India vs Ireland, 1st T20, Highlights: ಹಾರ್ದಿಕ್- ಹೂಡ ಅಬ್ಬರ; ಭಾರತಕ್ಕೆ ಸುಲಭ ಜಯ
Updated on:Jun 27, 2022 | 1:23 AM
India vs Ireland, 1st T20, Highlights: ಜೂನ್ 26 ರ ಭಾನುವಾರದಂದು ಡಬ್ಲಿನ್‌ನಲ್ಲಿ ನಡೆದ ಈ ಮಳೆ-ಬಾಧಿತ ಪಂದ್ಯದಲ್ಲಿ ಟೀಂ ಇಂಡಿಯಾ ಆತಿಥೇಯ ಐರ್ಲೆಂಡ್ ಅನ್ನು 7 ವಿಕೆಟ್‌ಗಳಿಂದ ಸೋಲಿಸಿತು.
ಟೀಂ ಇಂಡಿಯಾದ ಐರ್ಲೆಂಡ್ ಪ್ರವಾಸ ಭರ್ಜರಿ ಗೆಲುವಿನೊಂದಿಗೆ ಆರಂಭವಾಗಿದೆ. ಮೊದಲ ಬಾರಿಗೆ ಟೀಂ ಇಂಡಿಯಾದ ನಾಯಕರಾಗಿರುವ ಹಾರ್ದಿಕ್ ಪಾಂಡ್ಯ ಅವರು ತಮ್ಮ ಆಲ್‌ರೌಂಡ್ ಪ್ರದರ್ಶನದ ಆಧಾರದ ಮೇಲೆ ತಮ್ಮ ನಾಯಕತ್ವ ವೃತ್ತಿಜೀವನದಲ್ಲಿ ಯಶಸ್ವಿಯಾಗಿ ಪಾದಾರ್ಪಣೆ ಮಾಡಿದರು. ಜೂನ್ 26 ರ ಭಾನುವಾರದಂದು ಡಬ್ಲಿನ್‌ನಲ್ಲಿ ನಡೆದ ಈ ಮಳೆ-ಬಾಧಿತ ಪಂದ್ಯದಲ್ಲಿ ಟೀಂ ಇಂಡಿಯಾ ಆತಿಥೇಯ ಐರ್ಲೆಂಡ್ ಅನ್ನು 7 ವಿಕೆಟ್‌ಗಳಿಂದ ಸೋಲಿಸಿತು. ಯುಜ್ವೇಂದ್ರ ಚಹಲ್ ಮತ್ತು ಭುವನೇಶ್ವರ್ ಕುಮಾರ್ ಅವರ ಬಿಗಿಯಾದ ಬೌಲಿಂಗ್ ನಂತರ, ಭಾರತ ತಂಡವು ಎರಡು ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿತು, ದೀಪಕ್ ಹೂಡಾ ಮತ್ತು ಇಶಾನ್ ಕಿಶನ್ ಅವರ ನೆರವಿನಿಂದ ಈ ಗೆಲುವನ್ನು ಭದ್ರಪಡಿಸಿತು.
LIVE NEWS & UPDATES
-
ಭಾರತಕ್ಕೆ ಸುಲಭ ಜಯ
ಅಂತಿಮವಾಗಿ ಟೀಂ ಇಂಡಿಯಾ ಐರ್ಲೆಂಡ್ ವಿರುದ್ಧ ಸುಲಭ ಜಯ ಸಾಧಿಸಿದೆ. ಹೂಡಾ ಮತ್ತು ಹಾರ್ದಿಕ್ ಈ ಗೆಲುವಿನ ರೂವಾರಿಗಳಾದರೆ, ಕೊನೆಯಲ್ಲಿ ಕಾರ್ತಿಕ್ ಈ ಪಂದ್ಯಕ್ಕೆ ಗೆಲುವಿನ ಟಚ್ ನೀಡಿದರು.
