IND vs NZ, 1st ODI Highlights: ಬೌಲಿಂಗ್ ವೈಫಲ್ಯ; ಮೊದಲ ಏಕದಿನ ಪಂದ್ಯ ಗೆದ್ದ ಕಿವೀಸ್

ಟಾಮ್ ಲೇಥಮ್ ಅವರ ಶತಕ ಮತ್ತು ನಾಯಕ ಕೇನ್ ವಿಲಿಯಮ್ಸನ್ ಅವರ ಅತ್ಯುತ್ತಮ ಇನ್ನಿಂಗ್ಸ್ ಆಧಾರದ ಮೇಲೆ ನ್ಯೂಜಿಲೆಂಡ್ ತಂಡ ಶುಕ್ರವಾರ ಆಕ್ಲೆಂಡ್‌ನ ಈಡನ್ ಪಾರ್ಕ್‌ನಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಧವನ್ ಪಡೆಯನ್ನು ಏಳು ವಿಕೆಟ್‌ಗಳಿಂದ ಮಣಿಸಿದೆ.

ಯುಜ್ವೇಂದ್ರ ಚಹಾಲ್ 44ನೇ ಓವರ್‌ನಲ್ಲಿ ಉತ್ತಮ ಬೌಲಿಂಗ್ ಮಾಡಿ ಕೇವಲ ನಾಲ್ಕು ರನ್ ನೀಡಿದರು. ನಂತರ ಬಂದ ಅರ್ಷದೀಪ್ 13 ರನ್ ನೀಡಿದರು. ಈ ಓವರ್‌ನ ಮೊದಲ ಎಸೆತದಲ್ಲಿ, ಲ್ಯಾಥಮ್ ಎಕ್ಸ್​ಟ್ರಾ ಕವರ್‌ನಲ್ಲಿ ಬೌಂಡರಿ ಬಾರಿಸಿದರೆ, ಮೂರನೇ ಎಸೆತದಲ್ಲಿ ಫೈನ್ ಲೆಗ್ ಮೇಲೆ ಸಿಕ್ಸರ್ ಬಾರಿಸಿದರು.

42ನೇ ಓವರ್‌ನಲ್ಲಿ ಚಹಾಲ್ ಐದು ರನ್ ನೀಡಿದರು. ಆದರೆ ಮುಂದಿನ ಓವರ್‌ನಲ್ಲಿ ಉಮ್ರಾನ್ ಮಲಿಕ್ 13 ರನ್‌ಗಳನ್ನು ಬಿಟ್ಟುಕೊಟ್ಟರು. ಓವರ್‌ನ ಎರಡನೇ ಎಸೆತವು ನೋ ಬಾಲ್ ಆಗಿತ್ತು, ನಂತರ ಲಾಥಮ್ ಮುಂದಿನ ಎಸೆತದಲ್ಲಿ ಕೀಪರ್‌ನ ತಲೆಯ ಮೇಲೆ ಸಿಕ್ಸರ್ ಬಾರಿಸಿದರು. ಐದನೇ ಎಸೆತದಲ್ಲಿ ವಿಲಿಯಮ್ಸನ್ ಮಿಡ್ ವಿಕೆಟ್‌ ಮೇಲೆ ಬೌಂಡರಿ ಬಾರಿಸಿದರು.

40ನೇ ಓವರ್‌ನಲ್ಲಿ ಶಾರ್ದೂಲ್ ಠಾಕೂರ್ 25 ರನ್ ನೀಡಿದರು. ಇದೇ ಓವರ್​ನಲ್ಲಿ ಲೇಥಮ್ ತಮ್ಮ ಶತಕ ಪೂರೈಸಿದರು. ಮೊದಲ ಎಸೆತವನ್ನು ಸಿಕ್ಸರ್​ಹಟ್ಟಿದ ಲೇಥಮ್, ಮುಂದಿನ ನಾಲ್ಕು ಎಸೆತಗಳಲ್ಲಿ ಸತತ ನಾಲ್ಕು ಬೌಂಡರಿಗಳನ್ನು ಬಾರಿಸಿದರು. ಓವರ್‌ನ ಕೊನೆಯ ಎಸೆತದಲ್ಲಿ ಸಿಂಗಲ್ ರನ್ ಗಳಿಸಿ 76 ಎಸೆತಗಳಲ್ಲಿ ಶತಕ ಪೂರೈಸಿದರು.

ವಾಷಿಂಗ್ಟನ್ ಸುಂದರ್ ಅವರ ಓವರ್‌ನಲ್ಲಿ ಬಂದಿದ್ದು ಕೇವಲ ನಾಲ್ಕು ರನ್. ಟಾಮ್ ಲ್ಯಾಥಮ್, ನಾಯಕನೊಂದಿಗೆ ಪ್ರಬಲ ಜೊತೆಯಾಟವನ್ನು ರಚಿಸಿದ್ದು, ಈ ಜೊತೆಯಾಟವು ಈಗ ಭಾರತವನ್ನು ಸೋಲಿನ ದವಡೆಗೆ ತಳ್ಳುತ್ತಿದೆ. ಮುಂದಿನ ಓವರ್‌ನಲ್ಲಿ ಅರ್ಷದೀಪ್ ಸಿಂಗ್ ಎಸೆತದಲ್ಲಿ ಲಾಥಮ್ ಸಿಕ್ಸರ್ ಬಾರಿಸಿದರು. ನ್ಯೂಜಿಲೆಂಡ್ ಸ್ಕೋರ್ 200ರ ಗಡಿ ದಾಟಿದೆ.

