IPL 2022 Auction: ಮೆಗಾ ಹರಾಜಿನಲ್ಲಿ ಪ್ರತಿ ತಂಡಗಳು ಎಷ್ಟು ವಿದೇಶಿ ಆಟಗಾರರನ್ನು ಖರೀದಿಸಬಹುದು?

IPL 2022 Auction: ಈಗಾಗಲೇ 10 ತಂಡಗಳು ಒಟ್ಟು 33 ಆಟಗಾರರನ್ನು ಉಳಿಸಿಕೊಂಡಿದೆ. ಅಂದರೆ ಒಂದು ತಂಡವು ಗರಿಷ್ಠ 25 ಆಟಗಾರರನ್ನು ಖರೀದಿಸಬಹುದು. ಅದರಂತೆ ಇದೀಗ ಉಳಿದಿರುವುದು 217 ಸ್ಥಾನಗಳು ಮಾತ್ರ.

IPL 2022 Auction

TV9 Web | Edited By: ಝಾಹಿರ್ ಯೂಸುಫ್|
Updated on:Feb 12, 2022 | 11:54 AM

ಇಂಡಿಯನ್ ಪ್ರೀಮಿಯರ್ ಲೀಗ್ ಮೆಗಾ ಹರಾಜು (IPL 2022 Auction) ಇಂದು ಮತ್ತು ನಾಳೆ (ಫೆ.12, 13) ನಡೆಯಲಿದೆ. ಈ ಬಾರಿ ಹರಾಜಿನಲ್ಲಿ ಒಟ್ಟು 590 ಆಟಗಾರರಿದ್ದಾರೆ. ಇವರಲ್ಲಿ 217 ಆಟಗಾರರಿಗೆ ಅವಕಾಶ ಸಿಗಲಿದೆ. ಏಕೆಂದರೆ ಈಗಾಗಲೇ 10 ತಂಡಗಳು ಒಟ್ಟು 33 ಆಟಗಾರರನ್ನು ಉಳಿಸಿಕೊಂಡಿದೆ. ಅಂದರೆ ಒಂದು ತಂಡವು ಗರಿಷ್ಠ 25 ಆಟಗಾರರನ್ನು ಖರೀದಿಸಬಹುದು. ಅದರಂತೆ ಇದೀಗ ಉಳಿದಿರುವುದು 217 ಸ್ಥಾನಗಳು ಮಾತ್ರ. ಇಲ್ಲಿ ವಿದೇಶಿ ಆಟಗಾರರ ಖರೀದಿಗೂ ನಿಯಮವಿದೆ. ಅಂದರೆ ಒಂದು ಫ್ರಾಂಚೈಸಿ ಒಟ್ಟು 8 ವಿದೇಶಿ ಆಟಗಾರರನ್ನು ಮಾತ್ರ ಖರೀದಿಸಬಹುದು. 8 ಕ್ಕಿಂತ ಕಡಿಮೆ ಆಟಗಾರರನ್ನು ಖರೀದಿಸುವ ಅವಕಾಶವಿದ್ದರೂ, 8 ಕ್ಕಿಂತ ಹೆಚ್ಚಿನ ಆಟಗಾರರನ್ನು ಖರೀದಿಸುವಂತಿಲ್ಲ. ಈಗಾಗಲೇ 10 ತಂಡಗಳು ಕೆಲ ವಿದೇಶಿ ಆಟಗಾರರನ್ನು ರಿಟೈನ್ ಮಾಡಿಕೊಂಡಿದ್ದು, ಅದರಂತೆ ಮೆಗಾ ಹರಾಜಿನಲ್ಲಿ ಯಾವ ತಂಡ ಎಷ್ಟು ವಿದೇಶಿ ಆಟಗಾರರನ್ನು ಖರೀದಿಸಬಹುದು ಎಂದು ನೋಡೋಣ…

ಮುಂಬೈ ಇಂಡಿಯನ್ಸ್ – 7

ಚೆನ್ನೈ ಸೂಪರ್ ಕಿಂಗ್ಸ್- 7

ರಾಜಸ್ಥಾನ್ ರಾಯಲ್ಸ್ – 7

ಪಂಜಾಬ್ ಕಿಂಗ್ಸ್- 8

ಸನ್ ರೈಸರ್ಸ್ ಹೈದರಾಬಾದ್- 7

ಕೋಲ್ಕತ್ತಾ ನೈಟ್ ರೈಡರ್ಸ್- 6

ಡೆಲ್ಲಿ ಕ್ಯಾಪಿಟಲ್ಸ್ – 7

ರಾಯಲ್ ಚಾಲೆಂಜರ್ಸ್ ಬೆಂಗಳೂರು- 7

ಲಕ್ನೋ ಸೂಪರ್ ಜೈಂಟ್ಸ್- 7

ಗುಜರಾತ್ ಟೈಟಾನ್ಸ್ – 7

ಉಳಿಸಿಕೊಂಡಿರುವ ಆಟಗಾರರ ಪಟ್ಟಿ:

ಚೆನ್ನೈ ಸೂಪರ್ ಕಿಂಗ್ಸ್ (CSK) : ರವೀಂದ್ರ ಜಡೇಜಾ (16 ಕೋಟಿ), ಎಂಎಸ್ ಧೋನಿ (12 ಕೋಟಿ), ಮೊಯಿನ್ ಅಲಿ (8 ಕೋಟಿ), ರುತುರಾಜ್ ಗಾಯಕ್ವಾಡ್ (6 ಕೋಟಿ)