-
ಹಾರ್ದಿಕ್ ಪಾಂಡ್ಯ ಔಟ್
ಜೋಶುವಾ ಲಿಟಲ್ 8ನೇ ಓವರ್ನಲ್ಲಿ 16 ರನ್ ನೀಡಿದರು. ಹೂಡಾ ಓವರ್‌ನ ಮೂರು ಮತ್ತು ನಾಲ್ಕನೇ ಎಸೆತಗಳಲ್ಲಿ ಸತತ ಎರಡು ಬೌಂಡರಿಗಳನ್ನು ಬಾರಿಸಿದರು. ಇದಾದ ಬಳಿಕ ಐದನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಲಾಯಿತು. ಹಾರ್ದಿಕ್ ಪಾಂಡ್ಯ ಎಲ್ಬಿಡಬ್ಲ್ಯುಗೆ ವಿಕೆಟ್ ಒಪ್ಪಿಸುವ ಮೂಲಕ ಓವರ್ ಕೊನೆಗೊಂಡಿತು. ಅವರು 12 ಎಸೆತಗಳಲ್ಲಿ 24 ರನ್ ಗಳಿಸಿದ ನಂತರ ಮರಳಿದರು. ಅವರು ಒಂದು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳನ್ನು ಬಾರಿಸಿದರು
-
ಹೂಡಾ ಅಮೋಘ ಸಿಕ್ಸ್
ಏಳನೇ ಓವರ್ನಲ್ಲಿ ಓಲ್ಫರ್ಟ್ ಒಂಬತ್ತು ರನ್ ನೀಡಿದರು. ಓವರ್‌ನ ಮೊದಲ ಎಸೆತದಲ್ಲಿ ಹೂಡಾ ಲಾಂಗ್ ಆನ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಭಾರತ ನಿಧಾನವಾಗಿ ಗುರಿಯತ್ತ ಸಾಗುತ್ತಿದೆ.
ಹಾರ್ದಿಕ್ ಪಾಂಡ್ಯ ಬಿರುಸಿನ ಬ್ಯಾಟಿಂಗ್
ಆಂಡಿ ಮೆಕ್‌ಬ್ರೇನ್ ಬೌಲ್ ಮಾಡಿದ ಮೊದಲ ಓವರ್ನಲ್ಲಿ 21 ರನ್ ಬಿಟ್ಟುಕೊಟ್ಟರು. ಪಾಂಡ್ಯ ಅವರು ಓವರ್‌ನ ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ಸ್ವಾಗತಿಸಿದರು. ಅದೇ ವೇಳೆ ಮೂರನೇ ಎಸೆತದಲ್ಲಿ 88 ಮೀಟರ್ ಉದ್ದದ ಸಿಕ್ಸರ್ ಬಾರಿಸಿದರು. ನಾಯಕ ಪಾಂಡ್ಯ ಕೂಡ ಲಾಂಗ್ ಆನ್‌ನಲ್ಲಿ ಸಿಕ್ಸರ್‌ನೊಂದಿಗೆ ಓವರ್ ಅನ್ನು ಕೊನೆಗೊಳಿಸಿದರು.
ಯಂಗ್ ಉತ್ತಮ ಓವರ್
ಕ್ರೇಗ್ ಯಂಗ್ ಐದನೇ ಓವರ್ ಬೌಲ್ ಮಾಡಿ ಈ ಬಾರಿ ಕೇವಲ ಮೂರು ರನ್ ಬಿಟ್ಟುಕೊಟ್ಟರು. ಓವರ್‌ನ ಮೊದಲ ಎಸೆತ ವೈಡ್ ಆಗಿತ್ತು. ಇದಲ್ಲದೇ ಭಾರತದ ಖಾತೆಗೆ ಬಂದಿದ್ದು ಎರಡು ಸಿಂಗಲ್ಸ್ ಮಾತ್ರ.
