IND vs WI: ಕುಲ್ದೀಪ್​ಗೆ ಮತ್ತೊಮ್ಮೆ ಟೀಂ ಇಂಡಿಯಾದಲ್ಲಿ ಸ್ಥಾನ ನೀಡಿದ ರೋಹಿತ್; ರವಿ ಬಿಷ್ಣೋಯ್​ಗೂ ಚಾನ್ಸ್

IND vs WI: ಕುಲ್ದೀಪ್​ಗೆ ಮತ್ತೊಮ್ಮೆ ಟೀಂ ಇಂಡಿಯಾದಲ್ಲಿ ಸ್ಥಾನ ನೀಡಿದ ರೋಹಿತ್; ರವಿ ಬಿಷ್ಣೋಯ್​ಗೂ ಚಾನ್ಸ್
ಕುಲ್ದೀಪ್ ಯಾದವ್

IND vs WI: ಕೊಹ್ಲಿ ಮತ್ತು ರವಿಶಾಸ್ತ್ರಿ ಯುಗದಲ್ಲಿ ಕುಲ್ದೀಪ್ ಯಾದವ್ಗೆ ವಿಶೇಷ ಆದ್ಯತೆ ನೀಡಲಿಲ್ಲ ಆದರೆ ಈಗ ಅವರು ತಂಡದಲ್ಲಿ ಟ್ರಂಪ್ ಕಾರ್ಡ್ ಆಗಬಹುದು. ಕಳೆದ ವರ್ಷ ಕುಲ್ದೀಪ್ ಮೊಣಕಾಲಿನ ಆಪರೇಷನ್ ಮಾಡಿಸಿಕೊಂಡಿದ್ದರು.

TV9kannada Web Team

| Edited By: pruthvi Shankar

Jan 26, 2022 | 10:30 PM

ಫೆಬ್ರುವರಿ 6 ರಿಂದ ಪ್ರಾರಂಭವಾಗುವ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಗೆ ಟೀಮ್ ಇಂಡಿಯಾ ಶೀಘ್ರದಲ್ಲೇ ಘೋಷಣೆಯಾಗಲಿದೆ. ಆದರೆ ಅದಕ್ಕೂ ಮೊದಲು ಚೈನಾಮನ್ ಕುಲ್ದೀಪ್ ಯಾದವ್ ತಂಡಕ್ಕೆ ಮರಳುತ್ತಿದ್ದಾರೆ ಎಂಬುದು ದೊಡ್ಡ ಸುದ್ದಿಯಾಗಿದೆ. ಕುಲ್ದೀಪ್ ಯಾದವ್ ಅವರ ವೃತ್ತಿಜೀವನವು ಕಳೆದ 2-3 ವರ್ಷಗಳಲ್ಲಿ ಏರಿಳಿತಗಳಿಂದ ತುಂಬಿತ್ತು ಮತ್ತು ಕಳೆದ ವರ್ಷ ಅವರು ಮೊಣಕಾಲು ನೋವಿನಿಂದ ಬಳಲುತ್ತಿದ್ದರು. ಆದರೆ ಈಗ ಸಂಪೂರ್ಣ ಫಿಟ್ ಆಗಿರುವ ಆಟಗಾರನನ್ನು ಮತ್ತೆ ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಕುಲ್ದೀಪ್ ಯಾದವ್ ಹೊರತಾಗಿ ರವಿ ಬಿಷ್ಣೋಯ್ ಕೂಡ ಮೊದಲ ಬಾರಿಗೆ ಟಿ20 ಸರಣಿಯಲ್ಲಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಬಿಸಿಸಿಐ ಮೂಲಗಳು, ಕುಲ್ದೀಪ್ ಯಾದವ್ ಪುನರಾಗಮನ ಮಾಡುತ್ತಿದ್ದಾರೆ ಮತ್ತು ರವಿ ಬಿಷ್ಣೋಯ್ ವೆಸ್ಟ್ ಇಂಡೀಸ್ ಸರಣಿಗೆ ಮರಳಲಿದ್ದಾರೆ” ಎಂದು ತಿಳಿಸಿವೆ. ರೋಹಿತ್ ಶರ್ಮಾ ತಂಡವನ್ನು ಮುನ್ನಡೆಸಲಿದ್ದಾರೆ.

ಭುವನೇಶ್ವರ್ ಕುಮಾರ್ ಅವರನ್ನು ಏಕದಿನ ತಂಡದಲ್ಲಿ ಉಳಿಸಿಕೊಳ್ಳಲಾಗಿದೆ ಆದರೆ ಟಿ20 ತಂಡಕ್ಕೆ ಆಯ್ಕೆಯಾಗಿಲ್ಲ ಎಂದು ತಿಳಿದು ಬಂದಿದೆ. ಎರಡೂ ತಂಡಗಳಲ್ಲಿ ಮಾಜಿ ನಾಯಕ ವಿರಾಟ್ ಕೊಹ್ಲಿಗೆ ಸ್ಥಾನ ನೀಡಲಾಗಿದೆ. ಕೊಹ್ಲಿ ಮತ್ತು ರವಿಶಾಸ್ತ್ರಿ ಯುಗದಲ್ಲಿ ಕುಲ್ದೀಪ್ ಯಾದವ್ಗೆ ವಿಶೇಷ ಆದ್ಯತೆ ನೀಡಲಿಲ್ಲ ಆದರೆ ಈಗ ಅವರು ತಂಡದಲ್ಲಿ ಟ್ರಂಪ್ ಕಾರ್ಡ್ ಆಗಬಹುದು. ಕಳೆದ ವರ್ಷ ಕುಲ್ದೀಪ್ ಮೊಣಕಾಲಿನ ಆಪರೇಷನ್ ಮಾಡಿಸಿಕೊಂಡಿದ್ದರು.