34ನೇ ಓವರ್‌ನಲ್ಲಿ ವಾಷಿಂಗ್ಟನ್ ಸುಂದರ್ ಐದು ರನ್ ನೀಡಿದರು. ಓವರ್‌ನ ಐದನೇ ಎಸೆತದಲ್ಲಿ ಲ್ಯಾಥಮ್ ಒಂದೇ ರನ್ ಕದ್ದು ಅರ್ಧಶತಕ ಪೂರೈಸಿದರು. 51 ಎಸೆತಗಳಲ್ಲಿ ಲೇಥಮ್ 50 ರನ್ ಪೂರೈಸಿದರು. ಈ ಓವರ್‌ನಲ್ಲಿ ಕೇವಲ 5 ರನ್‌ಗಳು ಬಂದವು

ಉಮ್ರಾನ್ ಮಲಿಕ್ 33ನೇ ಓವರ್‌ನಲ್ಲಿ 12 ರನ್ ನೀಡಿದರು. ಓವರ್‌ನ ಎರಡನೇ ಎಸೆತದಲ್ಲಿ, ಲಾಥಮ್ ಚೆಂಡನ್ನು ಕಟ್ ಮಾಡಿ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಬೌಂಡರಿ ಬಾರಿಸಿದರು. ಮತ್ತು ಮುಂದಿನ ಬಾಲ್‌ನಲ್ಲಿ, ಫೈನ್ ಲೆಗ್‌ನಲ್ಲಿ ಸಿಕ್ಸರ್ ಹೊಡೆದರು.

30ನೇ ಓವರ್‌ನಲ್ಲಿ ಯುಜ್ವೇಂದ್ರ ಚಹಾಲ್ ಏಳು ರನ್ ನೀಡಿದರು. ಠಾಕೂರ್ 31ನೇ ಓವರ್ನ ಕೊನೆಯ ಎಸೆತದಲ್ಲಿ ವಿಲಿಯಮ್ಸನ್ ಮಿಡ್ ವಿಕೆಟ್ ಮೇಲೆ ಬೌಂಡರಿ ಬಾರಿಸಿದರು. ಇದೀಗ ನ್ಯೂಜಿಲೆಂಡ್ ಸ್ಕೋರ್ 150ರ ಗಡಿ ದಾಟಿದೆ.

29ನೇ ಓವರ್‌ನ ಮೊದಲ ಎಸೆತದಲ್ಲಿ ಕೇನ್ ವಿಲಿಯಮ್ಸನ್ ಸ್ಕ್ವೇರ್ ಲೆಗ್‌ನಲ್ಲಿ ಫೋರ್ ಬಾರಿಸಿ ಅರ್ಧಶತಕ ಪೂರೈಸಿದರು. ಅವರು 54 ಎಸೆತಗಳಲ್ಲಿ 50 ರನ್ ಪೂರೈಸಿದರು. ಅದೇ ಓವರ್‌ನ ಮೂರನೇ ಎಸೆತದಲ್ಲಿ ಲ್ಯಾಥಮ್ ಥರ್ಡ್ ಮ್ಯಾನ್​ನಲ್ಲಿ ಬೌಂಡರಿ ಬಾರಿಸಿದರು. ಈ ಓವರ್‌ನಲ್ಲಿ ಶಾರ್ದೂಲ್ ಠಾಕೂರ್ 9 ರನ್ ನೀಡಿದರು

28ನೇ ಓವರ್‌ನಲ್ಲಿ ಲಾಥಮ್ ಡೀಪ್ ಬ್ಯಾಕ್‌ವರ್ಡ್ ಪಾಯಿಂಟ್‌ನ ಮೇಲೆ ಬೌಂಡರಿ ಬಾರಿಸಿದರು. ಈ ಓವರ್‌ನಲ್ಲಿ ಆರು ರನ್‌ಗಳು ಬಂದವು.

ಸುಂದರ್ ತಮ್ಮ ಅತ್ಯಂತ ದುಬಾರಿ ಓವರ್‌ನಲ್ಲಿ ಒಂಬತ್ತು ರನ್ ನೀಡಿದರು. ಓವರ್‌ನ ಮೂರನೇ ಎಸೆತದಲ್ಲಿ ವಿಲಿಯಮ್ಸನ್ ಲಾಂಗ್ ಆನ್ ಓವರ್‌ನಲ್ಲಿ ಸಿಕ್ಸರ್ ಬಾರಿಸಿದರು.

ಸುಂದರ್ 24ನೇ ಓವರ್‌ನಲ್ಲಿ ಐದು ರನ್ ನೀಡಿದರು. ಅದೇ ಓವರ್​ನ ನಾಲ್ಕನೇ ಎಸೆತದಲ್ಲಿ ಲ್ಯಾಥಮ್ ಡೀಪ್ ಸ್ಕ್ವೇರ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು. ಮುಂದಿನ ಓವರ್‌ನಲ್ಲಿ, ಅರ್ಶ್‌ದೀಪ್ ಸಿಂಗ್ ಉತ್ತಮ ಪುನರಾಗಮನವನ್ನು ಮಾಡಿ ಕೇವಲ ನಾಲ್ಕು ರನ್ ನೀಡಿದರು.

ತನ್ನ ಕೋಟಾದ 6ನೇ ಓವರ್ ಎಸೆದ ಇಮ್ರಾನ್ ಈ ಓವರ್​ನಲ್ಲಿ ಎರಡು ಬೌಂಡರಿ ತಿಂದರು. ಮೊದಲು ಥರ್ಡ್​ ಮ್ಯಾನ್​ನಲ್ಲಿ ಬೌಂಡರಿ ಬಾರಿಸಿದರೆ ನಂತರದ ಎಸೆತವನ್ನು ಅದೇ ಮಾರ್ಗದಲ್ಲಿ ಬಾರಿಸಿದರು.

