IND vs SA: ಕೇಪ್​ಟೌನ್ ಕದನ ಗೆಲ್ಲುತ್ತಾ ಭಾರತ? ನ್ಯೂಲ್ಯಾಂಡ್ಸ್ ಪಿಚ್ ವರದಿ ಪ್ರಕಾರ ಯಾರಿಗೆ ಲಾಭ ಗೊತ್ತಾ?

IND vs SA: ಕೇಪ್​ಟೌನ್ ಕದನ ಗೆಲ್ಲುತ್ತಾ ಭಾರತ? ನ್ಯೂಲ್ಯಾಂಡ್ಸ್ ಪಿಚ್ ವರದಿ ಪ್ರಕಾರ ಯಾರಿಗೆ ಲಾಭ ಗೊತ್ತಾ?
ಕೇಪ್ ಟೌನ್ ಮೈದಾನ

IND vs SA: 2020 ರಿಂದ, ಕೇಪ್ ಟೌನ್‌ನಲ್ಲಿ 8 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಲಾಗಿದೆ, ಇದರಲ್ಲಿ ಬ್ಯಾಟ್ಸ್‌ಮನ್‌ಗಳು ಪ್ರಾಬಲ್ಯ ಸಾಧಿಸಿದ್ದಾರೆ. ಇಲ್ಲಿ ಮೊದಲು ಬ್ಯಾಟ್ ಮಾಡಿದ ತಂಡದ ಸರಾಸರಿ ಸ್ಕೋರ್ 361

TV9kannada Web Team

| Edited By: pruthvi Shankar

Jan 10, 2022 | 8:08 PM

ಸೆಂಚುರಿಯನ್‌ನಲ್ಲಿ ಭಾರತ ಮತ್ತು ಜೋಹಾನ್ಸ್‌ಬರ್ಗ್‌ನಲ್ಲಿ ದಕ್ಷಿಣ ಆಫ್ರಿಕಾ ಗೆದ್ದಿದೆ. ಈಗ ಕೇಪ್ ಟೌನ್​ನಲ್ಲಿ ಸರಣಿ ಗೆಲ್ಲುವವರು ಯಾರು? ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಕೊನೆಯ ಟೆಸ್ಟ್ ಪಂದ್ಯ ಮಂಗಳವಾರದಿಂದ ಆರಂಭವಾಗಲಿದೆ. ಭಾರತ ತಂಡ ಇದುವರೆಗೆ ಟೆಸ್ಟ್ ಪಂದ್ಯ ಗೆದ್ದಿರದ ಮೈದಾನದಲ್ಲಿ ಪಂದ್ಯ ನಡೆಯಬೇಕಿದೆ. ಕೇಪ್ ಟೌನ್‌ನ ನ್ಯೂಲ್ಯಾಂಡ್ಸ್ ಮೈದಾನದಲ್ಲಿ ದಕ್ಷಿಣ ಆಫ್ರಿಕಾದ ವೇಗದ ಬೌಲರ್‌ಗಳ ಮುಂದೆ ಭಾರತೀಯ ಬ್ಯಾಟ್ಸ್‌ಮನ್‌ಗಳು ಸಾಮಾನ್ಯವಾಗಿ ಹೆಣಗಾಡುತ್ತಿರುವುದನ್ನು ಕಾಣಬಹುದು. ಈ ಬಾರಿ ಭಾರತದ ಮಧ್ಯಮ ಕ್ರಮಾಂಕ ತೀರಾ ಕೆಟ್ಟ ಸ್ಥಿತಿಯಲ್ಲಿದೆ. ವಿರಾಟ್ ರನ್ ಗಳಿಸುತ್ತಿಲ್ಲ ಅಥವಾ ಪೂಜಾರ-ರಹಾನೆ ಬ್ಯಾಟ್‌ ಅಬ್ಬರಿಸುತ್ತಿಲ್ಲ. ಹೀಗಿರುವಾಗ ಕೇಪ್‌ಟೌನ್‌ನ ವೇಗದ ಮತ್ತು ಬೌನ್ಸಿ ಪಿಚ್‌ನಲ್ಲಿ ಭಾರತದ ಬ್ಯಾಟ್ಸ್‌ಮನ್‌ಗಳ ಗತಿಯೇನು ಎಂಬುದು ಪ್ರಶ್ನೆ. ಅಂದಹಾಗೆ, ಕೇಪ್ ಟೌನ್‌ನ ಪಿಚ್ ವರದಿಯ ಬಗ್ಗೆ ಮಾತನಾಡುವುದಾದರೆ, ಇದು ಟೀಮ್ ಇಂಡಿಯಾಕ್ಕೆ ಬಿಗ್ ರಿಲೀಫ್ ಆಗಿದೆ.

