India Vs Pakistan, Match 2 Highlights: ಹಾರ್ದಿಕ್ ಆಲ್ರೌಂಡರ್ ಆಟ; ಪಾಕ್ ವಿರುದ್ಧ ಭಾರತಕ್ಕೆ ರೋಚಕ ಜಯ
Updated on:Aug 29, 2022 | 12:01 AM
Asia Cup 2022, India Vs Pakistan: 022ರ ಏಷ್ಯಾಕಪ್‌ನಲ್ಲಿ ಗೆಲುವಿನೊಂದಿಗೆ ಭಾರತ ಟೂರ್ನಿಯಲ್ಲಿ ಪಾದಾರ್ಪಣೆ ಮಾಡಿತು. ಕೊನೆಯ ಓವರ್‌ವರೆಗೂ ನಡೆದ ರೋಚಕ ಪಂದ್ಯದಲ್ಲಿ ಭಾರತ 5 ವಿಕೆಟ್‌ಗಳಿಂದ ಪಾಕಿಸ್ತಾನವನ್ನು ಸೋಲಿಸಿತು.
2022ರ ಏಷ್ಯಾಕಪ್‌ನಲ್ಲಿ ಗೆಲುವಿನೊಂದಿಗೆ ಭಾರತ ಟೂರ್ನಿಯಲ್ಲಿ ಪಾದಾರ್ಪಣೆ ಮಾಡಿತು. ಕೊನೆಯ ಓವರ್‌ವರೆಗೂ ನಡೆದ ರೋಚಕ ಪಂದ್ಯದಲ್ಲಿ ಭಾರತ 5 ವಿಕೆಟ್‌ಗಳಿಂದ ಪಾಕಿಸ್ತಾನವನ್ನು ಸೋಲಿಸಿತು. ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಟೀಮ್ ಇಂಡಿಯಾದ ದೊಡ್ಡ ಅಸ್ತ್ರ ಎಂದು ಮತ್ತೊಮ್ಮೆ ಸಾಬೀತುಪಡಿಸಿದರು. ಹಾರ್ದಿಕ್, ಭುವನೇಶ್ವರ್ ಕುಮಾರ್ ಅವರೊಂದಿಗೆ ಬೌಲಿಂಗ್ನಲ್ಲಿ ಪಾಕಿಸ್ತಾನವನ್ನು 147 ರನ್ಗಳಿಗೆ ಆಲೌಟ್ ಮಾಡಿದರು. ನಂತರ ಕೊನೆಯ ಎರಡು ಓವರ್ಗಳಲ್ಲಿ ಸಂಕಷ್ಟದಲ್ಲಿದ್ದ ತಂಡವನ್ನು ಗುರಿಯತ್ತ ಕೊಂಡೊಯ್ದಿತು.
LIVE NEWS & UPDATES
-
ಗೆಲುವಿನ ಸಿಕ್ಸರ್ ಬಾರಿಸಿದ ಹಾರ್ದಿಕ್
ಹಾರ್ದಿಕ್ ಪಾಂಡ್ಯ ಕೊನೆಯ ಓವರ್ನ ನಾಲ್ಕನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ಭಾರತಕ್ಕೆ ರೋಚಕ ಗೆಲುವು ತಂದುಕೊಟ್ಟರು. ಈ ಮೂಲಕ ಭಾರತ 5 ವಿಕೆಟ್‌ಗಳ ಜಯ ಸಾಧಿಸಿತು. ಜೊತೆಗೆ ಭಾರತ ಪಾಕಿಸ್ತಾನವನ್ನು ಸೋಲಿಸುವ ಮೂಲಕ ಏಷ್ಯಾಕಪ್ ಅಭಿಯಾನವನ್ನು ಪ್ರಾರಂಭಿಸಿದೆ.
-
ರವೀಂದ್ರ ಜಡೇಜಾ ಔಟ್
ಮೊಹಮ್ಮದ್ ನವಾಜ್ ಕೊನೆಯ ಓವರ್ನ ಮೊದಲ ಎಸೆತದಲ್ಲಿ ರವೀಂದ್ರ ಜಡೇಜಾ ಅವರನ್ನು ಬೌಲ್ಡ್ ಮಾಡಿದರು. ದೊಡ್ಡ ಹೊಡೆತವನ್ನು ಜಡೇಜಾ ಆಡಲು ಬಯಸಿದ್ದರು. ಆದರೆ ಚೆಂಡು ನೇರ ಸ್ಟಂಪ್‌ಗೆ ಹೊಡೆಯಿತು.
-
ಭಾರತಕ್ಕೆ ಅದ್ಭುತ ಓವರ್
ಹ್ಯಾರಿಸ್ ರೌಫ್ 19ನೇ ಓವರ್ ಬೌಲ್ ಮಾಡಿದರು. ಓವರ್ನ ಮೂರನೇ ಎಸೆತದಲ್ಲಿ, ಹಾರ್ದಿಕ್ ಎಕ್ಸ್ಟ್ರಾ ಕವರ್ ಮತ್ತು ಬ್ಯಾಕ್ಕವರ್ ಪಾಯಿಂಟ್‌ನಲ್ಲಿ ಚೆಂಡನ್ನು ಆಡಿದರು, ಬಾಬರ್ ಚೆಂಡನ್ನು ತಡೆಯಲು ಪ್ರಯತ್ನಿಸಿದರು ಆದರೆ ಯಶಸ್ವಿಯಾಗಲಿಲ್ಲ. ಮುಂದಿನ ಎಸೆತದಲ್ಲಿ ಅವರು ಮಿಡ್ ವಿಕೆಟ್‌ನಲ್ಲಿ ಮತ್ತೊಂದು ಬೌಂಡರಿ ಹೊಡೆದರು. ಓವರ್ನ ಕೊನೆಯ ಎಸೆತದಲ್ಲಿ ಮತ್ತೊಂದು ಬೌಂಡರಿ ಬಂತು. ಕೊನೆಯ ಓವರ್ನಲ್ಲಿ ಭಾರತಕ್ಕೆ 7 ರನ್ ಅಗತ್ಯವಿದೆ
ನಸೀಮ್ ಶಾ ಇಂಜುರಿ
18ನೇ ಓವರ್ನ ಮೊದಲ ಎಸೆತದಲ್ಲಿ ವೈಡ್. ಇದಾದ ನಂತರ ನಸೀಮ್ ಶಾ ಮುಂದಿನ ಎಸೆತದಲ್ಲಿ ಬೌಂಡರಿ ತಿಂದರು. ಜಡೇಜಾ ಎಕ್ಸ್ಟ್ರಾ ಕವರ್‌ನಲ್ಲಿ ಅದ್ಭುತ ಶಾಟ್ ಆಡಿ ಬೌಂಡರಿ ಬಾರಿಸಿದರು. ಆದರೆ, ಮುಂದಿನ ಎಸೆತದಲ್ಲಿ ನಸೀಮ್ ಶಾ ಗಾಯಗೊಂಡರು.