20ನೇ ಓವರ್‌ನಲ್ಲಿ ಕೇನ್ ವಿಲಿಯಮ್ಸನ್ ಮೊದಲ ಎಸೆತವನ್ನು ಬೌಂಡರಿ ಬಾರಿಸಿದರು. ಆದರೆ ಐದನೇ ಎಸೆತದಲ್ಲಿ ಮಿಚೆಲ್, ಉಮ್ರಾನ್ ಮಲಿಕ್‌ಗೆ ಬಲಿಯಾದರು. ಮಿಚೆಲ್ ಡೀಪ್ ಪಾಯಿಂಟ್‌ನಲ್ಲಿ ಶಾಟ್ ಆಡಿದರು, ಅಲ್ಲೇ ಇದ್ದ ದೀಪಕ್ ಹೂಡಾ ಅದ್ಭುತ ಕ್ಯಾಚ್ ಪಡೆದರು. ಮಿಚೆಲ್ 16 ಎಸೆತಗಳಲ್ಲಿ 11 ರನ್ ಗಳಿಸಿ ಔಟಾದರು.

ಯುಜ್ವೇಂದ್ರ ಚಹಾಲ್ ಎಸೆದ 17ನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಮಿಚೆಲ್ ಸಿಕ್ಸರ್ ಬಾರಿಸಿದರು. ವಿಲಿಯಮ್ಸನ್ ಮತ್ತು ಡೇರಿಲ್ ಮಿಚೆಲ್ ಕ್ರೀಸ್‌ನಲ್ಲಿದ್ದಾರೆ ಮತ್ತು ಇಬ್ಬರೂ ದೊಡ್ಡ ಜೊತೆಯಾಟವನ್ನು ನಿರ್ಮಿಸಲು ಪ್ರಯತ್ನಿಸುತ್ತಾರೆ ಏಕೆಂದರೆ ಗುರಿ 300 ಕ್ಕಿಂತ ಹೆಚ್ಚಿದೆ. ಈ ಸಮಯದಲ್ಲಿ ಅವರಿಗೆ ಬಲವಾದ ಜೊತೆಯಾಟದ ಅಗತ್ಯವಿದೆ

ಉಮ್ರಾನ್ ಮಲಿಕ್ ತಮ್ಮ ಏಕದಿನ ವೃತ್ತಿಜೀವನದ ಮೊದಲ ವಿಕೆಟ್ ಪಡೆದಿದ್ದು, ಡೆವೊನ್ ಕಾನ್ವೇ ಅವರನ್ನು ಬಲಿಪಶು ಮಾಡಿದರು. ಓವರ್‌ನ ಮೊದಲ ಬಾಲ್‌ನಲ್ಲಿ, ಕಾನ್ವೆ ಬಹುಶಃ ದೊಡ್ಡ ಹೊಡೆತವನ್ನು ಆಡಲು ಬಯಸಿದ್ದರು ಆದರೆ ಚೆಂಡು ಬ್ಯಾಟ್‌ನ ಅಂಚಿಗೆ ಬಡಿದು ಪಂತ್ ಕೈಸೇರಿತು. ಕಾನ್ವೆ 42 ಎಸೆತಗಳಲ್ಲಿ 24 ರನ್ ಗಳಿಸಿ ಔಟಾದರು.

14ನೇ ಓವರ್‌ನಲ್ಲಿ ವಾಷಿಂಗ್ಟನ್ ಸುಂದರ್ ಎರಡು ರನ್ ನೀಡಿದರು. ಆದರೂ ಚಹಾಲ್ ಅವರ ಆರಂಭ ಉತ್ತಮವಾಗಿರಲಿಲ್ಲ. ತನ್ನ ಮೊದಲ ಓವರ್‌ನಲ್ಲಿಯೇ 11 ರನ್‌ಗಳನ್ನು ಚಾಹಲ್ ಬಿಟ್ಟುಕೊಟ್ಟರು. ವಿಲಿಯಮ್ಸನ್ ಓವರ್‌ನ ಎರಡನೇ ಮತ್ತು ಮೂರನೇ ಎಸೆತಗಳಲ್ಲಿ ಸತತ ಎರಡು ಬೌಂಡರಿಗಳನ್ನು ಬಾರಿಸಿದರು.

12ನೇ ಓವರ್‌ನಲ್ಲಿ ವಾಷಿಂಗ್ಟನ್ ಸುಂದರ್ ನಾಲ್ಕು ರನ್ ನೀಡಿದರು. ಇದರೊಂದಿಗೆ ನ್ಯೂಜಿಲೆಂಡ್ ಸ್ಕೋರ್ 50ರ ಗಡಿ ದಾಟಿದೆ.ವಿಲಿಯಮ್ಸನ್ ಮತ್ತು ಕಾನ್ವೆ ಇಬ್ಬರೂ ನಿಧಾನಗತಿಯ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಉಮ್ರಾನ್ ಮಲಿಕ್ ಬೌಲ್ ಮಾಡಿದ ಅವರ ಮೊದಲ ಓವರ್‌ನಲ್ಲಿ ನಾಲ್ಕು ರನ್ ನೀಡಿದರು. ಈ ಓವರ್‌ನಲ್ಲಿ ಅವರು 145 ಕಿಮೀ ವೇಗದಲ್ಲಿ ಐದು ಎಸೆತಗಳನ್ನು ಎಸೆದರು. ಓವರ್‌ನ ಕೊನೆಯ ಎಸೆತವು ಗಂಟೆಗೆ 149 ಕಿಮೀ ವೇಗವನ್ನು ಹೊಂದಿತ್ತು. ಈ ಓವರ್‌ನಲ್ಲಿ ಯಾವುದೇ ದೊಡ್ಡ ಹೊಡೆತ ಬೀಳಲಿಲ್ಲ

ಶಾರ್ದೂಲ್ ಠಾಕೂರ್ 10ನೇ ಓವರ್ನಲ್ಲಿ ಐದು ರನ್ ನೀಡಿದರು. ಕಾನ್ವೆ ಓವರ್‌ನ ನಾಲ್ಕನೇ ಎಸೆತದಲ್ಲಿ ಎಕ್ಸ್​ಟ್ರಾ ಕವರ್‌ನಲ್ಲಿ ಬೌಂಡರಿ ಗಳಿಸಿದರು. 10 ಓವರ್‌ಗಳಲ್ಲಿ ನ್ಯೂಜಿಲೆಂಡ್ ಸ್ಕೋರ್ ಒಂದು ವಿಕೆಟ್‌ಗೆ 42 ರನ್.