ಕೇಪ್ ಟೌನ್ ಪಿಚ್ ವರದಿಯ ಪ್ರಕಾರ ವೇಗದ ಬೌಲರ್‌ಗಳ ಪ್ರಾಬಲ್ಯವನ್ನು ಹೊಂದಿದ್ದಾರೆ, ಅಲ್ಲಿ ಚೆಂಡು ಸೀಮ್ ಮತ್ತು ಸ್ವಿಂಗ್ ಆಗಿರುತ್ತದೆ. ಇದಕ್ಕೆ ಕಳೆದ ಎರಡು ವರ್ಷಗಳ ಸ್ಪರ್ಧೆಗಳಲ್ಲಿ ಇಲ್ಲಿ ಮಾಡಿದ ಅಂಕಿ ಅಂಶಗಳೇ ಸಾಕ್ಷಿ. ESPN Cricinfo ವರದಿಯ ಪ್ರಕಾರ, ಕಳೆದ ಎರಡು ವರ್ಷಗಳಿಂದ ನ್ಯೂಲ್ಯಾಂಡ್ಸ್ ಮೈದಾನದಲ್ಲಿ ಬಹಳಷ್ಟು ಬದಲಾವಣೆಯಾಗಿದೆ. ಕಳೆದ ಎರಡು ವರ್ಷಗಳಿಂದ ಇಲ್ಲಿ ಟೆಸ್ಟ್ ಪಂದ್ಯಗಳು ನಡೆಯುತ್ತಿಲ್ಲ. ಅಷ್ಟೇ ಅಲ್ಲ, ಈ ಮೈದಾನದ ಗ್ರೌಂಡ್ಸ್ ಮನ್ ಕೂಡ ಬದಲಾಗಿದ್ದು, ಅದೇ ರೀತಿ ಇಲ್ಲಿನ ಅಂಕಿ ಅಂಶಗಳಲ್ಲೂ ಅಗಾಧ ಬದಲಾವಣೆಯಾಗಿದೆ.