ಹೂಡಾ ಒಂದೇ ಓವರ್ನಲ್ಲಿ 2 ಬೌಂಡರಿ
ನಾಲ್ಕನೇ ಓವರ್ನಲ್ಲಿ ಮಾರ್ಕ್ ಆಡೈರ್ 10 ರನ್ ನೀಡಿದರು. ಆ ಓವರ್‌ನ ಮೂರನೇ ಎಸೆತದಲ್ಲಿ ಹೂಡಾ ಮಿಡ್ ವಿಕೆಟ್‌ನಲ್ಲಿ ಬೌಂಡರಿ ಬಾರಿಸಿದರು. ಅದೇ ಸಮಯದಲ್ಲಿ, ನಾಲ್ಕನೇ ಎಸೆತದಲ್ಲಿ, ಅವರು ಶಾರ್ಟ್ ಥರ್ಡ್ ಮ್ಯಾನ್‌ನಲ್ಲಿ ಮತ್ತೊಂದು ಬೌಂಡರಿ ಹೊಡೆದರು. ಭಾರತ ಈಗ 48 ಎಸೆತಗಳಲ್ಲಿ 63 ರನ್ ಗಳಿಸಬೇಕಿದೆ
ಸೂರ್ಯಕುಮಾರ್ ಔಟ್
ಇಶಾನ್ ಕಿಶನ್ ನಂತರದ ಎಸೆತದಲ್ಲಿ ಕ್ರೇಗ್ ಯಂಗ್ ಸೂರ್ಯಕುಮಾರ್ ಯಾದವ್ ಅವರನ್ನು ಔಟ್ ಮಾಡಿದರು. ಆ ಓವರ್‌ನ ಐದನೇ ಎಸೆತದಲ್ಲಿ ಸೂರ್ಯ ಕುಮಾರ್ ಎಲ್ಬಿಡಬ್ಲ್ಯೂ ಆದರು. ಆದರೆ ಕ್ರೇಗ್ ಹ್ಯಾಟ್ರಿಕ್ ವಂಚಿತರಾದರು.
ಇಶಾನ್ ಕಿಶನ್ ಔಟ್
ಮೂರನೇ ಓವರ್ ಆರಂಭಿಸಿದ ಇಶಾನ್ ಕಿಶನ್ ಥರ್ಡ್ ಮ್ಯಾನ್ ಮೇಲೆ ಬೌಂಡರಿ ಬಾರಿಸಿದರು. ಓವರ್‌ನ ಎರಡನೇ ಎಸೆತವನ್ನು ಎಳೆಯುತ್ತಾ, ಬ್ಯಾಕ್‌ವರ್ಡ್ ಸ್ಕ್ವೇರ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಆದರೆ, ನಾಲ್ಕನೇ ಎಸೆತದಲ್ಲಿ ಬೌಲ್ಡ್ ಆದರು. ಓವರ್‌ನ ಐದನೇ ಎಸೆತ ವೈಡ್ ಆಗಿತ್ತು. ಅವರು 11 ಎಸೆತಗಳಲ್ಲಿ 26 ರನ್ ಗಳಿಸಿದ ನಂತರ ಮರಳಿದರು. ಅವರು ಇನ್ನಿಂಗ್ಸ್‌ನಲ್ಲಿ 3 ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳನ್ನು ಬಾರಿಸಿದರು.
ಮಾರ್ಕ್ ಅಡೈರ್ ಉತ್ತಮ ಓವರ್
ಎರಡನೇ ಓವರ್ನಲ್ಲಿ ಮಾರ್ಕ್ ಅದೈರ್ ಐದು ರನ್ ನೀಡಿದರು. ಓವರ್ನಲ್ಲಿ ಯಾವುದೇ ದೊಡ್ಡ ಹೊಡೆತವನ್ನು ಆಡಲಿಲ್ಲ. ಓವರ್‌ನ ಐದನೇ ಎಸೆತ ವೈಡ್ ಆಗಿತ್ತು.
ಜೋಶುವಾ ದುಬಾರಿ
ಜೋಶುವಾ ಲಿಟಲ್ ಮೊದಲ ಓವರ್ ಬೌಲ್ ಮಾಡಿ 15 ರನ್ ಬಿಟ್ಟುಕೊಟ್ಟರು. ಓವರ್‌ನ ಮೂರನೇ ಎಸೆತದಲ್ಲಿ ಇಶಾನ್ ಕಿಶನ್ ಶಾರ್ಟ್ ಫೈನಲ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು. ಓವರ್‌ನ ನಾಲ್ಕನೇ ಎಸೆತವನ್ನು ಎಳೆದು ಸಿಕ್ಸರ್ ಬಾರಿಸಿದರು. ಅದೇ ಸಮಯದಲ್ಲಿ, ಐದನೇ ಎಸೆತದಲ್ಲಿ ಅವರು ಪಾಯಿಂಟ್‌ನಲ್ಲಿ ಬೌಂಡರಿ ಬಾರಿಸಿದರು.
