IND vs SL: ಪಂದ್ಯವನ್ನು ಹೇಗೆ ಗೆಲ್ಲಬೇಕು ಎಂಬುದು ನಮ್ಮ ತಂಡಕ್ಕೆ ಹಲವು ವರ್ಷಗಳಿಂದ ಮರೆತು ಹೋಗಿದೆ; ಮುರಳೀಧರನ್

ಶಿಖರ್ ಧವನ್ ಅವರ ನೇತೃತ್ವದಲ್ಲಿ ಶ್ರೀಲಂಕಾ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಟೀಂ ಇಂಡಿಯಾ 2-0 ಮುನ್ನಡೆ ಸಾಧಿಸಿದೆ. ಪ್ರೇಮದಾಸ ಕ್ರೀಡಾಂಗಣದಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಟೀಮ್ ಇಂಡಿಯಾ ಏಳು ವಿಕೆಟ್‌ಗಳಿಂದ ಜಯ ಸಾಧಿಸಿದರೆ, ಮಂಗಳವಾರ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ಮೂರು ವಿಕೆಟ್‌ಗಳಿಂದ ಜಯಗಳಿಸಿತು. ಈ ಜಯದಿಂದ ಟೀಂ ಇಂಡಿಯಾ ಸರಣಿ ತಮ್ಮದಾಗಿಸಿಕೊಂಡರೆ, ಗೆಲ್ಲುವ ಪಂದ್ಯವನ್ನು ಕಳೆದುಕೊಂಡ ಲಂಕಾ ತಂಡಕ್ಕೆ ತನ್ನದೇ ತಂಡದ ಖ್ಯಾತ ಕ್ರಿಕೆಟರ್​ಗಳು ಸರಿಯಾಗಿಯೆ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಪ್ರಸಿದ್ಧ ಸ್ಪಿನ್ನರ್ ಮುಥಯ್ಯ ಮುರಳೀಧರನ್, ಪ್ರಸಕ್ತ ಶ್ರೀಲಂಕಾದ ಕ್ರಿಕೆಟ್ ತಂಡವು ಕೆಲವು ವರ್ಷಗಳಿಂದ ಪಂದ್ಯಗಳನ್ನು ಹೇಗೆ ಗೆಲ್ಲುವುದು ಎಂಬುದನ್ನು ಮರೆತಿದೆ ಎಂದಿದ್ದಾರೆ.

ಶ್ರೀಲಂಕಾಗೆ ಗೆಲುವಿನ ದಾರಿಗಳು ತಿಳಿದಿಲ್ಲ ನೂತನ ನಾಯಕ ದಾಸುನ್ ಶಾನಕಾ ನೇತೃತ್ವದಲ್ಲಿ ಶ್ರೀಲಂಕಾ ಎರಡನೇ ಏಕದಿನ ಪಂದ್ಯದಲ್ಲಿ ಒಂಬತ್ತು ವಿಕೆಟ್‌ಗಳಿಗೆ ಒಟ್ಟು 275 ರನ್ ಗಳಿಸಿತು. ಆದರೆ ಭಾರತ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡು ಐದು ಎಸೆತಗಳು ಬಾಕಿಯಿರುವಂತೆ ಗುರಿಯನ್ನು ಬೆನ್ನಟ್ಟಿತು. ನಾನು ಮೊದಲೇ ಹೇಳಿದ್ದೇನೆ, ಶ್ರೀಲಂಕಾಗೆ ಗೆಲುವಿನ ದಾರಿಗಳು ತಿಳಿದಿಲ್ಲ, ಅವರು ಕಳೆದ ಹಲವು ವರ್ಷಗಳಿಂದ ಗೆಲುವಿನ ಮಾರ್ಗಗಳನ್ನು ಮರೆತಿದ್ದಾರೆ. ಪಂದ್ಯವನ್ನು ಹೇಗೆ ಗೆಲ್ಲುವುದು ಎಂಬುದು ಅವರಿಗೆ ತಿಳಿದಿಲ್ಲವಾದ್ದರಿಂದ ಇದು ಅವರಿಗೆ ಕಠಿಣವಾಗಿದೆ ”ಎಂದು ಮುರಳೀಧರನ್ ಇಎಸ್‌ಪಿಎನ್‌ಕ್ರಿನ್‌ಫೊಗೆ ತಿಳಿಸಿದರು.