ಅಂತಿಮವಾಗಿ ಎಂಟನೇ ಓವರ್‌ನಲ್ಲಿ ಭಾರತ ಮೊದಲ ವಿಕೆಟ್ ಪಡೆಯಿತು. ಓವರ್‌ನ ಮೂರನೇ ಎಸೆತ ಇನ್‌ಸ್ವಿಂಗರ್ ಆಗಿದ್ದು ಅದು ಅಲೆನ್ ಅವರ ಬ್ಯಾಟ್‌ನ ಅಂಚಿಗೆ ಬಡಿದು ಪಂತ್ ಕೈ ಸೇರಿತು. ಫಿನ್ ಅಲೆನ್ 25 ಎಸೆತಗಳಲ್ಲಿ 22 ರನ್ ಗಳಿಸಿದರು. ಈ ಇನ್ನಿಂಗ್ಸ್‌ನಲ್ಲಿ ಅಲೆನ್ ಎರಡು ಬೌಂಡರಿ ಮತ್ತು ಒಂದು ಸಿಕ್ಸರ್ ಕೂಡ ಬಾರಿಸಿದರು.

ಶಾರ್ದೂಲ್ ಠಾಕೂರ್ ತಮ್ಮ ಎರಡನೇ ಓವರ್‌ನಲ್ಲಿ ನಾಲ್ಕು ರನ್ ನೀಡಿದರು. ಮುಂದಿನ ಓವರ್‌ನ ಎರಡನೇ ಎಸೆತದಲ್ಲಿ ಕಾನ್ವೆ ಮಿಡ್ ಆಫ್‌ನಲ್ಲಿ ಬೌಂಡರಿ ಬಾರಿಸಿದರು. ಕೊನೆಯ ಬಾಲ್‌ನಲ್ಲಿ, ಅಲೆನ್ ಫೈನ್​ ಲೆಗ್​ನಲ್ಲಿ ಸಿಕ್ಸರ್‌ ಹೊಡೆದರು. ಅರ್ಷ್‌ದೀಪ್ ಅವರ ಈ ಓವರ್​ನಲ್ಲಿ 11 ರನ್ ನೀಡಿದರು.

ಆರಂಭಿಕರಾಗಿ ಕಣಕ್ಕಿಳಿದಿರುವ ಅಲೆನ್ ಸ್ಫೋಟಕ ಬ್ಯಾಟಿಂಗ್​ಗೆ ಮುಂದಾಗಿದ್ದಾರೆ. ಆಡಿರುವ ಈ ಮೂರು ಓವರ್​ಗಳಲ್ಲಿ ಅಲೆನ್ ತಲಾ ಒಂದೊಂದು ಬೌಂಡರಿ ಬಾರಿಸಿದ್ದಾರೆ. ಇನ್ನುಳಿದಂತೆ 3ನೇ ಓವರ್​ನ ಕೊನೆಯ ಎಸೆದಲ್ಲಿ ಕಾನ್ವೇ ಮತ್ತೊಂದು ಬೌಂಡರಿ ಬಾರಿಸಿದರು.

ನ್ಯೂಜಿಲೆಂಡ್ ಬ್ಯಾಟಿಂಗ್ ಆರಂಭಿಸಿದೆ. ಫಿನ್ ಅಲೆನ್ ಮತ್ತು ಡೆವೊನ್ ಕಾನ್ವೇ ಆರಂಭಿಕರಾಗಿ ಕಣಕ್ಕಿಳಿದ್ದಾರೆ. ಅರ್ಷದೀಪ್ ಸಿಂಗ್ ಭಾರತದ ಪರ ಬೌಲಿಂಗ್ ಪ್ರಾರಂಭಿಸುತ್ತಾರೆ.

ಆಕ್ಲೆಂಡ್‌ನಲ್ಲಿ ನಡೆಯುತ್ತಿರುವ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಭಾರತದ ಬ್ಯಾಟ್ಸ್‌ಮನ್‌ಗಳಿಂದ ಅತ್ಯುತ್ತಮ ಪ್ರದರ್ಶನ ಕಂಡುಬಂದಿದೆ. ಭಾರತ ತಂಡ ನಿಗದಿತ 50 ಓವರ್‌ಗಳಲ್ಲಿ 306 ರನ್ ಗಳಿಸಿದೆ. ಟೀಂ ಇಂಡಿಯಾದ ಈ ಅತ್ಯುತ್ತಮ ಸ್ಕೋರ್‌ನಲ್ಲಿ ಮೂವರು ಬ್ಯಾಟ್ಸ್‌ಮನ್‌ಗಳು ಪ್ರಮುಖ ಕೊಡುಗೆ ನೀಡಿದರು. ನಾಯಕ ಶಿಖರ್ ಧವನ್ ಸೇರಿದಂತೆ ಶುಭಮನ್ ಗಿಲ್ ಕೂಡ ಭರ್ಜರಿ ಅರ್ಧಶತಕ ಬಾರಿಸಿದರು. ಹಾಗೆಯೇ ಶ್ರೇಯಸ್ ಅಯ್ಯರ್ ಅವರ ಬ್ಯಾಟ್‌ನಿಂದ 80 ರನ್‌ಗಳ ಅದ್ಭುತ ಇನ್ನಿಂಗ್ಸ್ ಹೊರಬಿತ್ತು.

