SRH vs KKR Highlights IPL 2023: ಮತ್ತೆ ಎಡವಿದ ಹೈದರಾಬಾದ್; ಕೆಕೆಆರ್​ಗೆ 5 ರನ್ ಜಯ

ಅಂತಿಮ ಓವರ್​ನಲ್ಲಿ 9 ರನ್ ಟಾರ್ಗೆಟ್ ಪಡೆದಿದ್ದ ಹೈದರಾಬಾದ್ ಕೇವಲ 4 ರನ್ ಮಾತ್ರ ಗಳಿಸಿತು. ಇದರೊಂದಿಗೆ 5 ರನ್​​ಗಳ ಹೀನಾಯ ಸೋಲು ಕಂಡಿತು.

20ನೇ ಓವರ್‌ನ ಮೂರನೇ ಎಸೆತದಲ್ಲಿ ಅಬ್ದುಲ್ ಸಮದ್ ಔಟಾದರು. ವರುಣ್ ಚಕ್ರವರ್ತಿ ಎಸೆತದಲ್ಲಿ ಡೀಪ್ ಮಿಡ್‌ವಿಕೆಟ್‌ನಲ್ಲಿ ಅನುಕುಲ್ ರಾಯ್ಗೆ ಕ್ಯಾಚ್ ನೀಡಿದರು.

19ನೇ ಓವರ್​​ನಲ್ಲಿ 11 ರನ್ ಬಂತು. ಈ ಓವರ್​​ನಲ್ಲಿ ಭುವಿ 1 ಬೌಂಡರಿ ಹೊಡೆದರೆ ಸಮದ್ ಕೂಡ ಬೌಂಡರಿ ಬಾರಿಸಿದರು. ಕೊನೆಯ ಓವರ್​ನಲ್ಲಿ 9 ರನ್ ಬೇಕು

19ನೇ ಓವರ್​​ನ ಮೊದಲ ಎಸೆತದಲ್ಲಿ ಯಾನ್ಸೆನ್ ಕೀಪರ್​ ಕೈಗೆ ಕ್ಯಾಚಿತ್ತು ಔಟಾದರು.

ವರುಣ್ ಬೌಲ್ ಮಾಡಿದ 18ನೇ ಓವರ್​​ನಲ್ಲಿ ಡಬಲ್ ತೆಗೆದ ಸಮದ್ ಹೈದರಾಬಾದ್ ಮೊತ್ತವನ್ನು 150ರ ಗಡಿ ದಾಟಿಸಿದರು.

16ನೇ ಓವರ್​​ನ ಮೊದಲ ಎಸೆತದಲ್ಲಿ ಬೌಂಡರಿ ತಿಂದ ಅರೋರಾ, ಅದೇ ಓವರ್​​ನ 5ನೇ ಎಸೆತದಲ್ಲಿ ಎದುರಾಳಿ ನಾಯಕ ಮಾರ್ಕ್ರಾಮ್ ವಿಕೆಟ್ ಉರುಳಿಸಿದರು.

ಶಾರ್ದೂಲ್ ಬೌಲ್ ಮಾಡಿದ 15ನೇ ಓವರ್​​ನಲ್ಲಿ 2 ಬೌಂಡರಿ ಬಂದವು. ಮೊದಲ ಬೌಂಡರಿಯನ್ನು ಮಕ್ರಾಮ್ ಹೊಡೆದರೆ, 2ನೇ ಬೌಂಡರಿಯನ್ನು ಸಮದ್ ಬಾರಿಸಿದರು.

ಹೆನ್ರಿಕ್ ಕ್ಲಾಸೆನ್ ಔಟಾಗಿದ್ದಾರೆ. ಅವರು 15ನೇ ಓವರ್‌ನ ಮೊದಲ ಎಸೆತದಲ್ಲಿ ಡೀಪ್ ಮಿಡ್‌ವಿಕೆಟ್‌ನಲ್ಲಿ ರಸೆಲ್ ಅವರ ಕೈಗೆ ಕ್ಯಾಚ್ ನೀಡಿದರು.

ಹೆನ್ರಿಕ್ 36 ರನ್, 20 ಎಸೆತಗಳಲ್ಲಿ 1×4 3×6

12ನೇ ಓವರ್​​ನಲ್ಲಿ 2 ಬ್ಯಾಕ್ ಟು ಬ್ಯಾಕ್ ಬೌಂಡರಿ ಬಾರಿಸಿದ ಮಾರ್ಕ್ರಾಮ್ ತಂಡದ ಮೊತ್ತವನ್ನು 100ರ ಗಡಿ ದಾಟಿಸಿದ್ದಾರೆ.