35.1 ಓವರ್‌ಗಳಲ್ಲಿ 193 ರನ್‌ಗಳಿಗೆ ಏಳು ವಿಕೆಟ್‌ ಕಳೆದುಕೊಂಡು ಹೆಣಗಾಡುತ್ತಿರುವ ಭಾರತದ ಎದುರು ಲೆಗ್ ಸ್ಪಿನ್ನರ್ ವನಿಂದು ಹಸರಂಗ ಅವರು ಮೂರು ವಿಕೆಟ್‌ಗಳನ್ನು ಪಡೆದಿದ್ದರು. ಆದರೆ ಶ್ರೀಲಂಕಾ ನಾಯಕ ಶಾನಕಾ ಅವರನ್ನು ಅಂತಿಮ ಓವರ್‌ಗಳ ತನಕ ಉಳಿಸಿಕೊಂಡು ದೊಡ್ಡ ತಪ್ಪು ಮಾಡಿದರು. ಶ್ರೀಲಂಕಾ ಮೊದಲ 10-15 ಓವರ್‌ಗಳಲ್ಲಿ ಮೂರು ವಿಕೆಟ್‌ಗಳನ್ನು ಪಡೆದರೆ, ಭಾರತ ರನ್​ಗಳಿಸಲು ನಿಜವಾಗಿ ಹೆಣಗಾಡುತ್ತದೆ ಎಂದು ನಾನು ಮೊದಲೇ ಹೇಳಿದ್ದೇನೆ. ಆದರೆ ಚಹರ್ ಮತ್ತು ಭುವನೇಶ್ವರ ಅವರ ಹೋರಾಟ ಅವರನ್ನು ಗೆಲ್ಲುವಂತೆ ಮಾಡಿತು.

ಶ್ರೀಲಂಕಾ ತಂಡ ಕೆಲವು ತಪ್ಪುಗಳನ್ನು ಮಾಡಿದೆ. ಅವರು ವನಿಂಡು ಹಸರಂಗ ಅವರ ಓವರ್​ಗಳನ್ನು ಬೇಗ ಮಾಡಿಸಬೇಕಿತ್ತು. ಅವರ ಓವರ್​ಗಳನ್ನು ಕೊನೆಯವರೆಗು ಉಳಿಸಿಕೊಳ್ಳುವ ಬದಲು, ಅವರು ಬೇಗನೆ ಬೌಲಿಂಗ್ ಮಾಡಿ ವಿಕೆಟ್ ತೆಗೆದುಕೊಳ್ಳಲು ಪ್ರಯತ್ನಿಸಬೇಕಿತ್ತು ಎಂದು ಮುರುಳೀಧರನ್ ಹೇಳಿದರು.

ಲಂಕಾ ತಂಡ ಕೆಲವು ತಪ್ಪುಗಳನ್ನು ಮಾಡಿತು ಹಸರಂಗ ಭುವನೇಶ್ವರ ಅಥವಾ ಚಹಾರ್ ಅವರ ವಿಕೆಟ್ ತೆಗೆದುಕೊಂಡಿದ್ದರೆ, ಇನ್ನೆರಡು ಟೈಲ್ ಎಂಡರ್‌ಗಳು ಬರುತ್ತಿದ್ದರು. ಆಗ ಓವರ್‌ಗೆ 8-9 ರನ್ಗಳನ್ನು ಬೆನ್ನಟ್ಟುವುದು ಕಠಿಣವಾಗುತ್ತಿತ್ತು. ಲಂಕಾ ತಂಡ ಕೆಲವು ತಪ್ಪುಗಳನ್ನು ಮಾಡಿತು ಆದರೆ ಇದು ಅನನುಭವಿ ತಂಡ ಎಂಬುದನ್ನು ನಾವು ಅರಿತುಕೊಳ್ಳಬೇಕು. ಚಹರ್ (69) ಮತ್ತು ಭುವನೇಶ್ವರ (19) ಭಾರತಕ್ಕೆ ಗೆಲುವು ತಂದುಕೊಟ್ಟಿದ್ದರಿಂದ ಶ್ರೀಲಂಕಾದ ಕೋಚ್ ಮಿಕ್ಕಿ ಆರ್ಥರ್ ಅವರು ಡ್ರೆಸ್ಸಿಂಗ್ ಕೊಠಡಿಯಿಂದ ಆಟದ ಕೊನೆಯಲ್ಲಿ ಕೆಲವು ಆನಿಮೇಟೆಡ್ ಸನ್ನೆಗಳನ್ನು ಮಾಡಿ ತಮ್ಮ ಅಸಮಾಧಾನ ಹೊರಹಾಕಿದರು.

ಆರ್ಥರ್ ಶಾಂತವಾಗಿರಬೇಕಿತ್ತು ಮತ್ತು ತಂಡದ ಹೊಸ ನಾಯಕನಿಗೆ ತನ್ನ ಸಂದೇಶವನ್ನು ತಲುಪಿಸಬೇಕಾಗಿತ್ತು ಎಂದು ಮುರಳೀಧರನ್ ಹೇಳಿದರು. ಕೋಚ್ ಶಾಂತವಾಗಿ ಮತ್ತು ಕೆಲವು ಸಂದೇಶಗಳನ್ನು ಕಳುಹಿಸುವ ಬದಲು ನಿರಾಶೆ ತೋರಿಸುತ್ತಿದ್ದರು. ಇದು ತಂಡದ ಆಟಗಾರರ ಮೇಲೆ ದೊಡ್ಡ ಪರಿಣಾಮ ಬೀರುತ್ತದೆ ಎಂದರು.

ಇದನ್ನೂ ಓದಿ:IND vs SL: ಹೀನಾಯ ಸೋಲಿನ ಬಳಿಕ ಮೈದಾನದಲ್ಲೇ ಪರಸ್ಪರ ಜಗಳಕ್ಕಿಳಿದ ಲಂಕಾ ತಂಡದ ಕೋಚ್ ಮತ್ತು ನಾಯಕ; ವಿಡಿಯೋ