Liam Livingstone, IPL 2022 Auction: 9 ಐಪಿಎಲ್ ಪಂದ್ಯಗಳನ್ನಾಡಿರುವ ಆಟಗಾರನಿಗೆ 11.50 ಕೋಟಿ ಸುರಿದ ಪಂಜಾಬ್!
Liam Livingstone IPL 2022 Auction: ಐಪಿಎಲ್ 2022 ಹರಾಜಿನಲ್ಲಿ ಲಿಯಾಮ್ ಲಿವಿಂಗ್ಸ್ಟನ್ಗೆ 11.50 ಕೋಟಿ ರೂ. ನೀಡಿ ಪಂಜಾಬ್ ಕಿಂಗ್ಸ್ ಖರೀದಿಸಿದೆ. ಇದರೊಂದಿಗೆ ಲಿಯಾಮ್ ಲಿವಿಂಗ್‌ಸ್ಟನ್ ಐಪಿಎಲ್ ಹರಾಜಿನಲ್ಲಿ ಮಾರಾಟವಾದ ಎರಡನೇ ಅತ್ಯಂತ ದುಬಾರಿ ಇಂಗ್ಲಿಷ್ ಆಟಗಾರ ಎನಿಸಿಕೊಂಡಿದ್ದಾರೆ.
Updated on:Feb 13, 2022 | 1:14 PM
ಐಪಿಎಲ್ 2022 ಹರಾಜಿನಲ್ಲಿ (IPL 2022 Auction) ಲಿಯಾಮ್ ಲಿವಿಂಗ್‌ಸ್ಟನ್ (Liam Livingstone)ಗೆ 11.50 ಕೋಟಿ ರೂ. ನೀಡಿ ಪಂಜಾಬ್ ಕಿಂಗ್ಸ್ (Punjab Kings) ಖರೀದಿಸಿದೆ. ಇದರೊಂದಿಗೆ ಲಿಯಾಮ್ ಲಿವಿಂಗ್‌ಸ್ಟನ್ ಐಪಿಎಲ್ ಹರಾಜಿನಲ್ಲಿ ಮಾರಾಟವಾದ ಎರಡನೇ ಅತ್ಯಂತ ದುಬಾರಿ ಇಂಗ್ಲಿಷ್ ಆಟಗಾರ ಎನಿಸಿಕೊಂಡಿದ್ದಾರೆ. ಕಳೆದ ಋತುವಿನ ಐಪಿಎಲ್ನಲ್ಲಿ ಅವರು ರಾಜಸ್ಥಾನ್ ರಾಯಲ್ಸ್‌ನ ಭಾಗವಾಗಿದ್ದರು. ಲಿವಿಂಗ್‌ಸ್ಟನ್ ಐಪಿಎಲ್ನಲ್ಲಿ ಇದುವರೆಗೆ ಒಂಬತ್ತು ಪಂದ್ಯಗಳನ್ನು ಮಾತ್ರ ಆಡಿದ್ದಾರೆ. ಇದರಲ್ಲಿ ಅವರು 112 ರನ್ ಗಳಿಸಿದ್ದಾರೆ. ಐಪಿಎಲ್ನಲ್ಲಿ ಇನ್ನೂ ಛಾಪು ಮೂಡಿಸಲು ಸಾಧ್ಯವಾಗದಿದ್ದರೂ, ಟಿ20 ಕ್ರಿಕೆಟ್‌ನಲ್ಲಿ ಲಿವಿಂಗ್‌ಸ್ಟನ್ ದೊಡ್ಡ ಹೆಸರು. 2021 ರಲ್ಲಿ, ಈ ಸ್ವರೂಪದಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸಿದ ಬ್ಯಾಟ್ಸ್‌ಮನ್‌ಗಳ ಪೈಕಿ ಇವರು ಒಬ್ಬರಾಗಿದ್ದರು.
ಲಿಯಾಮ್ ಲಿವಿಂಗ್‌ಸ್ಟನ್ ಅವರ ಅಂತರಾಷ್ಟ್ರೀಯ ಕ್ರಿಕೆಟ್‌ನ ಅಂಕಿಅಂಶಗಳನ್ನು ನೋಡಿದಾಗ, ಅವರ ಸ್ಟ್ರೈಕ್ ರೇಟ್ 158 ಕ್ಕಿಂತ ಹೆಚ್ಚಿದೆ. ಅವರು 17 ಪಂದ್ಯಗಳಲ್ಲಿ 285 ರನ್ ಗಳಿಸಿದ್ದಾರೆ ಮತ್ತು ಇದರಲ್ಲಿ ಶತಕವೂ ಸೇರಿದೆ. ಅಲ್ಲದೆ 12 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಅದೇ ಟಿ20 ಕ್ರಿಕೆಟ್ ನಲ್ಲಿ 164 ಪಂದ್ಯಗಳನ್ನಾಡಿದ್ದು 4095 ರನ್ ಗಳಿಸಿದ್ದಾರೆ. ಇಲ್ಲಿ ಅವರು ಎರಡು ಶತಕ ಮತ್ತು 23 ಅರ್ಧ ಶತಕಗಳನ್ನು ಹೊಂದಿದ್ದಾರೆ. ಅಲ್ಲದೆ 67 ವಿಕೆಟ್‌ಗಳನ್ನು ಪಡೆದಿದ್ದಾರೆ.
