Jonny Bairstow: ಕೇವಲ ಎರಡು ಪಂದ್ಯಕ್ಕೆ ಈ ಆಟಗಾರನಿಗೆ 5.25 ಕೋಟಿ ರೂಪಾಯಿ ನೀಡುತ್ತಿದೆ ಮುಂಬೈ ಇಂಡಿಯನ್ಸ್
Mumbai Indians, IPL 2025: ಮುಂಬೈ ಇಂಡಿಯನ್ಸ್ ತಂಡ ಇಂಗ್ಲೆಂಡ್ನ ಸ್ಫೋಟಕ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಜಾನಿ ಬೈರ್ಸ್ಟೋವ್ಗೆ ದೊಡ್ಡ ಮೊತ್ತವನ್ನೇ ನೀಡಲಿದೆ. ಈ ಋತುವಿನಲ್ಲಿ ಮುಂಬೈ ಇಂಡಿಯನ್ಸ್ ಈಗ ಕೇವಲ ಎರಡು ಲೀಗ್ ಪಂದ್ಯಗಳನ್ನು ಮಾತ್ರ ಆಡಬೇಕಾಗಿದೆ, ಆದರೆ ಇದಕ್ಕಾಗಿ ತಂಡವು ಜಾನಿ ಬೈರ್ಸ್ಟೋವ್ಗೆ 5 ಕೋಟಿ 25 ಲಕ್ಷ ರೂಪಾಯಿ ಶುಲ್ಕವನ್ನು ಪಾವತಿಸಲಿದೆ.
Updated on: May 21, 2025 | 8:14 AM
ಬೆಂಗಳೂರು (ಮೇ| 21): ಐದು ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (Indian Premier League) ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡವು ಐಪಿಎಲ್ 2025 ಕ್ಕೆ ತಮ್ಮ ತಂಡದಲ್ಲಿ ಪ್ರಮುಖ ಬದಲಾವಣೆಯನ್ನು ಮಾಡಿದೆ. ಮುಂಬೈ ತನ್ನ ತಂಡಕ್ಕೆ ಮೂವರು ಆಟಗಾರರನ್ನು ಸೇರಿಸಿಕೊಂಡಿದೆ. ಈ ಸೀಸನ್ನ ಪ್ಲೇಆಫ್ ರೇಸ್ನಲ್ಲಿ ಉಳಿದುಕೊಂಡಿರುವ ಮುಂಬೈ ಇಂಡಿಯನ್ಸ್ಗೆ ಇದೊಂದು ದೊಡ್ಡ ಮುನ್ನಡೆಯಾಗಿದೆ. ಇದಕ್ಕೆ ಕಾರಣ ಭಾರತ ಮತ್ತು ಪಾಕಿಸ್ತಾನ ನಡುವಿನ ಉದ್ವಿಗ್ನತೆಯಿಂದಾಗಿ ವೇಳಾಪಟ್ಟಿಯಲ್ಲಿನ ಬದಲಾವಣೆಯಿಂದಾಗಿ, ತಂಡದ ಕೆಲವು ವಿದೇಶಿ ಆಟಗಾರರು ತಮ್ಮ ದೇಶಕ್ಕೆ ಮರಳಿದರು. ಹೀಗಾಗಿ, ಮುಂಬೈ ಇಂಡಿಯನ್ಸ್ ಈಗ ಅವರ ಸ್ಥಾನದಲ್ಲಿ ತಂಡಕ್ಕೆ ಹೊಸ ಸದಸ್ಯರನ್ನು ಸೇರಿಸಿಕೊಂಡಿದೆ.
ಋತುವಿನ ಮಧ್ಯದಲ್ಲಿ ತಂಡವನ್ನು ತೊರೆದ ಆಟಗಾರರಲ್ಲಿ ಇಂಗ್ಲೆಂಡ್ನ ವಿಲ್ ಜ್ಯಾಕ್ಸ್, ದಕ್ಷಿಣ ಆಫ್ರಿಕಾದ ರಯಾನ್ ರಿಕಲ್ಟನ್ ಮತ್ತು ಕಾರ್ಬಿನ್ ಬಾಷ್ ಸೇರಿದ್ದಾರೆ, ಅವರು ತಮ್ಮ ರಾಷ್ಟ್ರೀಯ ತಂಡದ ಬದ್ಧತೆಗಳಿಂದಾಗಿ ಮರಳಿದರು. ಪೂರ್ವ ನಿರ್ಧಾರಿತ ವೇಳಾಪಟ್ಟಿಯ ಪ್ರಕಾರ, ಈ ಮೂವರು ಆಟಗಾರರು ಇಡೀ ಋತುವಿನಲ್ಲಿ ಫ್ರಾಂಚೈಸಿಯೊಂದಿಗೆ ಇದ್ದರು. ಸದ್ಯ ಇವರ ಬದಲಿಗೆ ಮುಂಬೈ ತಂಡ ಇಂಗ್ಲೆಂಡ್ನ ಜಾನಿ ಬೈರ್ಸ್ಟೋವ್ ಮತ್ತು ರಿಚರ್ಡ್ ಗ್ಲೀಸನ್ ಜೊತೆಗೆ ಶ್ರೀಲಂಕಾದ ಚರಿತ್ ಅಸ್ಲಂಕಾ ಅವರನ್ನು ತಮ್ಮ ತಂಡಕ್ಕೆ ಸೇರಿಸಿಕೊಂಡಿದೆ.
ಮುಂಬೈ ಬೈರ್ಸ್ಟೋವ್ಗಾಗಿ ಎಷ್ಟು ಹಣ ನೀಡಲಿದೆ?