ಕೇಪ್ ಟೌನ್ ಪಿಚ್​ನಲ್ಲಿ ಬ್ಯಾಟರ್​ಗಳ ಅಬ್ಬರ 2020 ರಿಂದ, ಕೇಪ್ ಟೌನ್‌ನಲ್ಲಿ 8 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಲಾಗಿದೆ, ಇದರಲ್ಲಿ ಬ್ಯಾಟ್ಸ್‌ಮನ್‌ಗಳು ಪ್ರಾಬಲ್ಯ ಸಾಧಿಸಿದ್ದಾರೆ. ಇಲ್ಲಿ ಮೊದಲು ಬ್ಯಾಟ್ ಮಾಡಿದ ತಂಡದ ಸರಾಸರಿ ಸ್ಕೋರ್ 361. ಅಷ್ಟೇ ಅಲ್ಲ ಕಳೆದ ಎರಡು ವರ್ಷಗಳಲ್ಲಿ ಈ ಮೈದಾನದಲ್ಲಿ 215 ವಿಕೆಟ್ ಗಳು ಬಿದ್ದಿದ್ದು, ಅದರಲ್ಲಿ 130 ವಿಕೆಟ್ ಗಳು ವೇಗದ ಬೌಲರ್​ಗಳ ಪಾಲಾಗಿರುವುದು ಅಚ್ಚರಿ ಮೂಡಿಸಿದೆ. ಅದೇ ಸಮಯದಲ್ಲಿ, ಸ್ಪಿನ್ನರ್ ಈ ಮೈದಾನದಲ್ಲಿ 85 ವಿಕೆಟ್ಗಳನ್ನು ಪಡೆದಿದ್ದಾರೆ. ಕಳೆದ ಎರಡು ವರ್ಷಗಳಲ್ಲಿ, ಕೇಪ್ ಟೌನ್‌ನಲ್ಲಿ ವೇಗದ ಬೌಲರ್‌ಗಳ ಪ್ರಾಬಲ್ಯ ಕಡಿಮೆಯಾಗಿದೆ ಮತ್ತು ಸ್ಪಿನ್ನರ್‌ಗಳು ಮಿಂಚಿದ್ದಾರೆ. ವಿರಾಟ್, ಪೂಜಾರ ಮತ್ತು ರಹಾನೆ ಕೇಪ್ ಟೌನ್‌ನಲ್ಲಿ ರನ್ ಗಳಿಸುವ ಉತ್ತಮ ಅವಕಾಶವನ್ನು ಹೊಂದಿರುವುದರಿಂದ ಈ ಅಂಕಿಅಂಶಗಳು ಭಾರತದ ಮಧ್ಯಮ ಕ್ರಮಾಂಕಕ್ಕೆ ಒಳ್ಳೆಯ ಸುದ್ದಿಯಾಗಿದೆ.

ಕೇಪ್‌ಟೌನ್‌ನಲ್ಲಿ ಭಾರತ-ದಕ್ಷಿಣ ಆಫ್ರಿಕಾ ನಡುವೆ ಇಲ್ಲಿಯವರೆಗಿನ ಮುಖಾಮುಖಿ ಕೇಪ್ ಟೌನ್​ನಲ್ಲಿ ಭಾರತ ತಂಡ ಇದುವರೆಗೆ ಟೆಸ್ಟ್ ಗೆದ್ದಿಲ್ಲ. ದಕ್ಷಿಣ ಆಫ್ರಿಕಾ 5 ಟೆಸ್ಟ್‌ಗಳಲ್ಲಿ 3 ರಲ್ಲಿ ಡ್ರಾದೊಂದಿಗೆ 2 ಟೆಸ್ಟ್ ಗೆದ್ದಿದೆ. 2018ರಲ್ಲಿ ಈ ಮೈದಾನದಲ್ಲಿ ದಕ್ಷಿಣ ಆಫ್ರಿಕಾ ಭಾರತವನ್ನು 72 ರನ್‌ಗಳಿಂದ ಸೋಲಿಸಿತ್ತು. ಈ ಪಂದ್ಯದಲ್ಲಿ ಒಟ್ಟು 40 ವಿಕೆಟ್‌ಗಳು ಪತನಗೊಂಡಿದ್ದು, ಈ ಪೈಕಿ 38 ವಿಕೆಟ್‌ಗಳನ್ನು ವೇಗದ ಬೌಲರ್‌ಗಳು ಕಬಳಿಸಿದ್ದು, 2 ವಿಕೆಟ್‌ಗಳು ರನೌಟ್ ಆಗಿವೆ. ಕೇಪ್ ಟೌನ್ ಯಾವಾಗಲೂ ವೇಗದ ಬೌಲರ್‌ಗಳ ಪ್ರಾಬಲ್ಯವನ್ನು ಹೊಂದಿದೆ ಎಂದು ಈ ಅಂಕಿ ಅಂಶವು ದೃಢಪಡಿಸುತ್ತದೆ.

Follow us on

Related Stories

Most Read Stories

Click on your DTH Provider to Add TV9 Kannada