VIDEO: ಇವರಿಗೆ ಕಾಶ್ಮೀರ ಬೇಕಂತೆ…ಉಲ್ಟಾ ಧ್ವಜ ಹಿಡಿದ ಪಾಕ್ ಫ್ಯಾನ್​​ನ ಟ್ರೋಲ್ ಮಾಡಿದ ಭಾರತೀಯ

T20 World Cup 2022: ಮೆಲ್ಬೋರ್ನ್​ನಲ್ಲಿ ಭಾನುವಾರ ನಡೆದ ಭಾರತ-ಪಾಕಿಸ್ತಾನ್ (India vs Pakistan) ನಡುವೆ ರೋಚಕ ಪಂದ್ಯ ನಡೆದಿತ್ತು. ಈ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದ್ದ ಟೀಮ್ ಇಂಡಿಯಾ (Team India) ಮಾಜಿ ನಾಯಕ ವಿರಾಟ್ ಕೊಹ್ಲಿ (Virat Kohli)  53 ಎಸೆತಗಳಲ್ಲಿ 82 ರನ್ ಚಚ್ಚಿದ್ದರು. ಪರಿಣಾಮ ಅಂತಿಮ ಓವರ್​ನಲ್ಲಿ ಟೀಮ್ ಇಂಡಿಯಾಗೆ ಗೆಲುವು ಒಲಿದಿತ್ತು. ಇದು ಮೈದಾನದಲ್ಲಿನ ಘಟನೆಯಾದರೆ, ಇತ್ತ ಸ್ಟೇಡಿಯಂನಲ್ಲೂ ಸ್ವಾರಸ್ಯಕರ ಘಟನೆಯೊಂದು ನಡೆದಿತ್ತು.

ಎಂಸಿಜಿ ಸ್ಟೇಡಿಯಂನಲ್ಲಿ ಭಾರತ-ಪಾಕ್ ನಡುವಣ ರೋಚಕ ಹಣಾಹಣಿಯನ್ನು ವೀಕ್ಷಿಸುತ್ತಾ ಉಭಯ ತಂಡಗಳ ಅಭಿಮಾನಿಗಳು ತಮ್ಮ ತಂಡವನ್ನು ಹುರಿದುಂಬಿಸುತ್ತಿದ್ದರು. ಈ ಜೋಶ್​್ನಲ್ಲಿ ಪಾಕಿಸ್ತಾನದ ಅಭಿಮಾನಿಯೊಬ್ಬ ತಮ್ಮ ರಾಷ್ಟ್ರ ಧ್ವಜವನ್ನು ಉಲ್ಟಾ ಹಿಡಿದು ಹರ್ಷೋದ್ಘಾರದಲ್ಲಿ ತೊಡಗಿಸಿಕೊಂಡಿದ್ದ. ಇದನ್ನು ಗಮನಿಸಿದ ಭಾರತೀಯ ವ್ಯಕ್ತಿಯೊಬ್ಬರು ಧ್ವಜ ಉಲ್ಟಾ ಹಿಡಿದ್ದೀರಾ ಎಂದು ಸೂಚಿಸಿದ್ದಾರೆ. ಹಲವು ಬಾರಿ ಹೇಳಿದ ಬಳಿಕವಷ್ಟೇ ತಾನು ಪಾಕ್ ಧ್ವಜವನ್ನು ಉಲ್ಟಾ ಹಿಡಿರುವುದು ಆತನಿಗೆ ಗೊತ್ತಾಗಿದೆ.

ಈ ಸನ್ನಿವೇಶವನ್ನು ಮೊಬೈಲ್​ನಲ್ಲಿ ಚಿತ್ರೀಕರಿಸಲಾಗಿದ್ದು, ಇದೇ ವೇಳೆ ಭಾರತೀಯ ಕ್ರಿಕೆಟ್ ಅಭಿಮಾನಿ…ಇವರಿಗೆ ಕಾಶ್ಮೀರ ಬೇಕಂತೆ ಎಂದು ಟ್ರೋಲ್ ಮಾಡುತ್ತಿರುವುದು ಕಾಣಬಹುದು. ಅಂದರೆ ಸ್ವಂತ ಧ್ವಜವನ್ನೇ ಸರಿಯಾಗಿ ಹಿಡಿಯಲು ಬರದವರು ಕಾಶ್ಮೀರ ಬೇಕೆಂದು ಹೇಳುತ್ತಿದ್ದಾರೆ ವ್ಯಂಗ್ಯವಾಡಿದ್ದಾರೆ.

