮೆ ಮುಖಾಮುಖಿಯಾಗಬಹುದು. ಈ ಮೂಲಕ ಈ ಪಂದ್ಯ ರೋಚಕವಾಗಿರಬಹುದು.
32 ಓವರ್‌ಗಳ ಆಟದ ನಂತರ ಪಂದ್ಯವನ್ನು ರದ್ದುಗೊಳಿಸಲಾಯಿತು ಬಿ ಗುಂಪಿನ ಕೊನೆಯ ಪಂದ್ಯದಲ್ಲಿ, ಇಬ್ಬರು ಅಧಿಕಾರಿಗಳು COVID-19 ಪಾಸಿಟಿವ್ ಬಂದ ನಂತರ ಪಂದ್ಯವನ್ನು ರದ್ದುಗೊಳಿಸಲಾಯಿತು. ಟಾಸ್ ಸೋತ ಬಾಂಗ್ಲಾದೇಶ ಪಂದ್ಯ ರದ್ದಾಗುವ ವೇಳೆಗೆ 32.4 ಓವರ್‌ಗಳಲ್ಲಿ ನಾಲ್ಕು ವಿಕೆಟ್‌ಗೆ 130 ರನ್ ಗಳಿಸಿತ್ತು. ಮೊಹಮ್ಮದ್ ಫಹೀಮ್ 27 ರನ್ ಗಳಿಸಿದರೆ ಅರಿಫುಲ್ ಇಸ್ಲಾಂ 19 ರನ್ ಗಳಿಸಿದರು. ಏಷ್ಯಾಕಪ್‌ನಲ್ಲಿ ಭಾರತ ಅತ್ಯಂತ ಯಶಸ್ವಿ ತಂಡವಾಗಿದೆ. ಅವರು 2000, 2008, 2012 ಮತ್ತು 2018 ರಲ್ಲಿ ನಾಲ್ಕು ಬಾರಿ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಭಾರತವು 2016 ರಲ್ಲಿ ರನ್ನರ್ ಅಪ್ ಆಗಿತ್ತು.
ಎಸಿಸಿ ಹೇಳಿಕೆಯಲ್ಲಿ ಏನಿದೆ ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ಎಸಿಸಿ) ಹೇಳಿಕೆಯಲ್ಲಿ, “ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ ಮತ್ತು ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಯು ಇಂದು ನಡೆಯಲಿರುವ ಎಸಿಸಿ ಅಂಡರ್ -19 ಏಷ್ಯಾ ಕಪ್‌ನ ಬಿ ಗುಂಪಿನ ಅಂತಿಮ ಪಂದ್ಯವನ್ನು ರದ್ದುಗೊಳಿಸಿರುವುದನ್ನು ಖಚಿತಪಡಿಸಿದೆ. ಅಧಿಕಾರಿಗಳು ಕೋವಿಡ್-19 ಪಾಸಿಟಿವ್ ಎಂದು ಕಂಡುಬಂದಿದೆ. ಅಧಿಕಾರಿಗಳು ಈಗ ಸುರಕ್ಷಿತವಾಗಿದ್ದಾರೆ ಮತ್ತು ಪಂದ್ಯಾವಳಿಯ ನಿಯಮಗಳ ಪ್ರಕಾರ ಚಿಕಿತ್ಸೆ ನೀಡಲಾಗುತ್ತಿದೆ. ಈ ಪಂದ್ಯಕ್ಕೆ ಸಂಬಂಧಿಸಿದ ಎಲ್ಲಾ ಅಧಿಕಾರಿಗಳನ್ನು ಪರೀಕ್ಷಿಸಲಾಗುತ್ತಿದೆ ಮತ್ತು ಫಲಿತಾಂಶಗಳು ಹೊರಬರುವವರೆಗೆ ಪ್ರತ್ಯೇಕವಾಗಿರಲಾಗುತ್ತದೆ ಎಂದಿದ್ದಾರೆ.
? MATCH UPDATE –
“Asian Cricket Council U19 Asia Cup Statement Asian Cricket Council and Emirates Cricket Board can confirm that the final Group B match of ACC Under 19 Asia Cup scheduled for play today has been called off." #ACC #U19AsiaCup #BANVSL
— AsianCricketCouncil (@ACCMedia1) December 28, 2021