ಹೈದರಾಬಾದ್ ಇನ್ನಿಂಗ್ಸ್​ಗೆ ಕ್ಲಾಸೆನ್ ಜೀವ ತುಂಬುತ್ತಿದ್ದಾರೆ. ಅನ್ಕುಲ್ ಬೌಲ್ ಮಾಡಿದ 11ನೇ ಓವರ್​​ನಲ್ಲಿ ಕ್ಲಾಸೆನ್ 2 ಸಿಕ್ಸರ್ ಹೊಡೆದರು.

ಹೈದರಾಬಾದ್ ಇನ್ನಿಂಗ್ಸ್​​ನ 10 ಓವರ್ ಮುಗಿದಿದ್ದು, ತಂಡ 4 ವಿಕೆಟ್ ಕಳೆದುಕೊಂಡು 75 ರನ್ ಬಾರಿಸಿದೆ.

ಸತತವಾಗಿ ವಿಕೆಟ್ ಕಳೆದುಕೊಳ್ಳುತ್ತಿರುವ ಹೈದರಾಬಾದ್ ಇನ್ನಿಂಗ್ಸ್ ತತ್ತರಿಸಿದೆ. ಇನ್ನಿಂಗ್ಸ್​​ನ 8ನೇ ಓವರ್​ ಮುಗಿದಿದ್ದು, ತಂಡ 66 ರನ್​ಗಳಿಗೆ 4 ವಿಕಟ್ ಕಳೆದುಕೊಂಡಿದೆ.

ಸತತ ಕಳಪೆ ಫಾರ್ಮ್​ನಿಂದ ಬಳಲುತ್ತಿರುವ ಹ್ಯಾರಿ ಬ್ರೂಕ್ ಮತ್ತೊಮ್ಮೆ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದಾರೆ.

ಹೈದರಾಬಾದ್ 3ನೇ ವಿಕೆಟ್ ಕಳೆದುಕೊಂಡಿದೆ. 5ನೇ ಓವರ್​​ನ ಮೊದಲ 3 ಎಸೆತದಲ್ಲಿ ಬೌಂಡರಿ ಬಾರಿಸಿದ ತ್ರಿಪಾಠಿ 3ನೇ ಎಸೆತದಲ್ಲಿ ಕ್ಯಾಚಿತ್ತು ಔಟಾದರು.

ರಸೆಲ್ ಬೌಲ್ ಮಾಡಿದ 5ನೇ ಓವರ್​ನ ಮೊದಲ ಎಸೆತ ನೋಬಾಲ್ ಆಗಿತ್ತು. ಅದನ್ನು ಬೌಂಡರಿಗಟ್ಟಿದ ತ್ರಿಪಾಠಿ ಫ್ರೀ ಹಿಟ್ ಬಾಲ್​​ನಲ್ಲಿ ಸಿಕ್ಸರ್​​ಗಟ್ಟಿದರು. ಮುಂದಿನ ಎಸೆತದಲ್ಲಿ ಬೌಂಡರಿ ಹೊಡೆದರು.

2 ವಿಕೆಟ್ ಉರುಳಿದ ಬಳಿಕ ಹೈದರಾಬಾದ್ ಇನ್ನಿಂಗ್ಸ್​ ನಿಧಾನವಾಗಿದೆ. 5ನೇ ಓವರ್​​ನಲ್ಲಿ ಕೇವಲ 1 ರನ್ ಮಾತ್ರ ಬಂತು.

ಶಾರ್ದೂಲ್ ಬೌಲ್ ಮಾಡಿದ 3ನೇ ಓವರ್​ನ 5ನೇ ಎಸೆತದಲ್ಲಿ ಆರಂಭಿಕ ಅಭಿಷೇಕ್ ಕ್ಯಾಚಿತ್ತು ಔಟಾದರು.

ನಾಲ್ಕನೇ ಓವರ್‌ನ ಎರಡನೇ ಎಸೆತದಲ್ಲಿ ರಾಹುಲ್ ತ್ರಿಪಾಠಿ ಸ್ಕೂಪ್ ಮಾಡಿ ಬೌಂಡರಿ ಬಾರಿಸಿದರು.