ಇದೀಗ ಈ ಸ್ವಾರಸ್ಯಕರ ವಿಡಿಯೋ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ. ಅದರ ಜೊತೆ ಇವರಿಗೆಲ್ಲಾ ಕಾಶ್ಮೀರ ಬೇಕೆಂತೆ ಎನ್ನುವ ಡೈಲಾಗ್ ಕೂಡ ಸಖತ್ ಟ್ರೆಂಡ್ ಆಗಿರುವುದು ವಿಶೇಷ.

ಭಾರತ-ಪಾಕಿಸ್ತಾನ್ ಮುಂದಿನ ಪಂದ್ಯ ಯಾವಾಗ?

ಭಾರತ-ಪಾಕಿಸ್ತಾನ್ ಈ ಬಾರಿಯ ವಿಶ್ವಕಪ್​ನಲ್ಲಿ ಮತ್ತೆ ಮುಖಾಮುಖಿಯಾಗುವ ಸಾಧ್ಯತೆ ತೀರಾ ಕಡಿಮೆ. ಏಕೆಂದರೆ ಉಭಯ ತಂಡಗಳು ಸೆಮಿಫೈನಲ್​ ಪ್ರವೇಶಿಸಿ, ಅಲ್ಲೂ ಎರಡೂ ತಂಡಗಳು ಗೆಲ್ಲಬೇಕಾಗುತ್ತದೆ. ಅಂದರೆ ಈ ಬಾರಿ ರೌಂಡ್ ರಾಬಿನ್ ಮಾದರಿಯಲ್ಲಿ ಟಿ20 ವಿಶ್ವಕಪ್ ನಡೆಯುತ್ತಿದೆ. ಇಲ್ಲಿ ಎರಡು ಗುಂಪುಗಳಾಗಿ 12 ತಂಡಗಳು ಮುಖಾಮುಖಿಯಾಗುತ್ತಿದೆ. ಇದರಲ್ಲಿ ಗ್ರೂಪ್​-2 ನಲ್ಲಿ ಭಾರತ ಹಾಗೂ ಪಾಕಿಸ್ತಾನ್ ತಂಡಗಳಿವೆ. ಗ್ರೂಪ್ ಹಂತದ ಪಂದ್ಯಗಳ ಮುಕ್ತಾಯದ ವೇಳೆ ಪಾಯಿಂಟ್ ಟೇಬಲ್​ನಲ್ಲಿ ಭಾರತ-ಪಾಕಿಸ್ತಾನ್ ಮೊದಲೆರಡು ಸ್ಥಾನಗಳನ್ನು ಪಡೆದರೆ ಮಾತ್ರ ಸೆಮಿಫೈನಲ್​ಗೇರಬಹುದು.

ಸೆಮಿಫೈನಲ್​ನಲ್ಲಿ ಗ್ರೂಪ್-1 ಮತ್ತು ಗ್ರೂಪ್​-2 ನಿಂದ ಎಂಟ್ರಿ ಕೊಡುವ ನಾಲ್ಕು ತಂಡಗಳು ಪರಸ್ಪರ ಸೆಣಸಲಿದೆ. ಅಂದರೆ ಭಾರತ-ಪಾಕಿಸ್ತಾನ್ ಗ್ರೂಪ್​-2 ನಿಂದ ಸೆಮಿಫೈನಲ್ ಪ್ರವೇಶಿಸಿದ ಬಳಿಕ ಗ್ರೂಪ್-1 ತಂಡಗಳ ವಿರುದ್ಧ ಆಡಲಿದೆ. ಈ ಪಂದ್ಯಗಳಲ್ಲೂ ಭಾರತ-ಪಾಕಿಸ್ತಾನ್ ತಂಡಗಳು ಗೆದ್ದು ಫೈನಲ್​ಗೆ ಪ್ರವೇಶಿಸಬೇಕು. ಅಂದರೆ ಮಾತ್ರ ಮತ್ತೊಮ್ಮೆ ಭಾರತ-ಪಾಕಿಸ್ತಾನ್ ಕ್ರಿಕೆಟ್​ ಕದನವನ್ನು ವೀಕ್ಷಿಸಬಹುದು. ಇಲ್ಲದಿದ್ದರೆ ಮುಂದಿನ ವರ್ಷ ನಡೆಯಲಿರುವ ಏಷ್ಯಾಕಪ್​​​ವರೆಗೂ ಕಾಯಲೇಬೇಕಾಗುತ್ತದೆ.