ಅಭ್ಯಾಸ ಪಂದ್ಯದಲ್ಲಿ ಶತಕ ಬಾರಿಸಿ ಟೆಸ್ಟ್​ ಪಂದ್ಯಗಳಿಗೆ ತಾನು ತಯಾರಾಗಿರುವ ಸಂದೇಶ ರವಾನಿಸಿದ ರಾಹುಲ್

ಈ ಪಂದ್ಯಕ್ಕೆ ಟೀಮಿನ ನಾಯಕತ್ವ ವಹಿಸಿರುವ ರೋಹಿತ್ ಟಾಸ್​ ಗೆದ್ದು ಮೊದಲು ಮಾಡುವ ನಿರ್ಧಾರ ತೆಗೆದುಕೊಂಡರಾದರೂ ವೈಯಕ್ತಿಕವಾಗಿ ತಂಡಕ್ಕೆ ದೊಡ್ಡ ಕಾಣಿಕೆ ನೀಡದೆ ಕೇವಲ 9 ರನ್ ಗಳಿಸಿ ಔಟಾದರು ಮೂರನೇ ಕ್ರಮಾಂಕದಲ್ಲಿ ಆಡಿದ ಚೇತೇಶ್ವರ ಪೂಜಾರಾ 21 ರನ್ ಗಳಿಸಿದರೆ, ಕೊಹ್ಲಿ ಸ್ಥಾನದಲ್ಲಿ ಆಡಿದ ಟೆಸ್ಟ್ ಸ್ಪೆಷಲಿಸ್ಟ್ ಹನುಮ ವಿಹಾರಿ 24 ರನ್ ಗಳಿಸಿ ಔಟಾದರು.

ಅಭ್ಯಾಸ ಪಂದ್ಯದಲ್ಲಿ ಶತಕ ಬಾರಿಸಿ ಟೆಸ್ಟ್​ ಪಂದ್ಯಗಳಿಗೆ ತಾನು ತಯಾರಾಗಿರುವ ಸಂದೇಶ ರವಾನಿಸಿದ ರಾಹುಲ್
ಕೆ ಎಲ್ ರಾಹುಲ್

ಚೆಸ್ಟರ್-ಲೀ-ಸ್ಟ್ರೀಟ್, ಇಂಗ್ಲೆಂಡ್: ಆಗಸ್ಟ್ 4 ರಿಂದ ಇಂಗ್ಲೆಂಡ್ ವಿರುದ್ಧ ಆರಂಭವಾಗಲಿರುವ ಟೆಸ್ಟ್​ ಸರಣಿಯಲ್ಲಿ ಶುಭ್ಮನ್ ಗಿಲ್ ಅವರು ಗಾಯಗೊಂಡು ಸ್ದೇದೇಶಕ್ಕೆ ವಾಪಸ್ಸಾಗಿರವುದರಿಂದ ರೋಹಿತ್ ಶರ್ಮ ಅವರೊಂದಿಗೆ ಯಾರು ಇನ್ನಿಂಗ್ಸ್ ಆರಂಭಿಸಬೇಕೆಂಬ ಪ್ರಶ್ನೆಗೆ ಮಂಗಳವಾರ ಭಾಗಶಃ ಉತ್ತರ ಸಿಕ್ಕಂತಿದೆ. ಕೌಂಟಿ ಸೆಲೆಕ್ಟ್ ಇಲೆವೆನ್ ವಿರುದ್ಧ ಇಂದು ಚೆಸ್ಟರ್-ಲೀ-ಸ್ಟ್ರೀಟ್​ನ ರಿವರ್ ಸೈಡ್​ ಮೈದಾನಲ್ಲಿ ಆರಂಭವಾದ ಮೂರು ದಿನಗಳ ಪಂದ್ಯದಲ್ಲಿ ಕೆ ಎಲ್ ರಾಹುಲ್ ಅವರು ಆಕರ್ಷಕ ಶತಕ ಬಾರಿಸಿ ಆರಂಭ ಆಟಗಾರನ ಸ್ಥಾನಕ್ಕೆ ದಾವೆ ಹೂಡಿದ್ದಾರೆ. ಆದರೆ, ಟೆಸ್ಟ್​ಗಳಲ್ಲಿ ಅವರು ಆರಂಭ ಆಟಗಾರನಾಗಿ ಆಡುವುದಿಲ್ಲ. ಗಿಲ್​ಗಿಂತ ಮೊದಲು ಓಪನರ್ ಆಗಿ ಆಡುತ್ತಿದ್ದ ಮಾಯಾಂಕ್ ಅಗರ್​ವಾಲ್ ರೋಹಿತ್​ಗೆ ಉತ್ತಮ ಸಂಗಾತಿಯಾಗಬಹುದಾದರೂ, ನಾಯಕ ವಿರಾಟ್​ ಕೊಹ್ಲಿ ಮತ್ತು ಹೆಡ್ ಕೋಚ್​ ರವಿ ಶಾಸ್ತ್ರಿ ಅವರು ಒಲವು ರಾಹುಲ್ ಮೇಲಿರುವಂತಿದೆ. ಆದರೆ ಈ ಅಭ್ಯಾಸ ಪಂದ್ಯದಲ್ಲಿ ರಾಹುಲ್ 5ನೇ ಕ್ರಮಾಂಕದಲ್ಲಿ ಬ್ಯಾಟ್​ ಮಾಡಿದರು. ಹಾಗಾಗಿ, ರಾಹುಲ್​ರನ್ನು ಆಡಿಸಿದರೂ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್​ ಮಾಡುವಂತೆ ಹೇಳಬಹದೇನೋ ಎಂಬ ಸಂದೇಹ ಮೂಡುತ್ತಿದೆ.