ಭಾರತದ ಬ್ಯಾಟಿಂಗ್ ಆರಂಭ
ಇಶಾನ್ ಕಿಶನ್ ಮತ್ತು ದೀಪಕ್ ಹೂಡಾ ಭಾರತದ ಪರ ಓಪನಿಂಗ್ ಮಾಡಲು ಬಂದಿದ್ದಾರೆ ಮತ್ತು ಜೋಶುವಾ ಬೌಲಿಂಗ್ ಮಾಡುತ್ತಿದ್ದಾರೆ.
ಭಾರತಕ್ಕೆ 109 ರನ್‌ಗಳ ಗುರಿ
ಮೊದಲು ಬ್ಯಾಟ್ ಮಾಡಿದ ಐರ್ಲೆಂಡ್ 108 ರನ್ ಗಳಿಸಿತು. ಐರ್ಲೆಂಡ್ 12 ಓವರ್‌ಗಳಲ್ಲಿ ಕಳಪೆ ಆರಂಭವನ್ನು ಹೊಂದಿತ್ತು, ಎರಡು ಓವರ್‌ಗಳಲ್ಲಿ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿತು. ಇಲ್ಲಿಂದ ಟಕರ್ ಮತ್ತು ಟೆಕ್ಟರ್ ಅದ್ಭುತ ಬ್ಯಾಟಿಂಗ್ ಮಾಡಿದರು. ಟಕ್ಕರ್ ಬೇಗನೆ ಔಟಾದರು ಆದರೆ ಟೆಕ್ತಾರ್ ಅವರ 64 ರನ್‌ಗಳ ಇನ್ನಿಂಗ್ಸ್‌ನ ಆಧಾರದ ಮೇಲೆ ತಂಡದ ಸ್ಕೋರ್ ಅನ್ನು 108 ರನ್‌ಗಳಿಗೆ ಕೊಂಡೊಯ್ದರು.
ಕೊನೆಯ ಓವರ್ನಲ್ಲಿ 17 ರನ್
ಅವೇಶ್ ಖಾನ್ ಕೊನೆಯ ಓವರ್ನಲ್ಲಿ 17 ರನ್ ಬಿಟ್ಟುಕೊಟ್ಟರು. ಓವರ್‌ನ ಮೊದಲ ಎಸೆತದಲ್ಲಿ ಸಿಂಗಲ್ ರನ್ ಗಳಿಸಿ ಅರ್ಧಶತಕ ಪೂರೈಸಿದರು. ಇದರ ನಂತರ, ಓವರ್‌ನ ಮೂರನೇ ಎಸೆತದಲ್ಲಿ, ಅವರು ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಬೌಂಡರಿ ಬಾರಿಸಿದರು. ಅದೇ ಸಮಯದಲ್ಲಿ, ಓವರ್‌ನ ಐದನೇ ಎಸೆತವು ಡೀಪ್ ಕವರ್‌ನಲ್ಲಿ ಸಿಕ್ಸರ್‌ಗೆ ಹೋಯಿತು.
ಚಹಲ್ ಸ್ಪೆಲ್ ಅಂತ್ಯ
11ನೇ ಓವರ್ನಲ್ಲಿ ಚಹಲ್ ನಾಲ್ಕು ರನ್ ನೀಡಿದರು. ಅವರ ಮೂರು ಓವರ್‌ಗಳಲ್ಲಿ 11 ರನ್ ನೀಡಿ ಒಂದು ವಿಕೆಟ್ ಪಡೆದರು. ಚಾಹಲ್ ಅತ್ಯಂತ ಜಾಣ್ಮೆಯಿಂದ ಬೌಲಿಂಗ್ ಮಾಡಿದರು
ಭುವನೇಶ್ವರ್ ದುಬಾರಿ
ಭುವನೇಶ್ವರ್ ಕುಮಾರ್ ಅವರ ಮೂರನೇ ಓವರ್ ದುಬಾರಿಯಾಗಿತ್ತು. ಈ ವೇಳೆ ಅವರು 14 ರನ್ ನೀಡಿದರು. ಓವರ್‌ನ ಮೊದಲ ಎಸೆತದಲ್ಲಿ, ಟೆಕ್ಟರ್ ಡೀಪ್ ಕವರ್‌ನಲ್ಲಿ ಬೌಂಡರಿ ಬಾರಿಸಿದರು. ಮೂರನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು.