ಕೊನೆಯ ಓವರ್ನಲ್ಲಿ ಶ್ರೇಯಸ್ ಅಯ್ಯರ್ ವಿಕೆಟ್ ಕಳೆದುಕೊಳ್ಳಬೇಕಾಯಿತು. 76 ಎಸೆತಗಳನ್ನು ಎದುರಿಸಿದ ಅಯ್ಯರ್ ನಾಲ್ಕು ಬೌಂಡರಿ ಹಾಗೂ ನಾಲ್ಕು ಸಿಕ್ಸರ್‌ ಒಳಗೊಂಡ 80 ರನ್‌ ಗಳಿಸಿದರು.

ಟೀಂ ಇಂಡಿಯಾದ 49 ಓವರ್​ಗಳ ಆಟ ಮುಗಿದಿದ್ದು, 49ನೇ ಓವರ್ ಎಸೆದ ಹೆನ್ರಿ ಓವರ್​ನಲ್ಲಿ ಟೀಂ ಇಂಡಿಯಾ ಬ್ಯಾಟರ್​ಗಳು ಎರಡು ಬೌಂಡರಿ ಹಾಗೂ ಒಂದು ಸಿಕ್ಸರ್ ಸೇರಿದಂತೆ ಒಟ್ಟು 17 ರನ್ ಕಲೆಹಾಕಿದರು.

46ನೇ ಓವರ್‌ನಲ್ಲಿ ಆಡಮ್ ಮಿಲ್ನೆ ಸಂಜು ಸ್ಯಾಮ್ಸನ್ ಅವರನ್ನು ಔಟ್ ಮಾಡಿ ತಂಡಕ್ಕೆ ಪ್ರಮುಖ ವಿಕೆಟ್ ಪಡೆದರು. ಅವರು ಮಿಡ್‌ವಿಕೆಟ್‌ನಲ್ಲಿ ಫಿಲಿಪ್ಸ್‌ಗೆ ಕ್ಯಾಚ್ ನೀಡಿದರು. ಸಂಜು 38 ಎಸೆತಗಳಲ್ಲಿ ನಾಲ್ಕು ಬೌಂಡರಿ ಒಳಗೊಂಡ 36 ರನ್ ಗಳಿಸಿದರು. ಈ ಓವರ್‌ನಲ್ಲಿ ಮಿಲ್ನೆ ಏಳು ರನ್ ನೀಡಿ ನಿರ್ಣಾಯಕ ವಿಕೆಟ್ ಪಡೆದರು.

ಶ್ರೇಯಸ್ ಅಯ್ಯರ್ 42ನೇ ಓವರ್​ನ ಕೊನೆಯ ಎಸೆತದಲ್ಲಿ ಸಿಂಗಲ್ ರನ್ ಗಳಿಸುವ ಮೂಲಕ ಅರ್ಧಶತಕ ಪೂರೈಸಿದರು. ಅಯ್ಯರ್ 56 ಎಸೆತಗಳಲ್ಲಿ 50 ರನ್ ಪೂರೈಸಿದರು. ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಪಂದ್ಯಗಳಲ್ಲಿ ಇದು ಅವರ ಸತತ ನಾಲ್ಕನೇ ಅರ್ಧಶತಕವಾಗಿದೆ.

40ನೇ ಓವರ್‌ ಎಸೆದ ಟಿಮ್ ಸೌದಿಯ ಎರಡನೇ ಎಸೆತವನ್ನು ಶ್ರೇಯಸ್ ಅಯ್ಯರ್ ಮಿಡ್‌ವಿಕೆಟ್‌ನಲ್ಲಿ ಫೋರ್‌ ಹೊಡೆದರು. ಹಾಗೆಯೇ ಮುಂದಿನ ಎಸೆತದಲ್ಲಿ ಲಾಂಗ್ ಓವರ್​ನಲ್ಲಿ ಸಿಕ್ಸರ್ ಬಾರಿಸಿದರು. ಸೌದಿಯ ಈ ಓವರ್‌ನಲ್ಲಿ ಭಾರತ 15 ರನ್ ಗಳಿಸಿತು

38ನೇ ಓವರ್‌ನಲ್ಲಿ ಟಿಮ್ ಸೌಥಿ ಮೂರು ರನ್ ನೀಡಿದರು. ಮುಂದಿನ ಓವರ್‌ನ ಮೊದಲ ಎಸೆತದಲ್ಲಿ ಸಂಜು ಸ್ಯಾಮ್ಸನ್ ಥರ್ಡ್ ಮ್ಯಾನ್​ನಲ್ಲಿ ಬೌಂಡರಿ ಬಾರಿಸಿದರು. ಹಾಗೆಯೇ ನಾಲ್ಕನೇ ಎಸೆತದಲ್ಲಿರು ಫೈನ್ ಲೆಗ್‌ನಲ್ಲಿ ಮತ್ತೊಂದು ಫೋರ್ ಹೊಡೆದರು. ಆಡಮ್ ಮಿಲ್ನೆ ಅವರ ಈ ಓವರ್‌ನಲ್ಲಿ ಭಾರತ ಒಂಬತ್ತು ರನ್ ಗಳಿಸಿತು

36ನೇ ಓವರ್‌ನಲ್ಲಿ ಮಿಚೆಲ್ ಸ್ಯಾಂಟ್ನರ್ ಮೂರು ರನ್ ನೀಡಿದರು. ಮುಂದಿನ ಓವರ್‌ನ ನಾಲ್ಕನೇ ಎಸೆತದಲ್ಲಿ ಅಯ್ಯರ್ ಸಿಕ್ಸರ್ ಬಾರಿಸಿದರು. ಈ ಮೊದಲು ಅಯ್ಯರ್ ಶಾರ್ಟ್ ಬಾಲ್‌ನಲ್ಲಿ ತೊಂದರೆ ಎದುರಿಸುತ್ತಿದ್ದರು ಆದರೆ ಈ ಬಾರಿ ಆ ಬಾಲ್​ಗೆ ಉತ್ತಮ ಶಾಟ್ ಆಡಿದರು.