ರೋಹಿತ್ ಜೊತೆ ಇಂದು ಇನ್ನಿಂಗ್ಸ್ ಆರಂಭಿಸಿದ ಮಾಯಾಂಕ್ 28 ರನ್ ಗಳಿಸಿದರು.

ರಿಷಭ್ ಪಂತ್ ಸೋಂಕಿಗೊಳಗಾಗಿರುವುದರಿಂದ ಮೊದಲ ಟೆಸ್ಟ್​ ಆರಂಭವಾಗುವ ಹೊತ್ತಿಗೆ ಅವರು ಚೇತರಿಸಿಕೊಂಡರೆ, ನಿಸ್ಸಂದೇಹವಾಗಿ ಅವರೇ ಮೊದಲ ಆದ್ಯತೆಯ ವಿಕೆಟ್​ಕೀಪರ್​ ಆಗಿರುತ್ತಾರೆ. ಟೀಮ್ ಮ್ಯಾನೇಜ್ಮೆಂಟ್​ಗೆ ಮತ್ತೊಬ್ಬ ರೆಗ್ಯುಲರ್ ವಿಕೆಟ್​ಕೀಪರ್ ವೃದ್ಧಿಮಾನ್ ಸಹಾ ಅವರನ್ನು ಆಡಿಸುವ ಉದ್ದೇಶವಿದ್ದಂತಿಲ್ಲ. ಈಗ ನಡೆಯುತ್ತಿರುವ ಪಂದ್ಯದಲ್ಲಿ ವಿಕೆಟ್​ ಕಾಯುವ ಕೆಲಸವನ್ನು ರಾಹುಲ್ ನಿರ್ವಹಿಸುತ್ತಿದ್ದಾರೆ. ಒಂದು ಪಕ್ಷ ಪಂತ್ ರಿಕವರ್ ಆಗದಿದ್ದರೆ, ಮೊದಲ ಟೆಸ್ಟ್​ನಲ್ಲಿ ರಾಹುಲ್ ವಿಕೆಟ್​ಕೀಪರ್-ಬ್ಯಾಟ್ಸ್​ಮನ್ ರೂಪದಲ್ಲಿ ಆಡಬಹುದು ಮತ್ತು ಮಾಯಾಂಕ್ ಆರಂಭಿಕ ಬ್ಯಾಟ್ಸ್​ಮನ್ ಸ್ಥಾನದಲ್ಲಿ ಆಡುವುದು ಖಾತ್ರಿಯಾಗುತ್ತದೆ.

