6 ಬಾರಿಯ ವಿಶ್ವ ಚಾಂಪಿಯನ್ ಅಲಿಸಾ ಹೀಲಿ ಸೇರಿದಂತೆ 209 ಆಟಗಾರ್ತಿಯರು ಅನ್ಸೋಲ್ಡ್

WPL 2026 Mega Auction Unsold Player list: ಮಹಿಳಾ ಪ್ರೀಮಿಯರ್ ಲೀಗ್ 2026 ಮೆಗಾ ಹರಾಜಿನಲ್ಲಿ 67 ಆಟಗಾರ್ತಿಯರನ್ನು 40.8 ಕೋಟಿ ರೂ.ಗೆ ಖರೀದಿಸಲಾಯಿತು. ಆದರೂ, ಆಸ್ಟ್ರೇಲಿಯಾದ ಅಲಿಸಾ ಹೀಲಿ, ಭಾರತದ ಉಮಾ ಛೆಟ್ರಿ ಸೇರಿದಂತೆ 209 ಆಟಗಾರ್ತಿಯರು ಮಾರಾಟವಾಗದೆ ಅಚ್ಚರಿ ಮೂಡಿಸಿದರು. ಈ ಹರಾಜಿನಲ್ಲಿ ಭಾರತೀಯ ಆಟಗಾರ್ತಿಯರಿಗೆ ಬೇಡಿಕೆ ಹೆಚ್ಚಿದ್ದರೂ, ಹಲವು ಸ್ಟಾರ್ ಆಟಗಾರ್ತಿಯರು ನಿರೀಕ್ಷೆಗೂ ಮೀರಿ ಅನ್ಸೋಲ್ಡ್ ಆಗಿ ಉಳಿದರು.

Wpl 2026

ಪೃಥ್ವಿಶಂಕರ |
Updated on: Nov 28, 2025 | 3:13 PM

ನವದೆಹಲಿಯಲ್ಲಿ ನಡೆದ ಮಹಿಳಾ ಪ್ರೀಮಿಯರ್ ಲೀಗ್ 2026 ಮೆಗಾ ಹರಾಜಿನಲ್ಲಿ (WPL 2026 Auction) ಒಟ್ಟು ಐದು ತಂಡಗಳು ಬರೋಬ್ಬರಿ 40.8 ಕೋಟಿ ರೂಗಳನ್ನು ಖರ್ಚು ಮಾಡಿ 67 ಆಟಗಾರ್ತಿಯರನ್ನು ಖರೀದಿಸಿವೆ. ಈ ಬಾರಿ ಭಾರತೀಯ ಆಟಗಾರ್ತಿಯರಿಗೆ ಹೆಚ್ಚಿನ ಬೇಡಿಕೆಯಿತ್ತು. ಆದರೆ ಇದರ ಹೊರತಾಗಿಯೂ ಆಶ್ಚರ್ಯಕರವಾಗಿ, ಅನೇಕ ಸ್ಟಾರ್ ಆಟಗಾರ್ತಿಯರು ಮಾರಾಟವಾಗಲಿಲ್ಲ. ಅವರುಗಳಲ್ಲಿ ಪ್ರಮುಖರು ಆಸ್ಟ್ರೇಲಿಯಾದ ಅನುಭವಿ ನಾಯಕಿ ಅಲಿಸಾ ಹೀಲಿ (Alyssa Healy) ಕೂಡ ಒಬ್ಬರು. ಇದಲ್ಲದೆ, ಟೀಂ ಇಂಡಿಯಾ 2025 ರ ಏಕದಿನ ವಿಶ್ವಕಪ್ ಗೆದ್ದ ತಂಡದಲ್ಲಿದ್ದ ಆಟಗಾರ್ತಿಯೂ ಹರಾಜಾಗದೆ ಉಳಿದರು.