ಚಹಲ್ಗೆ ವಿಕೆಟ್
ಯುಜ್ವೇಂದ್ರ ಚಹಲ್ ಒಂಬತ್ತನೇ ಓವರ್ನಲ್ಲಿ ನಾಲ್ಕು ರನ್ ನೀಡಿದರು. ಚಹಲ್, ಟಕರ್ ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು. ಓವರ್‌ನ ನಾಲ್ಕನೇ ಎಸೆತದಲ್ಲಿ, ಟಕರ್ ಸ್ಲಾಗ್ ಸ್ವೀಪ್ ಮಾಡಲು ಪ್ರಯತ್ನಿಸಿದರು ಆದರೆ ಅವರು ಡೀಪ್ ಮಿಡ್ ವಿಕೆಟ್‌ನಲ್ಲಿ ಅಕ್ಷರ್ ಪಟೇಲ್‌ಗೆ ಕ್ಯಾಚ್ ನೀಡಿದರು. ಅವರು 16 ಎಸೆತಗಳಲ್ಲಿ 18 ರನ್ ಗಳಿಸಿದ ನಂತರ ಮರಳಿದರು. ಭಾರತಕ್ಕೆ ನಾಲ್ಕನೇ ಯಶಸ್ಸು
13 ರನ್ ನೀಡಿದ ಹಾರ್ದಿಕ್ ಪಾಂಡ್ಯ
ಹಾರ್ದಿಕ್ ಪಾಂಡ್ಯ ಅವರ ಎರಡನೇ ಓವರ್ ತುಂಬಾ ದುಬಾರಿಯಾಗಿತ್ತು, ಇದರಲ್ಲಿ 13 ರನ್ ನೀಡಲಾಯಿತು. ಓವರ್‌ನ ನಾಲ್ಕನೇ ಎಸೆತದಲ್ಲಿ ಟಕರ್ ಬ್ಯಾಕ್‌ವರ್ಡ್ ಲೆಗ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಮುಂದಿನ ಎಸೆತದಲ್ಲಿ ಮಿಡ್ ವಿಕೆಟ್‌ನಲ್ಲಿ ಮತ್ತೊಂದು ಸಿಕ್ಸರ್ ಹೊಡೆದರು. ಇಲ್ಲಿ ಭಾರತಕ್ಕೆ ಈಗ ಒಂದು ವಿಕೆಟ್ ಅಗತ್ಯವಿದೆ.
ಚಹಲ್ ಉತ್ತಮ ಓವರ್
ಏಳನೇ ಓವರ್ನಲ್ಲಿ ಯುಜ್ವೇಂದ್ರ ಚಹಲ್ ನಾಲ್ಕು ರನ್ ನೀಡಿದರು.
ಉಮ್ರಾನ್ ಮಲಿಕ್ ದುಬಾರಿ ಓವರ್
ಉಮ್ರಾನ್ ಮಲಿಕ್ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ತಮ್ಮ ಮೊದಲ ಓವರ್ ಬೌಲ್ ಮಾಡಿದರು. ಆದರೆ ಅದು ತುಂಬಾ ದುಬಾರಿಯಾಗಿತ್ತು. ಓವರ್‌ನ ಮೂರನೇ ಎಸೆತದಲ್ಲಿ ಟಕ್ಕರ್ ಫೈನ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು. ಇದಾದ ನಂತರ ಐದನೇ ಎಸೆತದಲ್ಲಿ ಮಿಡ್ ಆನ್ ನಲ್ಲಿ ಬೌಂಡರಿ ಬಾರಿಸಿದರು. ಟಕರ್ ಕೂಡ ಸಿಕ್ಸರ್‌ನೊಂದಿಗೆ ಓವರ್‌ನ ಅಂತ್ಯ ಮಾಡಿದರು.
ಅಕ್ಷರ್ ಪಟೇಲ್ ದುಬಾರಿ ಓವರ್
ಐದನೇ ಓವರ್ನಲ್ಲಿ ಅಕ್ಷರ್ ಪಟೇಲ್ 12 ರನ್ ಬಿಟ್ಟುಕೊಟ್ಟರು. ಓವರ್‌ನ ಮೂರನೇ ಎಸೆತದಲ್ಲಿ ಹ್ಯಾರಿ ಟೆಕ್ಟರ್ ಕವರ್ ಡ್ರೈವ್‌ನಲ್ಲಿ ಬೌಂಡರಿ ಬಾರಿಸಿದರು. ಇದಾದ ಬಳಿಕ ಮುಂದಿನ ಎಸೆತದಲ್ಲಿ ಮತ್ತೊಂದು ಬೌಂಡರಿ ಬಂತು.