ಮುಂಬೈ ಇಂಡಿಯನ್ಸ್ ತಂಡ ಇಂಗ್ಲೆಂಡ್ನ ಸ್ಫೋಟಕ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಜಾನಿ ಬೈರ್ಸ್ಟೋವ್ಗೆ ದೊಡ್ಡ ಮೊತ್ತವನ್ನೇ ನೀಡಲಿದೆ. ಈ ಋತುವಿನಲ್ಲಿ ಮುಂಬೈ ಇಂಡಿಯನ್ಸ್ ಈಗ ಕೇವಲ ಎರಡು ಲೀಗ್ ಪಂದ್ಯಗಳನ್ನು ಮಾತ್ರ ಆಡಬೇಕಾಗಿದೆ, ಆದರೆ ಇದಕ್ಕಾಗಿ ತಂಡವು ಜಾನಿ ಬೈರ್ಸ್ಟೋವ್ಗೆ 5 ಕೋಟಿ 25 ಲಕ್ಷ ರೂಪಾಯಿ ಶುಲ್ಕವನ್ನು ಪಾವತಿಸಲಿದೆ. ಆದಾಗ್ಯೂ, ಮುಂಬೈ ತಂಡ ಪ್ಲೇಆಫ್ ತಲುಪಿದರೆ, ಬೈರ್ಸ್ಟೋವ್ ತಂಡಕ್ಕಾಗಿ ನಾಕೌಟ್ ಪಂದ್ಯಗಳನ್ನು ಕೂಡ ಆಡಬೇಕಾಗುತ್ತದೆ. ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಜಾನಿ ಬೈರ್ಸ್ಟೋವ್ ಅವರನ್ನು ಯಾವುದೇ ತಂಡ ಖರೀದಿಸಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಈಗ ಅವರಿಗೆ ಈ ಋತುವಿನ ಕೊನೆಯಲ್ಲಿ ಅವಕಾಶ ಸಿಕ್ಕಿದೆ.
IPL 2025 Rain Rules: ಐಪಿಎಲ್ ಫ್ಯಾನ್ಸ್ಗೆ ಬಂಪರ್ ಸುದ್ದಿ: ಬಿಸಿಸಿಐ ಹೊಸ ನಿಯಮ ಜಾರಿ
ಪ್ಲೇಆಫ್ ರೇಸ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡ
ಐದು ಬಾರಿ ಐಪಿಎಲ್ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡ ಪ್ಲೇಆಫ್ ಸ್ಪರ್ಧೆಯಲ್ಲಿದೆ. ಹಾರ್ದಿಕ್ ಪಡೆಗೆ ಇನ್ನೂ ಎರಡು ಪಂದ್ಯಗಳು ಬಾಕಿ ಇವೆ. ಈವರೆಗೆ ಮುಂಬೈ ತಂಡ 12 ಪಂದ್ಯಗಳಲ್ಲಿ 7 ರಲ್ಲಿ ಗೆದ್ದು 14 ಅಂಕಗಳನ್ನು ಗಳಿಸಿದೆ. ತಂಡವು ಪ್ಲೇಆಫ್ನಲ್ಲಿ ನಾಲ್ಕನೇ ಮತ್ತು ಅಂತಿಮ ಸ್ಥಾನವನ್ನು ಖಚಿತಪಡಿಸಿಕೊಳ್ಳಲು ಬುಧವಾರ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಗೆಲುವು ಸಾಧಿಸಬೇಕಾಗಿದೆ. ಗುಜರಾತ್ ಟೈಟಾನ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಪಂಜಾಬ್ ಕಿಂಗ್ಸ್ ಪ್ಲೇಆಫ್ನಲ್ಲಿರುವ ಇತರ ಮೂರು ತಂಡಗಳಾಗಿವೆ.
ಮುಂಬೈ ತಂಡಕ್ಕೆ ಬೇಕು ಅದೃಷ್ಟ
ಈ ಪಂದ್ಯದಲ್ಲಿ ಮುಂಬೈ ತಂಡ ಸೋತರೆ, ಮೇ 24 ರಂದು ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಪಂಜಾಬ್ ಕಿಂಗ್ಸ್ ನಡುವಿನ ಪಂದ್ಯದ ಫಲಿತಾಂಶವನ್ನು ಅವಲಂಬಿಸಬೇಕಾಗುತ್ತದೆ. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ತಂಡದ ಪಂದ್ಯಕ್ಕೂ ಮುನ್ನ ಕೋಚ್ ಜಯವರ್ಧನೆ ಮಾತನಾಡಿ, ‘‘ಟೂರ್ನಮೆಂಟ್ ಮತ್ತೆ ಆರಂಭವಾದಾಗ ನಾವು ಉತ್ತಮ ಕ್ರಿಕೆಟ್ ಆಡುವುದನ್ನು ಮುಂದುವರಿಸುವುದು ಮುಖ್ಯ. ಆಟಗಾರರು ಇದಕ್ಕಾಗಿ ಕಾಯುತ್ತಿದ್ದರು. ನಮ್ಮ ಅಭ್ಯಾಸ ಅವಧಿಗಳು ತುಂಬಾ ಚೆನ್ನಾಗಿದ್ದವು, ನಾವು ಒಂದೊಂದೇ ಪಂದ್ಯದತ್ತ ಗಮನ ಹರಿಸುತ್ತಿದ್ದೇವೆ’’ ಎಂದು ಹೇಳಿದ್ದಾರೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