ರಾಣಾ ಬೌಲ್ ಮಾಡಿದ 3ನೇ ಓವರ್​​ನ 3ನೇ ಎಸೆತದಲ್ಲಿ ಡೀಪ್ ಪಾಯಿಂಟ್ ಮೇಲೆ ಸಿಕ್ಸರ್ ಬಾರಿಸಿದ ಮಯಾಂಕ್, ಕೊನೆಯ ಎಸೆತದಲ್ಲಿ ವಿಕೆಟ್ ಕೀಪರ್​​ಗೆ ಕ್ಯಾಚಿತ್ತು ಔಟಾದರು.

ವೈಭವ್ ಬೌಲ್ ಮಾಡಿದ 2ನೇ ಓವರ್​ನಲ್ಲಿ 13 ರನ್ ಬಂದವು. ಈ ಓವರ್​ನ ಕೊನೆಯ ಎಸೆತದಲ್ಲಿ ಮಯಾಂಕ್ ಥರ್ಡ್​ ಮ್ಯಾನ್​ನಲ್ಲಿ ಬೌಂಡರಿ ಹೊಡೆದರು.

ಹೈದರಾಬಾದ್ ಇನ್ನಿಂಗ್ಸ್ ಆರಂಭವಾಗಿದೆ. ಅಭಿಷೇಕ್ ಶರ್ಮಾ ಮತ್ತು ಮಯಾಂಕ್ ಅಗರ್ವಾಲ್ ಇನ್ನಿಂಗ್ಸ್ ಆರಂಭಿಸಲು ಬಂದಿದ್ದಾರೆ.ಇವರ ಮುಂದೆ ಹರ್ಷಿತ್ ರಾಣಾ ಬೌಲಿಂಗ್ ಆರಂಭಿಸುತ್ತಿದ್ದಾರೆ. ಅಭಿಷೇಕ್ ಮೊದಲ ಎಸೆತದಲ್ಲೇ ಬೌಂಡರಿ ಬಾರಿಸಿದರು.

20ನೇ ಓವರ್​​ನಲ್ಲಿ 2 ವಿಕೆಟ್ ಉರುಳಿಸಿದ ನಟರಾಜನ್ ಕೇವಲ 3 ರನ್ ನೀಡಿದರು. ಇದರೊಂದಿಗೆ ಕೆಕೆಆರ್ 9 ವಿಕೆಟ್ ಕಳೆದುಕೊಂಡು 171 ರನ್ ಬಾರಿಸಿದೆ.

ಭುವಿ ಬೌಲ್ ಮಾಡಿದ 19ನೇ ಓವರ್​​ನಲ್ಲಿ ಅನ್ಕುಲ್ ರಾಯ್ 2 ಬೌಂಡರಿ ಹೊಡೆದರು. ಈ ಒವರ್​​ನಲ್ಲಿ 13 ರನ್ ಬಂದವು.

6 ಬಾಲ್​​ಗಳಲ್ಲಿ 8 ರನ್ ಬಾರಿಸಿದ್ದ ಶಾರ್ದೂಲ್ ನಟರಾಜನ್ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದರು.

18ನೇ ಓವರ್​ನ ಮೊದಲ ಎಸೆತದಲ್ಲಿ ಡಬಲ್ ತೆಗೆದುಕೊಂಡ ರಿಂಕು ಕೆಕೆಆರ್ ಮೊತ್ತವನ್ನು 150ರ ಗಡಿ ದಾಟಿಸಿದರು.

ಮಯಾಂಕ್ ಬೌಲ್ ಮಾಡಿದ 17ನೇ ಓವರ್​​ನ 5ನೇ ಎಸೆತದಲ್ಲಿ ರಿಂಕು ಲಾಂಗ್​​ ಆನ್​​ನಲ್ಲಿ ಸಿಕ್ಸರ್ ಹೊಡೆದರು.

ರಸೆಲ್ ವಿಕೆಟ್ ಬಳಿಕ ಬಂದ ನರೈನ್ ಕೂಡ ಕೇವಲ 2 ರನ್​​ಗಳಿಗೆ ವಿಕೆಟ್ ಒಪ್ಪಿಸಿದರು.

15ನೇ ಓವರ್​ನ 2ನೇ ಎಸೆತದಲ್ಲೇ ರಸೆಲ್ ವಿಕೆಟ್ ಒಪ್ಪಿಸಿದ್ದಾರೆ.

ನಟರಾಜನ್ ಬೌಲ್ ಮಾಡಿದ 14ನೇ ಓವರ್​​ನ 4ನೇ ಎಸೆತದಲ್ಲಿ ರಸೆಲ್ ಡೀಪ್ ಮಿಡ್ ವಿಕೆಟ್​​ ಕಡೆ ಬೌಂಡರಿ ಹೊಡೆದರು.