ಡೆಲಾನಿ ಔಟ್
ಅವೇಶ್ ಖಾನ್ ನಾಲ್ಕನೇ ಓವರ್ ಎಸೆದು ಭಾರತಕ್ಕೆ ಮೂರನೇ ಯಶಸ್ಸನ್ನು ನೀಡಿದರು. ಓವರ್‌ನ ಐದನೇ ಎಸೆತದಲ್ಲಿ ಡೆಲಾನಿ ಕಟ್ ಮಾಡಿದ ಚೆಂಡು ಬ್ಯಾಟ್‌ನ ಅಂಚಿಗೆ ತಾಗಿ ನೇರವಾಗಿ ದಿನೇಶ್ ಕಾರ್ತಿಕ್ ಕೈ ಸೇರಿತು. 9 ಎಸೆತಗಳಲ್ಲಿ 8 ರನ್ ಗಳಿಸಿ ಮರಳಿದರು.
ಭುವಿ ಉತ್ತಮ ಓವರ್
ಮೂರನೇ ಓವರ್ನಲ್ಲಿ ಭುವನೇಶ್ವರ್ ಕುಮಾರ್ ಮೂರು ರನ್ ನೀಡಿದರು. ಓವರ್‌ನ ಕೊನೆಯ ಎಸೆತದಲ್ಲಿ ಭಾರತೀಯ ಫೀಲ್ಡರ್ ಎಸೆದ ಓವರ್ ಥ್ರೋನಿಂದ ಐರ್ಲೆಂಡ್‌ಗೆ ರನ್ ಕದಿಯುವ ಅವಕಾಶ ಸಿಕ್ಕಿತು.
ಪಾಲ್ ಸ್ಟಿರ್ಲಿಂಗ್ ಔಟ್
ಎರಡನೇ ಓವರ್ ಎಸೆದ ಹಾರ್ದಿಕ್ ಪಾಂಡ್ಯ ಓವರ್ನಲ್ಲಿ ಪಾಲ್ ಸ್ಟಿರ್ಲಿಂಗ್ ಔಟಾದರು. ಓವರ್‌ನ ಎರಡನೇ ಎಸೆತದಲ್ಲಿ, ಸ್ಟರ್ಲಿಂಗ್ ಮಿಡ್ ಆಫ್‌ನಲ್ಲಿ ಬೌಂಡರಿ ಹೊಡೆಯಲು ಪ್ರಯತ್ನಿಸಿದರು ಆದರೆ ಅವರು ದೀಪಕ್ ಹೂಡಾಗೆ ಕ್ಯಾಚ್ ನೀಡಿದರು. ಈ ಚೆಂಡಿನ ಮೊದಲು, ಅವರು ಐರ್ಲೆಂಡ್‌ನ ಇನ್ನಿಂಗ್ಸ್‌ನ ಮೊದಲ ಫೋರ್‌ ಹೊಡೆದಿದ್ದರು.
ಮೊದಲ ಓವರ್ನಲ್ಲಿ ಐರಿಷ್ ನಾಯಕ ಔಟ್
ಮೊದಲ ಓವರ್‌ನಲ್ಲಿಯೇ ಆಂಡ್ರ್ಯೂ ಬಲ್ಬಿರ್ನಿ ಅವರನ್ನು ಭುವನೇಶ್ವರ್ ಕುಮಾರ್ ಔಟ್ ಮಾಡಿದರು. ಐರಿಶ್ ನಾಯಕನಿಗೆ ಔಟ್ ಸ್ವಿಂಗ್ ಚೆಂಡನ್ನು ಆಡಲು ಸಾಧ್ಯವಾಗಲಿಲ್ಲ ಮತ್ತು ಚೆಂಡು ಆಫ್-ಸ್ಟಂಪ್‌ಗೆ ಬಡಿಯಿತು. ಖಾತೆ ತೆರೆಯದೆ ಬಾರ್ಬರಿನಿಗೆ ಹಿಂತಿರುಗಿದರು. ಓವರ್‌ನ ಕೊನೆಯ ಎಸೆತದಲ್ಲಿ ಡೆಲಾನಿ ವಿರುದ್ಧ ಎಲ್‌ಬಿಡಬ್ಲ್ಯು ಮನವಿಯನ್ನೂ ಮಾಡಲಾಯಿತು ಆದರೆ ಡಿಆರ್‌ಎಸ್ ನಿರ್ಧಾರವು ಭಾರತದ ಪರವಾಗಿರಲಿಲ್ಲ.