209 ಆಟಗಾರ್ತಿಯರು ಅನ್ಸೋಲ್ಡ್

ಈ ಬಾರಿಯ ಮೆಗಾ ಹರಾಜಿನಲ್ಲಿ ಒಟ್ಟು 276 ಆಟಗಾರ್ತಿಯರು ಭಾಗವಹಿಸಿದ್ದರು, ಅದರಲ್ಲಿ 209 ಆಟಗಾರ್ತಿಯರು ಮಾರಾಟವಾಗದೆ ಉಳಿದರು. ಮಾರಾಟವಾಗದ ಆಟಗಾರ್ತಿಯರ ಪಟ್ಟಿಯಲ್ಲಿ ಅಲಿಸಾ ಹೀಲಿ ಅತಿದೊಡ್ಡ ಹೆಸರು. ಮೆಗಾ ಹರಾಜು ಅಲಿಸಾ ಹೀಲಿ ಹೆಸರಿನೊಂದಿಗೆ ಪ್ರಾರಂಭವಾಯಿತು, 50 ಲಕ್ಷ ಮೂಲ ಬೆಲೆಯೊಂದಿಗೆ ಹರಾಗಿಗೆ ಬಂದಿದ್ದ ಹೀಲಿ ಅವರನ್ನು ಯಾವುದೇ ತಂಡವು ಖರೀದಿಸಲಿಲ್ಲ. ಇದು ಎಲ್ಲರಿಗೂ ಆಶ್ಚರ್ಯವನ್ನುಂಟು ಮಾಡಿತು. ಮಾರ್ಕ್ಯೂ ಸೆಟ್‌ನಲ್ಲಿ ಮಾರಾಟವಾಗದೆ ಉಳಿದ ಏಕೈಕ ಆಟಗಾರ್ತಿ ಅವರು.

ಉಮಾ ಛೆಟ್ರಿ ಕೂಡ ಮಾರಾಟವಾಗಲಿಲ್ಲ

ಈ ಬಾರಿ ಭಾರತದ ವಿಕೆಟ್ ಕೀಪರ್-ಬ್ಯಾಟರ್ ಉಮಾ ಛೆಟ್ರಿ ಕೂಡ ಮಾರಾಟವಾಗಲಿಲ್ಲ. 50 ಲಕ್ಷ ಮೂಲ ಬೆಲೆಯೊಂದಿಗೆ ಹರಾಜಿನಲ್ಲಿ ಕಾಣಿಸಿಕೊಂಡಿದ್ದ ಅವರನ್ನು ಯಾವುದೇ ತಂಡ ಖರೀದಿಸುವ ಆಸಕ್ತಿ ತೋರಿಸಲಿಲ್ಲ. ಅಚ್ಚರಿಯ ಸಂಗತಿಯೆಂದರೆ ಉಮಾ ಛೆಟ್ರಿ ಐಸಿಸಿ ವಿಶ್ವಕಪ್‌ಗಾಗಿ ಭಾರತೀಯ ತಂಡದ ಭಾಗವಾಗಿದ್ದರು ಮತ್ತು ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿಯೂ ಆಡಿದ್ದರು. ಇದರ ಹೊರತಾಗಿಯೂ, ಛೆಟ್ರಿ ಮಾರಾಟವಾಗದೆ ಉಳಿದರು. ಕಳೆದ ಸೀಸನ್ನಲ್ಲಿ ಯುಪಿ ವಾರಿಯರ್ಸ್ ತಂಡದ ಭಾಗವಾಗಿದ್ದ ಉಮಾ ಅವರು ಈ ಬಾರಿ ಮಾರಾಟವಾಗದೆ ಉಳಿದರು.

WPL 2026: 4ನೇ ಆವೃತ್ತಿಯ ಮಹಿಳಾ ಪ್ರೀಮಿಯರ್ ಲೀಗ್ ವೇಳಾಪಟ್ಟಿ ಪ್ರಕಟ

ಇಂಗ್ಲೆಂಡ್‌ನ ಮಾಜಿ ನಾಯಕಿ ಹೀದರ್ ನೈಟ್ ಕೂಡ ಈ ಬಾರಿ ಮಾರಾಟವಾಗಲಿಲ್ಲ. ಇವರಲ್ಲದೆ, ಆಸ್ಟ್ರೇಲಿಯಾದ ಸ್ಟಾರ್ ಸ್ಪಿನ್ನರ್ ಅಲಾನಾ ಕಿಂಗ್ ಕೂಡ ಮಾರಾಟವಾಗಲಿಲ್ಲ. ಸ್ಪಿನ್ನರ್‌ಗಳ ಪಟ್ಟಿಯಲ್ಲಿ ಕಿಂಗ್ ದೊಡ್ಡ ಹೆಸರುಗಳಲ್ಲಿ ಒಬ್ಬರಾಗಿದ್ದರು, ಆದರೆ ಯಾವ ತಂಡಕ್ಕೂ ಅವರು ಬೇಕಾಗಲಿಲ್ಲ. ಆಮಿ ಜೋನ್ಸ್, ಇಜ್ಜಿ ಗೇಜ್, ಟ್ಯಾಸ್ಮಿನ್ ಬ್ರಿಟ್ಸ್, ಹೀದರ್ ಗ್ರಹಾಂ ಮತ್ತು ಆಲಿಸ್ ಕ್ಯಾಪ್ಸೆ ಅವರಂತಹ ಆಟಗಾರ್ತಿಯರು ಈ ಬಾರಿ ಹರಾಜಾಗದೆ ಉಳಿದರು.