ಲಿವಿಂಗ್ಸ್ಟನ್ಗೆ ಬಿಡ್ 2022 ರ ಐಪಿಎಲ್ ಹರಾಜಿನಲ್ಲಿ ಈ ಇಂಗ್ಲೆಂಡ್ ಆಟಗಾರನ ಮೂಲ ಬೆಲೆ 1 ಕೋಟಿ ರೂ. ಕೋಲ್ಕತ್ತಾ ನೈಟ್ ರೈಡರ್ಸ್ ಅವರನ್ನು ಮೊದಲು ಬಿಡ್ ಮಾಡಿತು. ನಂತರ ಚೆನ್ನೈ ಸೂಪರ್ ಕಿಂಗ್ಸ್ ತಂಡವೂ ಸೇರಿಕೊಂಡಿತು. ಇಬ್ಬರ ನಡುವೆ ನಾಲ್ಕು ಕೋಟಿ ರೂಪಾಯಿವರೆಗೂ ಫೈಪೋಟಿ ನಡೆಯಿತು. ಆಗ ಸಿಎಸ್ಕೆ ತಂಡ ಹಿಂದೆ ಸರಿದಿತ್ತು. ಇಲ್ಲಿಂದ ಪಂಜಾಬ್ ಕಿಂಗ್ಸ್ ತಂಡ ಬಿಡ್‌ಗೆ ಸೇರಿಕೊಂಡಿತು. KKR ಲಿವಿಂಗ್ಸ್ಟನ್ಗೆ 6.25 ಕೋಟಿ ರೂ.ವರೆಗೆ ಬಿಡ್ ಮಾಡಿತು ಆದರೆ ಪಂಜಾಬ್ ಅವರಿಗೆ ಬಿಡ್‌ಗಳನ್ನು ಮುಂದಿಟ್ಟಿತು.
ನಂತರ ಗುಜರಾತ್ ಟೈಟಾನ್ಸ್ ಪಂಜಾಬ್ಗೆ ಪೈಪೋಟಿ ನೀಡುವ ಪ್ರಯತ್ನ ನಡೆಸಿತು. ಆದರೆ ಪಂಜಾಬ್ ಈ ಆಟಗಾರನನ್ನು ಬಿಟ್ಟುಕೊಡಲಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಗುಜರಾತ್ ಕೂಡ ಹಿಂದೆ ಸರಿಯಿತು. ಸನ್ ರೈಸರ್ಸ್ ಹೈದರಾಬಾದ್ ಕೂಡ ಲಿವಿಂಗ್ ಸ್ಟನ್ ಮೇಲೆ ಬೆಟ್ಟಿಂಗ್ ಕಟ್ಟಿತು. ಹೀಗಿರುವಾಗ ಬಿಡ್ 10 ಕೋಟಿ ದಾಟಿತು. ಅಂತಿಮವಾಗಿ ಪಂಜಾಬ್ 11.50 ಕೋಟಿ ಬಿಡ್‌ನೊಂದಿಗೆ ಲಿವಿಂಗ್‌ಸ್ಟನ್ ಅವರನ್ನು ತನ್ನೊಂದಿಗೆ ಕರೆದೊಯ್ದಿತು.
ಐಪಿಎಲ್ನಲ್ಲಿ ಇಂಗ್ಲೆಂಡ್‌ನ ಅತ್ಯಂತ ದುಬಾರಿ ಆಟಗಾರ ಬೆನ್ ಸ್ಟೋಕ್ಸ್ ಐಪಿಎಲ್ ಇತಿಹಾಸದಲ್ಲಿ ಇದುವರೆಗಿನ ಇಂಗ್ಲೆಂಡ್‌ನ ಅತ್ಯಂತ ದುಬಾರಿ ಆಟಗಾರ. ಅವರನ್ನು ರೈಸಿಂಗ್ ಪುಣೆ ಸೂಪರ್‌ಜೈಂಟ್ಸ್ 2017 ರಲ್ಲಿ 14.50 ಕೋಟಿ ರೂ.ಗೆ ಖರೀದಿಸಿತು. ನಂತರ 2018 ರಲ್ಲಿ ರಾಜಸ್ಥಾನ್ ರಾಯಲ್ಸ್ ಸ್ಟೋಕ್ಸ್ ಅನ್ನು 12.50 ಕೋಟಿಗೆ ತೆಗೆದುಕೊಂಡಿತು. ಅದೇ ಸಮಯದಲ್ಲಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು 2017 ರಲ್ಲಿ 12 ಕೋಟಿ ಪಾವತಿಸಿ ಟೆಮಲ್ ಮಿಲ್ಸ್ ಅನ್ನು ಖರೀದಿಸಿತ್ತು.
ಇದನ್ನೂ ಓದಿ:IPL Auction 2022: ಕಡು ಬಡತನದಿಂದ ಬಂದು ಐಪಿಎಲ್ನಲ್ಲಿ ಕೋಟಿ ಗಳಿಸಿದ ಪ್ರತಿಭಾವಂತ ಕ್ರಿಕೆಟಿಗರಿವರು
Published On - 12:51 pm, Sun, 13 February 22