ಐರ್ಲೆಂಡ್‌ನ ಬ್ಯಾಟಿಂಗ್ ಆರಂಭ
ಎರಡು ಗಂಟೆಗೂ ಹೆಚ್ಚು ಕಾದಾಟದ ಬಳಿಕ ಕೊನೆಗೂ ಪಂದ್ಯ ಆರಂಭವಾಯಿತು. ಪಾಲ್ ಸ್ಟಿರ್ಲಿಂಗ್ ಮತ್ತು ಆಂಡ್ರ್ಯೂ ಬ್ಯಾಟಿಂಗ್‌ಗೆ ಬಂದಿದ್ದಾರೆ ಮತ್ತು ಭುವನೇಶ್ವರ್ ಕುಮಾರ್ ಭಾರತಕ್ಕೆ ಮೊದಲ ಓವರ್ ಬೌಲ್ ಮಾಡಲಿದ್ದಾರೆ.
ಪಂದ್ಯ ರಾತ್ರಿ 11.20ಕ್ಕೆ ಆರಂಭ
ಪಂದ್ಯ 11:20ಕ್ಕೆ ಆರಂಭವಾಗಲಿದೆ. ಉಭಯ ತಂಡಗಳಿಗೆ 12-12 ಓವರ್‌ಗಳು ಆಡಲು ಅವಕಾಶವಿರುತ್ತದೆ. ಪವರ್‌ಪ್ಲೇ 1-4 ಓವರ್‌ಗಳವರೆಗೆ ಇರುತ್ತದೆ. ಇಬ್ಬರು ಬೌಲರ್‌ಗಳು ಮೂರು ಓವರ್‌ಗಳನ್ನು ಬೌಲ್ ಮಾಡಲು ಸಾಧ್ಯವಾಗುತ್ತದೆ ಮತ್ತು ಮೂವರು ಬೌಲರ್‌ಗಳು ತಲಾ ಎರಡು ಓವರ್‌ಗಳನ್ನು ಮಾಡಬಹುದು. ಆಟಗಾರರು ಅಭ್ಯಾಸ ಆರಂಭಿಸಿದ್ದಾರೆ.
12-12 ಓವರ್‌ಗಳ ಪಂದ್ಯ
ಇನ್ನು ಸುಮಾರು ಅರ್ಧ ಗಂಟೆಯ ನಂತರ ಪಂದ್ಯ ಆರಂಭವಾಗಲಿದೆ ಎಂದು ಹೇಳಲಾಗುತ್ತಿದೆ. ಉಭಯ ತಂಡಗಳಿಗೂ 12-12 ಓವರ್‌ಗಳು ಆಡುವ ಅವಕಾಶ ಸಿಗಲಿದೆ.
ಡಬ್ಲಿನ್‌ನಲ್ಲಿ ಮಳೆ ನಿಂತಿದೆ
ಕೊನೆಗೂ ಅಭಿಮಾನಿಗಳಿಗೆ ಸಂತಸದ ಸುದ್ದಿಯೊಂದು ಬಂದಿದೆ. ಮೈದಾನದಲ್ಲಿ ಹೊದಿಕೆಗಳನ್ನು ತೆಗೆದುಹಾಕಲಾಗಿದೆ. ಆದರೆ, ಪಂದ್ಯದ ಓವರ್‌ಗಳಲ್ಲಿ ಕಟ್ ಆಗುವುದು ಖಚಿತ.
ಮತ್ತೆ ಮಳೆ ಶುರು
ಮತ್ತೆ ಮಳೆ ಶುರುವಾಗಿದ್ದು ಮೈದಾನದ ಮೇಲೆ ಹೊದಿಕೆಗಳನ್ನು ಹಾಕಲಾಗಿದೆ. ಸದ್ಯದಲ್ಲೇ ಪಂದ್ಯ ಆರಂಭವಾಗುವ ಲಕ್ಷಣ ಕಾಣುತ್ತಿಲ್ಲ.