ಭಾರತಕ್ಕೆ 32 ರನ್ ಬೇಕು
17ನೇ ಓವರ್ನಲ್ಲಿ ಹ್ಯಾರಿಸ್ ರೌಫ್ 9 ರನ್ ನೀಡಿದರು. ಓವರ್ ತುಂಬಾ ಮಿತವ್ಯಯಕಾರಿಯಾಗಿತ್ತು ಇದು ಖಂಡಿತವಾಗಿಯೂ ಭಾರತದ ಉದ್ವಿಗ್ನತೆಯನ್ನು ಹೆಚ್ಚಿಸಿದೆ. ಓವರ್ನಲ್ಲಿ ಎರಡು ಎಸೆತಗಳು ವೈಡ್ ಆಗಿದ್ದವು. ಭಾರತ 18 ಎಸೆತಗಳಲ್ಲಿ 32 ರನ್ ಗಳಿಸಬೇಕಿದೆ
ಕ್ಯಾಚ್ ಕೈಬಿಟ್ಟ ರಿಜ್ವಾನ್
16ನೇ ಓವರ್ನಲ್ಲಿ ದಹಾನಿ 10 ರನ್ ನೀಡಿದರು. ಆ ಓವರ್ನ ಕೊನೆಯ ಎಸೆತದಲ್ಲಿ ಜಡೇಜಾ ಜೀವದಾನ ಪಡೆದರು. ಬಾಲ್ ವೈಡ್ ಆಗಿತ್ತು, ಜಡೇಜಾ ಪುಲ್ ಮೂಲಕ ಆಡಲು ಪ್ರಯತ್ನಿಸಿದರು ಆದರೆ ಚೆಂಡು ರಿಜ್ವಾನ್ ಕೈಯಿಂದ ಹೊರಬಿತ್ತು.
ಸೂರ್ಯಕುಮಾರ್ ಔಟ್
ನಸೀಮ್ ಶಾ 15ನೇ ಓವರ್ನಲ್ಲಿ ಸೂರ್ಯಕುಮಾರ್ ಯಾದವ್ ಅವರನ್ನು ಬೌಲ್ಡ್ ಮಾಡಿದರು. ಸೂರ್ಯ ಅವರು ಮಿಡ್ ಆನ್‌ನಲ್ಲಿ ಚೆಂಡನ್ನು ಆಡಲು ಪ್ರಯತ್ನಿಸುತ್ತಿದ್ದರು ಆದರೆ ಚೆಂಡು ಸ್ಟಂಪ್‌ಗೆ ಬಡಿಯಿತು. ಸೂರ್ಯ 18 ಎಸೆತಗಳಲ್ಲಿ 18 ರನ್ ಗಳಿಸಿ ಹಿಂತಿರುಗಬೇಕಾಯಿತು. ಇನಿಂಗ್ಸ್‌ನಲ್ಲಿ ಸೂರ್ಯ ಬೌಂಡರಿ ಬಾರಿಸಿದರು
13 ಓವರ್‌ಗಳ ಆಟ ಮುಗಿದಿದೆ
ರವೀಂದ್ರ ಜಡೇಜಾ ಮತ್ತು ಸೂರ್ಯಕುಮಾರ್ ಯಾದವ್ ಭಾರತದ ಇನ್ನಿಂಗ್ಸ್ ಮುನ್ನಡೆಸುತ್ತಿದ್ದಾರೆ. 13 ಓವರ್‌ಗಳ ಅಂತ್ಯಕ್ಕೆ ಭಾರತ 3 ವಿಕೆಟ್ ಕಳೆದುಕೊಂಡು 85 ರನ್ ಗಳಿಸಿತು. ಭಾರತಕ್ಕೆ 40 ಎಸೆತಗಳಲ್ಲಿ 63 ರನ್ ಅಗತ್ಯವಿದೆ.
ಜಡೇಜಾ ಫೋರ್
ಮೊಹಮ್ಮದ್ ನವಾಜ್ 12ನೇ ಓವರ್ನಲ್ಲಿ 8 ರನ್ ನೀಡಿದರು. ಜಡೇಜಾ ಓವರ್ನ ಮೂರನೇ ಎಸೆತದಲ್ಲಿ ನೇರ ಬೌಂಡರಿ ಬಾರಿಸಿದರು. ಲಾಂಗ್ ಆಫ್ ಮತ್ತು ಲಾಂಗ್ ಆನ್ ನಡುವೆ ಅದ್ಭುತ ಶಾಟ್ ಆಡಿದರು.
ಸೂರ್ಯಕುಮಾರ್ ಯಾದವ್ ಸೂಪರ್ ಫೋರ್
11ನೇ ಓವರ್ನಲ್ಲಿ ಶಾದಾಬ್ ಏಳು ರನ್ ನೀಡಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಸೂರ್ಯಕುಮಾರ್ ಯಾದವ್ ಸ್ವೀಪ್ ಮಾಡಿ ಬೌಂಡರಿ ಬಾರಿಸಿದರು.
10 ಓವರ್‌ಗಳ ನಂತರ
ನವಾಜ್ ಅವರ ಓವರ್ನಲ್ಲಿ ರವೀಂದ್ರ ಜಡೇಜಾ ಕೂಡ ಸಿಕ್ಸರ್ ಬಾರಿಸಿದರು. ಭಾರತ 10ನೇ ಓವರ್ನಲ್ಲಿ 62 ರನ್ ಗಳಿಸಿದೆ ಆದರೆ ಅದಕ್ಕೆ ಮೂರು ವಿಕೆಟ್ ಕಳೆದುಕೊಂಡಿತು. ಇನ್ನು ಭಾರತ 60 ಎಸೆತಗಳಲ್ಲಿ 86 ರನ್ ಗಳಿಸಬೇಕಿದ್ದು, ಕೈಯಲ್ಲಿ ಏಳು ವಿಕೆಟ್‌ಗಳಿವೆ.