ರೋಹಿತ್ ಕುಲ್ದೀಪ್ ಮೇಲೆ ನಂಬಿಕೆ ಇಟ್ಟಿದ್ದಾರೆ ಕುಲ್ದೀಪ್ ಯಾದವ್ ಆಯ್ಕೆಯಲ್ಲಿ ನಾಯಕ ರೋಹಿತ್ ಶರ್ಮಾ ಅವರ ದೊಡ್ಡ ಕೈವಾಡವಿದೆ. ರೋಹಿತ್ ಈಗ ನಾಯಕನಾಗಿದ್ದು, ಕುಲ್ದೀಪ್ ಯಾದವ್ ಪ್ರತಿಭೆಯ ಮೇಲೆ ಅವರಿಗೆ ಅಪಾರ ನಂಬಿಕೆಯಿದೆ. ಕುಲ್ದೀಪ್ ಯಾದವ್ ಅವರ ODI ಮತ್ತು T20 ದಾಖಲೆ ಅದ್ಭುತವಾಗಿದೆ. ಈ ಎಡಗೈ ಚೈನಾಮನ್ ಬೌಲರ್ 65 ಏಕದಿನ ಪಂದ್ಯಗಳಲ್ಲಿ 107 ವಿಕೆಟ್ ಪಡೆದಿದ್ದಾರೆ. ಟಿ20ಯಲ್ಲೂ ಕುಲ್ದೀಪ್ 23 ಪಂದ್ಯಗಳಿಂದ 41 ವಿಕೆಟ್ ಪಡೆದಿದ್ದಾರೆ.

ರವಿ ಬಿಷ್ಣೋಯ್ ಮೊದಲ ಬಾರಿಗೆ ತಂಡದಲ್ಲಿ ಅವಕಾಶ ಯುವ ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯ್ ಮೊದಲ ಬಾರಿಗೆ ಟೀಂ ಇಂಡಿಯಾದಲ್ಲಿ ಅವಕಾಶ ಪಡೆದಿದ್ದಾರೆ. 19 ವರ್ಷದೊಳಗಿನವರ ಕ್ರಿಕೆಟ್‌ನಲ್ಲಿ ಅವರ ಅತ್ಯುತ್ತಮ ಪ್ರದರ್ಶನದ ನಂತರ, ಬಿಷ್ಣೋಯ್ ಅವರಿಗೆ ಐಪಿಎಲ್‌ನಲ್ಲಿ ಪಂಜಾಬ್ ಕಿಂಗ್ಸ್ ಅವಕಾಶ ನೀಡಿತು, ಇದರಲ್ಲಿ ಅವರು 23 ಪಂದ್ಯಗಳಲ್ಲಿ 24 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಬಿಷ್ಣೋಯ್ ಅವರನ್ನು ಇತ್ತೀಚೆಗೆ 4 ಕೋಟಿಗೆ ಲಕ್ನೋ ತಂಡಕ್ಕೆ ಸೇರಿಸಲಾಗಿದೆ.

ಯಾರಿಗೆ ಸ್ಥಾನ ಸಿಗಲಿಲ್ಲ? ಮಾಧ್ಯಮ ವರದಿಗಳ ಪ್ರಕಾರ ರವಿಚಂದ್ರನ್ ಅಶ್ವಿನ್ ವೆಸ್ಟ್ ಇಂಡೀಸ್ ಸರಣಿಯಲ್ಲಿ ಆಡುವುದಿಲ್ಲ. ಅಶ್ವಿನ್ ಮುಂದಿನ ಒಂದೂವರೆ ತಿಂಗಳು ವಿಶ್ರಾಂತಿ ಪಡೆಯಲಿದ್ದಾರೆ. ರವೀಂದ್ರ ಜಡೇಜಾ ಖಂಡಿತವಾಗಿಯೂ ಫಿಟ್ ಆಗಿದ್ದಾರೆ ಆದರೆ ಅವರಿಗೆ ಸ್ವಲ್ಪ ಹೆಚ್ಚು ವಿಶ್ರಾಂತಿ ನೀಡಲಾಗುತ್ತಿದೆ. ವಿಜಯ್ ಹಜಾರೆ ಟ್ರೋಫಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ ಆಲ್ ರೌಂಡರ್ ರಿಷಿ ಧವನ್ ಅವರಿಗೂ ಅವಕಾಶ ಸಿಕ್ಕಿಲ್ಲ.

Follow us on

Related Stories

Most Read Stories

Click on your DTH Provider to Add TV9 Kannada