ಈ ಪಂದ್ಯಕ್ಕೆ ಟೀಮಿನ ನಾಯಕತ್ವ ವಹಿಸಿರುವ ರೋಹಿತ್ ಟಾಸ್​ ಗೆದ್ದು ಮೊದಲು ಮಾಡುವ ನಿರ್ಧಾರ ತೆಗೆದುಕೊಂಡರಾದರೂ ವೈಯಕ್ತಿಕವಾಗಿ ತಂಡಕ್ಕೆ ದೊಡ್ಡ ಕಾಣಿಕೆ ನೀಡದೆ ಕೇವಲ 9 ರನ್ ಗಳಿಸಿ ಔಟಾದರು ಮೂರನೇ ಕ್ರಮಾಂಕದಲ್ಲಿ ಆಡಿದ ಚೇತೇಶ್ವರ ಪೂಜಾರಾ 21 ರನ್ ಗಳಿಸಿದರೆ, ಕೊಹ್ಲಿ ಸ್ಥಾನದಲ್ಲಿ ಆಡಿದ ಟೆಸ್ಟ್ ಸ್ಪೆಷಲಿಸ್ಟ್ ಹನುಮ ವಿಹಾರಿ 24 ರನ್ ಗಳಿಸಿ ಔಟಾದರು. ಸೋಜಿಗದ ಸಂಗತಿಯೆಂದರೆ ಪೂಜಾರಾ ಮತ್ತು ಹನಮ ಇಬ್ಬರೂ ಸ್ಪಿನ್ನರ್​ಗಳಿಗೆ ವಿಕೆಟ್​ ಒಪ್ಪಿಸಿದರು.

ಭಾರತದ ಸ್ಕೋರ್ 107/4 ಆಗಿದ್ದಾಗ ರಾಹುಲ್​ರನ್ನು ಜೊತೆಗೂಡಿದ ಆಲ್​ರೌಂಡರ್ ರವೀಂದ್ರ ಜಡೇಜಾ 5 ನೇ ವಿಕೆಟ್​ಗೆ 127 ರನ್ ಜೊತೆಯಾಟದಲ್ಲಿ ಪಾಲ್ಗೊಂಡರು. ಸೆಲೆಕ್ಟ್ ಇಲೆವೆನ್ ಬೌಲರ್​ಗಳನ್ನು ಲೀಲಾಜಾಲವಾಗಿ ಎದುರಿಸಿ ಆಡಿದ ಕನ್ನಡಿಗ 150 ಎಸೆತಗಳಲ್ಲಿ 11 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಿಂದ 101 ರನ್ ಗಳಿಸಿ ನಿವೃತ್ತರಾದರು.

ರಾಹುಲ್ ಔಟಾದ ನಂತರ ರನ್​ ಗಳಿಕೆಯ ವೇಗವನ್ನು ಹೆಚ್ಚಿಸಿದ ಜಡೇಜಾ ತಮ್ಮ ಅರ್ಧ ಶತಕವನ್ನು ಪೂರೈಸಿದರು. 146 ಎಸೆತಗಳನ್ನಾಡಿದ ಅವರು 5 ಬೌಂಡರಿ ಮತ್ತು 1 ಸಿಕ್ಸರ್ ಒಳಗೊಂಡ 75 ರನ್ ಬಾರಿಸಿ ಔಟಾದರು. ದಿನದಾಟ ಮುಗಿದಾಗ ಭಾರತದ ಸ್ಕೋರ್ 306/9 ಆಗಿತ್ತು.

ಸೆಲೆಕ್ಟ್​ ಕೌಂಟಿ ಪರ ವೇಗದ ಬೌಲರ್ ಕ್ರೇಗ್ ಮೈಲ್ಸ್ 42 ರನ್​ಗೆ 3 ವಿಕೆಟ್​ ಪಡೆದು ಯಶಸ್ವೀ ಬೌಲರ್ ಎನಿಸಿಕೊಂಡರೆ, ಲಿಂಡನ್ ಜೇಮ್ಸ್ ಮತ್ತು ಲಿಯಾಮ್ ಪ್ಯಾಟರ್ಸನ್ ತಲಾ 2 ವಿಕೆಟ್​ ಪಡೆದರು.

ಇದನ್ನೂ ಓದಿ: Rohit Sharma: ಭಾರತ ತಂಡದ ಅಭ್ಯಾಸ ಪಂದ್ಯ: ಟೀಮ್ ಇಂಡಿಯಾಗೆ ರೋಹಿತ್ ಶರ್ಮಾ ನಾಯಕ..!