ವಿರಾಟ್ ಕೊಹ್ಲಿ ಔಟ್
ಮೊಹಮ್ಮದ್ ನವಾಜ್ 10ನೇ ಓವರ್ನ ಮೊದಲ ಎಸೆತದಲ್ಲಿ ವಿರಾಟ್ ಕೊಹ್ಲಿಯನ್ನು ಔಟ್ ಮಾಡುವ ಮೂಲಕ ಎರಡು ಎಸೆತಗಳಲ್ಲಿ ಎರಡು ವಿಕೆಟ್ ಪಡೆದರು. ಕೊಹ್ಲಿ ದೊಡ್ಡ ಹೊಡೆತಗಳನ್ನು ಆಡಲು ಪ್ರಯತ್ನಿಸುತ್ತಿದ್ದರು, ಚೆಂಡು ಮತ್ತೊಮ್ಮೆ ಲಾಂಗ್ ಆಫ್‌ನಲ್ಲಿ ನಿಂತ ಇಫ್ತಿಕರ್ ಅಹ್ಮದ್ ಅವರ ಕೈಗೆ ಹೋಯಿತು. ಕೊಹ್ಲಿ 34 ಎಸೆತಗಳಲ್ಲಿ 35 ರನ್ ಗಳಿಸಿ ಔಟಾದರು. ಮೂರು ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿದರು
ಕ್ಯಾಪ್ಟನ್ ಔಟ್
ರೋಹಿತ್ ಶರ್ಮಾ ಸಿಕ್ಸರ್ ಬಾರಿಸುವ ಯತ್ನದಲ್ಲಿ ಕ್ಯಾಚ್ ನೀಡಿ ಮೈದಾನ ತೊರೆದರು. ಮೊಹಮ್ಮದ್ ನವಾಜ್ ಎಸೆತದಲ್ಲಿ ರೋಹಿತ್, ಇಫ್ತಿಕರ್ ಅಹ್ಮದ್ಗೆ ಕ್ಯಾಚ್ ನೀಡಿದರು. ರೋಹಿತ್ 17 ಎಸೆತಗಳಲ್ಲಿ 12 ರನ್ ಕಲೆಹಾಕಿದರು.
ಭಾರತದ ಅರ್ಧಶತಕ ಪೂರ್ಣ
ಭಾರತ ತಂಡ 50 ರನ್ ಪೂರೈಸಿತು. ರೋಹಿತ್ 17 ಎಸೆತಗಳಲ್ಲಿ 12 ರನ್ ಗಳಿಸಿದರು. ವಿರಾಟ್ 29 ಎಸೆತಗಳಲ್ಲಿ 33 ರನ್ ಗಳಿಸಿದ್ದಾರೆ.
ಪವರ್ ಪ್ಲೇ ಮುಗಿದಿದೆ
ಪವರ್ ಪ್ಲೇಯಲ್ಲಿ ಭಾರತ 38 ರನ್ಗಳಿಗೆ 1 ವಿಕೆಟ್ ಕಳೆದುಕೊಂಡಿತು. ಕೊಹ್ಲಿ 28 ಎಸೆತಗಳಲ್ಲಿ 3 ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 29 ರನ್ ಗಳಿಸಿದರು. ರೋಹಿತ್ 11 ರನ್ ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಕೊಹ್ಲಿಯಿಂದ ಮತ್ತೊಂದು ಫೋರ್
ಆರನೇ ಓವರ್ನಲ್ಲಿ ಹ್ಯಾರಿಸ್ ರೌಫ್ 9 ರನ್ ನೀಡಿದರು. ಓವರ್ನ ಎರಡನೇ ಎಸೆತದಲ್ಲಿ ಕೊಹ್ಲಿ ಚೆಂಡನ್ನು ಬೌಂಡರಿ ದಾಟಿಸಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ, ರೋಹಿತ್ ಫ್ಲಿಕ್ ಮಾಡಲು ಪ್ರಯತ್ನಿಸಿದರು, ಆದರೆ ಚೆಂಡು ಪ್ಯಾಟಿಗೆ ಬಡಿದು ಬೌಂಡರಿ ದಾಟಿತು.
ಕೊಹ್ಲಿ ಅಮೋಘ ಸಿಕ್ಸರ್
ನಾಲ್ಕನೇ ಓವರ್ ಎಸೆದ ಹ್ಯಾರಿಸ್ ರೌಫ್ ಐದನೇ ಎಸೆತದಲ್ಲಿ ಕೊಹ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು. ಇದೀಗ ಪಾಕಿಸ್ತಾನದ ಬೌಲರ್‌ಗಳಿಗೆ ಟೀಂ ಇಂಡಿಯಾ ಬ್ಯಾಟರ್ಸ್ ತಕ್ಕ ಉತ್ತರ ನೀಡುತ್ತಿದ್ದಾರೆ.
ನಸೀಮ್ ಎರಡನೇ ಓವರ್ನಲ್ಲಿ ಕೇವಲ 5 ರನ್
ನಸೀಮ್ ಶಾ ತಮ್ಮ ಎರಡನೇ ಓವರ್ನಲ್ಲಿ ಐದು ರನ್ ನೀಡಿದರು. ಓವರ್ನ ಎಲ್ಲಾ ಎಸೆತಗಳು ಗಂಟೆಗೆ 140 ಕಿ.ಮೀ.ಗಿಂತ ಹೆಚ್ಚು ವೇಗದಲ್ಲಿತ್ತು. ಇಲ್ಲಿ ಭಾರತ ಇನ್ನು ಮುಂದೆ ಯಾವುದೇ ವಿಕೆಟ್ ಕಳೆದುಕೊಳ್ಳದಿರುವುದು ಮುಖ್ಯವಾಗಿದೆ. ಕೊಹ್ಲಿ ಮತ್ತು ರೋಹಿತ್ ಮೇಲೆ ಟೀಂ ಇಂಡಿಯಾ ಹೆಚ್ಚಿನ ನಿರೀಕ್ಷೆ ಹೊಂದಿದೆ.
ಕೊಹ್ಲಿ ಫೋರ್
ಎರಡನೇ ಓವರ್ನಲ್ಲಿ ಶಹನವಾಜ್ ದಹಾನಿ 7 ರನ್ ನೀಡಿದರು. ಓವರ್ನ ಐದನೇ ಎಸೆತದಲ್ಲಿ ಕೊಹ್ಲಿ ಮಿಡ್ ವಿಕೆಟ್‌ನಲ್ಲಿ ಫೋರ್ ಹೊಡೆದರು. ಟೀಂ ಇಂಡಿಯಾಗೆ ಇಲ್ಲಿಯೂ ಅಂತಹದ್ದೇ ಹೊಡೆತ ಬೇಕಿತ್ತು. ಪಾಕಿಸ್ತಾನದಿಂದ ಸಾಕಷ್ಟು ಆಕ್ರಮಣಕಾರಿ ಬೌಲಿಂಗ್ ನಡೆಯುತ್ತಿದೆ.