ಮಯಾಂಕ್ ಬೌಲ್ ಮಾಡಿದ 13ನೇ ಓವರ್​​ನ 2ನೇ ಎಸೆತವನ್ನು ರಸೆಲ್ ಲಾಂಗ್​​ ಆನ್​​ನಲ್ಲಿ ಸಿಕ್ಸರ್​ಗಟ್ಟಿದರೆ, ಕೊನೆಯ ಎಸೆತವನ್ನು ರಿಂಕು ಬೌಂಡರಿಗಟ್ಟಿದರು.

ನಾಯಕ ರಾಣಾ ವಿಕೆಟ್ ಬಳಿಕ ಬಂದ ರಸೆಲ್ 11ನೇ ಓವರ್​ನ 5ನೇ ಎಸೆತದಲ್ಲಿ ಭರ್ಜರಿ ಸಿಕ್ಸರ್ ಸಿಡಿಸಿ, ತಂಡವನ್ನು 100ರ ಗಡಿ ದಾಟಿಸಿದ್ದಾರೆ.

31 ಬಾಲ್​​ಗಳಲ್ಲಿ 42 ರನ್ ಬಾರಿಸಿದ್ದ ಕೆಕೆಆರ್ ನಾಯಕ ನಿತೀಶ್ ರಾಣಾ ಎದುರಾಳಿ ನಾಯಕನ ಬೌಲಿಂಗ್​​ನಲ್ಲಿ ಅವರಿಗೆ ಕ್ಯಾಚಿತ್ತು ಔಟಾಗಿದ್ದಾರೆ. ಇದರೊಂದಿಗೆ ಕೆಕೆಆರ್​​ 4ನೇ ವಿಕೆಟ್ ಕಳೆದುಕೊಂಡಿದೆ.

ರಾಯ್ ವಿಕೆಟ್ ಉರುಳಿಸಿದ್ದ ತ್ಯಾಗಿ 10ನೇ ಓವರ್​​ನಲ್ಲಿ ತುಂಬಾ ದುಬಾರಿಯಾಗಿದ್ದಾರೆ. ಈ ಓವರ್​​ನಲ್ಲಿ ಒಟ್ಟು 3 ಬೌಂಡರಿ ಬಂದವು. ಅದರಲ್ಲಿ 2 ಸಿಕ್ಸರ್ ಆದರೆ, 1 ಭರ್ಜರಿ ಫೋರ್ ಆಗಿತ್ತು.

9ನೇ ಓವರ್​​ನಲ್ಲಿ ರಿಂಕು 2 ಬ್ಯಾಕ್ ಟು ಬ್ಯಾಕ್ ಬೌಂಡರಿ ಹೊಡೆದರು. ಮೊದಲ ಬೌಂಡರಿ ಡೀಪ್ ಕವರ್ಸ್​ನಲ್ಲಿ ಬಂದರೆ, 2ನೇ ಬೌಂಡರಿ ಡೀಪ್ ಕವರ್ಸ್​ ಪಾಯಿಂಟ್​​ನಲ್ಲಿ ಬಂತು.

ನಟರಾಜ್ ಬೌಲ್ ಮಾಡಿದ 8ನೇ ಓವರ್​​ನ 2ನೇ ಎಸೆತವನ್ನು ಡೀಪ್ ಸ್ಕ್ವೇರ್​​ ಲೆಗ್​​ನಲ್ಲಿ ರಾಣಾ ಸಿಕ್ಸರ್​ಗಟ್ಟಿದರು.

8 ಓವರ್ ಅಂತ್ಯಕ್ಕೆ 61/3

5ನೇ ಓವರ್​ ಬೌಲ್ ಮಾಡಿದ ತ್ಯಾಗಿ 3ನೇ ಎಸೆತದಲ್ಲಿ ಬೌಂಡರಿ ನೀಡಿದರೆ, ಆ ನಂತರದ ಎಸೆತದಲ್ಲಿ ಡೇಂಜರಸ್ ರಾಯ್ ವಿಕೆಟ್ ಉರುಳಿಸಿದ್ದಾರೆ.