ಪಂತ್ ಬಳಿಕ ಸೂರ್ಯಕುಮಾರ್ ಕೂಡ ಅದೇ ಓವರ್‌ನಲ್ಲಿ ಔಟಾದರು. ಬಂದ ತಕ್ಷಣ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದ ಸೂರ್ಯ ನಂತರದ ಎಸೆತದಲ್ಲಿ ಔಟಾದರು. ಸೂರ್ಯ ಕುಮಾರ್ 3 ಎಸೆತಗಳಲ್ಲಿ ಬೌಂಡರಿ ಒಳಗೊಂಡ ನಾಲ್ಕು ರನ್ ಗಳಿಸಿದರು

ರಿಷಬ್ ಪಂತ್ 32ನೇ ಓವರ್‌ನ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದರು ಆದರೆ ನಂತರದ ಎಸೆತದಲ್ಲಿ ಬೌಲ್ಡ್ ಆದರು. ಪಂತ್ ದೊಡ್ಡ ಹೊಡೆತವನ್ನು ಆಡಲು ಪ್ರಯತ್ನಿಸುತ್ತಿದ್ದರು ಆದರೆ ಚೆಂಡು ಬ್ಯಾಟ್​ನ ಅಂಚಿಗೆ ಬಡಿದು ನಂತರ ಸ್ಟಂಪ್‌ಗೆ ಬಡಿಯಿತು. ಪಂತ್ 23 ಎಸೆತಗಳಲ್ಲಿ 15 ರನ್ ಗಳಿಸಿದರು, ಅವರಿಗೆ ಮತ್ತೆ ದೊಡ್ಡ ಇನ್ನಿಂಗ್ಸ್ ಆಡಲು ಸಾಧ್ಯವಾಗಲಿಲ್ಲ.

32 ಓವರ್‌ಗಳ ಬಳಿಕ ಭಾರತ ತಂಡದ ಸ್ಕೋರ್ 150ರ ಗಡಿ ದಾಟಿದೆ.ಆದರೂ ಕೊನೆಯ ಏಳು ಓವರ್‌ಗಳಲ್ಲಿ ಯಾವುದೇ ಬೌಂಡರಿ ದಾಖಲಾಗಿಲ್ಲ. ಅಯ್ಯರ್ 29 ಎಸೆತಗಳಲ್ಲಿ 17 ರನ್ ಹಾಗೂ ರಿಷಬ್ ಪಂತ್ 23 ಎಸೆತಗಳಲ್ಲಿ 15 ರನ್ ಗಳಿಸಿ ಆಡುತ್ತಿದ್ದಾರೆ.

30 ಓವರ್‌ಗಳ ಆಟ ಮುಗಿದಿದೆ. ಭಾರತ ತನ್ನ ಆರಂಭಿಕ ಜೋಡಿಯ ವಿಕೆಟ್ ಕಳೆದುಕೊಂಡಿದೆ. ಈಗ ಪಂತ್ ಮತ್ತು ಅಯ್ಯರ್ ಅವರ ಜೊತೆಯಾಟದ ಮೇಲೆ ಬಹಳಷ್ಟು ನಿರೀಕ್ಷೆಗಳಿವೆ. ಈ ಜೋಡಿ ಬೃಹತ್ ಟಾರ್ಗೆಟ್ ಸೆಟ್​ ಮಾಡಲು ಯತ್ನಿಸಬೇಕಿದೆ.

ಮ್ಯಾಟ್ ಹೆನ್ರಿ 28ನೇ ಓವರ್‌ನಲ್ಲಿ ಕೇವಲ ಎರಡು ರನ್ ನೀಡಿದರು. ಅದೇ ಸಮಯದಲ್ಲಿ, 29 ನೇ ಓವರ್ ಕೂಡ ತುಂಬಾ ಮಿತವ್ಯಯಕಾರಿಯಾಗಿತ್ತು, ಇದರಲ್ಲಿ ಆಡಮ್ ಮಿಲ್ನೆ ಒಂದು ರನ್ ನೀಡಿದರು.

ಫರ್ಗುಸನ್ ನಂತರ ಟಿಮ್ ಸೌಥಿ ಭಾರತಕ್ಕೆ ಎರಡನೇ ಹೊಡೆತ ನೀಡಿದ್ದು, ಶಿಖರ್ ಧವನ್ ಅವರನ್ನು ಔಟ್ ಮಾಡಿದರು. ಧವನ್ 77 ಎಸೆತಗಳಲ್ಲಿ 72 ರನ್ ಗಳಿಸಿ ಔಟಾದರು. ಭಾರತ ಸತತ ಎರಡು ಓವರ್‌ಗಳಲ್ಲಿ ಎರಡು ವಿಕೆಟ್ ಕಳೆದುಕೊಂಡಿದೆ

ಅರ್ಧಶತಕ ಗಳಿಸಿದ ನಂತರ ಗಿಲ್ ಮೊದಲ ಎಸೆತವನ್ನು ಎದುರಿಸಿ ಔಟಾದರು. ಫರ್ಗುಸನ್ 125 ರನ್‌ಗಳ ಜೊತೆಯಾಟವನ್ನು ಮುರಿದರು. 65 ಎಸೆತಗಳಲ್ಲಿ 50 ರನ್ ಗಳಿಸಿದ ಗಿಲ್ ತಮ್ಮ ಇನ್ನಿಂಗ್ಸ್‌ನಲ್ಲಿ ಒಂದು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳನ್ನು ಹೊಡೆದರು.