ರಾಹುಲ್ ಔಟ್
ಮೊದಲ ಓವರ್ನಲ್ಲೇ ಪದಾರ್ಪಣೆ ಮಾಡಿದ ನಸೀಮ್ ಶಾ, ಕೆಎಲ್ ರಾಹುಲ್ ಅವರನ್ನು ಬೌಲ್ಡ್ ಮಾಡುವ ಮೂಲಕ ತಂಡಕ್ಕೆ ಮೊದಲ ಯಶಸ್ಸು ತಂದುಕೊಟ್ಟರು. ಚೆಂಡು ಬ್ಯಾಟ್ನ ಒಳ ಅಂಚಿಗೆ ಬಿದ್ದು ಸ್ಟಂಪ್‌ಗೆ ಬಡಿಯಿತು. ರಾಹುಲ್ ಗೋಲ್ಡನ್ ಡಕ್ ಆದರು. ಭಾರತಕ್ಕೆ ದೊಡ್ಡ ಹೊಡೆತ.
ಕ್ರೀಸ್‌ನಲ್ಲಿ ರೋಹಿತ್-ರಾಹುಲ್
ಭಾರತದ ಬ್ಯಾಟಿಂಗ್ ಶುರುವಾಗಿದೆ. ನಾಯಕ ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ ಓಪನಿಂಗ್ ಮಾಡಿದ್ದಾರೆ. ಪಾಕಿಸ್ತಾನಕ್ಕೆ ಪದಾರ್ಪಣೆ ಮಾಡುತ್ತಿರುವ ನಸೀಮ್ ಶಾ ಮೊದಲ ಓವರ್ ಹಾಕಿದ್ದಾರೆ.
ಪಾಕಿಸ್ತಾನ 147ಕ್ಕೆ ಆಲೌಟ್
ಪಾಕಿಸ್ತಾನ ತಂಡ 19.5 ಓವರ್ಗಳಲ್ಲಿ 147 ರನ್ಗಳಿಗೆ ಆಲೌಟ್ ಆಯಿತು. ತಂಡದ ಪರವಾಗಿ ಮೊಹಮ್ಮದ್ ರಿಜ್ವಾನ್ 43 ಮತ್ತು ಇಫ್ತಿಕರ್ 28 ರನ್ ಗಳಿಸಿದರು. ಭುವನೇಶ್ವರ್ ಕುಮಾರ್ ನಾಲ್ಕು, ಹಾರ್ದಿಕ್ ಮೂರು, ಅರ್ಷದೀಪ್ ಎರಡು ಮತ್ತು ಅವೇಶ್ ಖಾನ್ ಒಂದು ವಿಕೆಟ್ ಪಡೆದರು. ಇನ್ನು ಸ್ವಲ್ಪ ಹೊತ್ತಿನಲ್ಲಿ ಭಾರತದ ಬ್ಯಾಟಿಂಗ್ ಶುರುವಾಗಲಿದೆ
ಸಿಕ್ಸರ್ ಬಾರಿಸಿದ ನಂತರ ಬೋಲ್ಡ್
ಭುವಿ ಅವರ ಓವರ್ನ ಐದನೇ ಎಸೆತದಲ್ಲಿ ದಹಾನಿ 91 ಮೀಟರ್ ಉದ್ದದ ಸಿಕ್ಸರ್ ಬಾರಿಸಿದರು. ಇದರ ನಂತರ, ದಹಾನಿ ಮುಂದಿನ ಓವರ್ನ ನಾಲ್ಕನೇ ಎಸೆತದಲ್ಲಿ ಡೀಪ್ ಮಿಡ್ ವಿಕೆಟ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಆದರೆ, 19ನೇ ಓವರ್ನ ಐದನೇ ಎಸೆತದಲ್ಲಿ ಬೌಲ್ಡ್ ಆದರು. ಅವರು 6 ಎಸೆತಗಳಲ್ಲಿ 16 ರನ್ ಗಳಿಸಿದರು.
ಶಾದಾಬ್ ಔಟ್
ಭುವನೇಶ್ವರ್ ಕುಮಾರ್ ತಮ್ಮ ಕೊನೆಯ ಓವರ್ನ ಮೊದಲ ಎಸೆತದಲ್ಲಿ ಶಾದಾಬ್ ಖಾನ್ ಕೈಯಲ್ಲಿ ಬೌಂಡರಿ ತಿಂದರು ಆದರೆ ನಂತರ ಅವರನ್ನು ಭುವಿ ಪೆವಿಲಿಯನ್‌ಗೆ ಕಳುಹಿಸಿದರು. ಶಾದಾಬ್ 9 ಎಸೆತಗಳಲ್ಲಿ 10 ರನ್ ಗಳಿಸಿದರು.
ಹಾರಿಸ್ ರೌಫ್ 2 ಬೌಂಡರಿ
ಅರ್ಷದೀಪ್ ಸಿಂಗ್ ಒಂದು ವಿಕೆಟ್ ಪಡೆದರು ಆದರೆ ಓವರ್ನಲ್ಲಿ ಎರಡು ಬೌಂಡರಿಗಳನ್ನು ಸಹ ತಿಂದರು. ಹ್ಯಾರಿಸ್ ರೌಫ್ ಓವರ್ನ ಮೂರನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಅದೇ ಸಮಯದಲ್ಲಿ, ಕೊನೆಯ ಚೆಂಡನ್ನು ಫ್ಲಿಕ್ ಮಾಡಿ ಮಿಡ್-ವಿಕೆಟ್‌ನಲ್ಲಿ ಮತ್ತೊಂದು ಬೌಂಡರಿ ಹೊಡೆದರು. ಆ ಓವರ್ನಲ್ಲಿ 10 ರನ್ ಬಂದವು
ಪಾಕಿಸ್ತಾನ ಏಳನೇ ವಿಕೆಟ್ ಪತನ
ಅರ್ಷದೀಪ್ ಸಿಂಗ್ ಪಾಕಿಸ್ತಾನ ವಿರುದ್ಧ ಮೊದಲ ವಿಕೆಟ್ ಪಡೆದಿದ್ದಾರೆ. 18ನೇ ಓವರ್ನ ಮೊದಲ ಎಸೆತದಲ್ಲಿ ನವಾಜ್ ಕಟ್ ಮಾಡಲು ಯತ್ನಿಸಿದರಾದರೂ ಚೆಂಡು ಬ್ಯಾಟ್ನ ಹೊರ ಅಂಚಿಗೆ ಬಡಿದು ದಿನೇಶ್ ಕಾರ್ತಿಕ್ ಕೈ ಸೇರಿತು. ನವಾಜ್ 3 ಎಸೆತಗಳಲ್ಲಿ ಒಂದು ರನ್ ಗಳಿಸಿ ಔಟಾದರು.
