ಪಾಕ್ ಕ್ರಿಕೆಟಿಗನಿಗೆ ಮನಸೋತ ನ್ಯೂಜಿಲೆಂಡ್ ಸುಂದರಿ; ಮದುವೆಯಾಗುವಂತೆ ಒತ್ತಾಯ..! ವಿಡಿಯೋ ನೋಡಿ

ಟಿ20 ವಿಶ್ವಕಪ್ (T20 World Cup 2022) ಆರಂಭಕ್ಕೂ ಮುನ್ನ ತ್ರಿಕೋನ ಸರಣಿಗಾಗಿ (tri-series) ನ್ಯೂಜಿಲೆಂಡ್ ಪ್ರವಾಸ ಮಾಡಿದ್ದ ಪಾಕಿಸ್ತಾನ ತಂಡ ಫೈನಲ್ ಪಂದ್ಯದಲ್ಲಿ ಕಿವೀಸ್ ತಂಡವನ್ನು ಮಣಿಸುವುದರೊಂದಿಗೆ ತ್ರಿಕೋನ ಸರಣಿಯನ್ನು ಎತ್ತಿಹಿಡಿದಿತ್ತು. ಈ ಮೂಲಕ ಟಿ20 ವಿಶ್ವಕಪ್​ಗೆ ಗೆಲುವಿನ ಆತ್ಮವಿಶ್ವಾಸದೊಂದಿಗೆ ಎಂಟ್ರಿಕೊಟ್ಟಿತ್ತು. ಈ ವೇಳೆ ಪ್ರವಾಸವನ್ನು ಸುಖಾಂತ್ಯಗೊಳಿಸಿ, ಟಿ20 ವಿಶ್ವಕಪ್​ಗಾಗಿ ಆಸ್ಟ್ರೇಲಿಯಾಕ್ಕೆ ತೆರಳಲು ಸಿದ್ದವಾಗಿದ್ದ ಪಾಕ್ ತಂಡವನ್ನು ಅಲ್ಲಿನ ನೂರಾರು ಅಭಿಮಾನಿಗಳು ಬೇಟಿ ಮಾಡಿದ್ದರು. ಇಲ್ಲಿ ಕೆಲವರು ಆಟಗಾರರೊಂದಿಗೆ ಸೆಲ್ಫಿ ತೆಗೆದುಕೊಂಡು ಖುಷಿಪಟ್ಟರೆ, ಇನ್ನು ಕೆಲವರು ಆಟೋಗ್ರಾಫ್ ಪಡೆದುಕೊಂಡು ಸಂತಸಪಟ್ಟರು. ಆದರೆ ನ್ಯೂಜಿಲೆಂಡ್​ನ ಯುವತಿಯೊಬ್ಬಳು, ಪಾಕ್ ಕ್ರಿಕೆಟಿಗನಿಗೆ ಪ್ರೇಮ ನಿವೇದನೆ ಮಾಡಿಕೊಂಡಿದ್ದಲ್ಲದೆ, ತನ್ನನ್ನು ಮದುವೆಯಾಗುವಂತೆ ಈ ಕ್ರಿಕೆಟಿಗನನ್ನು ಒತ್ತಾಯಿಸಿದ್ದಾಳೆ. ಯುವತಿಯ ಈ ನಡೆಯಿಂದ ಮುಜುಗರಕ್ಕೀಡಾದ ಪಾಕ್ ಕ್ರಿಕೆಟಿಗೆ ನಾಚಿಕೆಪಟ್ಟುಕೊಂಡು ಏನನ್ನು ಮಾತನಾಡದೆ ಅಲ್ಲಿಂದ ತೆರಳಿದ್ದಾನೆ.