ಟಿಮ್ ಸೌದಿ 23ನೇ ಓವರ್‌ನಲ್ಲಿ 11 ರನ್ ನೀಡಿದರು. ಓವರ್‌ನ ನಾಲ್ಕನೇ ಎಸೆತದಲ್ಲಿ ಗಿಲ್ ಸಿಂಗಲ್ ರನ್ ಗಳಿಸುವ ಮೂಲಕ ಅರ್ಧಶತಕ ಪೂರೈಸಿದರು. ಅವರು 64 ಎಸೆತಗಳಲ್ಲಿ 50 ರನ್ ಪೂರೈಸಿದರು. ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ, ಧವನ್ ಸತತ ಎರಡು ಬೌಂಡರಿಗಳನ್ನು ಬಾರಿಸಿದರು.

ಮಿಚೆಲ್ ಸ್ಯಾಂಟ್ನರ್ ಎಸೆದ 22 ನೇ ಮೂರನೇ ಎಸೆತದಲ್ಲಿ ಗಿಲ್ ಮುಂದೆ ಬಂದು ಬೌಲರ್‌ನ ತಲೆಯ ಮೇಲೆ ಸಿಕ್ಸರ್ ಬಾರಿಸಿದರು. ಅದೇ ಸಮಯದಲ್ಲಿ ಐದನೇ ಎಸೆತದಲ್ಲಿ ಧವನ್ ಚಾಣಾಕ್ಷತನ ತೋರಿ ಚೆಂಡನ್ನು ಸ್ವೀಪ್ ಮಾಡಲು ಯತ್ನಿಸಿ ಬೌಂಡರಿ ಬಾರಿಸಿದರು. ಈ ಓವರ್‌ನಲ್ಲಿ ಸ್ಯಾಂಟ್ನರ್ 12 ರನ್ ನೀಡಿದರು.

ಧವನ್ 21ನೇ ಓವರ್‌ನ ಮೊದಲ ಎಸೆತದಲ್ಲಿ ಲಾಂಗ್ ಆನ್‌ನಲ್ಲಿ ಬೌಂಡರಿ ಬಾರಿಸುವ ಮೂಲಕ ಅರ್ಧಶತಕ ಪೂರೈಸಿದರು. ಅವರು 63 ಎಸೆತಗಳಲ್ಲಿ 50 ರನ್ ಪೂರೈಸಿದರು. ಅದೇ ಓವರ್ನ ಐದನೇ ಎಸೆತದಲ್ಲಿ ಮತ್ತೊಂದು ಬೌಂಡರಿ ಬಾರಿಸಿದರು. ಇಬ್ಬರು ಆರಂಭಿಕರ ನಡುವೆ 100 ರನ್ ಜೊತೆಯಾಟ ನಡೆದಿದೆ.

ಫರ್ಗುಸನ್‌ರ ದುಬಾರಿ ಓವರ್‌ನ ನಂತರ ಮುಂದಿನ ಎರಡು ಓವರ್‌ಗಳಲ್ಲಿ ಕೇವಲ ನಾಲ್ಕು ರನ್‌ಗಳು ಬಂದವು. ಗಿಲ್ ಮತ್ತು ಧವನ್ ದೀರ್ಘಕಾಲ ಕ್ರೀಸ್‌ನಲ್ಲಿದ್ದು ಈಗ ರನ್‌ಗಳ ವೇಗ ಹೆಚ್ಚಿಸಲು ಏನಾದರೂ ಮಾಡಬೇಕು.

ಲಾಕಿ ಫರ್ಗುಸನ್ ಅವರು ಇನ್ನಿಂಗ್ಸ್‌ನ ಅತ್ಯಂತ ದುಬಾರಿ ಓವರ್‌ನಲ್ಲಿ 14 ರನ್‌ಗಳನ್ನು ನೀಡಿದರು. ನಾಯಕ ಧವನ್ ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ಐದನೇ ಎಸೆತದಲ್ಲಿ, ಅವರು ಕಟ್ ಮತ್ತು ಬ್ಯಾಕ್‌ವರ್ಡ್ ಪಾಯಿಂಟ್‌ನ ಮೇಲೆ ಬೌಂಡರಿ ಬಾರಿಸಿದರೆ ಮುಂದಿನ ಎಸೆತದಲ್ಲಿ ಮಿಡ್-ವಿಕೆಟ್‌ನಲ್ಲಿ ಬೌಂಡರಿ ಬಾರಿಸಿದರು.

ಫರ್ಗುಸನ್ ಅವರ ಮೂರನೇ ಓವರ್‌ನಲ್ಲಿ ಐದು ರನ್ ನೀಡಿದರು. ಓವರ್‌ನ ಎರಡನೇ ಎಸೆತದಲ್ಲಿ, ಗಿಲ್ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಚೆಂಡನ್ನು ಆಡಿ ಬೌಂಡರಿ ಪಡೆದರು. 13 ಓವರ್‌ಗಳ ನಂತರ ಭಾರತದ ಸ್ಕೋರ್ 50 ದಾಟಿದೆ.

11ನೇ ಓವರ್‌ನಲ್ಲಿ ಉತ್ತಮ ಪುನರಾಗಮನ ಮಾಡಿದ ಫರ್ಗುಸನ್ ಈ ಬಾರಿ ಕೇವಲ 2 ರನ್ ನೀಡಿದರು. ಬಳಿಕ ಮ್ಯಾಟ್ ಹೆನ್ರಿ ತಮ್ಮ ಆರನೇ ಓವರ್‌ನಲ್ಲಿ ನಾಲ್ಕು ರನ್ ನೀಡಿದರು. ಭಾರತದ ಬ್ಯಾಟ್ಸ್‌ಮನ್‌ಗಳು 72 ಎಸೆತಗಳಲ್ಲಿ ಕೇವಲ 46 ರನ್ ಗಳಿಸಿದ್ದಾರೆ.