ಭುವಿಗೆ 2ನೇ ವಿಕೆಟ್
ಭುವನೇಶ್ವರ್ ಕುಮಾರ್ ತಮ್ಮ ಮೂರನೇ ಓವರ್ ಬೌಲ್ ಮಾಡಿ, ಆಸಿಫ್ ಅಲಿಯನ್ನು ಔಟ್ ಮಾಡುವ ಮೂಲಕ ಭಾರತಕ್ಕೆ ದೊಡ್ಡ ಪ್ರಗತಿಯನ್ನು ನೀಡಿದರು. ಆಕ್ರಮಣಕಾರಿ ಬ್ಯಾಟ್ಸ್‌ಮನ್ ಆಸಿಫ್ ಲಾಂಗ್‌ನಲ್ಲಿ ಚೆಂಡನ್ನು ಆಡಿದರು, ಸೂರ್ಯಕುಮಾರ್ ಅದ್ಭುತ ಕ್ಯಾಚ್ ಹಿಡಿದರು.
ಚಾಹಲ್ ಉತ್ತಮ ಓವರ್
ಹಾರ್ದಿಕ್ ಅವರ ಓವರ್ನ ನಂತರ ಪಾಕಿಸ್ತಾನಿ ಆಟಗಾರರು ರಿಸ್ಕ್ ತೆಗೆದುಕೊಳ್ಳಲು ಬಯಸಲಿಲ್ಲ. 16ನೇ ಓವರ್ನಲ್ಲಿ ಚಹಾಲ್ 8 ರನ್ ನೀಡಿದರು. ಓವರ್ನಲ್ಲಿ ಯಾವುದೇ ದೊಡ್ಡ ಹೊಡೆತ ಕಾಣಲಿಲ್ಲ. ಆಸಿಫ್ ಹಿಟ್ಟರ್ ಆಗಿರುವುದರಿಂದ ಭಾರತ ಅವರನ್ನು ಬೇಗ ಔಟ್ ಮಾಡಬೇಕಿದೆ.
ಹಾರ್ದಿಕ್ ಪಾಂಡ್ಯ ಅದ್ಭುತ ಸ್ಪೆಲ್ ಅಂತ್ಯ
ಹಾರ್ದಿಕ್ ಪಾಂಡ್ಯ ಸ್ಪೆಲ್ ಮುಗಿದಿದೆ. ನಾಲ್ಕು ಓವರ್ಗಳಲ್ಲಿ 25 ರನ್ ನೀಡಿ ಮೂರು ವಿಕೆಟ್ ಪಡೆದರು. ಪಾಕಿಸ್ತಾನವನ್ನು ಕಟ್ಟಿಹಾಕುವಲ್ಲಿ ಹಾರ್ದಿಕ್ ಪ್ರಮುಖ ಪಾತ್ರ ವಹಿಸಿದ್ದಾರೆ.
ಖುಷ್ದಿಲ್ ಕೂಡ ಔಟ್
15ನೇ ಓವರ್ನಲ್ಲಿ ಹಾರ್ದಿಕ್ ಭಾರತಕ್ಕೆ ಮತ್ತೊಂದು ಮಹತ್ವದ ತಿರುವು ನೀಡಿದರು. ಈ ಬಾರಿ ಖುಶ್ದಿಲ್ ನನ್ನು ಬಲಿಪಶು ಮಾಡಿದರು. ಖುಷ್ದಿಲ್ ಕಟ್ ಮಾಡಲು ಯತ್ನಿಸುತ್ತಿದ್ದರೂ ಚೆಂಡು ಸರಿಯಾಗಿ ಬ್ಯಾಟ್ಗೆ ಬಾರದೆ, ಜಡೇಜಾಗೆ ಕ್ಯಾಚ್ ನೀಡಿದರು. ಅವರು 7 ಎಸೆತಗಳಲ್ಲಿ ಕೇವಲ 2 ರನ್ ಗಳಿಸಿದರು
ರಿಜ್ವಾನ್ ಔಟ್
ಪಾಕಿಸ್ತಾನದ ಪ್ರಮುಖ ಬ್ಯಾಟ್ಸ್‌ಮನ್ ರಿಜ್ವಾನ್ (43) ಔಟಾಗಿದ್ದಾರೆ. ಹಾರ್ದಿಕ್ ಪಾಂಡ್ಯ ಅವರ ಬೌನ್ಸರ್ ಅನ್ನು ಬೌಂಡರಿ ಬಾರಿಸಲು ರಿಜ್ವಾನ್ ಪ್ರಯತ್ನಿಸಿದರು. ಆದರೆ ಬೌಂಡರಿ ಲೈನ್‌ನಲ್ಲಿದ್ದ ಅವೇಶ್ ಖಾನ್ ಸುಲಭ ಕ್ಯಾಚ್ ಪಡೆದರು. ಇದರೊಂದಿಗೆ ಪಾಕಿಸ್ತಾನ 96 ರನ್ ಗಳಿಸುವಷ್ಟರಲ್ಲಿ ನಾಲ್ಕನೇ ವಿಕೆಟ್ ಕಳೆದುಕೊಂಡಿತು.
ಇಫ್ತಿಕರ್ ಔಟ್
ಕೊನೆಯ ಓವರ್ನಲ್ಲಿ ಕ್ಯಾಚ್ ಔಟಾಗದೆ ಪಾರಾದ ಪಾಕಿಸ್ತಾನದ ಬ್ಯಾಟ್ಸ್‌ಮನ್ ಇಫ್ತಿಕರ್ ಅಹ್ಮದ್ (28) ಈ ವೇಳೆ ಕ್ಯಾಚ್ ನೀಡಿದರು. ಹಾರ್ದಿಕ್ (12.1ನೇ ಓವರ್) ಚೆಂಡನ್ನು ಎಳೆಯಲು ಹೋಗಿ ಕೀಪರ್ ದಿನೇಶ್ ಕೈಗೆ ಕ್ಯಾಚ್ ನೀಡಿದರು. ಇದರೊಂದಿಗೆ ಪಾಕಿಸ್ತಾನ 87 ರನ್ ಗಳಿಸುವಷ್ಟರಲ್ಲಿ ಮೂರನೇ ವಿಕೆಟ್ ಕಳೆದುಕೊಂಡಿತು.