ಶಾದಾಬ್‌ನನ್ನು ಮದುವೆಯಾಗಬೇಕು

ವಾಸ್ತವವಾಗಿ ಪಾಕಿಸ್ತಾನ ಕ್ರಿಕೆಟ್‌ನ ಯೂಟ್ಯೂಬ್ ಚಾನೆಲ್‌, ಒಂದು ವಿಡಿಯೋವನ್ನು ಪೋಸ್ಟ್ ಮಾಡಿದ್ದು, ಈ ವೀಡಿಯೊದಲ್ಲಿ ಪಾಕ್ ಕ್ರಿಕೆಟಿಗರು ಅಭಿಮಾನಿಗಳನ್ನು ಭೇಟಿಯಾಗುತ್ತಿರುವುದು ಕಾಣಬಹುದಾಗಿದೆ. ಈ ಕ್ರಿಕೆಟಿಗರಲ್ಲಿ ಪಾಕಿಸ್ತಾನದ ಸ್ಟಾರ್ ಲೆಗ್ ಸ್ಪಿನ್ನರ್-ಆಲ್ ರೌಂಡರ್ ಶಾದಾಬ್ ಖಾನ್ ಕೂಡ ಇದ್ದಾರೆ. ತನ್ನ ಲೆಗ್ ಸ್ಪಿನ್‌ನೊಂದಿಗೆ ತ್ರಿಕೋನ ಸರಣಿಯಲ್ಲಿ ಬ್ಯಾಟ್ಸ್‌ಮನ್‌ಗಳನ್ನು ಬಲಿಪಶು ಮಾಡಿದ್ದ ಶಾದಾಬ್, ನ್ಯೂಜಿಲೆಂಡ್‌ನ ಅಭಿಮಾನಿಯನ್ನು ಸಹ ಕ್ಲೀನ್ ಬೌಲ್ಡ್ ಮಾಡಿದ್ದಾರೆ. ತನ್ನ ನೆಚ್ಚಿನ ಕ್ರಿಕೆಟಿಗನನ್ನು ಕಾಣಲುಬಂದ ನ್ಯೂಜಿಲೆಂಡ್​ನ ಯುವತಿಯೊಬ್ಬಳು ಶಾದಾಬ್ ಖಾನ್ ಮೇಲಿನ ಪ್ರೀತಿಯನ್ನು ವ್ಯಕ್ತಪಡಿಸಿದ್ದು, ಅವರನ್ನು ನೋಡಲೆಂದೆ ನಾನು ಕ್ರೀಡಾಂಗಣಕ್ಕೆ ಬಂದಿರುವುದಾಗಿ ಹೇಳಿಕೊಂಡಿದ್ದಾಳೆ. ಅಭಿಮಾನಿಯ ಈ ಹೇಳಿಕೆಗೆ ಮನಸೋತ ಶಾದಾಬ್ ಕೂಡ ಈ ಅಭಿಮಾನಿಯನ್ನು ನಿರಾಸೆಗೊಳಿಸದೆ ತಮ್ಮ ಪ್ಯಾಂಟ್ ಒಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ಇದನ್ನೂ ಓದಿ:T20 World Cup: ಅಶ್ವಿನ್ vs ಚಾಹಲ್; ಪಾಕ್ ವಿರುದ್ಧದ ಪಂದ್ಯಕ್ಕೆ ಈ ಇಬ್ಬರಲ್ಲಿ ಯಾರಿಗೆ ತಂಡದಲ್ಲಿ ಅವಕಾಶ?

ಆದರೆ ಈ ವಿಚಾರ ಅಷ್ಟಕ್ಕೆ ನಿಂತಿಲ್ಲ. ಶಾದಾಬ್​ನಿಂದ ಪ್ಯಾಂಟನ್ನು ಉಡುಗೊರೆಯಾಗಿ ಪಡೆದುಕೊಂಡ ಈ ಅಭಿಮಾನಿ ತಾನು ಶಾದಾಬ್‌ನನ್ನು ತುಂಬಾ ಪ್ರೀತಿಸುತ್ತಿದ್ದು, ಅವರನ್ನು ಮದುವೆಯಾಗಲು ಬಯಸುತ್ತೇನೆ ಎಂದು ಹೇಳಿಕೊಂಡಿದ್ದಾಳೆ. ಅಲ್ಲದೆ ಈ ಅಭಿಮಾನಿ ಶಾದಾಬ್ ಮುಂದೆ ಮದುವೆ ಪ್ರಸ್ತಾಪವನ್ನು ಸಹ ಮಾಡಿದ್ದಾಳೆ. ಅಭಿಮಾನಿಯ ಈ ಪ್ರಸ್ತಾಪವನ್ನು ಕಂಡು ನಾಚಿ ನೀರಾದ ಶಾದಾಬ್, ಈ ಬಗ್ಗೆ ಏನನ್ನೂ ಹೇಳದೆ ಅಲ್ಲಿಂದ ತೆರಳಿದ್ದಾರೆ.

ವಿಶ್ವಕಪ್‌ನಲ್ಲಿ ಭಾರತದ ವಿರುದ್ಧ ಸೆಣಸಾಟ

ಈಗ ಈ ಮದುವೆ ಪ್ರಸ್ತಾಪವನ್ನು ಬದಿಗಿಟ್ಟಿರುವ ಶಾದಾಬ್, ಅಕ್ಟೋಬರ್ 23 ರಂದು ಭಾರತವನ್ನು ಎದುರಿಸುವ ತಯಾರಿಯಲ್ಲಿದ್ದಾರೆ. ಕಳೆದ ವರ್ಷ ಮೊದಲ ಬಾರಿಗೆ ವಿಶ್ವಕಪ್‌ನಲ್ಲಿ ಭಾರತವನ್ನು ಪಾಕಿಸ್ತಾನ ಸೋಲಿಸಿ ದಾಖಲೆ ಬರೆದಿತ್ತು. ಆ ಪಂದ್ಯದಲ್ಲಿ ಶಾದಾಬ್ ತಮ್ಮ ಸ್ಪಿನ್‌ನೊಂದಿಗೆ ಪ್ರಮುಖ ಪಾತ್ರ ವಹಿಸಿದರು. ಇದೀಗ ಶಾದಾಬ್, ಅದ್ಭುತ ಫಾರ್ಮ್​ನಲ್ಲಿದ್ದು, ಟೀಂ ಇಂಡಿಯಾಕ್ಕೆ ತೊಂದರೆ ನೀಡಲು ಸಜ್ಜಾಗಿದ್ದಾರೆ.

ಇನ್ನಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 11:57 am, Sun, 16 October 22