4ನೇ ಓವರ್ ಬೌಲ್ ಮಾಡಿದ ಯಾನ್ಸೆನ್ ಓವೆರ್​​ನ ಮೊದಲ ಎಸೆತವನ್ನೇ ನೋ ಬಾಲ್ ಹಾಕಿದರು. ಈ ಬಾಲ್​​ನಲ್ಲಿ ಬೌಂಡರಿ ಕೂಡ ಸಿಕ್ಕಿತ್ತು. ಆದರೆ ಫ್ರೀ ಹಿಟ್​​ ಬಾಲ್​​ನಲ್ಲಿ ಯಾವುದೇ ರನ್ ಬರಲಿಲ್ಲ.

ಭುವಿ ಬೌಲ್ ಮಾಡಿದ 3ನೇ ಓವರ್​​ನ 3ನೇ ಎಸೆತದಲ್ಲಿ ರಾಯ್ ಪಾಯಿಂಟ್ ದಿಕ್ಕಿನಲ್ಲಿ ಬೌಂಡರಿ ಹೊಡೆದರು.

2ನೇ ಓವರ್​​ನಲ್ಲಿ 2 ವಿಕೆಟ್ ಉರುಳಿದವು. ಓವರ್​ನ ಮೊದಲ ಎಸೆತದಲ್ಲೇ ವಿಕೆಟ್ ಬಿದ್ದರೆ, ಕೊನೆಯ ಎಸೆತದಲ್ಲಿ ವೆಂಕಟೇಶ್ ಅಯ್ಯರ್ ವಿಕೆಟ್ ಕೀಪರ್​​ಗೆ ಕ್ಯಾಚಿತ್ತು ಔಟಾದರು.

ಕೆಕೆಆರ್ ತಂಡದ ಮೊದಲ ವಿಕೆಟ್ ಪತನವಾಗಿದೆ. 2ನೇ ಓವರ್​​ನ ಮೊದಲ ಎಸೆತದಲ್ಲಿ ಆರಂಭಿಕ ಗುರ್ಭಾಜ್ ಕ್ಯಾಚಿತ್ತು ವಿಕೆಟ್ ಒಪ್ಪಿಸಿದರು.

ಕೋಲ್ಕತ್ತಾ ಬ್ಯಾಟಿಂಗ್ ಆರಂಭಿಸಿದೆ. ಸ್ಫೋಟಕ ಆರಂಭಿಕ ಜೋಡಿ ಜೇಸನ್ ರಾಯ್ ಮತ್ತು ರಹಮಾನುಲ್ಲಾ ಗುರ್ಬಾಜ್ ಕ್ರೀಸ್‌ನಲ್ಲಿದ್ದಾರೆ. ಭುವನೇಶ್ವರ್ ಅವರ ಓವರ್‌ನಲ್ಲಿ ರಾಯ್ ಬೌಂಡರಿ ಬಾರಿಸಿದರು.

ನಿತೀಶ್ ರಾಣಾ (ನಾಯಕ), ಜೇಸನ್ ರಾಯ್, ರಹಮಾನುಲ್ಲಾ ಗುರ್ಬಾಜ್, ವೆಂಕಟೇಶ್ ಅಯ್ಯರ್, ಆಂಡ್ರೆ ರಸೆಲ್, ಸುನಿಲ್ ನರೈನ್, ರಿಂಕು ಸಿಂಗ್, ವೈಭವ್ ಅರೋರಾ, ಶಾರ್ದೂಲ್ ಠಾಕೂರ್, ಹರ್ಷಿತ್ ರಾಣಾ, ವರುಣ್ ಚಕ್ರವರ್ತಿ.

ಏಡನ್ ಮಾರ್ಕ್ರಾಮ್ (ನಾಯಕ), ಮಯಾಂಕ್ ಅಗರ್ವಾಲ್, ಅಭಿಷೇಕ್ ಶರ್ಮಾ, ಹೆನ್ರಿಚ್ ಕ್ಲಾಸೆನ್, ಹ್ಯಾರಿ ಬ್ರೂಕ್, ಅಬ್ದುಲ್ ಸಮದ್, ಮಾರ್ಕೊ ಯಾನ್ಸೆನ್, ಭುವನೇಶ್ವರ್ ಕುಮಾರ್, ಮಯಾಂಕ್ ಮಾರ್ಕಾಂಡೆ, ಕಾರ್ತಿಕ್ ತ್ಯಾಗಿ ಮತ್ತು ಟಿ ನಟರಾಜನ್.

ಟಾಸ್ ಗೆದ್ದ ಕೋಲ್ಕತ್ತಾ ನಾಯಕ ನಿತಿಶ್ ರಾಣಾ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದ್ದಾರೆ.