ಇಫ್ತಿಕಾರ್ಗೆ ಜೀವದಾನ
12ನೇ ಓವರ್ನಲ್ಲಿ ಇಫ್ತಿಕರ್ ಇನ್ನಿಂಗ್ಸ್ನ ಎರಡನೇ ಸಿಕ್ಸರ್ ಬಾರಿಸಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಅವರು ಲಾಂಗ್ ಆನ್‌ನಲ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು. ಮುಂದಿನ ಎಸೆತದಲ್ಲಿ ಅವರು ನೇರವಾಗಿ ಆಡಲು ಪ್ರಯತ್ನಿಸಿದರು, ಚಾಹಲ್ಗೆ ಕ್ಯಾಚ್ ತೆಗೆದುಕೊಳ್ಳುವ ಅವಕಾಶವಿತ್ತು, ಆದರೆ ಅವರು ಕೈಬಿಟ್ಟರು. ಈ ಕ್ಯಾಚ್ ಭಾರತಕ್ಕೆ ತುಂಬಾ ದುಬಾರಿಯಾಗಬಹುದು.
ರಿಜ್ವಾನ್ಗೆ ಜೀವದಾನ
11ನೇ ಓವರ್ನಲ್ಲಿ ಜಡೇಜಾ 8 ರನ್ ನೀಡಿದರು. ಓವರ್ನ ಮೊದಲ ಎಸೆತದಲ್ಲಿ ರಿಜ್ವಾನ್ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಚೆಂಡನ್ನು ಕಟ್ ಮಾಡಿ ಬೌಂಡರಿ ಪಡೆದರು. ಮುಂದಿನ ಎಸೆತದಲ್ಲಿ ಜಡೇಜಾ ಅವರ ನೇರ ಹೊಡೆತದಿಂದ ರಿಜ್ವಾನ್ ರನ್ ಔಟಾಗಬಹುದಿತ್ತು ಆದರೆ ಚೆಂಡು ಸ್ಟಂಪ್‌ಗೆ ತಾಗಲಿಲ್ಲ.
10 ಓವರ್ಗಳಲ್ಲಿ 68 ರನ್ ಗಳಿಸಿದ ಪಾಕಿಸ್ತಾನ
ಯುಜ್ವೇಂದ್ರ ಚಹಾಲ್ 10ನೇ ಓವರ್ನಲ್ಲಿ ಐದು ರನ್ ನೀಡಿದರು. ಆ ಓವರ್ನಲ್ಲಿ ಕೇವಲ ಐದು ರನ್‌ಗಳು ಬಂದವು. 10 ಓವರ್‌ಗಳ ನಂತರ ಪಾಕಿಸ್ತಾನದ ಸ್ಕೋರ್ 68/2. ರಿಜ್ವಾನ್ 31 ಎಸೆತಗಳಲ್ಲಿ 29 ರನ್ ಮತ್ತು ಅಹ್ಮದ್ 14 ಎಸೆತಗಳಲ್ಲಿ 16 ರನ್ ಗಳಿಸಿದ್ದಾರೆ.
ರಿಜ್ವಾನ್ ಮತ್ತು ಇಫ್ತಿಕರ್ ಜೊತೆಯಾಟ
ರವೀಂದ್ರ ಜಡೇಜಾ ಒಂಬತ್ತನೇ ಓವರ್ನಲ್ಲಿ ನಾಲ್ಕು ರನ್ ನೀಡಿದರು. ರಿಜ್ವಾನ್ ಮತ್ತು ಇಫ್ತಿಕರ್ ಜೋಡಿಯು ನಿಧಾನವಾಗಿ ಸೆಟ್ಟಾಗುತ್ತಿದ್ದಾರೆ. ಭಾರತೀಯ ಬೌಲರ್‌ಗಳು ಈ ಜೋಡಿಗೆ ದೊಡ್ಡ ಜೊತೆಯಾಟವನ್ನು ಮಾಡಲು ಅವಕಾಶ ನೀಡದಿರಲು ಪ್ರಯತ್ನಿಸುತ್ತಿದ್ದಾರೆ.
ಇಫ್ತಿಕರ್ ಬೌಂಡರಿ
ಹಾರ್ದಿಕ್ ಪಾಂಡ್ಯ ನಂತರ ಯುಜ್ವೇಂದ್ರ ಚಹಾಲ್ 8 ರನ್ ನೀಡಿದರು. ಓವರ್ನ ಮೂರನೇ ಎಸೆತದಲ್ಲಿ ಇಫ್ತಿಕಾರ್ ಕಟ್ ಮಾಡಿ ಚೆಂಡನ್ನು ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಬೌಂಡರಿ ದಾಟಿಸಿದರು. ಪಾಕಿಸ್ತಾನದ ಬ್ಯಾಟ್ಸ್‌ಮನ್‌ಗಳು ಪ್ರತಿ ಓವರ್ನಲ್ಲಿ ದೊಡ್ಡ ಹೊಡೆತವನ್ನು ಆಡುವ ಮೂಲಕ ಸ್ಕೋರ್ ಅನ್ನು ಮುನ್ನಡೆಸಲು ಪ್ರಯತ್ನಿಸುತ್ತಿದ್ದಾರೆ.
ಪಾಂಡ್ಯಗೆ ಮತ್ತೊಂದು ಫೋರ್
ಹಾರ್ದಿಕ್ ಪಾಂಡ್ಯ ತಮ್ಮ ಎರಡನೇ ಓವರ್ ಬೌಲ್ ಮಾಡಿ 8 ರನ್ ಬಿಟ್ಟುಕೊಟ್ಟರು. ಫಖರ್ ನಿರ್ಗಮನದ ಬಳಿಕ ಕ್ರೀಸ್ಗೆ ಬಂದ ಇಫ್ತಿಕರ್ ಅಹ್ಮದ್ ಫೋರ್ ಬಾರಿಸಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಅವರು ಡೀಪ್ ಎಕ್ಸ್ಟ್ರಾ ಕವರ್‌ನಲ್ಲಿ ಚೆಂಡನ್ನು ಆಡಿದರು, ಚಾಹಲ್ ಡೈವಿಂಗ್ ಮೂಲಕ ಚೆಂಡನ್ನು ತಡೆಯಲು ಪ್ರಯತ್ನಿಸಿದರಾದರೂ ಹಿಡಿಯುವಲ್ಲಿ ಯಶಸ್ವಿಯಾಗಲಿಲ್ಲ.