ಪಂದ್ಯದ ಪ್ರಾರಂಭದಲ್ಲಿ ವಿಳಂಬ
ಮೋಡ ಕವಿದ ವಾತಾವರಣವಿರುವುದರಿಂದ ಟಾಸ್ ವಿಳಂಬವಾದ ಬಳಿಕ ಇದೀಗ ಪಂದ್ಯ ಆರಂಭವೂ ತಡವಾಗಿದೆ.
ಐರ್ಲೆಂಡ್ ತಂಡ
ಆಂಡ್ರ್ಯೂ ಬಾಲ್ಬಿರ್ನಿ (ನಾಯಕ), ಪಾಲ್ ಸ್ಟಿರ್ಲಿಂಗ್, ಗರೆಥ್ ಡೆಲಾನಿ, ಹ್ಯಾರಿ ಟೆಕ್ಟರ್, ಲೋರ್ಕನ್ ಟಕರ್ (ವಿಕೆಟ್ ಕೀಪರ್), ಜಾರ್ಜ್ ಡಾಕ್ರೆಲ್, ಮಾರ್ಕ್ ಅಡೇರ್, ಆಂಡಿ ಮೆಕ್‌ಬ್ರೈನ್, ಕ್ರೇಗ್ ಯಂಗ್, ಜೋಶ್ ಲಿಟಲ್, ಕಾನರ್ ಓಲ್ಫರ್ಟ್
ಭಾರತ ತಂಡ
ಹಾರ್ದಿಕ್ ಪಾಂಡ್ಯ (ನಾಯಕ), ರಿತುರಾಜ್ ಗಾಯಕ್ವಾಡ್, ಇಶಾನ್ ಕಿಶನ್, ದೀಪಕ್ ಹೂಡಾ, ಸೂರ್ಯಕುಮಾರ್ ಯಾದವ್, ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಅವೇಶ್ ಖಾನ್, ಯುಜ್ವೇಂದ್ರ ಚಾಹಲ್ ಮತ್ತು ಉಮ್ರಾನ್ ಮಲಿಕ್.
ಟಾಸ್ ಗೆದ್ದ ಭಾರತ
ಟಾಸ್ ಗೆದ್ದ ಟೀಂ ಇಂಡಿಯಾ ನಾಯಕ ಹಾರ್ದಿಕ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಮಳೆಯಿಂದಾಗಿ ಟಾಸ್ ಕೊಂಚ ತಡವಾಗಿ ನಡೆಯಿತು.
ಚೊಚ್ಚಲ ಪಂದ್ಯವನ್ನಾಡಲಿದ್ದಾರೆ ಉಮ್ರಾನ್ ಮಲಿಕ್
ಇಂದಿನ ಪಂದ್ಯದಲ್ಲಿ ಉಮ್ರಾನ್ ಮಲಿಕ್ ಪದಾರ್ಪಣೆ ಮಾಡಲಿದ್ದಾರೆ. ಪಂದ್ಯಕ್ಕೂ ಮುನ್ನ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಅವರಿಗೆ ಕ್ಯಾಪ್ ನೀಡಿದರು. ಇದರೊಂದಿಗೆ ಟಿ20 ಆಡಿದ ಭಾರತದ 98ನೇ ಆಟಗಾರ ಉಮ್ರಾನ್
ಭಾರತಕ್ಕೆ ಐರ್ಲೆಂಡ್ ಎದುರಾಳಿ
ಭಾರತ ತಂಡ ಇಂದು ಐರ್ಲೆಂಡ್ ವಿರುದ್ಧದ ಮೊದಲ ಟಿ20ಯಲ್ಲಿ ಮುಖಾಮುಖಿಯಾಗಲಿದೆ. ಈ ಪಂದ್ಯವು ಡಬ್ಲಿನ್‌ನಲ್ಲಿ ನಡೆಯುತ್ತಿದ್ದು, ಈ ಪ್ರವಾಸದಲ್ಲಿ ಹಾರ್ದಿಕ್ ಪಾಂಡ್ಯ ಟೀಂ ಇಂಡಿಯಾ ನಾಯಕರಾಗಿದ್ದಾರೆ.
Published On - Jun 26,2022 8:14 PM