ಮೊದಲ ಪವರ್‌ಪ್ಲೇಯಲ್ಲಿ ಭಾರತ 40 ರನ್ ಗಳಿಸಿತ್ತು. ಗಿಲ್ ಮತ್ತು ಧವನ್ ಇಬ್ಬರೂ ಆಡುತ್ತಿದ್ದರಾದರೂ ಆಕ್ರಮಣಕಾರಿ ಶೈಲಿ ಕಾಣಿಸುತ್ತಿಲ್ಲ. ತಂಡ 300ರ ಗಡಿ ದಾಟಬೇಕಾದರೆ ರನ್ ವೇಗವನ್ನು ಕೊಂಚ ಹೆಚ್ಚಿಸಬೇಕಾಗುತ್ತದೆ.

ಮ್ಯಾಟ್ ಹೆನ್ರಿ 10 ನೇ ಓವರ್‌ನಲ್ಲಿ ಏಳು ರನ್ ನೀಡಿದರು, ಇದು ಅವರ ಇದುವರೆಗಿನ ಅತ್ಯಂತ ದುಬಾರಿ ಓವರ್ ಆಗಿತ್ತು. ಓವರ್‌ನ ಮೂರನೇ ಎಸೆತದಲ್ಲಿ ಶುಭಮನ್ ಗಿಲ್ ಅದ್ಭುತ ಸಿಕ್ಸರ್ ಬಾರಿಸಿದರು.

ಏಳನೇ ಓವರ್‌ನ ಎರಡನೇ ಎಸೆತದಲ್ಲಿ, ಧವನ್ ಪುಲ್ ಶಾಟ್ ಆಡಿ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು.

ಆರನೇ ಓವರ್‌ನಲ್ಲಿ ಅಂತಿಮವಾಗಿ ಶುಭಮನ್ ಗಿಲ್ ಅವರ ಬ್ಯಾಟ್‌ನಿಂದ ಬಿಗ್ ಶಾಟ್ ಬಂತು. ಗಿಲ್ ಅತ್ಯುತ್ತಮ ಟೈಮಿಂಗ್‌ನೊಂದಿಗೆ ಲಾಂಗ್ ಆನ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಈ ಓವರ್‌ನಲ್ಲಿ ಭಾರತಕ್ಕೆ ಏಳು ರನ್‌ಗಳು ಬಂದವು

ನಾಲ್ಕನೇ ಓವರ್‌ನಲ್ಲಿ ಮ್ಯಾಟ್ ಹೆನ್ರಿ ಒಂದೇ ಒಂದು ರನ್ ನೀಡಲಿಲ್ಲ. ಧವನ್ ಆರು ಎಸೆತಗಳನ್ನು ಆಡಿದರೂ ಪ್ರಯೋಜನವಾಗಲಿಲ್ಲ. ಮುಂದಿನ ಓವರ್‌ನಲ್ಲಿ ಟಿಮ್ ಸೌಥಿ ಕೇವಲ ನಾಲ್ಕು ರನ್ ನೀಡಿದರು.

ಧವನ್ ಮೂರನೇ ಓವರ್‌ನ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಈ ವೇಳೆ ಕವರ್‌ನಲ್ಲಿ ಚೆಂಡನ್ನು ಆಡಿದ ಅವರು ಭಾರತದ ಖಾತೆಗೆ ಬೌಂಡರಿ ಸೇರಿದ್ದರು. ಈ ಓವರ್‌ನಲ್ಲಿ ಸೌದಿ ಏಳು ರನ್ ನೀಡಿದರು.

ಭಾರತದ ಬ್ಯಾಟಿಂಗ್ ಶುರುವಾಗಿದೆ. ಶುಭಮನ್ ಗಿಲ್ ಮತ್ತು ಶಿಖರ್ ಧವನ್ ಓಪನಿಂಗ್​ಗೆ ಇಳಿದಿದ್ದಾರೆ. ಧವನ್ ಸ್ಟ್ರೈಕ್ ನಲ್ಲಿದ್ದಾರೆ. ಟಿಮ್ ಸೌಥಿ ನ್ಯೂಜಿಲೆಂಡ್‌ ಪರ ಬೌಲಿಂಗ್ ಪ್ರಾರಂಭಿಸಿದರು.

ಶಿಖರ್ ಧವನ್, ಶುಭಮನ್ ಗಿಲ್, ರಿಷಭ್ ಪಂತ್, ಶ್ರೇಯಸ್ ಅಯ್ಯರ್, ಸೂರ್ಯಕುಮಾರ್ ಯಾದವ್, ಸಂಜು ಸ್ಯಾಮ್ಸನ್, ವಾಷಿಂಗ್ಟನ್ ಸುಂದರ್, ಶಾರ್ದೂಲ್ ಠಾಕೂರ್, ಉಮ್ರಾನ್ ಮಲಿಕ್, ಅರ್ಶ್‌ದೀಪ್ ಸಿಂಗ್, ಯುಜ್ವೇಂದ್ರ ಚಾಹಲ್

ಫಿನ್ ಅಲೆನ್, ಡೆವೊನ್ ಕಾನ್ವೇ, ಕೇನ್ ವಿಲಿಯಮ್ಸನ್, ಟಾಮ್ ಲ್ಯಾಥಮ್, ಡಾರೆಲ್ ಮಿಚೆಲ್, ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್, ಆಡಮ್ ಮಿಲ್ನೆ, ಮ್ಯಾಟ್ ಹೆನ್ರಿ, ಟಿಮ್ ಸೌಥಿ, ಲಾಕಿ ಫರ್ಗುಸನ್

ಟಾಸ್ ಗೆದ್ದ ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.