ಫಖರ್ ಜಮಾನ್ ಪೆವಿಲಿಯನ್‌ಗೆ
ಅವೇಶ್ ಖಾನ್ ಅವರ ಓವರ್ನ 5ನೇ ಎಸೆತದಲ್ಲಿ 10 ರನ್ ಗಳಿಸಿದ್ದ ಫಖರ್ ಜಮಾನ್ ಔಟಾದರು. ಜಮಾನ್ ಓವರ್ನ ಐದನೇ ಎಸೆತದಲ್ಲಿ ಸ್ಕೂಪ್ ಮಾಡಲು ಪ್ರಯತ್ನಿಸುತ್ತಿದರು ಆದರೆ ಚೆಂಡು ಬ್ಯಾಟ್ನ ಅಂಚಿಗೆ ತಾಗಿ ದಿನೇಶ್ ಕಾರ್ತಿಕ್ ಕೈ ಸೇರಿತು. ಚೆಂಡು ಬ್ಯಾಟ್ಗೆ ಬಡಿದದ್ದು ಯಾರಿಗೂ ಕೇಳಿಸಲಿಲ್ಲ ಆದರೆ ಫಖರ್ ಪೆವಿಲಿಯನ್‌ಗೆ ಮರಳಿದರು.
ಫಖರ್ ಬೌಂಡರಿ
ಫಖರ್ ಜಮಾನ್ ಬೌಂಡರಿಯೊಂದಿಗೆ ಆರಂಭಿಸಿದ ಐದನೇ ಓವರ್ ಅನ್ನು ಹಾರ್ದಿಕ್ ಪಾಂಡ್ಯ ಎಸೆದರು. ಜಮಾನ್ ಮಿಡ್ ಆಫ್ ಮತ್ತು ಎಕ್ಸ್ಟ್ರಾ ಕವರ್‌ನಲ್ಲಿ ಈ ಬೌಂಡರಿ ಬಾರಿಸಿದರು. ಈ ಓವರ್ನಲ್ಲಿ ಒಟ್ಟು ಏಳು ರನ್‌ಗಳು ಬಂದವು.
ಪಾಕ್ ಉತ್ತಮ ಬ್ಯಾಟಿಂಗ್
ಮೊದಲ ನಾಲ್ಕು ಓವರ್ಗಳಲ್ಲಿ ಪಾಕಿಸ್ತಾನ ತಂಡ 23 ರನ್ ಗಳಿಸಿದೆ. ಬಾಬರ್ ಔಟಾದ ನಂತರ ಮೊಹಮ್ಮದ್ ರಿಜ್ವಾನ್ ಮತ್ತು ಫಕರ್ ಜಮಾನ್ ಕ್ರೀಸ್‌ನಲ್ಲಿದ್ದಾರೆ
6 ರನ್ಗಳ ಆಸುಪಾಸಿನಲ್ಲಿ ರನ್ ರೇಟ್
ಪಾಕಿಸ್ತಾನ ತಂಡದ ಮೊದಲ ನಾಲ್ಕು ಓವರ್‌ಗಳ ರನ್ರೇಟ್ 6 ರನ್ಗಳ ಆಸುಪಾಸಿನಲ್ಲಿದೆ. ಬಾಬರ್ ಔಟಾದ ನಂತರ ಬ್ಯಾಟ್ಸ್‌ಮನ್‌ಗಳು ಎಚ್ಚರಿಕೆಯಿಂದ ಆಡುತ್ತಿದ್ದಾರೆ
ಯಶಸ್ವಿ 3ನೇ ಓವರ್ ಅಂತ್ಯ
ಭಾರತದ ಬೌಲಿಂಗ್‌ನ ಮೂರನೇ ಓವರ್ ಅಂತ್ಯಗೊಂಡಿದೆ. ಈ ಓವರ್ನಲ್ಲಿ ಭುವಿ ಒಂದು ವಿಕೆಟ್ ಪಡೆದರು. ಪಾಕಿಸ್ತಾನದ ಸ್ಕೋರ್ – 19/1
ಬಾಬರ್ ವಿಫಲ
ಪಂದ್ಯಕ್ಕೂ ಮುನ್ನ ಬಾಬರ್ ಅಜಂ ಬ್ಯಾಟಿಂಗ್ ಬಗ್ಗೆ ಸಾಕಷ್ಟು ಚರ್ಚೆ ನಡೆದಿತ್ತು. ಪಾಕಿಸ್ತಾನದ ಬ್ಯಾಟಿಂಗ್ ಅವರ ಮೇಲೆಯೆ ಹೆಚ್ಚು ಅವಲಂಭಿತವಾಗಿತ್ತು. ಆದರೆ ಬಾಬರ್ ಅಜಂ ಇಂದು ನಿರಾಸೆ ಮೂಡಿಸಿದ್ದಾರೆ.
ಬಾಬರ್ ಔಟ್
3ನೇ ಓವರ್ನಲ್ಲೇ ಭುವನೇಶ್ವರ್ ಕುಮಾರ್ ಟೀಂ ಇಂಡಿಯಾಕ್ಕೆ ಅದ್ಭುತ ಯಶಸ್ಸು ನೀಡಿದ್ದಾರೆ. ಬಿಗ್ ಶಾಟ್ ಆಡುವ ಯತ್ನದಲ್ಲಿ ಪಾಕ್ ನಾಯಕ ಬಾಬರ್ ಅರ್ಶದೀಪ್ಗೆ ಕ್ಯಾಚಿತ್ತು ಔಟಾಗಿದ್ದಾರೆ.
ಆರಂಭಿಕರಿಂದ ಎಚ್ಚರಿಕೆಯ ಆಟ
ಪಾಕಿಸ್ತಾನ ತಂಡ ಎಚ್ಚರಿಕೆಯಿಂದ ಬ್ಯಾಟಿಂಗ್ ಮಾಡುತ್ತಿದೆ. ಬ್ಯಾಟ್ಸ್‌ಮನ್‌ಗಳು ಅತಿಯಾದ ಆಕ್ರಮಣಶೀಲತೆ ತೋರಿಸುತ್ತಿಲ್ಲ. ಆದರೆ 2ನೇ ಓವರ್ನಲ್ಲಿ ಬಾಬರ್ ಮತ್ತೊಂದು ಬೌಂಡರಿ ಬಾರಿಸಿದರು.
ಮೊದಲ ಓವರ್ನಲ್ಲಿ 6 ರನ್
ಮೊದಲ ಓವರ್ನಲ್ಲಿ ಪಾಕಿಸ್ತಾನ ಯಾವುದೇ ವಿಕೆಟ್ ನಷ್ಟವಿಲ್ಲದೆ 6 ರನ್ ಗಳಿಸಿತ್ತು. ಮೊದಲ ಓವರ್ನಲ್ಲೇ ಬಾಬರ್ ಸ್ಟ್ರೈಟ್ ಡ್ರೈವ್ ಮೂಲಕ ಬೌಂಡರಿ ಬಾರಿಸಿದರು. ಅರ್ಷದೀಪ್ ಈಗ ಎರಡನೇ ಓವರ್ ಮಾಡುತ್ತಿದ್ದಾರೆ.
ಪಂದ್ಯ ಆರಂಭ
ಭಾರತದ ಪರ ಭುವನೇಶ್ವರ್ ಕುಮಾರ್ ಮೊದಲ ಓವರ್ ಮಾಡುತ್ತಿದ್ದಾರೆ. ಅವರನ್ನು ಎದುರಿಸಲು ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ ಮತ್ತು ಅವರ ಜೊತೆಗಾರ ಮೊಹಮ್ಮದ್ ರಿಜ್ವಾನ್ ಕ್ರೀಸ್‌ನಲ್ಲಿದ್ದಾರೆ.
ಪಾಕಿಸ್ತಾನ್ ಪ್ಲೇಯಿಂಗ್ ಇಲೆವೆನ್
ಬಾಬರ್ ಆಜಮ್, ಮೊಹಮ್ಮದ್ ರಿಜ್ವಾನ್, ಫಖರ್ ಜಮಾನ್, ಇಫ್ತಿಕರ್ ಅಹ್ಮದ್, ಖುಷ್ದಿಲ್ ಶಾ, ಆಸಿಫ್ ಅಲಿ, ಶಾದಾಬ್ ಖಾನ್, ಮೊಹಮ್ಮದ್ ನವಾಜ್, ನಸೀಮ್ ಶಾ, ಹ್ಯಾರಿಸ್ ರೌಫ್, ಶಾನವಾಜ್ ದಹಾನಿ
ಟೀಮ್ ಇಂಡಿಯಾ ಪ್ಲೇಯಿಂಗ್ ಇಲೆವೆನ್
ರೋಹಿತ್ ಶರ್ಮಾ, ಕೆಎಲ್ ರಾಹುಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್,ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ದಿನೇಶ್ ಕಾರ್ತಿಕ್, ಭುವನೇಶ್ವರ್ ಕುಮಾರ್, ಯುಜ್ವೇಂದ್ರ ಚಹಾಲ್, ಅವೇಶ್ ಖಾನ್, ಅರ್ಷದೀಪ್ ಸಿಂಗ್
ಟಾಸ್ ಗೆದ್ದ ಭಾರತ
ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಟಾಸ್ ಗೆದ್ದು, ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
ಅಭಿಮಾನಿಗಳಿಂದ ತುಂಬಿದ ಕ್ರೀಡಾಂಗಣ
INDvPAK ಪಂದ್ಯದ ಆರಂಭದ ಮೊದಲು, ಭಾರತ ಮತ್ತು ಪಾಕಿಸ್ತಾನದ ಕ್ರಿಕೆಟ್ ಪ್ರೇಮಿಗಳು ತಮ್ಮ ತಂಡಗಳನ್ನು ಹುರಿದುಂಬಿಸಲು ಕ್ರೀಡಾಂಗಣದಲ್ಲಿ ಜಮಾಯಿಸಿದ್ದಾರೆ.
ಕಪ್ಪು ಪಟ್ಟಿ ಧರಿಸಲಿದ್ದಾರೆ ಪಾಕ್ ಆಟಗಾರರು
ತಮ್ಮ ದೇಶದಲ್ಲಿ ಪ್ರವಾಹದಿಂದ ಸಂತ್ರಸ್ತರಾದ ಜನರೊಂದಿಗೆ ಒಗ್ಗಟ್ಟು ಪ್ರದರ್ಶಿಸಲು ಪಾಕಿಸ್ತಾನದ ಆಟಗಾರರು ಈ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಈ ಬಗ್ಗೆ ಪಾಕಿಸ್ತಾನದ ಪತ್ರಕರ್ತರೊಬ್ಬರು ಟ್ವೀಟ್ ಮಾಡುವ ಮೂಲಕ ಮಾಹಿತಿ ನೀಡಿದ್ದಾರೆ.
ಟೀಂ ಇಂಡಿಯಾವನ್ನು ಅಭಿನಂದಿಸಿದ ರಾಹುಲ್ ಗಾಂಧಿ
ವಿಡಿಯೋವನ್ನು ಶೇರ್ ಮಾಡುವ ಮೂಲಕ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಟೀಂ ಇಂಡಿಯಾವನ್ನು ಅಭಿನಂದಿಸಿದ್ದಾರೆ. ಈ ಪಂದ್ಯಕ್ಕಾಗಿ ಎಲ್ಲರೂ ಕಾಯುತ್ತಿದ್ದರು, ಆ ದಿನ ಬಂದಿದೆ. ನನ್ನ ಕಡೆಯಿಂದ ಟೀಂ ಇಂಡಿಯಾಗೆ ಅಭಿನಂದನೆಗಳು. ಕಷ್ಟಪಟ್ಟು ಆಟವಾಡಿ ಗೆಲ್ಲಿರಿ ಎಂದು ರಾಹುಲ್ ಶುಭಾಷಯ ತಿಳಿಸಿದ್ದಾರೆ.
ಏಷ್ಯಾಕಪ್‌ನಲ್ಲಿ ಇಂಡೋ-ಪಾಕ್ ದಾಖಲೆ
ಏಷ್ಯಾಕಪ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ 13 ಬಾರಿ ಮುಖಾಮುಖಿಯಾಗಿವೆ. ಭಾರತ 7ರಲ್ಲಿ ಗೆದ್ದಿದ್ದರೆ ಪಾಕಿಸ್ತಾನ 5ರಲ್ಲಿ ಗೆದ್ದಿದೆ.ಒಂದು ಪಂದ್ಯದ ಫಲಿತಾಂಶ ಬಂದಿಲ್ಲ.
Published On - Aug 28,2022 6:18 PM
